စစ်ကောင်စီအောက် ပြန်ခိုလှုံသည့် CDM ဗိုလ် မှူးမျိုးမင်းထွန်းကို ပြည်သူ့သစ္စာဖောက်အဖြစ် ကြေညာ

စစ်ကောင်စီအောက် ပြန် ခိုလှုခဲ့သည့် CDM ဗိုလ်မှူးမျိုးမင်းထွန်းကို ပြည်သူ့သစ္စာဖောက်အဖြစ် CDM တပ်မတော်သားများအဖွဲ့ ၅ ခုက ယနေ့ ကြေညာသည်။

CDM စစ်သားများအဖွဲ့ ၅ ခုဖြစ်သည့် ပြည်သူ့ရင်ခွင်၊ ပြည်သူ့ပန်းတိုင်၊ ပြည်သူ့သားကောင်း၊ People’s Soldier Defense Force၊ Breaking Brainwashedက ဗိုလ်မှူးမျိုးမင်းထွန်းသည် CDM ဝင်ချိန်တွင် အစစအရာရာ အဆင်ပြေအောင် ဖန်တီးပေးခဲ့ပြီး တတိယနိုင်ငံသွားရန် အခွင့် အရေးရှိထားခဲ့ကြောင်း၊ သို့ရာတွင် ဇနီးဖြစ်သူ Non -CDM ကျောင်းအုပ်က မပူးပေါင်းဘဲ တော်လှန်ရေးတွင် မပါဝင်ရန် ဗိုလ်မှူးမျိုးမင်းထွန်းကို ကတိတောင်းခဲ့ကြောင်း ထုတ်ပြန်ပြောဆိုသည်။

လက်ရှိ အောက်တိုဘာလ ၅ရက်နေ့တွင် စစ်ကောင်စီလက်အောက်ခံမီဒီယာများနှင့် ဝါဒဖြန့်ချန်နယ်များမှ ဖြန့်ချိခဲ့သော စစ်ကောင်စီ လက် အောက်ခံ ပြန်လည် ခိုလှုံသွားသော ဗိုလ်မှူးမျိုးမင်းထွန်း၏ ထွက်ဆိုချက်များသည် တော်လှန်ရေးအပေါ် ယုံကြည်ချက်မရှိမှု၊ စိတ်ဓာတ်ပျော့ညံမှု၊ အခက်အခဲများကို ရင်ဆိုင်ဖြတ်ကျော်လိုစိတ်မရှိမှုနှင့် ၎င်း၏ အသက်အန္တရာယ်သေဆုံးနိုင်မှုဖြစ်ပေါ်ခဲ့သည့် အခြေအနေတို့ကို ဖုန်းကွယ်ပြီး ပကတိအမှန်တရားများကို မျက်ကွယ်ပြုကာ အမျိုးသားညီညွတ်ရေးအစိုးရ(NUG) နှင့် CDM ထောက်ပံ့ရေးလုပ်ငန်းများကို ဆောင်ရွက်ပေးနေသည့် အဖွဲ့အစည်းများအား ထိုးနှက်တိုက်ခိုက်လိုသည့် ရည်ရွယ်ချက်ဖြင့် အကြမ်းဖက်စစ်ကောင်စီမှ မဟုတ်မမှန်လိမ်လည်ဝါဒဖြန့်ရန် ထွက်ဆိုခြင်းဖြစ်ကြောင်း၊ ဗိုလ်မှူးမျိုးမင်းထွန်းကို CDM တပ်မတော်သားများက ဗိုလ်မှူးမျိုးမင်းထွန်းအား ပြည်သူ့သစ္စာဖောက်အဖြစ် သတ် မှတ်ကြောင်း ကြေညာချက်တွင် ဖော်ပြထားသည်။

ဗိုလ်မှူးမျိုးမင်းထွန်း ဖြစ်စဉ်နှင့်ပက်သတ်၍ အမှန်အတိုင်း သိရှိရန် ပြည်သူနှင့်ပူးပေါင်း ရပ်တည်နေသော မိမိတို့အမာခံအတွင်းလူများ အကူညီဖြင့် ပူးပေါင်းပါဝင်သူအားလုံးတို့ကို စုံစမ်းလျက်ရှိကြောင်း CDM စစ်သားများအဖွဲ့က ဆိုသည်။

CDM လုပ်ပြီးမှ စစ်ကောင်စီထံ ပြန်လည် ခိုလှုံသူ ခမရ (၃၅၁) မှ ယာယီတပ်ရင်းမှူး ဗိုလ်မှူးမျိုးမင်းထွန်းသည် အင်အား ၂၀ ဦးကျော်ခန့်သာ ရှိသောစခန်းတစ်ခုကို ဦးစီးရသူဖြစ်ကြောင်း၊ ထိုစခန်းရှိ အရာရှိ/စစ်သည်များ၏ အခြေအနေမှာ အကြမ်းဖက်စစ်ကောင်စီ၏ခေါင်းဆောင်များအနေဖြင့် အောက်လက်ငယ်သားများ၏ အသက်ကို ပဓာနမထားခြင်း၊ လစ်လျူရှူခြင်း၊ အင်အားဖြည့်တင်းပေးမှုမရှိခြင်း၊ မဆုတ်တမ်းခံစစ်ဖြင့် အသေခံတိုက်ပွဲဝင်စေခြင်း နှင့် ထိခိုက်ကျဆုံးမှုများ ဖြစ်ပေါ်ပါက ထိရောက်စွာ အရေးယူသွားရန် ညွှန်ကြားချက်များ ဆက်တိုက်ထွက်ပေါ်ခဲ့ကြောင်း၊ ဗိုလ်မှူးမျိုးမင်းထွန်းသည် အထက်ပါညွှန်ကြားချက်များအပေါ် ကျေနပ်မှုမရှိခြင်း၊ ၄င်း၏ဆွေမျိုးများရှိရာ ဒီပဲယင်းမြို့နယ်အ တွင်းရှိကျေးရွာများကို အကြမ်းဖက်စစ်ကောင်စီမှ မီးရှို့ဖျက်ဆီးမှုများပြုလုပ်နေသည်ကိုသိရှိလာရခြင်း၊ ၄င်းကိုယ်တိုင် ရင်ဆိုင်တိုက်ပွဲများတွင် အသက်သေဆုံးသွားနိုင်ခြင်း၊ အစရှိသည့် စိုးရိမ်စိတ်များ နှင့် စိတ်ဓာတ်ကျဆင်းမှုများဖြစ်ပေါ်လာခဲ့သည့်အတွက် CDM ပြုလုပ်ရန် ဆက်သွယ်လာခဲ့ကြောင်း၊ ထိုသို့ဆက်သွယ်လာချိန်တွင်ပင် မြန်မာနိုင်ငံပြင်ပ လုံခြုံစိတ်ချရသော နေရာသို့ ပို့ဆောင်ပေးရန် တောင်းဆိုချက်များလည်းပါဝင်ခဲ့သဖြင့် သက်ဆိုင်ရာ အဖွဲ့အစည်းများသည် ၎င်း၏ သဘောဆန္ဒနှင့်အညီ လုံခြုံစွာ ဆောင်ရွက်ပေးခဲ့ကြောင်း သိရှိရသည်။

