SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS

ဖားကန့်မြို့မှာ ယမန်နေ့က စစ်​ကောင်စီရဲ့ ကားတွေ မိိုင်းခွဲခံရပြီး ကားတစ်စီးမီး​လောင်ကာ စစ်သား ၃ ​ယောက် သေဆုံး​ပြီး ဒဏ်ရာရသူများလည်း ရှိတယ်လို့ ကချင် ဒေသခံ သတင်းဌာန တစ်ခုက သိရပါတယ်။

အဆိုပါ မိုင်းခွဲခံရမှုဟာ ယမန်နေ့ ဧပြီလ ၁၆ရက်​​ မွန်းလွဲ ၁နာရီကျော်ခန့်က မရှီက​ထောင် ​ရေ​အေး​ချောင်းအနီးမှာ မိုင်းခွဲတိုက်ခိုက်ခံခဲ့ရတာ ဖြစ်ပါတယ်။၄င်းမိုင်းခွဲ ခံရတဲ့ ယာဥ်တန်းဟာ ဖားကန့်ကို ရဟက်ယာဥ်နဲ့ လက်နက် လာပို့တဲ့ခရီးစဥ်ကို အရပ်ဝတ်နဲ့ လုံခြုံရေးယူပေးတဲ့ စစ်သားတွေ စီးနင်းလာတဲ့ ယာဥ်တန်း ဖြစ်ပါတယ်။ဧပြီလ ၁၆ ရက်နေ့ ည ကလည်း ဆွမ်ပရာဘွမ်လမ်း​​မှာ စစ်​ကောင်စီရဲ့ကားတွေ မိုင်းခွဲတိုက်ခိုက်ခံရပြီး စစ်သား ၅ဦး​သေဆုံးခဲ့ပါသေးတယ်။khit thit

မိုးကုတ်မြို့မှာ ဧပြီလ ၁၇ ရက်နေ့ နှစ်ဆန်းတစ်ရက်နေ့ မွန်းလွဲပိုင်းအချိန်က အကြမ်းဖက်စစ်ကောင်စီ တပ်ဖွဲ့ဝင်တွေက သေနတ်ဖြင့် ပစ်ခတ်မှုကြောင့် လူနှစ်ဦးသေဆုံးသွားခဲ့ကြောင်း ကနေဦးသတင်းတွေအရသိရသည်။

မိုးကုတ်မြို့ အရှေ့ပိုင်း အကြမ်းဖက်စစ်ကောင်စီရဲ့တပ်ဖွဲ့ဝင်တွေက သေဆုံးသွားသူများရဲ့အလောင်း ကို သယ်ဆောင်သွားပြီး ဖမ်းဆီးခံရသူအချို့လည်း ရှိနေတယ်လို့ မိုးကုတ်မြို့ ဒေသခံတစ်ဦးက မဇ္ဈိမသတင်းဌာနကို ပြောသည်။လက်ရှိအချိန်တွင် မိုးကုတ်မြို့နေရာအနှံ့ ရှိ လမ်းမ များနှင့် လမ်းထိပ်များ တွင် အကြမ်းဖက်စစ်ကောင်စီများ ကလှည့်လည် စောင့်ကြည့်လျက်ရှိနေကြောင်းသိရသည်။

ပစ်ခတ်မှုမဖြစ်ခင် နာရီပိုင်းအလိုချိန်တွင်လည်း အကြမ်းဖက်စစ်ကောင်စီတပ်ဖွဲ့ဝင်တွေက “လူငါးဦး လိုချင်တယ်။ အသေပဲ လိုချင်တယ်။ ကြားကြလား ” ဆိုပြီး ပြောဆိုနေတဲ့ ဗီဒီယိုဖိုင်တစ်ခု လူမူကွန်ယက်စာမျက်နှာမှာ ပြန့်နှံ့လာခဲ့သည်။ mizzima

ဒီကနေ့ မနက် ၅ နာရီ ကနေ ၆ နာရီခွဲ အချိန်ထိ ဝိုင်းမော်မြို့နယ် ဝါးရှောင် အထက်နား မှ ဂျဖွေ နှင့် ကမ်ပိုင်တီ လမ်းခွဲ မှာစစ်ကောင်စီ ရဲ့ စုပေါင်းဂိတ် ကို K.I.A အဖွဲ့က တိုက်ခိုက် သိမ်းပိုက်လိုက် ​ပါတယ်။

