SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS

ရန်ကုန်၊ သင်္ဃန်းကျွန်း BOC မှတ်တိုင်အနီးတွင် မေလ ၁၅ ရက် ည ရှစ်နာရီ ဝန်းကျင်က ဗုံးပေါက်ကွဲဲပြီး The Lord ဘီယာဆိုင်အရှေ့တွင် Probox အမျိုးအစား ကားတစ်စီး မီးလောင်နေသည်ဟု သတင်းရရှိသည်။

ဗုံးပေါက်ကွဲသံ နှစ်ကြိမ်ကြားရပြီး ယခုအချိန်တွင် စစ်ကောင်စီတပ်ဖွဲ့ဝင်များ ရောက်ရှိနေသည်ဟု မျက်မြင်တစ်ဦးမှ ပြောသည်။ထိခိုက်ပျက်စီးမှုအသေးစိတ် မသိရှိရသေးပေ။khit thit

တောင်ငူမြို့ တပခဌာနချုပ်ထဲက လေတပ်စခန်းကို မနက်ပိုင်း ၉နာရီကျော်လောက်က လက်နက်တခုနဲ့အပစ်ခံရပြီး လေယာဉ်ဆီသိုလှောင်တဲ့အနားကိုကျပြီး လိုင်းခန်းတချို့ထိခိုက်ပျက်စီးခဲ့တယ်လို့ သိရတယ်။

နေ့လယ် ၁၂နာရီကျော်လောက်ကလည်း လေတပ်နားက Denko အနောက်ကို ထပ်မံအပစ်ခံရတယ်လို့ အနီးနားနေသူတွေထံက သိရပါတယ်။၁၀၇(မမ) ရှော့တိုက်နဲ့ အပစ်ခံခဲ့ရတာဖြစ်တယ်လို့ တပ်အတွင်းနေထိုင်သူတွေထံက သိရပါတယ်။

ဒီလိုပစ်ခက်ခံရမှုနဲ့ပတ်သက်ပြီး တပခအနီးဝန်းကျင်ရှိ သဖန်းပင်ကျေးရွာ မဟင်ကျေးရွာဘက်က ယောင်္ကျားလေးတွေ ဖမ်းဆီးမှုတွေရှိနေပြီး စစ်တောင်းမြစ်တလျှောက်မှာ လိုက်လံရှာဖွေနေကြပါတယ်ပစ်ခတ်မှုတွင် တိုက်​ရှော့ ၆လုံး ဟု ​ဒေသခံများက ​​​​ပြောပြီး မ​ပေါက်ကွဲ​သေးသည့် ၂လုံးကို စကစ က ရှာ​ဖွေ​နေ​ကြောင်း သိရသည်။khampattimes

ခင်ဦးမြို့နယ် ကံသာယာကျေးရွာမှ စစ်အာဏာရှင်ကို ဆန့်ကျင်ဆန္ဒပြနေသူတစ်ဦး၏နေအိမ်ကို အကြမ်းဖက်စစ်ကောင်စီတပ်ဖွဲ့ဝင်များက ဝင်ရောက်ရှာဖွေပြီး အိမ်တွင်းရှိပစ္စည်းများကို ဖျက်ဆီးကာ ငွေသား ၇ သိန်း ၃ သောင်းကျပ်ကို ခိုးယူသွားသည်ဟု ကာယကံရှင်မှ ခေတ်သစ်မီဒီယာသို့ အတည်ပြု ပြောသည်။အဆိုပါ ဆန္ဒပြသူ အမျိုးသားမှာ ရှောင်တိမ်းနေလို့ လွတ်မြောက်ခဲ့ရပြီး သူ၏နေအိမ်မှာ ဆန်အိတ်များ၊ စပါးအိတ်များအပါအဝင် ပစ္စည်းများ ဖျက်ဆီးခံခဲ့ရသည်ဟု သိရသည်။khit thit