ဗိုလ်မှူးမျိုးမင်းထွန်းသည် ပြည်သူ့ဘက်သို့ ပူးပေါင်းလာချိန်တွင် ပြည်သူအများ၏ ထောက်ခံအားပေးမှုကို ရရှိခဲ့သည့်အပြင် CDMပြုလုပ်သူ များအနက် အဆင့်မြင့်သူတစ်ဦးဖြစ်သောကြောင့် အဆင့်နှင့်လျော်ညီစွာ နေထိုင်စားသောက်နိုင်ရေးအတွက် CDM-တပ်မတော်သားများ မှ ဆောင်ရွက်ပေးခဲ့သည့်အပြင် အမျိုးသားညီညွတ်ရေးအစိုးရ (NUG) နှင့် ပြည်သူများမှလည်း အခြားလိုအပ်သော ထောက်ပံ့မှုများစွာကို ဖြည့် ဆည်းပေးခဲ့ကြကြောင်း၊ သို့ရာတွင် ဗိုလ်မှူးမျိုးမင်းထွန်း၏ ဇနီးဖြစ်သူသည် အကြမ်းဖက်စစ်ကောင်စီလက်အောက်ခံ ပညာရေးဌာနမှ Non-CDM ဒုတိယကျောင်းအုပ်ဆရာမဖြစ်ပြီး မိသားစုများအား အကြမ်းဖက်စစ်ကောင်စီလက်အောက်မှ လွတ်မြောက်နိုင်ရေးအတွက် CDM တပ် မတော်သားများ မှ ကြိုးစားဆောင်ရွက်ပေးကြသော်လည်း ၄င်းဇနီးဖြစ်သူမှာ လာရောက်လိုခြင်း မရှိခဲ့ကြောင်း သိရှိရသည်။

ဗိုလ်မှူးမျိုးမင်းထွန်း CDM ပြုလုပ်ပြီး ရက်ပိုင်းအတွင်း ၎င်း၏ ဇနီးနှင့် မိသားစုဝင်များကို အကြမ်းဖက်စစ်ကောင်စီမှ ခေါ်ယူစစ်ဆေးမေးမြန်းပြီး ခြိမ်းခြောက်မှုများပြုလုပ်ခဲ့မှုကြောင့် ၄င်းသည် နွေဦးတော်လှန်ရေး၏ မည်သည့်နေရာမှ ပါဝင်ခြင်းမပြုရ ဆိုသည့် ကတိစကားကို ဇနီးဖြစ်သူမှတဆင့် အကြမ်းဖက်စစ်ကောင်စီထံသို့ ပေးခဲ့ရကြောင်း သိရှိရသည်။

ဗိုလ်မှူးမျိုးမင်းထွန်းသည် ပြည်သူ့ပန်းတိုင်နှင့်တွေ့ဆုံဖြေကြားရာတွင် မည်သူတစ်ဦးတစ်ယောက်မျှ ဖိအားပေးမှု မရှိဘဲ ၎င်း၏ သဘောဆန္ဒအ ရ တွေ့ဆုံဖြေကြားချက်များသာဖြစ်ပြီး အမျိုးသားညီညွတ်ရေးအစိုးရ (NUG) ၏ ဖိအားပေးပြောဆိုခိုင်းသည့် ညွှန်ကြားမှုများ မရှိခဲ့သည်ကို ဗို်လ်မှူးမျိုးမင်းထွန်း၏ အင်တာဗျူးအား ပြန်လည်ကြည့်ရှုယုံမျှဖြင့် သိရှိနိုင်မည်ဖြစ်ကြောင်း၊ ဗိုလ်မှူးမျိုးမင်းထွန်းသည် တော်လှန်ရေးအပေါ် ယုံကြည်ချက်၊ ခံယူချက်မရှိသည့်အပြင် တော်လှန်ရေးအင်အားစုများအတွက် ၎င်းသိရှိထားသော ပညာရပ်များနှင့် အတွေ့အကြုံများကို တစ် စုံ တစ်ရာကိုမှ မျှဝေခြင်း မရှိခဲ့သော်လည်း ပြည်သူ့ဘက်သို့ ပူးပေါင်းလာသည့်အတွက် ၎င်း၏ ဘဝလုံခြုံရေးနှင့် လိုအပ်ချက်များအားလုံးကို တတိယနိုင်ငံရောက် CDM တပ်မတော်သားများ၊ ပြည်ပရောက်ပြည်သူများ ပူးပေါင်းဆောင်ရွက်ပေးမှုကြောင့် မကြာမီကာလ အတွင်း တတိ ယ နိုင်ငံသို့ သွားရောက်ရတော့မည့် အခွင့်အရေးကိုလည်း ရရှိထားသူ တစ်ဦးဖြစ်ကြောင်း CDM တပ်မတော်သားများ၏ ထုတ်ပြန်ချက်တွင် ရှင်းပြထားသည်။

