မန်းလေးတွင် အကြမ်းစစ်တပ်က ပြည်သူတစ်ဦးကို အရှင်လတ်လတ် မီးရှို့သတ်ဖြတ်ဟု ဒေသခံများ ပေးပို့လာ
မန်းလေးတွင် မတ်လ ၂၇ ရက်နေ့ ညပိုင်းတွင် အကြမ်းဖက်စစ်ကောင်စီတပ်များက ၄င်းတို့ လာရောက်သည်ကို ထွက်ကြည့်သည့်အမျိုးသားတစ်ဦးကို အရှက်လတ်လတ်မီးရှို့သတ်ဖြတ်ခဲ့ကြောင်း ဒေသခံများက ဓါတ်ပုံများနှင့်တကွ ရန်ကုန်ခေတ်သစ်သတင်းဌာနသို့ပေးပို့ ပြောဆိုလာသည်။
ရန်ကုန်ခေတ်သစ်အနေဖြင့် ယင်းဖြစ်စဥ်ကို အတည်ပြုနိုင်ရန်ကြိုးပမ်းလျက်ရှိသည်။ဒေသခံများ၏ ပြောဆိုချက်အရ မန်းလေး ၁၉ လမ်း၊ မင်းတဲအီကင်းရပ်ကွက်တွင် အကြမ်းဖက်စစ်ကောင်စီတပ်များ ရောက်ရှိနေချိန် အပြင်ထွက်ကြည့်သည့် အမျိုးသားတစ်ဦးကို မီးရှို့သတ်ဖြတ်ခြင်းဖြစ်ကြောင်းသိရှိရသည်။
ယင်းအမျိုးသားသည် ကလေး ၄ ဦး၏ဖခင်ဖြစ်ပြီး နာမည် နေရပ်လိပ်စာအပြည့်အစုံကို ဆက်လက်စုံစမ်းလျက်ရှိသည်။ Khit Thit Media
SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS 