SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS

ယနေ့ ဇွန်လ ၅ ရက် နံနက်ပိုင်းမှစ၍ မိုးဗြဲတွင် အကြမ်းဖက် ဖက်ဆစ် စစ်တပ်နှင့် ပြည်သူ့ကာကွယ်ရေးတပ်ဖွဲ့များ တိုက်ပွဲပြင်းထန်ခဲ့ပြီး ဖက်ဆစ် စစ်သား ၂၀ သေဆုံး၊ မိုးဗြဲ PDF တစ်ဦး လက်နက်ကြီး ထိမှန် ကျဆုံးကာ အရပ်သားအချို့ ထိခိုက်ဒဏ်ရာရသည်ဟု KNDF မှ သတင်းထုတ်ပြန်သည်။

ယနေ့ညနေပိုင်းအထိ အကြမ်းဖက်စစ်ကောင်စီ မိုးဗြဲ ၄၂၂ တပ်ရင်းနှင့် လွိုင်ကော် ၂၆၁ တပ်ရင်းမှာ လက်နက်ကြီးများဖြင့် ပစ်ခတ်နေသည်ဟု သိရသည်။ယမန်နေ့ညကလည်း ဒီမော့ဆိုမြို့နယ် ဒေါပိုးစီရွာရှိ ရွာသားတစ်ဦးကို အာဏာသိမ်းစစ်ကောင်စီတပ်ဖွဲ့များက အကြောင်းမဲ့ ပစ်ခတ်သတ်ဖြတ်ခဲ့ပြီး နေအိမ်များကို မီးရှို့ဖျက်ဆီးခဲ့ကြသည်ဟု သတင်းရရှိသည်။khit thit

စစ်အာဏာသိမ်းပြီး ၃ လအကြာမှာပဲ လူသတ်အကြမ်းဖက်စစ်ကောင်စီက သံလွင်မြစ်ပေါ်မှာ ပထမ ဆုံး တည် ဆောက်မယ့် အထက်သံလွင် (ကွမ်းလုံ) ရေအားလျှပ်စစ်စီမံကိန်းနဲ့ ပတ်သက်ပြီး စာချုပ်ချုပ်ဆို လုပ်ကိုင် ခွင့် ပေး လိုက် ပါတယ်။ အဆိုပါစီမံကိန်းကို တရုတ်ကုမ္ပဏီ Hanergy Group Holding Limited နဲ့ ပြည်တွင်းက အေးရှားဝေါလ် တို့ကို အပြီးသတ်လုပ်ကိုင်ခွင့်ပြုလုပ်လိုက်တာဖြစ်တယ်လို့ အကြမ်းဖက်စစ်ကောင်စီ ချုပ်ကိုင်ထားတဲ့ လျှပ်စစ်နဲ့ စွမ်းအင် ဝန်ကြီးဌာနက ပြီးခဲ့တဲ့ မေလ တတိယပတ်အတွင်းမှာ ထုတ်ပြန်ခဲ့တာပါ။

လျှပ်စစ်ဓာတ်အား မဂ္ဂါဝပ် ၁၄၀၀ ထွက်ရှိမယ့် အဆိုပါ ရေအားလျှပ်စစ်စီမံကိန်းကို မြန်မာနိုင်ငံက ၁၀ ရာခိုင်နှုန်း ဒါမှမဟုတ် ၁၅ ရာခိုင်နှုန်းသာ ရရှိမှာဖြစ်ပါတယ်။ လိုအပ်လာရင်တော့ သူတို့ဆီက ၅၀ ရာခိုင်နှုန်းအထိ ပြန် လည် ဝယ်ယူအသုံးပြုသွားရမှာဖြစ်တယ်လို့လည်း ဆိုပါတယ်။ ကွမ်းလုံရေအားလျှပ်စစ်စီမံကိန်းကို တရုတ်ကုမ္ပဏီနဲ့ အေးရှားဝေါလ်ကုမ္ပဏီတို့က နှစ်ပေါင်း ၄၀ ကြာ လုပ် ကိုင် ခွင့်ရရှိမှာဖြစ်ပြီး ထွက်ရှိလာမယ့် လျှပ် စစ်ဓာတ်အား ၈၅ ရာခိုင်နှုန်းကနေ ၉၀ ရာခိုင်နှုန်းအထိ ရရှိမှာ လည်း ဖြစ်ပါတယ်။

