CDM ပြုလုပ်ရန် ဒေါက်တာဇော်ဝေစိုးဆိုပြီးနောက် တရုတ်နိုင်ငံသို့ သဘာဝဓာတ်ငွေ့ တင်ပို့ ရောင်းချနေသော ရွှေသဘာဝဓာတ်ငွေ့စီမံကိန်းမှ မြန်မာကျွမ်းကျင်ဝန်ထမ်းများ အလုပ်မဆင်းတော့ ကြောင်း သိရသည်
တရုတ်နိုင်ငံသို့ သဘာဝဓာတ်ငွေ့တင်ပို့ရောင်းချနေသော ရခိုင်ကမ်းလွန်ရှိ ရွှေသဘာဝဓာတ်ငွေ့စီမံကိန်း တွင် တာဝန်ထမ်းဆောင်နေသည့် မြန်မာနိုင်ငံသားကျွမ်းကျင်လုပ်သားအားလုံးသည် မတ် ၁၅ ရက်မှ စတင်ပြီး အလုပ်မဆင်းတော့ကြောင်း သိရသည်။
ရွှေသဘာဝဓာတ်ငွေ့စီမံကိန်း ကမ်းလွန်ရေနံစဉ်တွင် မြန်မာလုပ်သား ၆၀ ကျော်ရှိပြီး ဝန်ထမ်းအားလုံး မလုပ်မဆင်းတော့ခြင်းဖြစ်ကြောင်း ဝန်ထမ်းများ ကပြောသည်။
“Posco ကမ်းလွန်ရေနံစင်ပေါ်က မြန်မာအလုပ်သမားတွေ ယနေ့ လုပ်ငန်းခွင်ကို ကျောခိုင်းကာ အိမ်ကို ပြန်လာကြပါပြီ”ဟု ဝန်ထမ်းတစ်ဦးက မတ် ၁၅ ရက်တွင် ၎င်း၏ လူမူကွန်ယက်တွင် ရေးသားခဲ့သည်။
ရွှေသဘာဝဓာတ်ငွေ့စီမံကိန်းတွင် ကိုရီးယားကုမ္ပဏီ POSCO ကရှယ်ယာ ၅၁ ရာခိုင်နှုန်း ပိုင်ဆိုင်ထားပြီး ကိုရီးယားဂက်စ် ကော်ပိုရေးရှင်း၊ အိန္ဒိယအစိုးရပိုင် ရေနံနှင့် သဘာဝဓာတ်ငွေ့ ကော်ပိုရေးရှင်း၊ အိန္ဒိယနိုင်ငံမှ Gail ကုမ္ပဏီနှင့် မြန်မာ့ရေနံနှင့် သဘာဝဓာတ်ငွေ့ လုပ်ငန်း (MOGE) တို့ အချိုးကျ ပါဝင် ရင်းနှီးမြှုပ်နှံထားသည်။
နိုင်ငံအတွင်း အရေးပေါ်အခြေနေကြေငြာထားခြင်းကြောင့် ဝန်ထမ်းများ ဆက်လက်အလုပ်မဆင်းလို၍ လစာမဲ့ခွင့်ယူခြင်းဖြစ်သည်ဟု ရွှေသဘာဝဓာတ်ငွေ့စီမံကိန်းမှ ဝန်ထမ်းတစ်ဦးက ဆိုသည်။
“ကျွန်တော်တို့က နိုင်ငံမှာ အခုလို နိုင်ငံရေးပြသနာတွေဖြစ်နေတဲ့ အချိန်မှာ အလုပ်ကို မဆင်းချင်ဘူး ပြောတာကို ကုမ္ပဏီက ခွင့်ပြုပေးလိုက်တာပါ”ဟု အဆိုပါ ဝန်ထမ်းက ပြောသည်။
POSCO ကုမ္ပဏီတွင် ကမ်းလွန်ရေနံစင်ကျွမ်းကျင်လုပ်သား၊ ကုန်းတွင်းရေနံမြေ ကျွမ်းကျင်လုပ်ငန်း၊ သယ်ယူထောက်ပံ့ဝန်ထမ်းနှင့် ရုံးဝန်ထမ်းဟူ၍ ရှိပြီး လက်ရှိ အလုပ်မလုပ်ရန် ခွင့်ယူသူများသည် ကမ်းလွန်ရေနံစင် ကျွမ်းကျင်လုပ်သားများဖြစ်သည်။
စီမံကိန်းတစ်ခုလုံး ရပ်တန့်သွားရန် အခြားဝန်ထမ်းများအနေဖြင့်လည်း အလုပ်မဆင်းရန် CDM တွင် ပါဝင်လာသူ မြန်မာကျွမ်းကျင်ဝန်ထမ်းများက တောင်းဆိုထားသည်။
ခေတ္တပြည်ထောင်စုဝန်ကြီး ဒေါက်တာဇော်ဝေစိုးက မြန်မာ့ကမ်းလွန်ရှိ ရတနာ၊ ဇောတိက၊ ရွှေနှင့် ရဲတံခွန်ဟူသည့် သဘာဝဓာတ်ငွေ့ စီမံကိန်းလေးခုမှ ဝန်ထမ်းများ အလုပ်မဆင်းဘဲ CDMတွင် ပါဝင်ရ န်တောင်းဆိုထားသည်။
Justice for Myanmar၏ စစ်တမ်းများအရ ရွှေသဘာဝဓာတ်ငွေ့စီမံကိန်းမှ အစိုးရကောက်ခံရငွေသည် ဒေါ်လာ သန်း ၂၀၀ ရှိပြီး ကျန်ကမ်းလွန်လုပ်ကွက် သုံးခုမှ ဒေါ်လာ သန်း ၅၀၀ ရှိသည်ဟု သိရသည်။
ရခိုင်မြောက်ပိုင်းရှိ A-1 နှင့် A-3 ကမ်းလွန်လုပ်ကွက်များကို ကိုရီးယား Daewoo ကုမ္ပဏီက အဓိက လုပ်ခွင့်ရထားသည်။ ရွှေနှင့်မြ သဘာဝဓာတ်ငွေ့တူးဖော်ရေး တွင်းမှ ၂၀၁၃ တွင် သဘာဝ ဓာတ်ငွေ့ စတင်ထုတ်လုပ်ပြီး တရုတ်နိုင်ငံသို့ ရောင်းချသည်။ ကမ်းလွန်လုပ်ကွက် A-1 ရှိ ရွှေ သဘာဝဓာတ်ငွေ့ တူးဖော် ရေးလုပ်ကွက်သည် တစ်နေ့လျှင် သဘာဝဓာတ်ငွေ့ ကုဗပေသန်း ၇၀၀ ထွက်ရှိပြီး တရုတ်နိုင်ငံသို့ အဓိက တင်ပို့ရောင်းချနေသည်။
Myanmar Now
Like this:
Like Loading...
SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS 