Monthly Archives: May 2021

အာဏာသိမ်း အကြမ်းဖက် လူ သတ်စစ်ကောင်စီတပ် ခြေလျင်စစ်ကြောင်းအား ဂျက်တိုက်လေ ယာဉ်ဖြင့် ပြန်လည်မှားယွင်း ဗုံး ကြဲမိပြန်

ကချင်ပြည်နယ် မိုးမောက်မြို့နယ် မြို့သစ် ကုန်းလော အရှေ့ဘက် တောင်ကျောတစ်လျှောက် ယနေ့ မေလ (၄) ရက် ညနေ (၆) နာရီဝန်းကျင်ခန့် အာဏာသိမ်း အကြမ်းဖက် လူသတ်စစ်ကောင်စီတပ်မှ ဂျက်လေယာဉ်ဖြင့် လာရောက် ဗုံးကြဲတိုက်ခိုက်ကြောင်း သတင်းရရှိသည်။

ယနေ့ မေလ (၄) ရက် ညနေ (၈:၃၀) အချိန်ခန့်တွင်လည်း အာဏာသိမ်း အကြမ်းဖက် လူသတ်စစ်ကောင်စီတပ်မှ ဂျက်လေယာဉ်ဖြင့် နောက်ထပ် လာရောက် ဗုံးကြဲတိုက်ခိုက်ရာ ထိုးစစ်ဆင် ချီတက်လာတဲ့ အာဏာသိမ်း အကြမ်းဖက် လူသတ်စစ်ကောင်စီတပ် ခြေလျင်စစ်ကြောင်းပေါ် ကျရောက်ပေါက်ကွဲသွားကြောင်း ဒေသခံများ ပြောပြချက်အရသိရသည်။

ထိခိုက် ကျဆုံးမှုများ ဆက်လက်စုံစမ်းနေဆဲ။
NBungDatKasa

တောင်ဒဂုံမြို့နယ်အတွင်း လူတစ်ဦးကို စစ်ကောင်စီမှ အကြမ်းဖက်ရိုက်နှက် (Video)

ရန်ကုန်တိုင်း၊ တောင်ဒဂုံမြို့နယ်၊ ရွှေပြည်အေးလမ်းတွင် မေလ ၄ ရက် ညပိုင်းက အမျိုးသားတစ်ဦးကို စစ်ကောင်စီတပ်ဖွဲ့ဝင်များက အကြမ်းဖက် ဝိုင်းဝန်းရိုက်နှက်နေသည့် ရုပ်သံဖိုင်တစ်ခု လူမှုကွန်ရက်ပေါ်တွင် ပျံ့နှံ့လျက်ရှိသည်။khit thit

ဟားခါး၊ အင်းဝဘဏ်အနီးတွင် စစ်ကောင်စီတပ်နှင့် ပြည်သူ့ကာ ကွယ်ရေးတပ် ညပိုင်းတိုက်ပွဲဖြစ်၊ စစ်ကောင်စီဘက်မှ ၁ ဦးသေဆုံး ၁ဦးဒဏ်ရာရ

မေလ ၄ ရက်နေ့ ညပိုင်း ၈ နာရီခွဲ ဝန်းကျင်၌ ချင်းပြည်နယ်၊ ဟားခါးမြို့၊ အင်းဝဘဏ် မျက် နှာချင်းဆိုင် BOC ဂိတ် အကြမ်းဖက် တပ်များခြေကုတ်သည့်စခန်းတွင် CDF_ Hakha နှင့် အကြမ်းဖက် စစ်ကောင်စီစစ်တပ်အ‌ကြား ပစ် ခတ်မှုရှိခဲ့ကြောင်း၊  စစ်ကောင်စီဘက်မှ  ၁ ဦးသေဆုံးကာ ၁ ဦး  ဒဏ်ရာရရှိကြောင်း CDF က သတင်းထုတ်ပြန်သည်။