အထက်သံလွင် (ကွမ်းလုံ) မှာ ပထမဆုံးစတင် အကောင်အထည်ဖော်မယ့် ရေအားလျှပ်စစ်စီမံကိန်းဖြစ်ပေမယ့် အကြမ်းဖက်စစ်ကောင်စီဟာ စာချုပ်ပါအချက်အလက်တွေ၊ သဘာဝပတ်ဝန်းကျင်ဆိုင်ရာ ဆန်းစစ်တဲ့ အချက် အလက် တွေကို ပြည်သူတွေထံ အသေးစိတ်ချပြခြင်းမပြုဘဲ အခုလို အပြီးသတ် စာချုပ် ချုပ် ဆိုခဲ့တာ လည်း ဖြစ် ပါတယ်။ အထက်သံလွင် (ကွမ်းလုံ) ရေအားလျှပ်စစ်စီမံကိန်းကို ယခင်အမျိုးသားဒီမိုကရေစီအဖွဲ့ချုပ် NLD အစိုးရ လက် ထက်က အကောင်အထည်ဖော်ဖို့ လုပ်ဆောင်ခဲ့ပေမယ့် ဒေသခံပြည်သူတွေရဲ့ ကန့်ကွက်မှုကြောင့် ရပ်ဆိုင်း ခဲ့တာပါ။

လက်ရှိမှာတော့ အကြမ်းဖက်စစ်ကောင်စီဟာ နိုင်ငံရေးရှုပ်ထွေးနေချိန်မှာ အဖက်ဖက်က နစ်နာဆုံးရှုံးမှုတွေများတဲ့ အဆိုပါ ရေအားလျှပ်စစ်စီမံကိန်းကို ပြန်လည်အသက်သွင်းပြီး အပြီးသတ် စာချုပ်ချုပ် ဆိုစေခဲ့ တာ လည်း ဖြစ်ပါ တယ်။ ယခင်ကလည်း အလားတူ တရုတ်စီမံကိန်းကြီးတစ်ခုကို တိုင်းပြည်အခြေအနေရှုပ်ထွေးနေချိန်မှာ စစ်တပိုင်း အရပ်သား တစ်ပိုင်းအစိုးရဖြစ်ခဲ့တဲ့ ဦးသိန်းစိန်အစိုးရလက်ထက်မှာ အကောင် အထည်ဖော်ခဲ့ဖူးပါတယ်။

၂၀၁၀ ခုနှစ်မှာ စီမံကိန်းသဘောတူစာချုပ်ကိုလက်မှတ်ရေးထိုးခဲ့ပြီး ရပ်တန့်နေတဲ့ တရုတ်-မြန်မာ ရေနံနဲ့ သဘာဝ ဓာတ်ငွေ့ ပိုက်လိုင်းစီမံကိန်းဟာ ၂၀၁၂ နှောင်းပိုင်း ရခိုင်ပြည်နယ်မှာ ရိုဟင်ဂျာ အရေး အကြီး အကျယ် ဖြစ်ပွား ချိန်မှာ အားစိုက်အကောင်အထည်ဖော်ခဲ့တာကြောင့် ၂၀၁၃ နှစ်ကုန်ပိုင်းမှာ သဘာဝ ဓာတ်ငွေ့ပိုက်လိုင်း၊ ၂၀၁၄ ခုနှစ် ဩဂုတ်မှာ ရေနံပိုက်လိုင်းစီမံကိန်းတို့ အပြီးသတ် တည်ဆောက် ပြီးစီး သွားနိုင်ခဲ့တာကို တိုက်ဆိုင်စွာ တွေ့ရှိရပါတယ်။

