SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS

ပဲခူးတိုင်း၊ ဖြူးမြို့တွင် မတ်လ ၂၅ ရက်​နေ့ ညပိုင်း အကြမ်းဖက်စစ်​ကောင်စီတပ်များ၏ ပစ်ခတ်မှု​ကြောင့် ပြည်သူ ၁ ဦး ​သေဆုံး​ကြောင်း ဖြူးမြို့နယ် ပြည်သူ့လွှတ်​တော်ကိုယ်စားလှယ် ဦး​ကျော်​အေးဝင်းက သတင်းထုတ်ပြန်ထားသည်။

“ဝမ်းနည်းကြေကွဲရတဲ့နေ့ပါ။ဖြူးမှာဒီနေ့ပထမဆုံးအဖမ်းခံရတာကျနော့်ရဲ့သားပါ။ဒါကိုမကျေနပ်လို့ပြန်လွှတ်ပေးဘို့တောင်းဆိုကြတဲ့ပြည်သူတွေကိုကျည်အစစ်နဲ့ပစ်ခတ်ခဲ့လို့လူငယ်တစ်ယောက်သေနတ်မှန်သေဆုံးခဲ့တယ်လို့သိရပါတယ်။မိသားစုနှင့်ထပ်တူဝမ်းနည်းကြေကွဲရပါတယ်၊ယခုလို ကျည်အစစ်နဲ့ပစ်ခဲ့သူတွေ၊အမိန့်ပေးစေခိုင်းသူတွေအားလုံးသည် အကြမ်းဖက်အဖွဲ့ဝင်များသာဖြစ်ပါကြောင်းသိစေအပ်သည်”ဟု ဦးကျော်အေးဝင်းက လူမှုကွန်ရက်တွင်ရေးသားထားသည်။ khit thit

ရှမ်းပြည်နယ် တောင်ကြီးမြို့၌ ပြည်သူများအား စစ်ကောင်စီ၏ လက်နက်ကိုင်တပ်ဖွဲ့ဝင်များက အကြမ်းဖက်တိုက်ခိုက်မှုကြောင့် ပြည်သူ ၄ဦး သေဆုံးသွားကြောင်း ကနဦး သတင်းရရှိသည်။
စစ်ကောင်စီ၏ လက်နက်ကိုင်အဖွဲ့များသည် ပြည်သူများ၏ အိုးအိမ်များကို ရိုက်နှက်ဖျက်ဆီးမှုများပြုလုပ်လျက်ရှိသည်။

စစ်ကောင်စီ၏ လက်နက်ကိုင်များက အကြမ်းဖက်မှုကြောင့် ထိခိုက်ပျက်စီးမှုနှင့် သေဆုံးမှုအခြေအနေ အသေးစိတ်ကိုမူ အတည်ပြုနိုင်သေးပေ။myanmar now

စစ်ကောင်စီရဲ့ စစ်စခန်း ၃ ခုဖြစ်တဲ့ အလောတောင်စစ်စခန်း၊ မိုင်ဘော်စစ်စခန်း၊ ရှန်ထုံးစစ်စခန်း (၃)ခုကို KIA တပ်မဟာ(၅)၊ တပ်ရင်း(၂၅)က ယနေ့ မနက် ၄ နာရီ ၆ မိနစ် ခန့်မှာ တိုက်ခိုက်သိမ်းပိုက်ခဲ့ပါတယ်။အဆိုပါ တိုက်ခိုက်သိမ်းပိုက်မှုမှာ လက်နက်ကြီး ငယ် အ​​မြာက်တွေနဲ့အတူ စစ်သုံးပန်းတွေကိုလည်းဖမ်းစီးရမိတယ်လို့ ဆိုပါတယ်။ နောက်ဆက်တွဲ သတင်းတွေကိုတော့ အတည်ပြုနေဆဲ ဖြစ်ပါတယ်။ Democracy Vision