အဆိုပါ စစ်ဆေးရေးဂိတ်ကို ဒေသအခေါ် ၁၃ မိုင်ဂိတ်လို့ ခေါ်ပြီး စစ်ကောင်စီရဲ့ တပ်တွေနဲ့ KIA တပ်ဖွဲ့တွေ ၂ နာရီခန့် အပြန်အလှန် ပစ်ခတ်ခဲ့ကြပြီး ဂိတ်မှာရှိတဲ့ ရဲတွေကတော့ အကုန် ထွက်ပြေးသွားတယ်လို့ ကချင်ဒေသခံ သတင်းဌာနတွေက သိရပါတယ်။ ၁၃ မိုင် စုပေါင်းဂိတ်ကို KIA က သိမ်းခဲ့တဲ့ ဖြစ်စဥ်နဲ့ ပတ်သက်ပြီး စစ်ကောင်စီဘက်က အထိအခိုက် အကျအဆုံးကိုတော့ မသိရသေးပါဘူး။khit thit

စစ်ကိုင်းတိုင်း ယင်းမာပင်ခရိုင် ၊ ကနီမြို့နယ် မုံရွာ ယာကြီး ကလေးဝ ကားလမ်း မိုင်တိုင်အမှတ် ၁၃ နဲ့ ၁၄ အကြားနေရာမှာ ဗိုလ်မှူး လင်မယား ၂ ယောက် မောင်းနင်လာတဲ့ ကားတစ်စီးကို ဧပြီ ၁၅ ရက် ညဦးပိုင်းက သေနတ်နဲ့ လိုက်လံပစ်ခတ်ခံရပြီး မီးရှို့ဖျက်စီးခံရတယ်လို့ သိရပါတယ်။

ကနီမြို့နယ် ချောင်းမကြီးကျေးရွာမှာရှိတဲ့ ဒေသခံ တစ်ယောက်ပြောတာက ” Honda Fit ကားတစ်စီး မီးရှို့ဖျက်စီးခံထားရတယ်၊ ဘာကြောင့် ဖြစ်တယ်ဆိုတာ မသိဘူး ” လို့ ပြောပါတယ်။မုံရွာမြို့ကနေ ကနီမြို့ဘက်ကို သွားတဲ့ အဲ့ဒီ Honda Fit ကားကို မင်းမ ကျေးရွာအဝင် လူတစုက ရပ်တန့်စစ်ဆေးခံဖို့ တားဆီးပိတ်ဆို့တဲ့အခါ အစစ်ဆေးမခံပဲ နောက်ပြန်လှည့်ကာ လာရာလမ်းကြောင်းအတိုင်း မောင်းနှင်ထွက်ပြေးတာကြောင့် လူတစုက ကားနောက်ကို ဆိုင်ကယ်တွေနဲ့ လိုက်လာပြီး သေနတ်နဲ့ ပစ်ခတ်ခဲ့တယ်ခို့သိရပါတယ်။

အဲဒီနောက် ကားပေါ်ပါ ဗိုလ်မှူး လင်မယားက ကားကိုရပ်ပြီး အနီးနားက တောထဲကို ပြေးဝင် ပုန်းအောင်းနေချိန် လူတစုက ကားကို မီးရှို့လိုက်တာဖြစ်တယ်လို့ သိရပါတယ်။အဲ့ဒီ ဖြစ်စဥ်ကြောင့် မုံရွာ မြို့တော်ခန်းမ အခြေစိုက် လုံခြုံရေးတပ်ဖွဲ့က စစ်ကြောင်း ၃ ကြောင်းနဲ့ အဲ့ဒီ ဗိုလ်မှူး လင်မယားကို သွားရောက် ကယ်ဆယ်တဲ့အခါ ဒေသခံ လူ ၁ ရာကျော်နဲ့ ထိတွေ့ပြီး ၂ ဖက် အပြန်အလှန် ပစ်ခတ်မှူတွေဖြစ်ပွားကာ ဒေသခံ ရွာသား ၁၆ ယောက် ဖမ်းဆီးရမိပြီး တူမီးသေနတ် ၁၇ လက် ၊ လက်လုပ်မိုင်း ၅ လုံး သိမ်းဆီးရမိတယ်လို့ စုံစမ်းသိရှိရပါတယ်။