ချင်းပြည်နယ်၊ မင်းတပ်တွင် အကြမ်းဖက်စစ်ကောင်စီတပ်များက အင်အားအလွန်အကျွံ့အသုံးပြုလာ၍ မင်းတပ်ပြည်သူ့ကာကွယ်ရေးတပ်ဖွဲ့များ ရှောင်ပေးလိုက်ရကြောင်း  မင်းတပ် ပြည်သူ့ကာ ကွယ်ရေးတပ်ဖွဲ့က သတင်းထုတ်ပြန်သည်။

“KIA, KNU ကိုတောင် တစ်ရက်ထဲ ဒီလောက်အင် အားမသုံးဘူး။ မြို့လေးတစ်မြို့ကို ကာကွယ်တဲ့ တူမီး၊ခါးချိုးကိုင် ပြည်သူ့ကာကွယ်ရေးတပ်ကိုပဲ ဒီလောက်အင်အားသုံးစရာလား။ ဒီမနက် လူသူလက်နက်အင်အားလာဖြည့်တာကိုပဲ ရဟတ်ယဥ်အကြိမ် ၃၀ ေလာက်လာတယ်။ ရဟတ်ယဥ်ပေါ်ကနေ ပစ်ခတ်တယ်။  မနက် ၇ နာရီ ကနေ ညနေ ၃ နာ ရီလောက် လူနေရပ်ကွက်တွေထဲ လက်နက်ကြီးတွေ မနားတမ်းပစ်ခတ်တယ်။ ဗုံးဆံထိတဲ့ ဒဏ်ရာရ အ ပြစ်မဲ့ပြည်သူတွေ ဆေးကုသလို့မရ။လူတွေလိုက် ဖမ်းတယ်၊ ဖမ်းမိတဲ့လူတွေကို လူသားဒိုင်းအဖြစ်သုံးပြီး မြို့ကိုကျူးကျော်သိမ်းပိုက်တယ်။ မြို့တွင်းတိုက်ပွဲဆင်တယ်။ ဘယ်သူသေသေ၊ ဘယ်သူထိထိ မည်းမည်းမြင်ရာပစ်တယ်” ဟု မင်းတပ်ပြည်သူ့ကာကွယ်ရေးတပ်ဖွဲ့၏ သတင်းထုတ်ပြန်ချက်တွင် ရေးသားထားသည်။

“ပြည်သူ့ကာကွယ်ရေးတပ်ဖွဲ့က ပြည်သူတွေ၊ ဆိုင်တွေ၊ အိမ်တွေထိမှာစိုးလို့ ဆုတ်ပေးရတယ်။စဥ်းစားကြည့်ပါ..စကစတပ်တွေ လက်နက်ကြီးပစ်ကူ၊ စက် သေနတ်ကိုင်၊ မောင်းပြန်ကိုင်၊ စိန်ပြောင်းတွေကိုင်ပြီး လူအင်အားနဲ့တိုက်တာတောင် တူမီးတပ်ကို မယှဥ်နိုင်တော့… ရဟတ်ယဥ်နဲ့မြို့ကိုကျော်ပြီး ပြည်သူတွေကို လူမျိုးတုန်းရက်စက်နေတာ.. မင်းတပ်ကို တတိုင်းပြည်လုံးက ဝိုင်းကူကြပါ။ စကစကို ဝိုင်းတိုက်ကြ၊ တွန်းလှန်ကြပါ။ ကျွန်တော်တို့ညီရင် သူတို့ပြုတ်ပါတယ်။ CDF-Mindat က ခဏရှောင်ပေး လိုက်တာပါ။ ကျွန်တော်တို့ ရှိနေတယ်။ မကြာဘူး.. ကျွန်တော်တို့ ပြန်လာမယ်..ပြန်ချမယ်။အရေး တော်ပုံအောင်ရမည်” ဟု လည်း မင်းတပ်ပြည်သူ့ကာ ကွယ်ရေးတပ်ဖွဲ့၏ ထုတ်ပြန်ချက်တွင် ရေးသားဖော်ပြထားသည်။

အကြမ်းဖက်စစ်အုပ်စုက မေလ ၁၃ ရက်နေ့တွင် မင်းတပ်မြို့ကို စစ်အုပ်ချုပ်ရေး နယ်မြေဒေသအဖြစ် ကြေညာခဲ့သည်။khit thit