SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS

ကချင်ပြည်နယ်၊ ဖားကန့်မြို့နယ်၊ လုံးခင်းအုပ်စု၊ ဖဝါကျေးရွာအနီး၊ ရတနာရွှေအိတ် အကျိုးကုမ္ပဏီအနားက ရဲတပ်ရင်း (၂၈) စခန်းအား KIA ကနေပြီး မတ်လ ၂၈ ရက်နေ့ ညပိုင်းမှာ ဝင်ရောက် စီးနင်းတိုက်ခိုက်ခဲ့ပါတယ်။

ရဲတပ်ရင်း (၂၈) ဟာ မြဥယျာဉ်၊ ဖဝါကျေးရွာအနီး၊  ဆန်ခါကျေးရွာအနီးတွေမှာ တပ်စွဲထားတဲ့ စခန်း (၃) နေရာရှိပေမယ့် ဖဝါကျေးရွာအနီးက နိုင်ငံတော်နဲ့အကျိုးလုပ်ကွက် ကျောက်စိမ်း တူးဖော်ခဲ့တဲ့ ရတနာရွှေအိတ်ကုမ္ပဏီအနီးက ရဲတပ်ရင်းစခန်းကိုပဲ ကချင်တပ်မတော် KIA က စီးနင်းတိုက်ခိုက်ခဲ့တာလည်း ဖြစ်ပါတယ်။ rfa

တရုတ်-မြန်မာနယ်စပ် ရှိတရုတ်ဖက်မှ ရွှေလီမြစ်ကူးတံတားအား ယနေ့(၃၀-၀၃-၂၀၂၁)နံနက်ပိုင်းကစ၍ တရုတ်တာဝန်ရှိသူများက ပိတ်လိုက်ကြောင်း Wechat အသုံးပြုသူတဦးမှ (၁၁:၀၀)ခန့်က စတင်ဖော်ပြခဲ့သည်။ ကျယ်ခေါင်ရှိ မြန်မာလုပ်ငန်းရှင်တဦးအား တယ်လီဖုန်းဖြင့်ဆက်သွယ်ရာ၌ ယမန်နေ့နံနက်ပိုင်းမှစ၍ ကျယ်ဂေါင်မြို့ရှိ ကျောက်မျက်စျေးအား စတင်ပိတ်လိုက်သည်ဟု ဆိုသည်။

KIA မှ မူဆယ်မြို့သို့ဝင်ရောက်မည်ဟု သတင်းများအပြင် ဆန္ဒပြသူများအား အကြမ်းဖက်ဖြိုခွင်းနေသောလက်ရှိအချိန်၌ တရုတ်ပြည်ဖက်လာရောက်ခိုလှုံသူများရှိနေပြီး ရွှေလီမြို့ထဲမလာနိုင်ရန် ပိတ်ပင်ဖွယ်ရှိသည်ဟု ဂျယ်ဂေါင်ရှိ ကားဂိတ်ဂိတ်မှူး တဦးမှပြောသည်။ ယမန်နေ့နေ့လည်ပိုင်းကလည်း နမ့်ခမ်းမြို့ထဲသို့ အနီးအနားမှစစ်ဘေးရှောင်များ အများအပြားဝင်ရောက်နေခဲ့ပြီး တရုတ်-မြန်မာ ကုန်သွယ်ရေးလမ်းကြောင်းပေါ်၌ (မြန်မာ)ပြည်မမှ အသီးအနှံသယ်ယူသည့် အတက်ကားများသာ ရှိတော့သည်ဟု မူဆယ်နယ်ခံတို့ကပြောကြားခဲ့သည်။

ယမန်နေ့ညပိုင်းက တောင်ဒဂုံ ၅၆ ရပ်ကွက်ကို ဖြိုခွင်းအပြီး ယနေ့မတ်လ ၃ဝ ရက်နေ့မနက်ပိုင်းမှာတော့လှော်ကားလမ်းမကြီးပေါ်ရှိ နေအိမ်တော်တော်များများနဲ့ ဈေးများဆိုင်များ ပိတ်ထားကြသလို တစ်ချို့လည်း စွန့်ခွာပြီး ရှောင်တိမ်းသွားကြတယ်လို့သိရပါတယ်။လမ်းတစ်လျှောက် မီးလောင်ထားသော ကားများ ဖြတ်တောက်ခံထားရသော တယ်လီဖုန်းကြိုးများ အင်တာနက်ကြိုးများနှင့် အတူ ကျည်ဆံမှန်ထားတဲ့ အဆောက်အဦးများစွာကိုလည်း တွေ့ရပါတယ်။Myanmar Celebrity Tv Club