ဟားခါးမြို့ခံတစ်ဦးက တိုက်ပွဲဖြစ်ပွားမှုကို အ တည်ပြုပြောဆိုသည်။

“ဟားခါးမြို့က အင်းဝဘဏ်နား စစ်ကောင်စီတပ်သားများရှိတဲ့နေရာမှာ ပစ်ခတ်သံကြားနေရတယ်။သေနတ်အချက် ၂၀ခန့်လောက်ရှိမယ် ပစ်တာ။ ဘယ်သူတွေပစ်တာလဲတော့ သေချာမသိရသေးဘူး။ ညအချိန်ကြီး မီးတောင်မဖွင့်ရဲဘူး မီးပိတ်ထားရတယ်။အခုတော့ ပစ်သံမကြားရတော့ဘူး”ဟု ဟားခါးဒေသခံတစ်ဦးက ရန်ကုန်ခေတ်သစ်သတင်းဌာနသို့ပြောဆိုသည်။khit thit

ဂန့်ဂေါ၊ သာကောင်းကျေးရွာအနီးတွင် အသက် ၁၇ နှစ်လူငယ်တစ်ဦးကို စစ်ကောင်စီက ပစ်သတ်၊ နှစ်ဖက် ပစ်ခတ်မှုတွင် အခြားရွာသား ၁ ဦးလည်း ​သေဆုံး

မကွေးတိုင်းဒေသကြီး ဂန့်ဂေါမြို့နယ်၊သာကောင်းကျေးရွာတွင် ​မေလ (၃) ရက်နေ့မှစတင်ကာ ယနေ့ နေ့လယ်ပိုင်းထိ အာဏာသိမ်းစစ်ကောင်စီနှင့် ပြည်သူ့ကာကွယ်​ရေးတပ်တို့ကြား ပစ်ခတ်မှုဖြစ်ပွားခဲ့ပြီး စစ်ကောင်စီက အသက် ၁၇ နှစ်အရွယ် လူငယ်တစ်ဦးကို ပစ်သတ်လိုက်​​ကြောင်း ဒေသခံတစ်ဦးကပြောသည်။

“သူတို့ကရွာထဲကို အတင်းဝင်လာပြီးပစ်တာ၊ ဒီနေ့လည်း မနက် ၁၁ နာရီလောက်မှာ စပစ်တော့ အပစ်ခဏရပ်တဲ့အချိန်မှာ ပစ်ခတ်တာ မရှိတော့ဘူး ထင်ပြီး အသက် ၁၇ လောက်ပဲရှိတဲ့ လူငယ်တစ်ယောက်က ရွာထဲကိုဝင်တဲ့အချိန်မှာ သူတို့ပစ်သတ်သွားတယ်၊ ကျနော်တို့က မခံချင်စိတ်နဲ့သာ တူမီးနဲ့ပြန်ခံပစ်နေရတာ ဘာမှမလုပ်နိုင်ဘူး၊ သူတို့ဘက်က ထိခိုက်မှုရှိမရှိတော့မသိရသေးဘူး”ဟု ဒေသခံတစ်ဦးမှပြောသည်။

သာကောင်းကျေးရွာရှိ ပြည်သူများနှင့် ဝန်ထမ်းများသည် တစ်ရွာလုံး CDM လုပ်ထားကြပြီး အာဏာသိမ်းစစ်ကောင်စီက အတင်းအဓမ္မကျောင်းပြန်ဖွင့်ရန် အမိန့်​ပေး​ကြောင်း၊ ဂန့်ဂေါမြို့မှ ​ကျောင်းအုပ်တစ်ဦးနှင့် ကျောင်းဆရာမတစ်ဦးတို့ရောက်ရှိလာရာ ရွာသားများက မောင်းထုတ်ခြင်းကြောင့် ရဲများရောက်ရှိလာ၍ သေနတ်ပစ်ဖောက်ခြိမ်းခြောက်မှုများပြုလုပ်ပြီး ပြည်သူ့ကာကွယ်​ရေးတပ်က အခြေအနေအရလိုအပ်ချက်အပေါ် ပြန်လည်တုံ့ပြန်ပစ်ခတ်ကြောင်း၊ ယမန်နေ့မနက်ပိုင်း ၁၁ နာရီမှ မွန်းလွဲ ၁ နာရီနီးပါးအထိပစ်ခတ်မှုဖြစ်ပွားခဲ့​ကြောင်း သိရသည်။

