Monthly Archives: May 2021

ပြည်မြို့ ဗုံးပေါက်ကွဲမှု စစ်ကောင်စီတပ်ဖွဲ့ဝင် ၆ ဦး ဒဏ်ရာရ

ယနေ့ည ၇ နရီခွဲဝန်းကျင်တွင် ပြည် ဆေးရုံကြီးအနီး သံလမ်းဂိတ် ယာဉ်ထိန်းရဲကင်းတဲတွင် ဗုံးသုံးလုံးပေါက်ကွဲခဲ့ပြီး စစ်ကောင်စီတပ်ဖွဲ့ဝင် ၆ ဦး ဒဏ်ရာရရှိသည်ဟု သတင်းရရှိသည်။

ပထမတစ်လုံးသည် ည ၇ နာရီခွဲတွင် ပေါက်ကွဲခဲ့ပြီး အကြမ်းဖက်စစ်ကောင်စီ တပ်ဖွဲ့ဝင်များ ရောက်ရှိချိန်မှာ နောက်ထပ်နှစ်လုံး ပေါက်ကွဲခဲ့တာကြောင့် ယာဥ်ထိန်းရဲ ၃ ဦး၊ စစ်သား ၂ ဦး၊ မီးသတ် ၁ ဦး ထိခိုက်ခဲ့သည်ဟု သိရသည်။khit thit

ကျိုက်ထိုရဲစခန်းနှင့် ကြံ့ဖွတ်ရုံးကို ပြည်သူ့ကာကွယ်ရေးတပ်ဖွဲ့က ဝင်ပစ်

မွန်ပြည်နယ်၊ ကျိုက်ထိုရဲစခန်းနှင့်ကြံ့ဖွတ်ရုံးကို ယနေ့ ည ၇ နာရီခွဲကျော်ခန့်တွင် ပြည်သူ့ကာကွယ်ရေး တပ်ဖွဲ့က ဝင်ရောက်တိုက်ခိုက်ပြီး ရဲစခန်းနှင့်ကြံ့ဖွတ်ရုံးတွင် ထိခိုက်မှုများရှိကြောင်း သိရှိရသည်။

ယနေ့ ည ၇ နာရီခွဲကျော်မှစတင်၍ ကျိုက်ထိုရဲစခန်းအတွင်းသို့ ပစ်ခတ်မှုများ စတင်ခဲ့ကြောင်း၊ ယင်းနောက်ကြံ့ဖွတ်ရုံးတွင် လက်ပစ်ဗုံးဖြင့် ပစ်သွားကြောင်း၊ ရဲစခန်းပစ်ခတ်ခံရမှုတွင် ရဲတချို့ ထိခိုက်မှုများရှိသည်ဟု သိရှိရပြီး ကြံ့ဖွတ်ရုံး ကို လက်ပစ်ဗုံး ဖြင့် ပစ်ခတ်ရသည့် ဖြစ်စဉ်တွင် ရုံးစောင့်ကြံ့ဖွတ်ပါတီဝင်တစ်ဦး ထိခိုက်မှုရှိကြောင်း သိရှိရသည်။

ဒဏ်ရာရရှိသူများတွင် တပ်ထောက်ခံသူ ကျောင်းဆရာရဲနိုင်၏ သားဖြစ်သူလည်း ထိခိုက်ဒဏ်ရာရရှိမှုရှိကြောင်း၊ လတ်တလော ဆေးကုသမှု ခံယူနေရသည်ဟု သိရှိရကြောင်း ကျိုက်ထိုဒေသခံတချို့ က လူမှုကွန်ရက်တွင် ရေးသားထားသည်။ “ရဲစခန်းဘက်မှာ ပစ်တာ အချက် ၁၀၀ ကျော်တယ်။ ဗုံးပေါက်တဲ့အသံတွေ လက်နက်ကြီးသံတွေလည်း ကြားရတယ်။