CDM တပ်မတော်သားများသည် အမျိုးသားညီညွတ်ရေးအစိုးရ(NUG) နှင့် ပူးပေါင်း၍ တော်လှန်ရေးအောင်မြင်ရေးလမ်းစတစ်ခုဖြစ်သော C DM ကြိုဆိုလက်ခံရေး နှင့် ထောက်ပံ့ရေးလုပ်ငန်းများကို ပြည်သူများ၏ ပံ့ပိုးကူညီမှုများဖြင့် ပိုမိုလုပ်ဆောင်သွားမည်ဖြစ်ကြောင်းနှင့် ဗိုလ်မှူးမျိုးမင်းထွန်း၏ ဖြစ်စဉ်ကို သင်ခန်းစာရယူကာ တော်လှန်ရေးခံယူချက်၊ ယုံကြည်ချက်မရှိသူများ CDM တွင် မပါဝင်လာနိုင်ရေး စနစ်တကျ စိ စစ်ဆောင်ရွက်မည်ဖြစ်ပြီး တော်လှန်ရေးအောင်မြင်နိုင်မှုအတွက် CDM တပ်မတော်သားစစ်စစ်များအနေဖြင့် ပိုမိုကြိုးစားဆောင်ရွက်သွားမည် ဖြစ်ကြောင်း ပြည်သူလူထုထံ အသိပေးကြောင်း ထုတ်ပြန်ထားသည်။ khit thit

ကေအန်ယူတပ်မဟာ ၃ နယ်မြေတွင် တိုက်ပွဲ ၇၀ ကျော်ဖြစ်ပွားပြီး စစ်ကောင်စီတပ်ဖွဲ့ဝင် အယောက် ၈၀ ကျော် သေဆုံး

ကေအန်ယူ ကရင်အမျိုးသားအစည်းအရုံး ကော်သူးလေအုပ်ချုပ်နယ်မြေ၊ ခလယ်လွီထူ (ညောင်လေးပင်) ခရိုင်၊ တပ်မဟာ ၃ နယ်မြေထဲမှာ ပြီးခဲ့တဲ့ စက်တင်ဘာ ၁ လတာအတွင်း တိုက်ပွဲအကြိမ်ရေ ၇၀ ကျော် ဖြစ်ပွားခဲ့ပြီး အကြမ်းဖက်စစ်ကောင်စီတပ်ဘက်က ၈၃ ယောက် သေဆုံးကာ ၈၆ ယောက် ထိခိုက်ဒဏ်ရာရရှိခဲ့တယ်လို့ ထုတ်ပြန်ပါတယ်။

ကရင်အမျိုးသားလွတ်မြောက်ရေးတပ်မတော် (KNLA) တပ်ရင်း ၇၊ တပ်ရင်း ၈၊ တပ်ရင်း ၉ နဲ့ ကရင်အမျိုးသားကာကွယ်ရေးတပ်ဖွဲ့ (KNDO) တပ်ရင်း ၃ တပ်တွေနဲ့ အာဏာသိမ်း အကြမ်းဖက်စစ်ကောင်စီတပ်တွေကြား တိုက်ပွဲတွေ ဖြစ်ပွားခဲ့တာဖြစ်ပြီး  ကရင်အမျိုးသားလွတ်မြောက် ရေးတပ်မတော် (KNLA)၊ ကရင်အမျိုးသားကာကွယ်ရေးတပ်ဖွဲ့ (KNDO) နဲ့ ပြည်သူ့ကာကွယ်ရေးတပ်ဖွဲ့တွေဘက်က ၃ ယောက် ကျဆုံးပြီး ၁၂ ယောက် ထိခိုက်ဒဏ်ရာ ရရှိခဲ့တယ်လို့ ဆိုပါတယ်။

အာဏာသိမ်း အကြမ်းဖက်စစ်ကောင်စီတပ်တွေဟာ စစ်ရေးလှုပ်ရှားမှုတွေနဲ့ လူ့အခွင့်အရေး ချိုးဖောက်မှုတွေကို အမြဲတမ်းပြုလုပ်နေပြီး တပ် မဟာ ၃ လက်အောက်ခံတပ်တွေနဲ့ အခုချိန်ထိတိုင်အောင် နေ့တိုင်း တိုက်ပွဲတွေ ဖြစ်ပွားနေတာ ဖြစ်ပါတယ်။

ဒါ့အပြင် ပြီးခဲ့တဲ့ စက်တင်ဘာ ၇ ရက်ကစပြီး အာဏာသိမ်း အကြမ်းဖက်စစ်ကောင်စီတပ်ရဲ့ တပ်ရင်း ၆ ရင်းဖြစ်တဲ့ ခလရ ၄၈၊ ခမရ ၅၉၀၊ ခမရ ၅၉၉၊ ခမရ ၅၈၂၊ ခမရ ၃၄၉ နဲ့ တပ်မ ၇၇ လက်အောက်ခံ တပ်ရင်းတရင်းတို့က KNLA တပ်ရင်း ၉ နဲ့ KNDO တပ်ရင်း ၃ နယ်မြေတွေကို ရှင်းလင်းဖို့ စစ်ဆင်ရေးချမှတ်ပြီး ထိုးစစ်ဆင်လာခဲ့တာကြောင့် ကရင်အမျိုးသားလွတ်မြောက်ရေးတပ်မတော် (KNLA) တပ်ရင်း ၉၊ ကရင်အမျိုးသားကာကွယ်ရေးတပ်ဖွဲ့ (KNDO) တပ်ရင်း ၃၊ ပြည်သူ့ကာကွယ်ရေးတပ်ဖွဲ့နဲ့ Federal Wings တပ်ဖွဲ့တွေ ပူးပေါင်းပြီး ပြန်လည်တိုက်ခိုက်ခဲ့ကြတာလို့ ထုတ်ပြန်ချက်မှာ ဖော်ပြပါတယ်။