“ကျနော်တို့ ပြေးနိုင်တဲ့လူအားလုံးကတော့ ထွက်ပြေးနေကြတယ်။ အသက်ကြီးပိုင်းတွေတော့မပါဘူးပေါ့နော် ရွာသားတွေကတော့ အိမ်ကိုမရောက်ကြသေးဘူး။ တောထဲတောင်ထဲပြေးနေကြတယ်။ ကိုယ်လွတ်ပြေးလာခဲ့ရတဲ့အတွက် အစာငတ်ရေငတ်နဲ့ နေရတဲ့အနေအထားမျိုးမှာရှိနေတယ် နီးစပ်ရာနီးစပ်ရာကနေပြီးတော့ ရေတိုက်တာဘာညာလောက်ပဲဖြစ်တယ်။ အစားအသောက်ပေးတဲ့အနေအထားကတော့ ကျနော်တို့လုပ်ပေးနိုင်တဲ့အနေအထားမျိုးကိုတော့မရှိသေးပါဘူး။

ထိုနည်းတူပဲ ထီးလင်းဘက်မှာလည်း တိုက်ပွဲဖြစ်ပါတယ် ဟံသာဝတီဘက်မှာလည်း မနေ့က မြောင်းချောင်းတံတားဆိုတာရှိတယ် မြောင်းချောင်းတံတားနားမှာဖြစ်တဲ့အတွက် ဟံသာဝတီရွာသားတွေမဲပြီးတော့မှ သူတို့က ဟံသာဝတီရွာထဲမှာ တစ်အိမ်တက်ဆင်း လိုက်မွှေတာတွေဖြစ်နေလို့ ရွာသားတွေထွက်ပြေးတိုင်းရှောင်နေရတဲ့အနေအထားမှာရှိတယ် ကျနော်တို့တိတိကျကျတော့ စာရင်းမရှိသေးဘူး ဖမ်းဆီးသွားတာတော့ မနေ့ညနေတစ်ယောက်ဖမ်းတယ်လို့လည်းကြားရတယ် ဒါပေမဲ့အခုချိန်ထိတော့ အတည်ပြုလို့မရသေးပါဘူး” ဟု ဂန့်ဂေါမြို့နယ် ဒေသခံတစ်ဦးကပြောသည်။

သာကောင်းကျေးရွာအတွင်း အာဏာသိမ်းစစ်ကောင်စီတပ်နှင့် ပြည်သူ့ကာကွယ်​ရေးတပ်အကြားပစ်ခတ်မှု​တွင်လည်း ရွာသားတစ်ဦး ကျည်ထိမှန်ပြီး ကျဆုံးပြီး လက်ရှိအချိန်ထိ အနီးအနားရှိရွာသားများမှာ နေအိမ်သို့ မပြန်ရဲသေးကြောင်းသိရသည်။khit thit

ကွတ်ခိုင်မြို့နယ်၊မန်ဘန်​ကျေးရွာအနီး စစ်ကောင်စီတပ်နှင့် TNLA၊ KIA၊ MNDAA ​မြောက်ပိုင်းမဟာမိတ်ပူးပေါင်းတပ်ဖွဲ့တို့ တိုက်ပွဲပြင်းထန်နေ

ရှမ်းပြည်နယ်၊ကွတ်ခိုင်မြို့နယ် နဲ့ ၂မိုင်ခန့်မဝေးတဲ့ မန်ဘန်ကျေးရွာနဲ့ နောင်ဆွေကျေးရွာကြားမှာ ယ​နေ့ည​နေပိုင်း စစ်​ကောင်စီတပ်​တွေနဲ့ TNLA၊ KIA၊ MNDAA ​မြောက်ပိုင်းမဟာမိတ်ပူး​ပေါင်းအဖွဲ့​တွေအကြား တိုက်ပွဲပြင်းထန်နေတယ်လို့ မန်ဘန်ရွာခံတစ်ယောက်က ပြောပါတယ်။