စစ်တပ်ရော ရဲရောက ရပ်ကွက်တွေထဲအထိ လိုက်ပစ်နေတယ်။ စစ်တာတွေလည်းလုပ်နေတယ်။ ကြံ့ဖွတ်ရုံးမှာတော့ ရုံးစောင့်တစ်ဦး ထိတယ်လို့ ပြောတယ်။ ရဲတွေလည်း ထိတယ်လို့ ပြောတယ်။ အတိအကျ မသိသေးဘူး။ အခုက ဘယ်သူမှ အပြင်မထွက်ရဲဘူး၊ ပစ်ခတ်သံတွေကတော့ ကြားနေရတယ်” ဟု ဒေသခံတစ်ဦးက ရန်ကုန်ခေတ်သစ်သတင်းဌာနသို့ ပြောဆိုသည်။khit thit

မြောင်းမြမြို့တွင် ရပ်ကျေးအုပ်ချုပ်ရေးမှူးရုံး ဗုံးကွဲ

ဧရာဝတီတိုင်း၊ မြောင်းမြမြို့နယ်မှာ မေလ ၁၁ ရက် ဒီနေ့ ညပိုင်းက အမှတ် ၄ ရပ်ကွက်အုပ်ချုပ်ရေးမှူးရုံးမှာ ပေါက်ကွဲမှုဖြစ်ပွားခဲ့ပါတယ်။

ဒီည ၇ နာရီခွဲလောက်မှာ  အုပ်ချုပ်ရေးမှူးရုံးက ပေါက်ကွဲသံကို ကြားခဲ့ရတာဖြစ်ပြီး ထိခိုက်ဒဏ်ရာရရှိတဲ့အခြေအနေကိုတော့ မသိရသေးဘူးလို့ ဒေသခံတွေကပြောပါတယ်။

ပေါက်ကွဲမှုဖြစ်ပွားခဲ့တဲ့ ရပ်ကွက်အုပ်ချုပ်ရေးမှူးရုံးကို ရဲနဲ့ စစ်တပ်က မိနစ်ပိုင်းမှာပဲ ရောက်ရှိလာပြီး စစ်ဆေးနေပါတယ်။

ဒီကနေ့ မြောင်းမြမြို့မှာ ပေါက်ကွဲခဲ့တဲ့ ဗုံးဟာ ဧရာဝတီတိုင်းမှာ ပထမဆုံး ရပ်ကျေးအုပ်ချုပ်ရေးမှူးရုံး စတင်ပေါက်ကွဲတာလည်း ဖြစ်ပါတယ်။DVB

“လိုချင်တာကို ပြန်ရဖို့ တိုက်ယူမယ့်အချိန်ရောက်ပြီ” ဟု မော်ဒယ် ထားထက်ထက်ပြော

“ကျွန်မတို့ရဲ့ အဓိက ရည်ရွည်ချက်က တခုထဲ၊ အဲ့ဒါက နှစ် ၆၀ နီးပါးလောက် အမြစ်တွယ်ခဲ့တဲ့ စစ်အာဏာ ရှင်စနစ်ဆိုး ကျွန်မတို့ရဲ့ မျိုးဆက်မှာ အဆုံးထိ ပျက်သုဉ်းဖို့အတွက် တိုက်ပွဲဝင်ဖို့၊ လိုချင်ရင် တိုက်ယူ ဆိုတဲ့စကားအတိုင်း ပြန်တိုက်ယူရမယ့်အချိန် ရောက်လာခဲ့ပြီဖြစ်တယ်” ဟု မော်ဒယ် ထားထက်ထက်က သူ့ရဲ့ ဖေ့စ်ဘုတ်စာမျက်နှာတွင် ရေးသားထားသည်။

ထားထက်ထက်သည် မြန်မာနိုင်ငံကိုယ်စားပြုအလှမယ်တစ်ဦး၊ မော်ဒယ်တစ်ဦးဖြစ်ပြီး လက်ရှိအချိန်တွင် လွတ်​မြောက်နယ်​မြေတစ်ခုတွင် ​ရောက်ရှိ​နေသည်ဟု သူ၏ လူမှုကွန်ရက်စာမျက်နှာတွင် ရေးသားထားသည်။

“ပိုင်ဆိုင်မှုတွေအကုန် စွန့်လွှတ်ခဲ့ပြီးတဲ့အချိန်မှာ ဆုံးရှုံးစရာဆိုတာ ဘာမှမရှိတော့ပါဘူး၊ NUG ကနေ PDF Ready ဆိုပြီး Call ခေါ်တဲ့အချိန်မှာ ကျွန်မတို့တွေဘက်က အဆင်သင့်ဖြစ်နေဖို့ပါပဲ” ဟု ထားထက်ထက်က ရေးသားထားသည်။