အဲ့ဒီ ဖြစ်စဥ်နဲ့ ပတ်သက်လို့ သတင်းအတည်ပြုချက်ရရှိဖို့ မုံရွာ မြို့တော်ခန်းမ အခြေစိုက် လုံခြုံရေးတပ်ဖွဲ့ကို VOM က ဆက်သွယ်မေးမြန်းတဲ့အခါ ” ၂ ဖက် ပစ်ခတ်မှုဖြစ်တယ် ၊ ထိခိုက် ဒဏ်ရာရ သေဆုံးတာ အခုထိတော့ မရှိဘူး ၊ ဝေမိုးနိုင်ကို လိုက်ဖမ်းတဲ့ကား မဟုတ်ဘူး ပတ်သက်မှုလည်း မရှိဘူး ၊နူတ်ထွက်ခွင့် ခံစားနေတဲ့ ဗိုလ်မှူးလင်မယားဖြစ်တယ် ၊ ၂ ယောက်စလုံး အထိအခိုက်မရှိ ပြန်ကယ်နိုင်ခဲ့တယ် “လို့ လုံခြုံရေး အရာရှိ တစ်ယောက်က ပြောပါတယ်။

ဒါ့အပြင် ဧပြီ ၁၆ မနေ့က ညနေပိုင်းမှာ အဲ့ဒီ ပစ်ခတ်မှုဖြစ်ပွားခဲ့တဲ့ နေရာအနီးက ခရီးသွားယာဥ်တွေ ရပ်နားလေ့ရှိတဲ့ စားသောက်ဆိုင် တစ်ဆိုင်ကို ဗိုလ်မှူး လင်မယား ပုန်းခိုဝှက်ပေးထားတယ်လို့ ရွာလူထု ၁ ရာကျော်က စွပ်စွဲပြီး ဆိုင်ရဲ့ အဆောက်အဦးတွေကို မီးရှို့ဖျက်စီးလိုက်တယ်လို့ သိရပါတယ်။

အဲ့ဒီ မီးလောင်မှုနဲ့ ပတ်သက်လို့ ပျက်စီးဆုံးရှုံးမှုတန်ဖိုးကို လတ်တလော တွက်ချက်လို့ မရသေးဘူးလို့ သိရပါတယ်။ဒါ့အပြင် ကနီမြို့နယ် ယာကြီးကျေးရွာအုပ်စု ၊ ရွာမကျေးရွာက ဦးကျော်မြင့် အသက် ၅၀ နှစ် ဆိုသူနဲ့ သူ့ရဲသား ဖြစ်သူ ဦးသက်အောင် အသက် ၃၀ နှစ် တို့ သားအဖ ၂ ယောက်ကို စစ်တပ်သတင်းပေး ဒလန်လို့ ရွာက စွပ်စွဲကာ မီးရှို့သတ်ဖြတ်ခဲ့တဲ့ ဖြစ်စဥ်လည်း ဖြစ်ပွားခဲ့ပါသေးတယ်။voice of myanmar

ကချင်ပြည်နယ်၊ မြစ်ကြီးနားမြို့၊ မော်ဖောင်းကျေးရွာအနီးမှာရှိတဲ့ အကြမ်းဖက်စစ်ကောင်စီ၊ မြောက်ပိုင်းတိုင်းစစ်ဌာနချုပ် လေတပ်စခန်းအတွင်းသို့ လက်နက်ကြီးဖြင့်ပစ်ခတ်ခံရပြီး လက်နက်ကြီးကျည် နှစ်လုံး ကျရောက်ပေါက်ကွဲခဲ့တယ်လို့ ကချင်သတင်းစာမျက်နှာတွေမှာ ဖော်ပြပါတယ်။

ထိခိုက်ကျဆုံးမှုအသေးစိတ် မသိရှိရသေးပါ။ လက်နက်ကြီးပစ်ခတ်သံ သုံးကြိမ်ကြားရပြီး လက်နက်ကြီးတစ်လုံးကတော့ မော်ဖောင်းကျေးရွာအတွင်း ကျရောက်ပေါက်ကွဲခဲ့တာကြောင့် ရွာသားတဦး ထိခိုက်ဒဏ်ရာရခဲ့တယ်လို့ ဒေသခံတွေက ပြောပါတယ်။”ကျွန်တော် ပေါက်ကွဲသံ သုံးကြိမ်ကြားလိုက်တယ်၊ ဒါနဲ့ကြောက်ပြီးအခင်းထဲမှာမနေရဲပဲ ကလေးတွေခေါ်ပြီး လူလွတ်ထွက်ပြေးခဲ့တယ်” ဟု မောင်ဖေါင်းကျေးရွာနှင့် ကပ်လျက်ရှိသည့် ရှဒေါင်ကျေးရွာမှ ရွာသားတစ်ဦးက မြစ်ကြီးနားသတင်းဂျာနယ်ကို ပြောပါတယ်။

လက်ရှီအချိန်မှာ မော်ဖောင်းကျေးရွာတဝိုက်မှာ ရဟတ်ယာဉ် ပျံဝဲနေပြီး၊ စစ်ကားအတော်များများလည်း ရောက်လာခဲ့သလို လုံခြုံရေးလည်း တင်းကျပ်စစ်ဆေးတာတွေ လုပ်နေတယ်လို့ ဒေသခံက ဆက်ပြောပါတယ်။

ကချင်ပြည်နယ် ဗန်းမော်ခရိုင်အတွင်းက တောင်ပေါ်ဒေသတွေမှာ အကြမ်းဖက်စစ်ကောင်စီတပ်နဲ့ KIA တို့ တိုက်ပွဲဖြစ်ပွားနေသလို ဖားကန့်၊ တနိုင်း၊ ပူတာအို ဒေသတွေမှာလည်း တိုက်ပွဲများ ဖြစ်ပွားနေတာပါ။ khit thit

အကြမ်းဖက်စစ်ကောင်စီက မြန်မာနှစ်ဆန်းတစ်ရက်နေ့ ဧပြီလ ၁၇ ရက်နေ့ နံနက်ပိုင်းအချိန်က စတင်ပြီး မြန်မာနိုင်ငံအနှံ့မှ အကျဉ်းကျခံနေရတဲ့ အကျဉ်းသား/သူ ၂၃၄၀၇ ဦးကို လွတ်ငြိမ်းပေးခဲ့ကြောင်းကို အကြမ်းဖက်စစ်ကောင်စီရဲ့ အာဘော်ရုပ်သံ MRTV တွင်ကြေညာခဲ့သည်။

ရာဇဝတ်ကျင့်ထုံးဥပဒေပုဒ်မ ၄၀၁ ပုဒ်မခွဲ ၁ အရ လွတ်ငြိမ်းပေးခဲ့တာဖြစ်ပြီး လွတ်မြောက်သူတွေတွေအနနဲ့ နောက်တစ်ကြိမ် ပြစ်မှုကျူးလွတ်ရင် ကျူးလွန်တဲ့ပြစ်ဒဏ်အပြင် ကျခံရန် ကျန်ရှိနေတဲ့ ပြစ်ဒဏ်တွေကိုပါ ဆက်လက်ကျခံသွားရမယ်ဖြစ်ကြောင်း သိရသည်။

စစ်တပ်က အာဏာသိမ်းပြီးတဲ့နောက် ဒီကနေ့ နှစ်ဆန်းတစ်ရက်နေ့မှာ ဒုတိယအကြိမ်မြောက် အကျဉ်းကျခံနေရတဲ့သူတွေကို လွတ်ငြိမ်းပေးခဲ့တာဖြစ်သည်။

အကြမ်းဖက်စစ်တပ်က နှစ်လကျော်အတွင်း ပြည်သူ ၄၀၈၂ ဦး ဖမ်းဆီးခံခဲ့ပြီး ပြည်သူ ၃၁၄၁ ဦးကို ဖမ်းဆီးချုပ်နှောင်ခံနေကြောင်း နိုင်ငံရေးအကျဉ်းသားများကူညီစောင့်ရှောက်ရေးအသင်း (AAPP)က ဧပြီလ ၁၆ရက်နေ့အထိ သတင်းထုတ်ပြန်ထားသည် mizzima