တရုတ်စီမံကိန်းတော်တော်များများဟာ သဘာဝပတ်ဝန်းကျင်ကိုဆိုးရွားစွာပျက်ဆီးစေခြင်း၊ EIA/SIA ကို မည် ကာ မတ္တလုပ်ဆောင်ခြင်း၊ စာချုပ်ပါအခွင့်အရေးများတဖက်စောင်းနင်းဖြစ်နေခြင်း၊ အကျင့် ပျက် ခြစားမှု နဲ့ဆက် နွယ် နေခြင်း၊ ဒေသခံပြည်သူများ၏လူနေမှုဘဝကိုပျက်ဆီးစေခြင်းတို့ကြောင့်ပြည်သူများ၏ ဆန့် ကျင် မှုများ နဲ့လည်း ရင်ဆိုင်နေရပါတယ်။

ပြည်တွင်းရေး ရှုပ်ထွေးနေချိန်ကို အခွင့်ကောင်းယူပြီး တရုတ်ကုမ္ပဏီတွေဟာ စစ်တပ်နဲ့ပေါင်းပြီး ကချင် ပြည် နယ် အထက်ပိုင်းမှာ အဖိုးတန်မြေရှားသတ္တုတွေ အကြီးအကျယ် ခိုးယူတူးဖော်နေတယ်လို့ ပြီးခဲ့တဲ့ ရက်ပိုင်း အတွင်း က Global Witness အဖွဲ့က ထုတ်ဖော်ပြောကြားထားပါသေးတယ်။

လက်ရှိမှာလည်း NLD အစိုးရလက်ထက် ဒေသခံတွေကန့်ကွက်မှုကြောင့် ရပ်ဆိုင်းထားတဲ့ အထက်သံလွင် (ကွမ်းလုံ) စီမံကိန်းကို မြန်မာနိုင်ငံအတွင်း အခြေအနေများရှုပ်ထွေးနေချိန်မှာ အခွင့်ကောင်းယူပြီး အကြမ်း ဖက် စစ် တပ်နဲ့ တရုတ်ကုမ္ပဏီတို့ ပူးပေါင်းကာပြန်လည် အသက်သွင်း အကောင် အထည် ဖော် နေတာ လည်း ဖြစ်ပါတယ်။khit thit

ကချင်ပြည်နယ်၊ ချီဖွေမြို့နယ်မှာ စစ်ဘေးရှောင် အမျိုးသမီးတစ်ယောက်နဲ့ သူ့ရဲ့ ကလေးငယ် ၃ ယောက်ကို  အကြမ်းဖက် စစ်ကောင်စီတပ်ဖွဲ့ဝင်တွေက စစ်ရှောင်စခန်းအတွင်းမှ လာရောက်ဖမ်းဆီးခေါ်ဆောင်သွားတယ်လို့  ဒေသခံတွေဆီက သိရပါတယ်။

KBC စစ်ရှောင်စခန်း ၂  မှာနေထိုင်တဲ့ အသက် ၄၀ အရွယ်  ကလေး ၃ ယောက် မိခင်အမျိုးသမီး ဒေါ်လဘောင်ခေါင်ညွယ်ကို ကေ‌အိုင်အေနဲ့အဆက်အသွယ်ရှိတယ်လို့စွပ်စွဲပြီး ဇွန်လ ၁ ရက်နေ့မှာ စစ်ကောင်စီတပ်ဖွဲ့၀င် စစ်သားတွေနဲ့ ရဲတွေက   စစ်ရှောင်စခန်းအတွင်းထဲ ထိ၀င်ရောက်ကာ အဓမ္မ ဖမ်းဆီးခေါ်ဆောင်သွားခဲ့တာ ဖြစ်ပါတယ်။

လက်ရှိမှာ အဆိုပါအမျိုးသမီးကို ချီဖွေရဲစခန်းအချုပ်ခန်းမှာ ဖမ်းဆီးချုပ်နှောင်ထားပြီး သူနဲ့အတူ လသားအရွယ် ကလေးတစ်ဦး၊ ၈ နှစ် အရွယ် သားကြီးနဲ့ ၅ နှစ်အရွယ် သားငယ်တို့လည်း ဖမ်းဆီးထိန်းသိမ်းခံထားရတာဖြစ်ပါတယ်။