လက်ရှိအချိန်တွင် စစ်အာဏာရှင်ကို လက်နက်ကိုင်လမ်းစဥ်ဖြင့် တော်လှန်ရန် လူငယ်များ တိုင်းရင်းသားနယ်မြေများတွင် စစ်သင်တန်းများ တက်ရောက်သင်ကြားမှုများ ရှိ​နေ​ကြောင်း သိရှိရသည်။khit thit

မူဆယ်တွင် နယ်စပ်ကုန်သွယ်ရေး ညွှန်မှူး သေနတ်ပစ်ခံရမှု ကားဖြင့် ထွက်​ပြေးလွတ်​မြောက်​သော်လည်း လက်၊ဗိုက်နှင့်ဆီးခုံတို့တွင် ဒဏ်ရာရ၊ အ​မော​ဖောက်၍ ​ဆေးရုံ​ပြောင်း

တရုတ်-မြန်မာ နယ်စပ် မူဆယ် ၁၀၅ မိုင် စီးပွားရေး ကုန်သွယ်ရေးဇုန်တွင် နာမည်ဆိုးဖြင့် ကျော်ကြားသူ နယ်စပ်ကုန်သွယ်ရေး ညွှန်ကြားရေးမှူး ဦးမင်းအောင်အေး ယနေ့ ညနေပိုင်းတွင် သေနတ်ဖြင့် ပစ်ခံရရာတွင် ကားဖြင့်ထွက်​ပြေးလွတ်မြောက်​သော်လည်း ဆီးခုံ၊ ဗိုက်နှင့်လက်တို့တွင် ဒဏ်ရာများရရှိ​ကြောင်း ဒေသခံများထံမှ သိရှိရသည်။

“သူ့ကားကို ​ရှေ့က​နေပစ်တာ။ အဲဒါသူက ကားကို ​နောက်ပြန်ဆုတ်ပြီး​ပြေး​တော့ လွတ်သွားတယ်။ ပထမသိတာက ဒဏ်ရာမရဘူး သိထား​ပေမယ့် အခု ​နောက်ဆုံးသိရတာက ဗိုက်၊ ဆီးခုံနဲ့ လက်မှာ ဒဏ်ရာရတယ်။ အခု အခုမောလာလို့ ကွတ်ခိုင် လားရှိုးပို့ကြပြီ” ဟု မူဆယ်မြို့ခံတစ်ဦးက ရန်ကုန်ခေတ်သစ်သတင်းဌာနသို့ ပြောဆိုသည်။khit thit

မူဆယ်တွင် နာမည်ဆိုးဖြင့်ကျော် ကြားသော နယ်စပ်ကုန်သွယ်ရေး ညွှန်မှူး သေနတ်ပစ်ခံရ

တရုတ်-မြန်မာ နယ်စပ် မူဆယ် ၁၀၅ မိုင် စီး ပွားရေး ကုန်သွယ်ရေးဇုန်တွင် နာမည်ဆိုးဖြင့် ကျော် ကြားသူ နယ်စပ်ကုန်သွယ်ရေး ညွှန်ကြားရေးမှူး ဦးမင်းအောင်အေး ယနေ့ ညနေပိုင်းတွင် သေ နတ်ဖြင့် ပစ်ခံရသော်လည်း ဒဏ်ရာရရှိမှုမရှိဘဲ လွတ်မြောက်သွားကြောင်း ဒေသခံများထံမှ သိ ရှိရသည်။

“ဟုတ်တယ်ဗျ။ မင်းအောင်အေး သေနတ်နဲ့ အပစ်ခံရတာ။ လွန်ခဲ့တဲ့ နာရီဝက်လောက်တော့ ရှိတော့မယ်။ မင်းအောင်အေးလို့ ခေါ်တာက ဒီလူက အရမ်းယုတ်မာတယ်ဗျ။ အကျင့်ပျက်ခြစားမှုမှာလည်း နာမည်ကြီးတယ်။ မူဆယ်ဒေသခံတွေက သူ့အကြောင်းသိကြပါတယ်။ ထိခိုက်မှုမရှိဘူး။ လွတ်သွားတယ်” ဟု မူဆယ်မြို့ခံတစ်ဦးက ရန်ကုန်ခေတ်သစ်သတင်းဌာနသို့ ပြောဆိုသည်။khit thit

