SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS

ရန်ကုန်မြို့လယ်၊ဒဂုံမြို့နယ်ရှိ တိုက်တစ်ခု​ပေါ်တွင် ​မေလ ၁၈ ရက်​နေ့ မွန်းလွဲ ၃ နာရီဝန်းကျင် ​ပေါက်ကွဲမှု တစ်ခုဖြစ်ပြီး ဒဏ်ရာရသူတချို့ရှိ​ကြောင်း ​ဒေသခံများက​ပြောသည်။လတ်တ​လော အကြမ်းဖက်စစ်​ကောင်စီတပ်များက ဗိုလ်ရာညွန့်လမ်း၊ ​ယောက်လမ်းတို့တွင် လုံခြုံ​ရေး အင်အားတိုးမြှင့်ချထားပြီး စစ်​ဆေးမှုများလုပ်​ဆောင်​နေ​ကြောင်း သိရှိရသည်။khit thit

ဒီနေ့နေ့လယ် ၁၂ခွဲအချိန်လောက်မှာ စစ်သင်္ဘော အချို့ ဧရာဝတီမြစ်ကြောင်းအတိုင်း သရက်မြို့ကို ဖြတ်ပြီး အထက်ဘက်ကိုဆန်တက်သွားတယ်လို့ ဒေသခံတွေ ဆီက သိရပါတယ်။

အဲဒီ စစ်သင်္ဘောတွေဟာ မနေ့က ရွှေတောင်မြို့ကို ဖြတ်လာပြီး ပြည်မြို့နဲ့ ရွှေတောင်မြို့ကြားက နွားမယံ ဇာတ်ဆိပ်မှာ ညအိပ်ပြီး ဒီနေ့မှာ ပြည်မြို့ကိုဖြတ်ပြီး ဧရာဝတီမြစ်ကြောင်းအတိုင်း ဆန်တက်သွားတာ ခုဆို သရက်မြို့ကို ကျော်သွားပြီဖြစ်ပါတယ်။

စစ်သင်္ဘော တွေပေါ်မှာ တပ်သားအချို့နဲ့ အမြှောက်တပ်ဆင်ထားတာ မြင်တွေ့ရပြီး လက်နက်များလည်း ပါနိုင်တယ်လို့ မျက်မြင်တွေ့သူတွေဆီက သိရပါတယ်။ PyuRegionalNews

ချင်းပြည်နယ်၊ မင်းတပ်မြို့အနောက်ပိုင်း မင်းတပ်-မတူပီ လမ်းတွင် တိုက်ပွဲများ ပြင်းထန်နေဆဲဖြစ်ပြီး အကြမ်း ဖက် စစ်​ကောင်စီတပ်များ ဓါတုလက်နက် အသုံးပြုဖွယ်ရှိသည်ဟု မင်းတပ်ပြည်သူ့အုပ်ချုပ်​ရေးအဖွဲ့က ထုတ်ပြန်သည်။

မေလ ၁၂ ရက်နေ့တွင် မတူပီမှ ဆင်းလာသော စစ်ကား (၆) စီးသည် လမ်းတွင်အကြိမ်ကြိမ်ဖြတ်တိုက်ခံရပြီး မင်းတပ်မြို့သို့မရောက်နိုင်ဖြစ်​နေရာ မေလ ၁၅ ရက်တွင် မတူပီ ဗျူဟာမှ စစ်ကူ စစ်ကားနောက်ထပ် (၇) စီး ထပ်မံ ဆင်းလာ​ကြောင်း၊အနောက်ဘက်တိုက်ပွဲတွင်လည်း စကစတပ်များသည် RPG များ၊ လောင်ချာများ၊ ဟောင်ဝစ်ဇာ လက်နက်ကြီးများကို တောက်လျှောက်သုံးလာ​ကြောင်းသိရှိရသည်။