မှားယွင်းစွပ်စွဲ ဖမ်းဆီးခံရတာဖြစ်ပြီး နို့တိုက်မိခင်တစ်ဦးအနေနဲ့ ရုံးချိန်းတွေနဲ့ တရားရင်ဆိုင်နေရ‌တာကြောင့် အမြန်ဆုံးပြန်လွှတ်ပေးစေလိုတယ်လို့ ဒေသခံတွေက ပြောပါတယ်။

ကချင်စစ်ရှောင်ပြည်သူတွေဟာ ချီဖွေမြို့ပေါ်ရှိ စစ်ရှောင်စခန်း ၅ ခုထက်မနည်းမှာ ခိုလှုံနေကြတာဖြစ်ပါတယ်။DVB

ဧရာ၀တီတိုင်း၊ ကျုံပျော်မြို့နယ်၊ လှေဆွဲကျေးရွာတွင် ယနေ့ နံနက် ၃ နာရီခွဲဝန်းကျင်မှစတင်၍ အကြမ်းဖက်စစ်ကောင်စီတပ်များက ကျေးရွာသို့ ဝင်ရောက်စီးနင်းရှာဖွေမှုများ လုပ်ဆောင်ခဲ့ပြီး ဒေသခံပြည်သူများနှင့်ပဋိပက္ခဖြစ်ရာ ၄ နှစ်သားကလေးငယ် ၁ ဦး၊ အမျိုးသမီး ၂ ဦး အပါ အဝင် ပြည်သူ ၁၇ ဦးကို စစ်တပ်ကသတ် ဖြတ်လိုက်ပြီး ဒဏ်ရာရရှိသူ ၉ ဦးရှိကြောင်း ဒေသခံကျေးရွာသားများက ရန်ကုန်ခေတ်သစ်သတင်းဌာနသို့ ပြောဆိုသည်။ ကျုံပျော်မြို့နယ် ရဲတပ်ဖွဲ့မှ ရဲတစ်ဦးကမူ သေဆုံးသူ ၄ ဦးသာရှိကြောင်း၊ ၃ ဦးကို အပြင် ဆိုင်ကယ်စီးနင်းသူ ၁ ဦးကိုလည်း ရပ်တန့် မပေး၍ ပစ်ခတ်ခဲ့ရာမှ သေဆုံးခဲ့ကြောင်း ပြောဆိုသည်။ ယင်းအခြေအနေနှင့်ပတ်သက်ပြီး မည်သို့ မည်ပုံ ဖြစ်ပွားသည်ကို ရန်ကုန်ခေတ်သစ်သတင်းဌာနက စုံစမ်းမေးမြန်းထားသည်ကို ပြန်လည် တင်ပြအပ်ပါသည်။

ကျောင်းဆရာမ၏ လက်နက်သတင်းမှားပေးမှုမှ စတင်

=================================

ကျုံပျော်မြို့နယ်၊ လှေဆွဲကျေးရွာရှိ အခြေခံပညာမူလတန်းကျောင်းတွင် ကျောင်းတက်သူ ကျောင်းသား၊ ကျောင်းသူတစ်ဦးမှ မရှိရာ ယင်းမရှိမှု အပေါ် ကျောင်းဆရာမနှင့်ကျေးရွာအကြား အခြေတင်ဖြစ်ပေါ်သည်။ ယင်းနောက် ကျောင်းဆရာမက လှေဆွဲကျေးရွာတွင် လက်နက်များ ဖွက်ထားပါသည်ဟု ဆိုကာ အကြမ်းဖက်စစ်ကောင်စီတပ်ထံသို့ သတင်းမှားပေးခဲ့သည်။ အကြမ်းဖက်စစ်ကောင်စီတပ်များသည် ဇွန်လ ၅ ရက်နေ့ နံနက် ၃ နာရီခွဲဝန်းကျင် တွင် ကျေးရွာအတွင်းသို့ ဝင်ရောက်လာပြီး လက်နက်များကို ရှာဖွေပြီး ကျေးရွာသားများကို ရိုက်နှက် ဖမ်းဆီးမှု များလုပ်ဆောင်သည်။ ယင်းသို့ ကျေးရွာအပေါ် မတရား ဖိနှိပ်မှုများကို ကျေးရွာသားများက မခံမရပ်နိုင်ဖြစ်ရာ ကျေးရွာသားများက ရရာ လက် နက်များဖြင့် ပြန်လည် ခုခံကြသည်။

