SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS

ချင်းပြည်နယ်၊ မင်းတပ်မြို့နယ်တွင် အကြမ်းဖက် လူသတ် ဖက်ဆစ် စစ်ကောင်စီက ဥပဒေမဲ့ ပရမ်းပတာ စစ်ရာဇဝတ်မှုများ ကျူးလွန်နေပြီး ပြည်သူများအတွက် အရေးပေါ် စစ်ရှောင်စခန်း ဖွင့်လှစ်ရန် လိုအပ်နေကြောင်း မင်းတပ် ပြည်သူ့အုပ်ချုပ်ရေးအဖွဲ့က တရားဝင် သတင်းထုတ်ပြန်သည်။

မင်းတပ်ပြည်သူ့ကာကွယ်ရေးအဖွဲ့သည် အကြမ်းဖက် စကစ ၏ အလွန်အကျွံအင်းအားသုံးဖြိုခွင်းမှုများကြောင့် ပြည်သူတွေအထိနာမှာစိုးပြီး နောက်ဆုတ်ပေးသော်လည်း အကြမ်းဖက် စစ်ကောင်စီသည် တွေ့သမျှ လူများကိုဖမ်းဆီးနှိပ်စက်နေပြီး ဖျက်စီးမြဲအတိုင်းဖျက်စီးနေကြောင်း၊ မြို့ပေါ်မှ ၉၀ ရာခိုင်နှုန်း သောပြည်သူလူထုသည် တောထဲတောင်ထဲ အကာအကွယ်မဲ့ တိမ်းရှောင်ထွက်ပြေးနေကြရကြောင်း၊ မြို့ပေါ်မှာ ပိတ်မိနေသည့် ပြည်သူတစ်ချို့လည်း ထွက်ပြေး၍ မရစေရန် စစ်တပ်က လမ်းများပိတ်ဆို့ထားကြောင်း သိရှိရသည်။

အကြမ်းဖက် လူသတ် ဖက်ဆစ် စစ်ကောင်စီသည် အိမ်ထဲဝင်ပြီး ရှိသမျှပစ္စည်း၊ ချင်းရိုးရာပစ္စည်းများကို ခိုးယူခြင်း၊ အဘိုးအဖွားများနှင့်အစောင့်များရှိနေသည့်အိမ်များကို ဝင်ရောက်ကာ ငွေ၊ လက်ဝတ်ရာတနာ၊ နားကပ်၊ ဆွဲကြိုး၊ ဆိုင်ကယ် တွေ့သမျှအကုန်ယူဆောင်ကြောင်း၊ ပြည်သူများ၏အိမ်များကို လက်နက်ကြီးငယ်များဖြင့် တမင်ဖျက်စီးနေကြောင်း သိရှိရသည်။

မင်းတပ်ပြည်သူလူထုအတွက် NGO/INGO/UN များ၏ အကူအညီများ အရေးပေါ် လိုအပ်နေကြောင်း ၊အရေးပေါ်စစ်ဘေးရှောင်စခန်း၊ စားနပ်ရိက္ခါတွေ အမြန်ပံ့ပိုးပေးဖို့လိုအပ်​နေကြောင်း၊ အကူအညီများ ရက်ပိုင်းအတွင်း မရရှိပါက စစ်တပ်၏လက်နက်ကြောင့် သေသည့်သူကသ်ပြီး အစာရေစာငတ်ပြတ်ခြင်း ကျန်းမာရေးစောင့်ရှောက်မှုမရရှိခြင်းတို့ကြောင့် ဒုက္ခရောက်မည့် လူဦးရေး များလာမည့် အခြေအနေမှာရှိကြောင်း၊ အလံဖြူ ထောင်နိုင်သည့် စစ်ဘေးရှောင်စခန်းအမြန်ဆုံး ဖွင့်ဖို့လိုအပ်ကြောင်း၊ စစ်ဘေးရှောင်လူဦးရေအားဖြင့် ၃၀၀၀ – ၅၀၀၀ ကြား ရှိကြောင်း၊ အမိုးမရှိ၊ အကာမရှိ၊ အခင်းမရှိ၊ မြေကြီးပေါ်တွင် ပုဆိုးခင်းပြီးအိပ်နေရသည့်အခြေအနေမှာရှိကြောင်း၊ စားဝတ်နေရေးလည်းအခက်အခဲရှိပြီး တောထဲတွင် ခြင်ပေါသည့်အတွက် ကျန်း မာရေးလည်း မကြာခင် ၃-၄-၅ ရက်အတွင်း အခြေနေဆိုးဝါးလာမည်ဖြစ်ကြောင်း သိရှိရသည်။khit thit

တနင်္သာရီတိုင်း၊ ထားဝယ်ခရိုင်၊ သရက်ချောင်းမြို့နယ်၊ ကမြိုင်ကျေးရွာ လမ်းထိပ်တွင် အကြမ်းဖက်စစ်ကောင်စီတပ်ဖွဲ့ဝင်များက မေလ ၁၇ ရက် ယနေ့နံနက် ၁၀ နာရီ ဝန်းကျင်တွင် သေနတ်ဖောက်ခြိမ်းခြောက်ပြီး အနီးရှိ ဆိုင်ခန်းများကို ဝင်ရောက်ဖျက်ဆီးခဲ့သည်။

“သူတို့က ဒီနားက ရွာတွေက သပိတ်စစ်ကြောင်းတွေ ထွက်ကြတယ်ဆိုလို့ လာစုံစမ်းကြတာ၊ မတွေ့တော့ ဆိုင်ခန်းတွေကို ဖျက်ဆီးသွားတာ” ဟု ဒေသခံတစ်ဦးမှ ပြောသည်။

အဆိုပါကိစ္စနှင့်ပတ်သက်ပြီး ရွာသားများမှ ဓာတ်ပုံများ ရိုက်ယူကာ လူမှုကွန်ရက်ပေါ်တွင်ဖြန့်ဝေခဲ့ပြီး အဆိုပါဓာတ်ပုံများတွင် ကားဝပ်ရှော့တစ်ခု၏ ဆိုင်းဘုတ်ပါဝင်နေသောကြောင့် အကြမ်းဖက်စစ်ကောင်စီတပ်ဖွဲ့ဝင်များက အဆိုပါ ကားဝပ်ရှော့အား ထပ်မံ ဝင်ရောက် ဖျက်ဆီးခဲ့သည်ဟု ဒေသခံတစ်ဦးမှ ရန်ကုန်ခေတ်သစ်သို့ပြောသည်။

အာဏာသိမ်း လူသတ်စစ်ကောင်စီ တပ်ဖွဲ့ဝင်များက သေနတ်ဖောက်ခြိမ်းခြောက် ဖျက်ဆီးမှုတွေ လုပ်ခဲ့ပေမယ့် ရွာသားတစ်ဦးကိုမှ ဖမ်းဆီးသွားခြင်း မရှိဟု သိရသည်။khit thit

ကချင်ပြည်နယ်၊ဖားကန့်မြို့နယ် ပညာ​ရေးမှူးရုံး​ရှေ့တွင် ယ​နေ့ ည​နေ ၄ နာရီက ဗုံးကွဲပြီး လူထိခိုက်မှုမရှိ​ကြောင်း၊ သို့ရာတွင် အကြမ်းဖက်စစ်​ကောင်စီတပ်များက ​နေရာများ ပိတ်ဆို့၍ ရှာ​ဖွေစစ်​ဆေးမှုများ​ဆောင်ရွက်​နေ​ကြောင်း သိရှိရသည်။khit thit