SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS

ဒီနေ့ နေ့လည်ပိုင်းက ဖျာပုံမြို့သပိတ်စစ်ကြောင်းအတွင်း ဖမ်းဆီးထားသူတွေကို ပြန်လွှတ်ပေးဖို့ တောင်းဆို ဆန္ဒပြသူတွေကို လက်နက်ကိုင်ရဲတွေက ပစ်ခတ်ဖြိုခွင်းမှုအတွင်း အမျိုးသားတစ်ဦး ကျဆုံးခဲ့ပါတယ်။

ဖျာပုံမြို့၊ အမှတ်(၁၅)ရပ်ကွက်၊ အောင်သပြေ(၄) လမ်းနေ မောင်သီဟဦး (၃၀)နှစ်ဟာ ပစ်ခတ်မှုကြောင့် ဝမ်းဗိုက်ထိမှန်ပြီး သေဆုံးခဲ့တာပါ။သူ့ရဲ့ ဇနီးနဲ့ ၆ အရွယ် သမီး၊ ၁နှစ်ကျော်သာရှိသေးတဲ့ သားတစ်ဦး ကျန်ခဲ့တယ်လို့ ဖခင်ဖြစ်သူထံကသိရပါတယ်။

သူဟာ ဆေးခန်းအရောက်မှာအသက်ပါမလာခဲ့ပါဘူး ခွဲစိတ်စစ်ဆေးမှုတော့ မလုပ်လိုက်ရတဲ့အတွက် ကျည်အစစ်လား ရာဘာကျည်လားဆိုတာ အတိအကျပြောလို့မရဘူးလို့ စစ်ဆေးပေးတဲ့ ဆရာဝန်တစ်ဦးကပြောပါတယ်။ဖျာပုံသပိတ်စစ်ကြောင်းကို ဖြိုခွဲခံရမှုကြောင့် လက်ရှိအချိန်ထိ သေဆုံးသူတစ်ဦးနဲ့ ထိခိုက်ဒဏ်ရာရသူ ၆ ဦးရှိခဲ့ပါတယ်။ Delta News Agency

မန္တလေးမြို့ ၅၇လမ်းနဲ့ မနော်ဟရီလမ်းထောင့်မှာ မနက်၁၀နာရီဝန်းကျင်စစ်တပ်ကားက လမ်းပေါ်သွားလာနေတဲ့ဆိုင်ကယ်တွေကို တိုက်သွားတာကြောင့် အမျိုးသမီးတစ်ဦးအပါအဝင် အမျိုးသားနှစ်ဦး ဒဏ်ရာရရှိခဲ့ကြောင်းသိရသည်။

ယာဥ်တိုက်မှုမှာ သုံးဦးလုံး အပြင်းအထန်ဒဏ်ရာရရှိခဲ့ပြီးလက်ရှိအချိန်မှာ သုံးဦးလုံးကို အရေးပေါ်ပို့ကာကုသပေးနေကြောင်းသိရသည်။”အရှိန်နဲ့မောင်းလာပြီး နောက်ကနေဝင်တိုက်သွားတာ။တိုက်ပြီးကားပေါ်ကတောင်ဆင်းကြည့်သွားသေးတယ်”ဟု မျက်မြင်တွေ့ရှိခဲ့သူတစ်ဦးကပြောသည်။

မနက်ပိုင်းကတည်းက မန္တလေးမြို့ ချမ်းမြသာစည်မြို့နယ်နှင့်ပြည်ကြီးတံခွန်မြို့နယ်အတွင်း လှည့်လည်နေသည့် စစ်ကားများဟာ ရပ်ကွက်တချို့မှာနေအိမ်တွေကိုလေးခွနဲ့ပစ်တာရလမ်းပေါ်မှာအရှိန်ပြင်းစွာမောင်းနှင်မှုနှင့် ပြည်သူများလမ်းပိတ်ထားသည့်အတားအဆီးများကို ဖယ်ရှားခြင်းများပြုလုပ်ခဲ့သေးသည်။ mizzima