PDF မဟုတ်ဘဲ ရွာသားများက ကျောက်ခဲ၊ လေးခွများဖြင့် ခုခံ ပစ်ခတ်

===========================================

အကြမ်းဖက်စစ်ကောင်စီတပ်များက လှေဆွဲကျေးရွာသားများအပေါ် ဖိနှိပ်လွန်းသဖြင့် ကျေးရွာသားများက လောက်လေးခွများဖြင့် စတင်ပစ် ခတ်ခဲ့ပြီး ဖမ်းဆီးခံ ရွာသားများ လွတ်မြောက်ရေး စတင်ကြိုးစားကြသည်။ နံနက် ၇ နာရီခွဲကျော်မှစတင်၍ ရွာသားများက ပြန်လည် ခုခံခြင်းဖြစ်ပြီး ၎င်းတို့၏ အဓိက လက်နက်မှာ လောက် လေးခွဖြင့် ပြန်လည် တိုက်ခိုက်ခြင်းဖြစ်သည်။ ကျေးရွာတွင် ပြည်သူ့ကာကွယ်ရေးတပ်ဖွဲ့ PD F ဟူ၍လည်း ဖွဲ့စည်းထားခြင်းမရှိဘဲ ရွာသားများကိုယ်တိုင် ရရာလက်နက်စွဲကိုင် ခုခံကြခြင်းဖြစ်သည်။

စနိုက်ပါ၊ လက်နက်ကြီးများဖြင့် အကြမ်းဖက်စစ်ကောင်စီက ပြည်သူများကို သတ်ဖြတ်

===================================================

အကြမ်းဖက်စစ်ကောင်စီတပ်များက အင်အားအလုံးအရင်းဖြင့်​ လှေဆွဲကျေးရွာကို ၀ိုင်းလိုက်ပြီး မည်းမည်းမြင်ရာကို စနိုက်ပါ ၊ လက်နက်ကြီးများဖြင့်ပါ ပစ်ခတ်သည် ။ ယင်းသို့ ပစ်ခတ်မှုများကြောင့် လေးခွ၊ ဂတ်စ်လက်နက်တချို့ဖြင့် ခုခံသော ကျေးရွာသားများ ကျဆုံးသည့်အပြင် ကျေးရွာအတွင်းမှ ထွက်ပြေးသော ၄ နှစ်သားအရွယ်ကလေးငယ်တစ်ဦး၊ အမျိုးသမီး ၂ ဦး ကိုပါ အကြမ်းဖက်စစ်တပ်က ပစ်သတ်ခဲ့သည်။ ကျေးရွာတွင် ပြည်သူ့ကာကွယ်ရေးတပ်ဖွဲ့ PDF မရှိဘဲ ကျေးရွာသားများက စစ်တပ် ၏ ရက်စက် ဖိနှိပ်မှုကို မခံနိုင်ရာမှ ပြန်လည် ခုခံခြင်းဖြစ် သည်။ ယင်းကျေးရွာတွင်လည်း လက်နက်ဟူ၍ မယ်မယ်ရရ ဘာဆိုဘာမှ မရှိပေ။

နောက်ဆုံးအခြေအနေ

================

ကျေးရွာမှ ရွာသူရွာသားအားလုံး ထွက်ပြေးတိမ်းရှောင်နေကြပြီး အကြမ်းဖက်စစ်ကောင်စီတပ်က ရွာအတွင်းတွင် တပ်စွဲထားသည်။ ပစ်ခတ်မှုကြောင့် ဒဏ် ရာရရှိသူ ၉ ဦးမှာလည်း လက်ရှိတွင် ဆေးကုသမှု ခံယူခွင့်မရဘဲ ထွက်ပြေးနေရသည်။