မူတြော်ခရိုင် သံလွင်မြစ်ကမ်းနံဘေးရှိ စစ်ကောင်စီတပ်၏ လေကြောင်းရန်ကြောင့် ထိုင်းနိုင်ငံဘက်ခြမ်းသို့ တိမ်းရှောင်သွားခဲ့သည့် အူးဝဲကလိုးနှင့် ပကာဒဲရွာမှ ဒေသခံကရင်စစ်ရှောင်ရွာသား ၅၂၀ ဦးအား ထိုင်းအာဏာပိုင်များက ယနေ့ နေ့လည်ပိုင်းတွင် ထပ်မံ ပြန်ပို့လိုက်သည်ဟု သိရသည်။

ယမန်(မတ် ၂၉ရက်) နေ့ ညနေတုန်းကလည်း စစ်ကောင်စီတပ်၏ လေကြောင်းရန်ကြောင့် သံလွင်မြစ်တဖက်ကမ်း ထိုင်းနိုင်ငံဘက်ခြမ်းသို့ တိမ်းရှောင်ခဲ့သည့် အီတူးထာကျေးရွာမှ စစ်ရှောင် ၂၀၀၉ဦးကိုလည်း ထိုင်းအာဏာပိုင်များမှ ပြန်ပို့ဆောင်ခဲ့ပြီးဖြစ်သည်။ စစ်ကောင်စီတပ်၏ ဂျက်လေယာဉ်ဖြင့် လာရောက်ပစ်ခတ်မည့်သတင်းကြောင့် ပြီးခဲ့သည့် မတ်လ ၂၈ရက်နေ့ မွန်းလွဲပိုင်းတွင် သံလွင်မြစ်ကမ်းနံဘေးတစ်လျှောက်မှ အဆိုပါ ဒေသခံ ၃၀၀၀ နီးပါးမှာ ထိုင်းနိုင်ငံဘက်ခြမ်းသို့ သွားရောက်တိမ်းရှောက်ခဲ့ကြခြင်းဖြစ်သည်။KIC – ကရင်သတင်းစဉ် 

ရန်ကုန်​တောင်ဒဂုံတွင် မတ်လ ၃၀ ရက်​နေ့ နံနက်အ​စောပိုင်းက ပြည်သူတစ်ဦးကို အကြမ်းဖက်စစ်​ကောင်စီတပ်များက မီးရှို့ သတ်ဖြတ်သွား​ကြောင်း ​တောင်ဒဂုံ​​ဒေသခံများထံမှ သိရှိရသည်။

“ဒီမနက်မှ မီးရှို့ ထားတဲ့ ရုပ်အ​လောင်း​တွေ့တာပါ။ ၅၅၊ ၅၆ မှာ စစ်တပ်က ညပိုင်းက​​နေ မနက်အ​စော ၄ နာရီ​​လောက်အထိ ရှိ​နေခဲ့တာ။ စည််ပင်လမ်းမကြီး၊ ၅၆ မှတ်တိုင်နားမှာ။

​လော​လောဆယ်သိရသ​လောက် မီးရှို့သတ်ခံရသူ ဘယ်သူဆိုတာ ၊ နာမည် အတိအကျ မသိရ​သေးဘူး။ စစ်တပ်က တစ်ညလုံး မနက်အထိ ပစ်ခတ် ဆဲဆိုပြီး ရှိ​နေတာ ပြည်သူက အပြင်​တောင်မထွက်ရဲဘူး။ ​နောက်ပြီး ၅၅ ၊ ၅၆ ကို စစ်တပ်က တအားငြိုး​နေတာ။အရမ်းရက်စက်လွန်းတယ်”ဟု ​တောင်ဒဂုံ​ဒေသခံတစ်ဦးက ​ပြောသည်။ယမန်​နေ့က ​​တောင်ဒဂုံကို စစ်တပ်က အင်အားအလုံးအရင်းဖြင့် ပြည်သူကို သတ်ဖြတ်မှုများ လုပ်​ဆောင်ခဲ့ပြီး ​သေဆုံးစာရင်းအတိအကျမရရှိ​သေး​ပေ။ khit thit