အာဏာသိမ်း အကြမ်းဖက်စစ်ကောင်စီတပ်တွေဟာ တိုက်ပွဲဖြစ်ပွားတဲ့ အချိန်တွေအတွင်း ပြည်သူလူထုနေထိုင်တဲ့ ကျေးရွာတွေအတွင်းကို လက်နက်ကြီးတွေနဲ့ ရည်ရွယ်ချက်ရှိရှိ ပစ်ခတ်တိုက်ခိုက်တာမျိုးတွေ  ပြုလုပ်ရုံသာမက လေကြောင်းကလည်း ၃ ကြိမ်တိုင်တိုင် ပစ်မှတ်ထား တိုက်ခိုက်ခဲ့ကြတယ်လို့ ဆိုပါတယ်။

ဒါ့အပြင် မုန်းမြို့နယ်အတွင်းက ကျေးရွာ ၂ ရွာကိုလည်း အတင်းအဓမ္မ ပြောင်းရွှေ့စေတာတွေ ရွာသား ၁ ယောက်ကို ဖမ်းဆီးခဲ့ပြီး တခြား ၁ ယောက်ကိုလည်း ပစ်သတ်ခဲ့တဲ့အပြင် အာဏာသိမ်း အကြမ်းဖက်စစ်ကောင်စီတပ်တွေ ပစ်ခတ်လိုက်တဲ့ လက်နက်ကြီးကြောင့် ပြည်သူ ၂ ယောက် အသက်ဆုံးရှုံးခဲ့ရပြီး ၃ ယောက် ထိခိုက်ဒဏ်ရာရရှိခဲ့တယ်လို့ ဆိုပါတယ်။

လတ်တလောမှာတော့ အာဏာသိမ်းစစ်အုပ်စုရဲ့ ပြည်သူလူထုအပေါ် အကြမ်းဖက် ဖိနှိပ်ဖမ်းဆီး တိုက်ခိုက်သတ်ဖြတ်နေမှုတွေကို ပြည်သူတရပ်လုံးက အသက်ရှင်သန်ရေး အတွက် ခုခံကာကွယ်ပိုင်ခွင့်အရ ပြည်သူ့ခုခံစစ်ကို ဆင်နွှဲနေကြပြီး နိုင်ငံတဝန်းမှာတော့ မြန်မာပြည်သူတွေဟာ စစ်အာဏာရှင်စနစ် မြန်မာ့မြေပေါ်မှ အပြီးတိုင်ချုပ်ငြိမ်းရေးနဲ့ ဖက်ဒရယ်ဒီမိုကရေစီ တည်ဆောက်ရေးအတွက် ငြိမ်းချမ်းစွာဆန္ဒပြတဲ့ လူထုသပိတ်တိုက်ပွဲတွေ တိုင်းဒေသကြီးနဲ့ ပြည်နယ်တွေအနှံ့အပြား ပြုလုပ်နေကြသလို ဒေသခံ ပြည်သူ့ကာကွယ်ရေးတပ်တွေ၊ တိုင်းရင်းသား လက်နက်ကိုင်တပ်တွေနဲ့ စစ်ကောင်စီတပ်တွေကြား တိုက်ပွဲတွေ ပြင်းထန်နေပါတယ်။

NUG အစိုးရကတော့ ပြည်သူ့ခုခံတွန်းလှန်စစ်ပွဲ စတင်ခဲ့တဲ့ ၁ နှစ်အတွင်း အကြမ်းဖက် စစ်ကောင်စီဘက်က တပ်ဖွဲ့ဝင်ပေါင်း ၂၀,၁၅၀ ကျော်သေဆုံးကာ ဒဏ်ရာရသူ ၇,၀၀၀ ကျော်လောက်ရှိလာပြီး စစ်ကောင်စီ စိုးမိုးအုပ်ချုပ်နိုင်တဲ့နေရာဟာ တိုင်းပြည် နယ်မြေအကျယ်အဝန်းရဲ့ ထက်ဝက်တောင် မရှိတော့ဘူးလို့ NUG ယာယီသမ္မတ ဒူဝါလရှီးလက ပြောကြားထားပါတယ်။

မြန်မာပြည်အနှံ့ တိုက်ပွဲတွေမှာ တပ်ဖွဲ့ဝင်တွေ သေဆုံးဒဏ်ရာရမှု အခြေအနေနဲ့ ပတ်သက်လို့ အကြမ်းဖက် စစ်ကောင်စီဘက်ကတော့ သ တင်းထုတ်ပြန်တာ မရှိပါဘူး။

ဒါ့အပြင် စစ်ကောင်စီရဲ့ အဆိုးဆုံး အကြမ်းဖက်တာခံခဲ့ရတဲ့ စစ်ကိုင်းတိုင်းနဲ့ မကွေးတိုင်းထဲက မြန်မာပြည်အထက်ပိုင်း လမ်းပိုင်းတွေရဲ့ ၉၀ ရာခိုင်နှုန်းကို PDF တွေက ထိန်းချုပ်ထားနိုင်ပြီလို့ NUG အစိုးရက ပြီးခဲ့တဲ့ ဇွန် ၂၁ ရက်နေ့ သတင်းစာရှင်းလင်းပွဲမှာ ပြောထားပြီး လက်ရှိ မြေ ပြင်မှာ အကြမ်းဖက်ခံနေရတဲ့ ကျေးရွာတွေဟာ စစ်ကောင်စီနဲ့ PDF တွေ နှစ်ဖက်စလုံး မထိန်းချုပ်နိုင်သေးတဲ့ ကြားနယ်မြေတွေ ဖြစ်တယ်လို့ ဆိုပါတယ်။ DVB

ရိုဟင်ဂျာ နေရပ်ပြန်ရေး ပူးပေါင်းဆောင်ရွက်ရန် ပျက်ကွက်မှု မြန်မာစစ်ကောင်စီကို ဘင်္ဂလားဒေ့ရှ် ဝေဖန်

