SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS

စစ်အာဏာရှင်ကျဆုံးရေးအတွက် မြစ်ကြီးနားမြို့၊တပ်ကုန်းရပ်ကွက်မှာ မတ်လ၂၂ရက်နေ့ မနက်၉နာရီကျော်က ဒေသခံတွေကလမ်းလျှောက်ပျောက်ကြားသပိတ်နဲ့ဆန္ဒပြခဲ့ကြပါတယ်

မြစ်ကြီးနားက အောင်နန်းရပ်ကွက်အတွင်းတပင်ရွှေထီးလမ်းမှာတော့ ဆန္ဒပြမယ့်သူများစတင်လူစုနေစဥ်ရဲနဲ့စစ်သားများက အသံဗုံးဖောက်၍လူစုခွဲခဲ့တယ်လို့ ရပ်ကွက်နေသူများထံကနေသိရပါတယ်ဆန္ဒပြပြည်သူလူထုတွေဟာ မြစ်ကြီးနားမြို့ကရပ်ကွက်တွေအတွင်းမှာ ပျောက်ကြားသပိတ်၊လူမဲ့သပိတ်၊ညသပိတ်များနဲ့ဆန္ဒပြခဲ့ကြပြီး ရပ်ကွက်လမ်းကြားတွေထဲအထိစစ်ကားရဲကားများနဲ့အင်အားအများအပြားသုံးကာ လိုက်လံလှည့်ပတ်နေကြပါတယ် myanmar now

ရန်ကုန်မြို့ လှိုင်မြို့နယ်အတွင်းက စစ်အာဏာရှင် ပြုတ်ကျရေး မေတ္တာပို့ဆုတောင်းပွဲ နှင့် လမ်းလျှောက်သပိတ်ကို ဒီကနေ့ မတ်လ(၂၂) ရက် မနက်ပိုင်းမှာပြုလုပ်ခဲ့ပါတယ်။သပိတ်အဖွဲ့ထဲက ဘာသာခြားတွေကလဲ မိမိတို့ ဘာသာဓလေ့အတိုင်း ဆုတောင်းမေတ္တာပို့ ခဲ့ကြပါတယ်။ရပ်ကွက်နေ ပြည်သူများမှလဲ လက်ခုပ်တီးပြီး အားပေးတာတွေ၊လက်၃ချောင်းထောင်တာတွေ၊ ရေသန့်နဲ့ သစ်သီးတွေ ဝေပေးကြပြီးသပိတ်အဖွဲ့ကို အားပေးခဲ့ကြတာကို တွေ့ရပါတယ်။ mizzima

ရန်ကုန်-မန္တလေး အမြန်လမ်းပေါ်မှာ မနေ့ မတ် ၂၁ရက်က စတင်ပြီး အိမ်စီးကားနဲ့ခရီးတင်ကားပေါ် လိုက်ပါလာသူတွေကို စစ်တပ်နဲ့ရဲက လူနဲ့မှတ်ပုံတင်ကို ကြည့်ရုံ မက စာရင်းစာရွက်နဲ့ လူနာမည်တွေနဲ့ တိုက်ပြီးစစ်ဆေးနေတယ်လို့ ခရီးသွားလာနေသူတွေဆီက သိရပါတယ်။“

ခရီးသည်တွေကို မှတ်ပုံတင်လည်းစစ်ဆေးတယ်။ လက်ထဲက စာရင်းစာရွက်တွေနဲ့လည်း တိုက် စစ်ဆေးတယ်။ နေရာအတည်တကျ မရှိဘူး။ မနေ့က မိုင်တိုင် ၁၆၀ နားမှာစစ်တယ်”လို့ ခရီးသွားပြည်သူတစ်ဦးက ပြောပြပါတယ်။

အဲ့ဒီလို အမြန်လမ်းမိုင်တိုင် ၄၀ နဲ့ ၁၆၀ နားမှာ လုံခြုံရေးတပ်ဖွဲ့ဝင်တွေက စစ်‌ဆေးမှုပြုနေတဲ့အတွက် လမ်းမတစ်လျှောက် ကားအစီးရေ ၅၀ မှ ၇၀ အကြား ပိတ်မိနေတဲ့အပြင် အချို့ခရီးသွားအိမ်စီးကားတွေ လှည့်ပြန်ကြတာမျိုးလည်း ရှိနေတယ်လို့ သိရပါတယ်။

ရန်ကုန်-မန္တလေး အမြန်လမ်းဟာ ရန်ကုန်တိုင်း လှည်းကူးမြို့နယ်အထိ မိုင်ပေါင်း ၃၆၆ မိုင်ရှည်လျားပြီး ယခုရက်ပိုင်း စီမံအုပ်ချုပ်မှုကောင်စီမှ ည ၈ နာရီကနေ ၄ နာရီအထိ အိမ်စီးကားသာမက ခရီးသည်တင်ကားတွေကိုပါ ဖြတ်သန်းမောင်းနှင်ခွင့် ပိတ်ပင်ထားတယ်လို့ သိရပါတယ်။ VOA

စစ်ကောင်စီရဲ့ အကြမ်းဖက် စစ်တပ်၊ ရဲတို့က ငြိမ်းချမ်းစွာ ဆန္ဒပြနေကြတဲ့ ပြည်သူတွေကို လက်နက်အားကိုးနဲ့ အကြမ်းဖက်ပစ်သတ်မှုတွေ နိုင်ငံအနှံ့အပြားမှာ ပြုလုပ်နေသလို မုံရွာမြို့မှာလည်း ပစ်ခတ်နှိမ်နင်းသတ်ဖြတ်မှုတွေ ကြုံတွေ့နေရပေမယ့် စစ်အာဏာရှင်ကို ပြည်သူတွေက ဆက်လက်ဆန့်ကျင်ကန့်ကွက်ဆန္ဒပြနေကြပါတယ်။ DVB