မင်းတပ်မြို့နှင့် ၁၆ မိုင်အကွာတွင် လက်နက်ကြီး ကျည်ကုန်၍ ထပ်ရှေ့မတိုးနိုင်တော့သောကြောင့် မတူပီမှ စစ်ကူတောင်း​ခြင်းဖြစ်မည်ဟု ယူဆရ​ကြောင်း၊မေ (၁၇) ရက်နေ့တွင် မိုင် ၃၀ နှင့် ၄၀ ကြားတွင်ဖြစ်သောတိုက်ပွဲတွင် အသုံးပြုသော လက်နက်ကြီးများသည် ယခင်လက်နက်ကြီးများနှင့် မတူဘဲ CDF-Mindat ရဲဘော်အချို့သည် ဗုံးဆံများမထိ၊ ပြင်ပဒဏ်ရာများမရှိသော်လည်း မူးဝေခြင်း၊ အော့အန်ခြင်း၊ အရုပ်ကြိုးပြတ် အားနည်းခြင်းများဖြစ်၍ တွဲကူထမ်းထုတ်ရသည့် အခြေအနေ များ တွေ့ကြုံရ​ကြောင်း ထုတ်ပြန်ထားသည်။khit thit

ပဲခူးတိုင်း၊ ဒိုက်ဦးမြို့နယ်တွင် ယမန်နေ့ညပိုင်းက အကြမ်းဖက်စစ်ကောင်စီတပ်များ၏ ပစ်ခတ်မှုကြောင့် မြို့သစ် (ခ) ရပ်ကွက်တွင် နေထိုင်သူ ဦး​အောင်ကျော်မိုး ကျည်ထိ၍ ကွယ်လွန်သွားကြောင်း သိရှိရသည်။

မေလ ၁၇ ရက်နေ့ ည ၇ နာရီခန့်မှစတင်၍ ဒိုက်ဦးမြို့ပေါ်တွင် စစ်ကောင်စီတပ်က ပစ်ခတ်မှုများ ဆက်တိုက်ပြုလုပ်ခဲ့ကြောင်း၊ မြို့သစ်(ခ) ရပ်ကွက်တွင် စစ်ကောင်စီတပ်များက ဒေသခံ ၃ ဦး ထွက်ပြေးသည်ကို မြင်၍ လိုက်လံ ပစ်ခတ်ကြောင်း သိရှိရသည်။

“တစ်နေ့က ဒိုက်ဦး ပညာရေးမှူးရုံးမှာ ဗုံးကွဲတယ်။ အဲဒီကတည်းက ဒီစစ်ခွေးတွေက မြို့ကို ပြဿနာရှာတာ။ ညကဆိုရင်လည်း လူတွေက ကာဖျူးအချိန်မဟုတ်တော့ သူ့ဟာသူ သွားလာနေတာကို လိုက်ပြီး ပစ်တယ်။ အဲဒီမှာ ကိုကျော်မိုးကလည်း လမ်းထိပ်မှာ သူ့ဟာသူနေတာ။ သူတို့ က ၀ရုန်းသုန်းကား လိုက်ပစ်နေတော့ ပြေးတဲ့အခါ သူ့ကို ကျည်မှန်တယ်။

လက်တွေ၊ ပေါင်တွေ ထိတယ်။ သွေးထွက်လွန်ပြီး ကျည်ထိပြီးတဲ့နောက် ဆုံးသွားတယ်” ဟု ဒိုက်ဦးဒေသခံတစ်ဦးက ပြောသည်။ အကြမ်းဖက်စစ်တပ်၏ ပစ်ခတ်မှုကြောင့် ကျဆုံးသူ ဦး​အောင်ကျော်မိုးသည် မြို့သစ်(ခ)ရပ်ကွက် ၅ လမ်းတွင် နေထိုင်သူဖြစ်ပြီး ဇနီးနင့် ကလေး များ ကျန်ရစ်ကြောင်း သိရှိရသည်။khit thit