ရိုဟင်ဂျာ ဒုက္ခသည်များ အေးချမ်းစွာ နေရပ်ပြန်နိုင်ရေး ဒေသတွင်းနှင့် နိုင်ငံတကာ ကြိုးပမ်းအားထုတ်မှုများတွင် မြန်မာအာဏာသိမ်းစစ်ကောင်စီက ပူးပေါင်းဆောင်ရွက်ရန် ငြင်းဆန်နေဟု ဘင်္ဂလားဒေ့ရှ် ဝန်ကြီးချုပ် ရှိတ် ဟာဆီနာက အောက်တိုဘာ ၆ ရက်တွင် ပြင်းပြင်း ထန်ထန် ဝေဖန်လိုက်သည်။

ဘင်္ဂလားဒေ့ရှ် ဝန်ကြီးချုပ်သည် ကုလသမဂ္ဂ အထွေထွေညီလာခံ အစည်းအဝေး တက်ရောက်ရန် မကြာသေးခင်က အမေရိကန်သို့ သွား ရောက်ခဲ့မှုနှင့်ပတ်သက်ပြီး အလေးပေး ပြောကြားရန် ဒါကာမြို့၌ ပြုလုပ်သည့် သတင်းမီဒီယာရှင်းလင်းပွဲတစ်ခုအတွင်း အထက်ပါအတိုင်း စွပ်စွဲသွားခဲ့ခြင်း ဖြစ်သည်။

“ရိုဟင်ဂျာတွေ သူတို့ရဲ့ မူလနိုင်ငံဆီ ဘေးကင်းစွာနဲ့ သိက္ခာရှိစွာ နေရပ်ပြန်သွားနိုင်ရေးအတွက် နှစ်ဦးနှစ်ဖက်၊ သုံးဦးသုံးဖလှယ်နဲ့ ဘက်ပေါင်းစုံ ပါဝင်တဲ့ ကြိုးပမ်းမှုတွေကို ဘင်္ဂလားဒေ့ရှ်အနေနဲ့ လုပ်ဆောင်ထားခဲ့ပါတယ်။ ဒါပေမယ့် မြန်မာတာဝန်ရှိသူတွေဘက်က နိုင်ငံရေး စိတ်ဆန္ဒ ကင်းမဲ့နေတာကြောင့် ရိုဟင်ဂျာ နေရပ်ပြန်ရေးကို ခုထက်ထိ မစတင်နိုင်သေးပါဘူး” ဟု ဟာဆီနာက စာဖြင့်ရေးထားသော မိန့်ခွန်းတစ်ခုတွင် ပြောသည်။

ဘင်္ဂလားဒေ့ရှ်သည် လက်ရှိတွင် နိုင်ငံ၏ တောင်ဘက် ခရီးသွားအချက်အချာ၊ နယ်စပ်ခရိုင်တစ်ခုဖြစ်သည့် ကော့ဇ်ဘဇားရှိ ကြီးမားသည့် တောင်ကုန်းသစ်တောဆိုဒ်နေရာတစ်ခုရှိ လူပြည့်ကျပ်နေသော ကမ့်စခန်း ၃၄ ခုတွင် ဖိနှိပ်ခံ ရိုဟင်ဂျာ ၁ ဒသမ ၂ သန်းကျော်ကို လက်ခံနေရာပေးထားရသည်။ အဆိုပါ ရိုဟင်ဂျာများသည် ၂၀၁၇ ခုနှစ် ဩဂုတ်လက မြန်မာနိုင်ငံ ရခိုင်ပြည်နယ်၌ စစ်တပ်၏ လူမဆန်ရက်စက်သော ဖြိုခွင်းမှုကြောင့် ဘင်္ဂလားဒေ့ရှ်ဘက် ထွက်ပြေးခဲ့ကြရသူများ ဖြစ်သည်။

“ဘင်္ဂလားဒေ့ရှ်ဟာ အတင်းအကျပ် နေရပ်စွန့်ခွာခဲ့ကြရတဲ့ ရိုဟင်ဂျာ ၁ ဒသမ ၁ သန်းကျော်ကို လက်ခံနေရာပေးထားရတာဟာ ငါးနှစ်လောက် ရှိသွားပါပြီ။ မိမိတို့ဟာ ဖိနှိပ်ခံလူသားတွေကို လူသားချင်းစာနာမှု အကြောင်းရင်းတွေကြောင့် ခိုလှုံခွင့် ထောက်ပံ့ပေးထားပါတယ်” ဟု ဟာဆီနာက ပြောသည်။

ရိုဟင်ဂျာများ အေးအေးချမ်းချမ်း၊ သိက္ခာရှိရှိ နေရပ်ပြန်နိုင်ရေးအလို့ငှာ ရခိုင်ပြည်နယ်၌ သင့်တော်သည့် ဝန်းကျင်တစ်ခု ဖန်တီးရေး ဗုဒ္ဓဘာ သာဝင် အများစုရှိရာ မြန်မာနိုင်ငံအပေါ် ထိရောက်စွာ ဖိအားပေးရေး မိမိအနေဖြင့် ကုလသမဂ္ဂကို တိုက်တွန်းတောင်းဆိုထားကြောင်း ဘင်္ဂလားဒေ့ရှ် ဝန်ကြီးချုပ်က ပြီးခဲ့သည့် စက်တင်ဘာလတွင် ပြုလုပ်သည့် ၇၇ ကြိမ်မြောက် ကုလအထွေထွေညီလာခံ၌ ပြောကြားသည့် သူမ၏ မိန့်ခွန်းကို ရည်ညွှန်း ပြောဆိုသွားခဲ့သည်။ mizzima

စစ်တပ် အကြမ်းဖက်သတ်ဖြတ်မှုကြောင့် ကျဆုံးပြည်သူ ၂,၃၄၀ နီးပါးထိရှိဟု အေအေပီပီ ထုတ်ပြန်

မြန်မာနိုင်ငံမှာ အာဏာသိမ်း ၁ နှစ်ခွဲကျော်အကြာ စစ်ကောင်စီတပ်တွေ အကြမ်းဖက် ပစ်ခတ်သတ်ဖြတ်မှုတွေကြောင့် နိုင်ငံတဝန်း အပြစ်မဲ့ကျဆုံးပြည်သူ ၂,၃၃၈ ယောက်နဲ့ ဖမ်းဆီးထိန်းသိမ်းခံရသူပေါင်း ၁၅,၇၇၀ ယောက်ထိရှိပြီလို့ နိုင်ငံရေးအကျဉ်းသားများ ကူညီစောင့်ရှောက်ရေးအသင်း (အေအေပီပီ) က ထုတ်ပြန်ပါတယ်။

ဒီစာရင်းဟာ ပြီးခဲ့တဲ့ ၂၀၂၁ ခုနှစ်၊ ဖေဖော်ဝါရီ ၁ ရက်မှ ၂၀၂၂ ခုနှစ်၊ အောက်တိုဘာ ၆ ရက်အထိ အေအေပီပီက ကောက်ယူမှတ်တမ်းပြုစုထားတာဖြစ်ပြီး အမှန်တကယ် ကျဆုံးသူတွေဟာ ဒီထက်ပိုနိုင်တယ်လို့ ဖော်ပြပါတယ်။

နွေဦးတော်လှန်ရေးကာလအတွင်း ဒီနေ့အထိ ၁၂,၅၇၆ ယောက် လက်ရှိ ချုပ်နှောင်ခံထားရဆဲဖြစ်ပြီး အဲဒီထဲက ၁,၅၀၅ ယောက်ကတော့ ထောင်ဒဏ် ချမှတ်ခံထားရပါတယ်။

တော်လှန်ရေးနဲ့ဆက်စပ်ပြီး သေဒဏ်ချမှတ်ခံထားရကာ အကျဉ်းထောင်တွေထဲ ထိန်းသိမ်းခံနေရသူ အရေတွက်ကတော့ ၈၄ ယောက်ရှိနေပြီး မျက်ကွယ် သေဒဏ်ချမှတ်ခံထားရသူ ၄၂ ယောက် အပါအဝင် ၁၂၁ ယောက်ကတော့ မျက်ကွယ်ပြစ်ဒဏ် ချမှတ်ခံထားရတာကြောင့် သေဒဏ်ချမှတ်ခံထားရသူ စုစုပေါင်း ၁၂၆ ယောက် ရှိလာခဲ့ပြီ ဖြစ်ပါတယ်။

လတ်တလောအချိန်ထိ အာမခံနဲ့လွတ်မြောက်သူ ၂၂ ယောက်ရှိပြီး ပြန်လည်လွတ်မြောက်လာသူ ဦးရေကတော့ ၃,၁၇၂ ယောက် ရှိခဲ့တယ်လို့ ဆိုပါတယ်။ ဒါ့အပြင် အေအေပီပီကနေ လက်လှမ်းမီသမျှ မှတ်တမ်းပြုစုထားချက်အရ အာဏာသိမ်းချိန်ကနေ ပြီးခဲ့တဲ့ စက်တင်ဘာလကုန်ထိ အကြမ်းဖက်စစ်အုပ်စုက မတရား ချိပ်ပိတ်သိမ်းဆည်းခဲ့တဲ့ နေအိမ်၊ အဆောက်အဦ အရေအတွက် စုစုပေါင်း ၇၈၀ ခုထက်မနည်း ရှိခဲ့တယ်လို့ ဆိုပါတယ်။

တနင်္သာရီတိုင်း၊ ထားဝယ်အကျဉ်းထောင်တွင်း ပြစ်ဒဏ်ချမှတ်ခံထားရတဲ့ နိုင်ငံရေးအကျဉ်းသား ၄ ယောက်ဖြစ်ကြတဲ့ ကိုထွန်းဦး၊ ကိုရာဇာထွန်း၊ ကိုမြတ်ကျော်သူနဲ့ ကိုမင်းဆက်မှူးတို့ကို ထားဝယ်ခရိုင်တရားရုံးက အကြမ်းဖက်မှုတိုက်ဖျက်ရေးဥပဒေ ပုဒ်မ ၅၀(ည)၊ ပုဒ်မ ၅၄၊ ရာဇ သတ်ကြီးပုဒ်မ ၃၀၂/၃၂ တို့နဲ့ ထပ်တိုးထောင်ဒဏ် နှစ် ၂၀ စီ ကျခံစေဖို့ ပြီးခဲ့တဲ့ အောက်တိုဘာ ၅ ရက်မှာ အမိန့်ချမှတ်ခဲ့တယ်လို့ သိရပါတယ်။ သူတို့ ၄ ယောက်ဟာ ထောင်ဒဏ် ၂၆ နှစ်၊ ထောင်ဒဏ် ၂၁ နှစ်၊ ထောင်ဒဏ် ၉ နှစ်နဲ့ ထောင်ဒဏ် ၈ နှစ်စီ အသီးသီး ချမှတ်ခံထားရပြီးဖြစ်တယ်လို့ ဆိုပါတယ်။

ဒါ့အပြင် ထားဝယ်အကျဉ်းထောင်တွင်း ပြစ်ဒဏ်ချမှတ်ခံထားရတဲ့ နိုင်ငံရေးအကျဉ်းသား ၆ ယောက်ဖြစ်ကြတဲ့ ကိုစိုင်းမင်းသူ၊ ကိုသက်ပိုင်ဦး၊ ကိုဆောင်းယုထွန်း၊ ကိုလင်းထက်ကိုကို၊ ကိုအောင်အောင်လတ်နဲ့ ကိုအောင်အောင်တို့ကိုလည်း ထပ်တိုးထောင်ဒဏ်  ၁၀ နှစ်စီ ကျခံစေဖို့ အဲဒီနေ့မှာပဲ အမိန့်ချမှတ်ခဲ့တယ်လို့ ဆိုပါတယ်။ သူတို့ ၆ ယောက်ဟာလည်း ထောင်ဒဏ် ၂၁ နှစ်၊ ထောင်ဒဏ် ၉ နှစ်၊ ထောင်ဒဏ် ၃ နှစ်နဲ့ ထောင် ဒဏ် ၂ နှစ်စီ အသီးသီး ချမှတ်ခံထားရပြီး ဖြစ်တယ်လို့ သိရပါတယ်။