မန္တလေး အင်ဂျင်နီယာ စစ်ကြောင်း ချီတက်ဆန္ဒပြ (video)

မန္တလေးမြို့တွင် မေလ ၁၁ ရက် ညနေ ၅ နာရီဝန်းကျင်က လူအင်အား တစ်ရာဝန်းကျင်ပါသော မန္တလေးအင်ဂျင်နီယာများအဖွဲ့ MEG သပိတ်စစ်ကြောင်းသည် စစ်အာဏာရှင်ဆန့်ကျင်ရေး ကြွေးကြော်သံများဖြင့် ချီတက်ဆန္ဒပြခဲ့ကြသည်။khit thit

နွမ်လန့်ကျေးရွာအနီး စစ်ကောင်စီမှ ဂျက်ဖိုက်တာနှစ်စင်းနှင့်ပစ်ခတ်တိုက်ခိုက် ၊ KIA မှ လက်နက်ကြီးဖြင့် ပြန်လည်ခုခံ

ဗန်းမော်ခရိုင်၊ မိုးမောက်မြို့နယ်၊ နွမ်လန့်ကျေးရွာအနီးတစ်ဝိုက်အနီးရှိ ချန်တွမ်ဘွမ် (Shan Tum Bum) မှာ အကြမ်းဖက်စစ်ကောင်စီတပ်ဘက်က ဂျက်ဖိုက်တာ လေယာဉ်နှစ်စီးနဲ့ လာရောက်ပစ်ခတ်ခဲ့ရာ ကချင်လွတ်လပ်ရေးတပ်မတော် (KIA) မှ လက် နက်ကြီးနဲ့ ပြန်လည် ပစ်ခတ်ခဲ့တယ်လို့ သိရပါတယ်။

” (၁) နာရီလောက်မှာ ပစ်လိုက်တာ။ တိုက်ပွဲလည်း မဖြစ်ဘူး။ ဂျက်ဖိုက်တာလေယာဉ်နှစ်စီး နဲ့ လာပစ်တာ။ KIA ဘက်က လက်နက်ကြီးနဲ့ပစ်တော့ တစ်စီးက ထိတယ်။ ဒါပေမယ့် ချက်ကောင်းမထိတော့ မပျက်ကျဘူး” လို့ မျက်မြင်တွေ့ရှိခဲ့တဲ့ ဒေသခံက တစ်ဦးက ဆိုပါတယ်။

နွမ်လန့်ကျေးရွာအနီးက ချန်တွမ်ဘွမ်ဟာ ကချင်လွတ်လပ်ရေးတပ်မတော် (KIA)ရဲ့ တပ်မဟာ (၅)အောက်၊ တပ်ရင်း (၃၀) တို့ စခန်းချနေထိုင်ရာ နေရာဖြစ်တယ် လို့လည်း သိရပါတယ်။

ဒါ့အပြင် ဗန်းမော်ခရိုင်၊ မန်စီမြို့အနီးရှိ မဒန်ယန်ကျေးရွာမှာလည်း ဒီကနေ့ နံနက် (၈) နာရီအချိန်ကကချင်လွတ်လပ်ရေးတပ်မ‌တော် (KIA)နဲ့ အကြမ်းဖက်စစ်ကောင်စီတို့ကြား တိုက်ပွဲ အပြင်းအထန် ဖြစ်ပွားနေကြောင်းလည်း သိရပါတယ်။

စစ်ကောင်စီမှ တစ်လတာ အပစ်ရပ်ကြောင်း ထုတ်ပြန်ခဲ့ပြီး‌နောက် (KIA)ထိန်းချုပ်နယ်မြေ‌တွေမှာ လက်ရှိအချိန်ထိ တိုက်ပွဲ ပြင်းထန်နေဆဲပဲ ဖြစ်ပါတယ်။NUM

« Older Entries