ကွတ်ခိုင်မြို့ စစ်ကောင်စီတပ်စခန်းကနေလက်နက်ကြီးတွေ ၁၅လုံးထက် မနည်းပစ်နေတာ ကြားနေရတယ်လို့ ​​ဒေသခံ​တွေက ဆိုပါတယ်။တိုက်ပွဲပစ်ခတ်သံတွေကို ည​​နေ၆နာရီအထိ မြို့ထဲကနေ ကြားနေရပါတယ်လို့ သိရပါတယ်။

အကြမ်းဖက်စစ်တပ်ရဲ့ပစ်ခတ်မှုတွေကြောင့် ပြည် ထောင်လမ်းမတစ်လျှောက်မှာ ကားတွေရပ်ထားရပြီး ခရီးသွားကားတချို့ ပစ်ခတ်ခံရသေးလို့သိရပါတယ်။khit thit

လှိုင်သာယာ အ.ထ.က(၃) ကျောင်းဘေးပတ်ဝန်းကျင်တွင် ပေါက်ကွဲမှု ဖြစ်ပွား

အကြမ်းဖက်စစ်တပ်လက်အောက်ခံ ဝန်ထမ်းများက မေလ ၄ ရက်နေ့မွန်းလွဲပိုင်းအချိန်က လှိုင်သာယာမြို့နယ် အမှတ် (၁၇) ရပ်ကွက်ရှိ အ.ထ.က(၃)ကျောင်းတွင်း အစည်းအဝေး ပြုလုပ်နေစဉ် ကျောင်းဘေးပတ်ဝန်းကျင် တွင် ပေါက်ကွဲမှုဖြစ်ပွားခဲ့တယ်လို့ ဒေသခံတွေရှိကသိရသည်။

“ပညာရေးဝန်ထမ်းတွေက ကျောင်းထဲမှာ ကျောင်းပြန်ဖွင့်ဖို့အတွက် အစည်းဝေးလုပ်နေတာ ၊ လှိုင်သာယာမှာအစည်းအဝေးအကြီးတွေဆို အဲဒီကျောင်းမှာလုပ်တာ ပထမ တစ်ခါတုန်းက စစ်ကောင်စီတပ်ကလူတွေပါတယ်။

အခုက ဒုတိယတစ်ခေါက်လုပ်တာ “ ဟု ဒေသခံတွေကဆိုသည်။ ကနေဦးသတင်းတွေအရ ပေါက်ကွဲမှု ဖြစ်စဉ်ကြောင့် လူထိခိုက်မှုတစ်စုံတစ်ရာမရှိကြောင်း သိရှိသည်။ ပေါက်ကွဲပြီးခဏအကြာတွင် အကြမ်းဖက်စစ်ကောင်စီတပ်များ ရောက်ရှိလာပြီး ကင်းစောင့်နေကြောင်းသိရသည်။mizzima

ဟားခါးမြို့တွင် ပစ်ခတ်မှုထပ်မံဖြစ်ပွားရာ စစ်ကောင်စီဘက်မှ ၄ ဦးသေဆုံး

ချင်းပြည်နယ်မြို့တော်တွင် မေလ ၂ ရက်ကတည်းက စစ်ကောင်စီလက်အောက်ခံတပ်များနှင့် ဒေသခံကာကွယ်ရေးတပ်ဖွဲ့များ အပြန်အလှန်ပစ်ခတ် တိုက်ခိုက်လျက်ရှိရာ စစ်ကောင်စီဘက်မှ သေဆုံးသူ ၈ ဦးအထိရှိကြောင်း ဒေသခံများက ဆိုသည် Myanmar Nowချင်းပြည်နယ်မြို့တော် ဟားခါးတွင် စစ်ကောင်စီတပ်များနှင့် ချင်းဒေသကာကွယ်ရေးတပ်ဖွဲ့ (ဟားခါး − CDF) တို့ ယမန်နေ့ (မေ ၃) ညပိုင်းက ပစ်ခတ်မှုထပ်မံဖြစ်ပွားကာ စစ်ကောင်စီဘက်မှ ၄ ဦး သေဆုံး၍ ၁၀ ဦး ဒဏ်ရာရရှိခဲ့သည်ဟု သိရသည်။

ချင်းဒေသကာကွယ်ရေးတပ်ဖွဲ့ဝင်များက ယမန်နေ့ည ၁၁ နာရီမှစကာ ဟားခါးမြို့ အမှတ် ၆ လမ်းဆုံရှိ လုံခြုံရေးဂိတ်ကို နာရီဝက်ကြာ ပစ်ခတ်ခဲ့ခြင်းဖြစ်သည်။ “တိုက်တဲ့ကာလက မိနစ် ၃၀ လောက်ပဲ ကြာတယ်။ ကျွန်တော်တို့က ခြုံခိုတိုက်လိုက်တယ်။ မထင်မှတ်တဲ့အချိန်မှာ သွားပစ်တော့ ဟိုဘက်က ပြန်လည်းမပစ်ရဲဘူး။

သူတို့ဘက်က ကြောက်ပြီးတော့ အနားမှာရှိတဲ့ Cyclone Shelter (မုန်တိုင်းဒဏ်ခံအဆောက်အအုံ) ထဲကို ဝင်သွားတယ်။ စပစ်တော့ ၄ ယောက် ကျသွားတယ်” ဟု CDF (ဟားခါး) ပြောရေးဆိုခွင့်ရှိသူက Myanmar Now ကို ပြောသည်။ စစ်ကောင်စီက ဖမ်းဆီးထားသည့် ဒေသခံ ၆၀ နီးပါးကို မေ ၂ ညနေ ၄ နာရီ နောက်ဆုံးထား၍ ပြန်လွှတ်ပေးရန် CDF က စာထုတ်ပြန်တောင်းဆိုခဲ့သော်လည်း စစ်ကောင်စီဘက်မှ လိုက်လျောခြင်း မရှိသည့်အတွက် မေ ၂ ညပိုင်းမှ စတင်ကာ အပြန်အလှန်ပစ်ခတ်ခဲ့ကြသည်ဟု သိရသည်။

ပြီးခဲ့သည့် မေ ၂ မှ စတင်ခဲ့သည့် ပစ်ခတ်မှုများကြောင့် စစ်ကောင်စီဘက်မှ သေဆုံးသူ ၈ ဦးအထိ ရှိပြီဖြစ်ကာ ချင်းဒေသကာကွယ်ရေးတပ်ဖွဲ့ဘက်မှ ထိခိုက်သေဆုံးမှုမရှိကြောင်း သိရသည်။ “CDM သမားတွေကို ခြိမ်းခြောက်ပြီး အသက်အန္တရာယ်ပေးဖို့ လုပ်လာတယ်။ ခရီးသွားပြည်သူတွေကို စစ်ဆေးတာမျိုး၊ ရိုက်နှက်တာမျိုး၊ ဖားခုန်ခိုင်းတာမျိုးလုပ်ခိုင်းလိုက်နဲ့ နေနဲ့လှန်းတာတွေ လုပ်လာတာ။ သူတို့ရဲ့ယန္တရားလည်ပတ်နိုင်အောင် ကူညီပေးတဲ့သူတွေက ပြည်သူတွေရဲ့လှုပ်ရှားမှုတွေကို သတင်းပေးပြီး ပြည်သူတွေကို အသက်အန္တရာယ်ပေးလာတာလည်းရှိတယ်။

ကျွန်တော်တို့က ဒီဟာတွေ ဆက်လက်မလုပ်ဖို့ဆိုပြီး ဒီလိုမျိုးတိုက်ရခြင်းဖြစ်တယ်” ဟု CDF (ဟားခါး) ပြောရေးဆိုခွင့်ရှိသူက ပြောသည်။ စစ်ကောင်စီရန်မှ ကာကွယ်ရန် ချင်းပြည်နယ် မြို့နယ် ၉ ခုနှင့် ချင်းပြည်နယ်ပြင်ပရှိ ချင်းလူမျိုးများ စုစည်းကာ ချင်းဒေသကာကွယ်ရေးတပ်ဖွဲ့ (Chinland Defense Force − CDF) ကို ဧပြီလဆန်းပိုင်းတွင် စတင်ဖွဲ့စည်းခဲ့သည်။