အရပ်ဘက်အဖွဲ့အစည်းတွေက ခေါင်းဆောင်တွေ၊ အရပ်သားတွေ၊ တက်ကြွလှုပ်ရှားသူတွေ၊ သတင်းသမားတွေ၊ CDM လှုပ်ရှားနေတဲ့ ဝန် ထမ်းတွေ စတဲ့ နယ်ပယ်အသီးသီးမှ ဘယ်သူမဆို ဖမ်းဆီးထိန်းသိမ်း၊ တရားစွဲဆိုခံထားရတာတွေနဲ့ ပတ်သက်လို့ နွေဦးတော်လှန်ရေး ကာလအတွင်း ကျဆုံးသွားသူတွေရဲ့ အချက်အလက်တွေကို သိရှိပါက အေအေပီပီကို ဆက်သွယ်အသိပေး အကြောင်းကြားနိုင်ပါတယ်။

ဒါ့အပြင် ကျဆုံးအချက်အလက်တွေကို ဖော်ပြပါ fatality-data@aappb.org အီးမေးလ်နဲ့ အဖမ်းအဆီး အချက်အလက်တွေကို detention-data@aappb.org အီးမေးလ်တွေဆီလည်း တိုက်ရိုက်ပေးပို့ ဆက်သွယ်အကြောင်းကြားနိုင်ကြောင်း အသိပေးထားပါတယ်။ DVB

မြိတ်မြို့ လသာကျေးရွာ ဖုန်းတာဝါတိုင်အနီး နွားကျောင်းနေသည့် ဒေသခံ ၂ ဦးကို စစ်ကောင်စီ တပ်ဖွဲ့က ချောင်းမြောင်းပစ်ခတ်

တနင်္သာရီတိုင်း၊ မြိတ်မြို့မှာ ယမန်နေ့ အောက်တိုဘာလ ၆ ရက်နေ့ ညနေ ၅ နာရီဝန်းကျင် အချိန်၌ တုံးဗျောကျေးရွာအုပ်စုရှိ လသာကျေးရွာ ဖုန်းတာဝါတိုင်အနီး နွားကျောင်းနေသည့် ဒေသခံ အမျိုးသား နှစ်ဦးကို သေနတ်ဖြင့် စစ်ကောင်စီက ချောင်းမြောင်း ပစ်ခတ်မှု ခံခဲ့ရကြောင်း ဒေသခံများထံမှ သိရသည်။

တုံးဗျောကျေးရွာနေ ဒေသခံ တစ်ဦးက“နွားကျောင်းဆင်းနေတဲ့ ရွာသား နှစ်ယောက်ကို စစ်တပ် ကင်းပုန်းဝပ်ပြီး သေနတ်နဲ့ ပစ်တာပါ ၁၀ ချက်နီးပါးလောက် ရှိတယ် ပစ်တာ၊ ဘာကြောင့် ပစ်တာမှန်း မသိရဘူး”ဟု ပြော သည်။

ထိုသို့ စစ်ကောင်စီက ဒေသခံ နှစ်ဦးကို အကြောင်းမဲ့ ပစ်ခတ်မှုကြောင့် ထိခိုက် ဒဏ်ရာရရှိတာမျိုးတော့ မရှိကြောင်း သိရသည်။ mizzima

ရေးမြို့နယ်က စစ်ကောင်စီအမြောက်တပ် ကင်း ဂိတ် ပစ်ခတ်တိုက်ခိုက်ခံရ

မွန်ပြည်နယ်၊ ရေးမြို့နယ်ရှိ အမြောက်တပ် အမှတ် ၃၁၆ ကင်းဂိတ်ကို အောက်တိုဘာ ၆ ရက် မနက်ပိုင်းက ၄၀၀ မမနဲ့ ပစ်ခတ်တိုက်ခိုက်ခဲ့တယ်လို့ MSRO မှ တာဝန်ရှိသူက ပြောပါတယ်။

“စစ်တပ်ဘက်ကတော့ အထိအခိုက် အကျအဆုံး ရှိနိုင်တယ်။ လောလောဆယ်တော့ အတိအကျ မသိသေးဘူး။ ကင်းဂိတ်ထဲကို တချက်ပဲ ပစ်ခတ်ခဲ့တယ်။”

အဆိုပါ အမြောက်တပ် အမှတ် ၃၁၆ ကင်းဂိတ်ကို လက်နက်ငယ်တွေနဲ့ ထပ်မံပစ်ခတ်ဖို့ ကြိုးစားခဲ့ပေမဲ့ စစ်ကောင်စီတပ်ဘက်ကလို့ ယူဆရတဲ့ ကားတစီးကြောင့် ဖျက်သိမ်းခဲ့ရပြီး အထိအခိုက်မရှိ ပြန်လည်ဆုတ်ခွာနိုင်ခဲ့တယ်လို့ အဆိုပါပစ်ခတ်အထဲမှာ ပါဝင်သူက ပြောပါတယ်။

အဆိုပါတိုက်ခိုက်မှုကို MSRO အဖွဲ့က လုပ်ဆောင်တာဖြစ်ပြီး စစ်ကောင်စီတပ်ဘက်ကတော့ သတင်းမထုတ်ပြန်သေးပါဘူး။

ပြီးခဲ့တဲ့ ၂၀၂၁ ခုနှစ် ဧပြီ ၈ ရက်နေ့ကလည်း အဆိုပါအမြောက်တပ်ရင်းက မာန်အောင်ကျေးရွာအတွင်းကို လက်နက်ကြီးနဲ့ ၆ ချက် ပစ်ခတ်ခဲ့တာကြောင့် ဘုန်းကြီးကျောင်းနဲ့ လူနေအိမ်တွေပါ ထိခိုက်ပျက်စီးခဲ့ပါတယ်။ DVB