အကြမ်းဖက်စစ်တပ်က ပစ်သတ်လိုက်သော ပြည်သူများ၏အလောင်းများ ရှိနေဆဲဖြစ်ပြီး မည်သည့် ရွာသူရွာသားကမှ အလောင်းသွားမကောက်ရဲပေ။ လှေဆွဲကျေးရွာတွင် အကြမ်းဖက်စစ်ကောင်စီတပ်များသည် လေးခွဖြင့်သာ ခုခံနေသော ပြည်သူများကို ရက်စက်စွာ သတ် ဖြတ်သော စစ်ရာဇဝတ်မှု ကျူးလွန် ခြင်းဖြစ်ကြောင်း ဒေသခံများအားလုံးက အတည်ပြုထားသည်။

“အခုပျောက်နေတာ အဆက်အသွယ်ပြတ်နေတာက ၂၀ ကျော်တယ်။ အလောင်း​တွေက ဟိုနားမှာ ၂ လောင်း၊ ဒီနား ၃ လောင်းဆိုပြီး ပြန့်ကျဲနေတယ်။ အခု ကျနော်တို့ ကိုယ်တိုင်လည်း သတင်းယူနေရတာ လှေဆွဲရွာ ပတ်ဝန်းကျင်က ရွာတွေကို ဆက်သွယ်ပြီး ယူနေရတာ။ ၁၇ဦးလို့ ပြောတဲ့ သတင်းရပါတယ်။ ကျနော့်အထင်တော့ သေတာက ၁၀ ဦးကျော်ကတော့ ကြိမ်းသေပါတယ်။ အဲဒါကို အတည်ပြုတယ်။ ၁၇ ဦးရှိမလား၊ ဒီထက်များမလားဆိုတာက အတိအကျသိနိုင်ဖို့ ကျနော်တို့ လုပ်နေတယ်။

လှေဆွဲရွာထဲမှာ ပိတ်မိနေတဲ့ ရွာသားတွေ ရှိတယ်။ သူတို့ကို ဖုန်းဆက်သွယ်လို့ မရတော့ဘူး” ဟု လှေဆွဲရွာ အနီးအနားပတ်ဝန်းကျင်တွင် ရောက်ရှိနေသူ ဒေသခံတစ်ဦးက ဆိုသည်။

လှေဆွဲကျေးရွာကို ကူညီပေးရန် ကြိုးစားနေသူတစ်ဦးကလည်း”ကျနော်တို့ သိထားတာကတော့​ သေတာက ၁၂ ဦးရှိပြီ။ အခြေအနေကတော့ အရမ်းရှုပ်ထွေးပါတယ်။ တပ်ဘက်ကလည်း အင်အားကို အတော်ကို တိုးပြီး ချထားတယ်” ဟု ပြောဆိုသည်။ ကျုံပျော်မြို့နယ်ရဲသတင်းရပ် ကွက်ကမူ “ပထမဆုံးသေတာက ၃ ဦးသေပါတယ်။

နောက်ထပ် ဆိုင်ကယ်စီးလာတာကို ရပ်ဖို့ ပြောတာ မရပ်လို့ ပစ်လိုက်တာက ၁ ဦးသေပါတယ်။ စုစုပေါင်း ၄ ဦးသေပါတယ်” ဟု ပြောဆိုသည်။ လှေဆွဲကျေးရွာအခြေအနေကို အချိန်နှင့်တပြေးညီ သတင်းတင်ဆက်နေသည့် ဒေသသတင်းရင်းမြစ်တချို့ကလည်း သေဆုံးသူ ၁၇ ဦးရှိပြီး ဒဏ်ရာရရှိသူ ၉ ဦးရှိနေကြောင်း ထုတ်ပြန်ပြောဆိုထားသည်။khit thit