SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS

ရန်ကုန်တိုင်းဒေသကြီး၊ သင်္ဃန်းကျွန်းမြို့နယ် ၊ သုဒဿန ၁ လမ်း ၊ ကုလားဘုရားမှတ်တိုင်အနီးမှ သျှရီ ကာလီ အမ္မာန် ဘုရားကျောင်းကို ရဲနှင့်စစ်တပ်က တံခါးကို ရိုက်ချိုးပြီး ဘုရားကျောင်းထဲ ဝင်ပုန်းနေတဲ့ ကွမ်းယာသည် အမျိုးသမီးကို ၀င်ဆွဲပြီး လမ်းပေါ်ချထားတဲ့ သဲအိတ်တွေကို ဖယ်ခိုင်းကြောင်း သိရပါသည်။ Khit Thit Media

ရန်ကုန်​မြောက်ဥကလာပ (၁) ရပ်ကွက် ဘုန်းကြီးလမ်း တွင် မတ်လ ၁၈ ရက်​နေ့ ည​နေ ၆ နာရီ​ကျော်အကြမ်း ဖက် စစ်တပ်နှင့်ရဲ၏ ပစ်ခတ်မှု​ကြောင့် မိန်းက လေး တစ်ဦး ဝမ်းဗိုက် သေနတ်ထိမှန်၍ သေဆုံးသွား​ကြောင်း ​ဒေသခံ များထံမှသိရှိရသည်။ Khit Thit Media

ကချင်ပြည်နယ်၊ ဖားကန့်တွင် မတ်လ ၁၈ ရက်​နေ့ နံနက် ၂ နာရီမှစတင်၍ စစ်​ကောင်စီ တပ်စခန်း ၃ ခုကို KIA က ဝင်တိုက်ပြီး လက်နက်ခဲယမ်းများသိမ်းဆည်း လိုက်​​ကြောင်း သိရှိရသည်။

KIA တပ်မဟာ ၉ ၊ တပ်ရင်း ၆ သည် ယနေ့နံနက် ၂ နာရီမှစတင်၍ စိန်လုံမှော် ရှိ တပ်စခန်း တစ်ခု နှင့် ဆိုင်းတောင် ရှိ တပ်စခန်းတို့အား လက်နက်ကြီး ဖြင့် ထုကာ ဝင်ရောက် တိုက်ခိုက်သိမ်းပိုက်ခဲ့​ကြောင်း၊ နမ့်မှော်ရှိ ရဲ စခန်း တစ်ခု ကိုလည်းလက်နက်ကြီး ဖြင့် ဝင်ရောက်ပစ်ခတ် တိုက်ခိုက် ပြီး နောက် စခန်းကို သိမ်းပိုက်ခဲ့ကာ လက်နက်ခဲယမ်းများကို သိမ်းဆည်းခဲ့​ကြောင်း KIA ဘက်က ထုတ်ပြန်​​​​သော သတင်းများအရ သိရှိရသည်။

စစ်​ကောင်စီဘက်မှ ရဲ နှင့် စစ်သား ၂၀ ကျော်ကျဆုံးနိုင်သည်ဟု KIA သတင်းရပ်ကွက်က ခန့်မှန်းထားသည်။ Khit Thit Media