ချောင်းဦးမြို့နယ်၊ ခင်မွန်ရွာကို စစ်တပ်က မီး ရှို့ ဖျက်ဆီးပြီး ပြည်သူ ၄၀၀ ခန့် ရိုက်နှက်ညှဉ်း ပန်း နှိပ်စက် ဖမ်းဆီးထား

စစ်ကိုင်းတိုင်း ချောင်းဦးမြို့နယ် ခင်မွန်ရွာကို အကြမ်းဖက် စစ်တပ်က မီးရှို့ဖျက်ဆီးလိုက်ပြီး ပြည်သူ ၄၀၀ ခန့် ရိုက်နှက်ညှဉ်းပန်း နှိပ်စက် ဖမ်း ဆီးထားကြောင်း ဒေသခံများက ရန်ကုန်ခေတ်သစ်သတင်းဌာနထံသို့ ပြောဆိုသည်။

အကြမ်းဖက် စစ်တပ် စစ်ကြောင်းသည် ခင်မွန်ရွာကို အောက်တိုဘာလ ၆ ရက်နေ့ မွန်းလွဲ ၁ နာရီခန့်က စတင်ကာ ဝင်ရောက် စီးနင်းခဲ့ပြီး ဒေ သခံပြည်သူ ၄၀၀ ခန့်ကို ခင်မွန်ရွာ မင်းကျောင်းနှင့် ချမ်းသာကြီးကျောင်းတိုက်တို့တွင် နှစ်ဖွဲ့ခွဲကာ ဖမ်းဆီးထားကြောင်း သိရသည်။

” ခင်မွန်ရွာက ပြည်သူ ၄၀၀ လောက်ကို စစ်ခွေးတွေ မင်းကျောင်းနဲ့ ချမ်းသာကြီး ကျောင်းတိုက်ထဲမှာ ၂ ဖွဲ့ခွဲပြီး ဖမ်း ထားတယ်။ စစ်ခွေး အင် အားက ၅၀ လောက်ရှိတယ်။ ရွာထဲမှာရှိတဲ့ NLD ပါတီ ထောက်ခံသူတွေရဲ့ နေအိမ် ၅ လုံးကျော် မီးရှို့ဖျက်ဆီးခံထားရတယ်” ဟု ဒေသခံ ပြည်သူ တစ်ဦးကပြောဆိုသည်။

အကြမ်းဖက်စစ်တပ်က ချောင်းဦး၊ ခင်ဦး၊ မုံရွာ ၊ တန့်ဆည် အပါအဝင် စစ်ကိုင်းတိုင်းအတွင်းမှ မြို့နယ်၊ မကွေးတိုင်း အတွင်းမှ မြို့နယ်တွင် နယ်မြေရှင်းလင်းခေါင်းစဉ်တပ်၍ ကျေးရွာများကို မီးရှို့ဖျက်ဆီးခြင်း၊ ပြည်သူများကို ဖမ်းဆီး သတ်ဖြတ်ခြင်းများ ဆက်တိုက်ဆိုသလို လုပ် ဆောင်လျက်ရှိကြောင်း ဒေသခံများက ရန်ကုန်ခေတ်သစ်သတင်းဌာနထံသို့ ပြောဆိုကြသည်။ khit thit

မြောင်မြို့နယ်တွင် စစ်တပ်ထောင်ထားခဲ့သည့် မိုင်းနင်းမိပြီး အမျိုးသမီး ၁ ဦး သေဆုံး

စစ်ကိုင်းတိုင်း၊ မြောင်မြို့နယ် မင်းလှကျေးရွာမှာ အောက်တိုဘာ ၆ ရက် မနက် ၅ နာရီလောက်က အမျိုးသမီးတယောက် မိုင်းနင်းမိပြီး သေဆုံးသွားပါတယ်။

အဲ့ဒီနင်းမိုင်းဟာ ပြီးခဲ့တဲ့ ဩဂုတ် ၄ ရက်က မင်းလှကျေးရွာကို စစ်ကောင်စီတပ်ဖွဲ့ စစ်ကြောင်းထိုးစဉ် မီးဖိုချောင်အတွင်း ထောင်သွားခဲ့တဲ့မိုင်းဖြစ်တယ်လို့ ဒေသခံတွေက ဆိုပါတယ်။

ဒေသခံတယောက်က “စစ်ကောင်စီတပ်ဖွဲ့ ရွာကို စစ်ကြောင်းဝင်လာတုန်းက ‌ကျနော်တို့ ရွာထဲမှာရှိတဲ့လူတွေ ပြေးကြတဲ့အချိန် ထောင်ထားခဲ့တဲ့ နင်းမိုင်းပါ။ ကံဆိုးချင်တော့ ဒီနေ့မှ သွားနင်းမိတာ။ သေဆုံးသူက မနက် ချက်ပြုတ်လုပ်ကိုင်နေရင်း နင်းမိတာပါ။ ဒေသခံတွေလည်း ရွာထဲ သွားရလာရတာတင်မကဘူး၊ ကိုယ့်အိမ်ထဲ ကိုယ်နေရတာတောင် စိုးရိမ်နေကြရပြီ” လို့ ပြောပါတယ်။

သေဆုံးသွားသူဟာ အသက် ၆၀ အရွယ် ဒေါ်တင်စန်း ဆိုသူဖြစ်တယ်လို့ သိရပြီး မိုင်းနင်းမိပြီး နေရာမှာတင် သေဆုံးခဲ့တာဖြစ်ပါတယ်။

ပြီးခဲ့တဲ့ စက်တင်ဘာ ၅ ရက်ကလည်း မြောင်မြို့နယ် ဆင်လှောင်ကျေးရွာက စစ်ဘေးရှောင်ပြည်သူတွေ ခိုလှုံလေ့ရှိတဲ့ ဘုန်းကြီးကျောင်းမှာ စစ်ကောင်စီတပ်ဖွဲ့က နင်းမိုင်း ၃ လုံး ထောင်သွားတဲ့အတွက် ဒေသကာကွယ်ရေးအဖွဲ့က သွားရောက် ရှင်းလင်းပေးခဲ့ရတယ်လို့ သိရပါတယ်။ DVB

« Older Entries