ဧပြီလကုန်ပိုင်းကလည်း ချင်းပြည်နယ်တောင်ပိုင်း မင်းတပ်မြို့၌ စစ်ကောင်စီတပ်များနှင့် ဒေသခံများ လေးရက်ကြာ တိုက်ပွဲဖြစ်ပွားခဲ့ရာ စစ်ကောင်စီဘက်မှ ၃၀ နီးပါးအထိ ထိခိုက်သေဆုံးခဲ့သည်။ ယမန်နေ့ နေ့လယ်ပိုင်းကလည်း ချင်းပြည်နယ် အတက်လမ်းဖြစ်သော ထီးလင်း − ဂန့်ဂေါကားလမ်းမတွင် ဖြတ်သတ်သွားသည့် စစ်ကား ၈ စီးမှာ လက်လုပ်မိုင်းဖြင့် တိုက်ခိုက်ခံရသည်။ အဆိုပါကားများသည် ကလေးမြို့ဘက်မှ ဆင်းလာပြီး ဟားခါးမြို့သို့ သွားမည့် ကားများဟု ဂန့်ဂေါဒေသခံများက ယူဆနေကြသည်။myanmar now

“မင်းအောင်လှိုင် မအေလိုး” ဆိုသော ကြွေးကြော်သံဖြင့် ရန်ကုန်ပြည်သူများ ချီတက် သပိတ် မှောက် 😂

“မင်းအောင်လှိုင် မအေလိုး” ဆိုသော ကြွေး ကြော်သံဖြင့် ရန်ကုန်ပြည်သူများက  လမ်းမများပေါ်တွင်ယနေ့ မေလ ၄ ရက်နေ့ လျှပ်တပြက် ချီတက် သပိတ်မှောက်ကြသည်။khit thit

နမ္မတူ၊ မန်လီရွာ နေအိမ်လေးဆယ်ကျော် ထပ်မံမီးရှို့ခံရ

ရှမ်းပြည်နယ်မြောက်ပိုင်း သီပေါ-နမ္မတူလမ်းပိုင်း မန်လီကျေးရွာက စစ်ရှောင်နေတဲ့ ကျေးရွာသားတွေရဲ့ နေအိမ် လေးဆယ်ကျော် မေလ နှစ်ရက်နေ့မှာ ထပ်မံမီးရှို့ခံရတယ်လို့ သီပေါကိုထွက်ပြေးနေရတဲ့ မန်လီကျေးရွာသား တစ်ဦးက RFA ကို ပြောပါတယ်။မေလ တစ်ရက်နေ့မှာ ကျေးရွာအနီး ပစ်ခတ်သံအချို့ ကြားရပြီး နေအိမ် ငါးလုံး မီးလောင်ခဲ့ပြီး တိုက်ပွဲမဖြစ်တဲ့ မေလ နှစ်ရက်နေ့မှာတော့ နေအိမ် လေးဆယ် လေးလုံး ထပ်မံမီးရှို့ခံခဲ့ရတယ်လို့ ကျေးရွာသားတွေက ပြောပါတယ်။

မေလ ၃ရက်နေ့ မနေ့ကတော့ ကျေးရွာသားတွေဟာ သူတို့ရွာကို သွားရောက်ကြည့်ရှုချိန်မှာ နေအိမ်တွေ မီးလောင်နေတာကို တွေ့ရပြီး လက်နက်ကြီး ထိမှန်တဲ့အနေအထားထက် တမင် မီးရှို့သွားတဲ့အခြေအနေမျိုး တွေ့ရတယ်လို့ ပြောပါတယ်။နမ္မတူမြို့နယ် မန်လီကျေးရွာ၊ ပန်လုံကျေးရွာ၊ မန်ကျန်းကျေးရွာ၊ မန်ဆာကျေးရွာတွေမှာ ဧပြီ လဆန်းပိုင်းကစပြီး ရှမ်းပြည်ပြန်လည်ထူထောင်ရေးကောင်စီ RCSS၊ တအာင်းအမျိုးသား လွတ်မြောက်ရေးအဖွဲ့ TNLA နဲ့ ရှမ်းပြည်တိုးတက်ရေးပါတီ SSPP တပ်တွေ တိုက်ပွဲဖြစ်နေတာပါ။

ဧပြီလ ခြောက်ရက်နေ့မှာတော့ မန်လီရွာထဲကို ရှမ်းပြည်ပြန်လည်ထူထောင်ရေးကောင်စီRCSSတပ်တွေ ဝင် ရောက် လာခဲ့ပြီး ရွာသားတွေကို တိမ်းရှောင်ဖို့ပြောခဲ့တာကြောင့် ရွာသားတွေဟာ သီပေါကိုတိမ်းရှောင်ခဲ့ကြ ပါတယ်။ အဲ့ဒီနောက်မှာ မန်လီရွာက အိမ်သုံးလုံးစတင်မီးလောင်ခဲ့ပြီး မေလတစ်ရက်နေ့မှာ လေးလုံး ထပ်မံ မီးလောင်ခဲ့သလို မေလ နှစ်ရက် နေ့မှာတော့ အိမ်ခြေလေးဆယ်ကျော် ထပ်မံမီးလောင်သွားတဲ့အတွက် အိမ်ခြေ တစ်ရာကျော်ရှိတဲ့ မန်လီရွာ တစ်ဝက်နီးပါး မီးလောင်ပျက်စီးခဲ့ပြီလို့ မန်လီကျေးရွာသား ကိုစိုင်း RFA ကို ပြောပါတယ်

။ဒါ့အပြင် နမ္မတူမြို့နယ် ရေအိုးရွာက နေအိမ်နှစ်လုံးလည်း မီးရှို့ခံရတယ်လို့ ကျေးရွာသားက ပြောပါတယ်။ ဧပြီလဆန်းကနေစပြီး နမ္မတူမြို့နယ် ပန်လုံမန်ကျန်းရွာမှာ နေအိမ် လေးဆယ့်ငါးလုံး၊ မန်ဆာရွာမှာ ဆယ့်သုံးလုံးနဲ့ မန်လီရွာမှာ ငါးဆယ် နီးပါး၊ ရေအိုးရွာမှာ နေအိမ်နှစ်လုံး မီးလောင်ခဲ့တာကြောင့် စုစုပေါင်း စစ်ဘေးရှောင်တွေရဲ့နေအိမ် တစ်ရာကျော် မီးလောင်ပျက်စီခဲ့ပြီး အားလုံးနီးပါးဟာ တအာင်းပလောင်အိမ်တွေဖြစ်တယ်လို့ စစ်ဘေးရှောင်တွေကို ကူညီပေးနေသူက ပြောပါတယ်။

တိုက်ပွဲတွေကြောင့် နမ္မတူမြို့နယ် ပန်လုံ၊ မန်ကျန်း၊ မန်ဆာ၊ ရေအိုး အပါအဝင် အနီးအနား ကျေးရွာက ရွာသားနှစ်ထောင်ကျော်လည်း သီပေါနဲ့ နမ္မတူမြို့တွေကို တိမ်းရှောင်နေရပါတယ်။ကျေးရွာသားတွေနေအိမ် မီးရှို့ခံရတာနဲ့ ပတ်သက်ပြီး TNLA ကတော့ သူတို့ပူးပေါင်းအဖွဲ့တွေ လက်ချက်မဟုတ်ကြောင်း ငြင်းဆိုထားပြီး RCSS ပြောခွင့်ရသူတွေကို ဖုန်းဆက်သွယ်မေးမြန်းရာမှာ ဆက်သွယ်လို့မရသေးပါဘူး။RFA

« Older Entries