SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS

လွိုင်ကော်မြို့ကို ဦးတည်ပြီးချီတက်လာတဲ့ စစ်ကောင်စီတပ်တွေဟာ သံတောင်ကြီးမြို့နယ် ယာဒိုရွာမှာ တစ်ညနဲ့ ရှမ်းပြည်နယ်တောင်ပိုင်း စနိုက်ပရေခူမှာ တစ်ညအိပ်ခဲ့ပြီး ဒီမနက် ၁၀နာရီဝန်းကျင်မှာ လွိုင်ကော်မြို့ကို စစ်သား ၂၅ ဦးလောက်ပါတဲ့ ဒန်ဘာကားတစ်စီး ဦးစွာစေလွတ်ခဲ့ပါတယ်။

ကျန်ရှိနေတဲ့စစ်သားအင်အားတွေကတော့ နေ့လယ်ပိုင်း၁နာရီဝန်းကျင်လောက်မှာ စစ်သား ၃၀၀လောက် ခြေလျင်ချီတက်ပြီး ရိက္ခာအပြည့်တင်ထားတဲ့စစ်ကား (၈)စီးလည်းပါဝင်ပါတယ်။

စစ်ကောင်စီတပ်တွေ ချီတက်လာတဲ့အချိန် အတောအတွင်းမှာ Telenor ဆက်သွယ်ရေးလိုင်းကို ဖြတ်တောက်ထားခဲ့ပါတယ်။khit thit

မကွေးတိုင်းဒေသကြီး၊ ကံမမြို့နယ်မှာ  ဇွန်လ ၈ ရက်နေ့က ကံမမြို့နယ် တိုင်းဒေသကြီး လွှတ်တော်ကိုယ်စားလှယ် ဦးဇော်ဝင်း အပါအဝင် ဒေသခံ ပြည်သူ ၆ ယောက်ကို အကြမ်းဖက် စစ်ကောင်စီက ဖမ်းဆီးသွားပါတယ်။

ပြီးခဲ့တဲ့သီတင်းပတ်ကတည်းက အကြမ်းဖက်စစ်ကောင်စီအဖွဲ့က PDF လူငယ်တစ်ယောက်ကို ဖမ်းဆီးစစ်ဆေးရာမှာ ဦးဇော်ဝင်းက ခိုင်းပါတယ်ဆိုပြီး ဖော်လိုက်တာကြောင့် အခုလိုအဖမ်းခံရတာလို့ သူနဲ့ နီးစပ်တဲ့ မိတ်ဆွေတစ်ယောက်က  ပြောပါတယ်။

ဦးဇော်ဝင်း အပါအဝင် အမျိုးသား ၅ ယောက်နဲ့ အမျိုးသမီး ၁ ယောက်ကို အကြမ်းဖက်စစ်ကောင်စီအဖွဲတွေက လက်နက်တွေအပါအဝင် ဆက်စပ်ပစ္စည်းတွေနဲ့ ဖမ်းဆီးသွားတာလို့ ဆိုပါတယ်။DVB

ဧရာဝတီတိုင်း၊ ဟင်္သာတမြို့နယ်မှာနေထိုင်တဲ့ ပြည်သူတွေအနေနဲ့ လက်လုပ်သေနတ်တွေရှိရင်  လာအပ်ကြဖို့ ဇွန်လ ၈ ရက် ညပိုင်းမှာ  အကြမ်းဖက်စစ်အုပ်စုက  ရပ်ကွက် ကျေးရွာတွေထဲ လိုက်လံကြေညာနေပါတယ်။

လက်လုပ်သေနတ်ဆောင်ထားသူတွေအနေနဲ့ ဇွန်လ ၁၀ ရက်နေ့ နောက်ဆုံးထားပြီး အုပ်ချုပ်ရေးဌာနတွေကို လာအပ်ဖို့ ကြေညာတာလို့ ဒေသခံတွေက ပြောပါတယ်။

“မနေ့ညပိုင်းက လိုက်ကြေညာတာ လုပ်သေနတ်ရှိတဲ့သူတွေ နေအိမ်တွေမှာ ဆောင်ထားရင် ဒီလ ၁၀ ရက်နေ့ နောက်ဆုံးထား လာအပ်ကြဖို့ပေါ့ ကားနဲ့လိုက်ပတ်ပြီး နေရာစုံအောင် အော်တာ”လို့ ဒေသခံတဦးက ပြောပါတယ်။

လက်လုပ်သေနတ်ဆောင်ထားသူတွေကို သတ်မှတ်ရက်အတွင်း လာရောက်အပ်နှံပါက အရေးယူမှာမဟုတ်ဘူးလို့ အကြမ်းဖက်စစ်ကောင်စီလက်အောက်ခံတွေက မက်လုံးပေး ကြေညာနေတယ်လို့ ဆိုပါတယ်။

ဧရာဝတီတိုင်း၊ ကျုံပျော်မြို့နယ်မှာ ဇွန်လဆန်းက အကြမ်းဖက်စစ်ကောင်စီ လက်အောက်ခံတပ်တွေကို လက်လုပ်သေနတ်တွေနဲ့ ခုခံတာတွေ ဖြစ်ပြီးနောက်ပိုင်း ခုလို လုပ်သေနတ်တွေလာအပ်ဖို့အတွက် စတင် ကြေညာလာတာဖြစ်ပါတယ်။DVB

ကယားပြည်နယ်မှာ လူဦးရေ ၁ သိန်းလောက် နေရပ်စွန့်ခွာ တိမ်းရှောင်နေရပြီး ဆိုးရွားလာတဲ့ လုံခြုံရေးနဲ့ လူသားချင်းစာနာမှုဆိုင်ရာ အခြေအနေတွေအပေါ် စိုးရိမ်နေကြောင်း ကုလသမဂ္ဂက ထုတ်ပြန်ပါတယ်။

အမျိုးသား၊ အမျိုးသမီးနဲ့ ကလေးသူငယ်တွေ အပါအဝင် အိုးအိမ်စွန့်ခွာရသူ အများစုဟာ ကယားပြည်နယ်နဲ့ ထိစပ်ရာ ရှမ်းပြည်နယ်တောင်ပိုင်းက ဘေးကင်းလုံခြုံရာနယ်ခံတွေနဲ့ သစ်တောတွေထဲမှာ ခိုလှုံနေထိုင်နေကြရတာပါ။

ဖြစ်ပွားနေတဲ့ တိုက်ပွဲတွေကြောင့် အိုးအိမ်စွန့်ခွာထွက်ပြေးကြရသူတွေနဲ့ တိုက်ပွဲ ဒဏ်ခံ ဒေသတွေမှာ ကျန်ရှိနေသူတွေမှာ စားနပ်ရိက္ခာ၊ ရေ၊ နေစရာ၊ လောင်စာနဲ့ ကျန်းမာရေးစောင့်ရှောက်မှုတွေ အရေးပေါ်လိုအပ်နေတယ်လို့လည်း ဆိုပါတယ်။

ဒေသခံတွေအနေနဲ့ ကူညီမှုတွေ ချက်ချင်းလက်ငင်း လုပ်ဆောင်နိုင်ကြပေမယ့် လိုအပ်ချက်အားလုံး အထူးသဖြင့် ဝေးလံတဲ့နေရာတွေမှာ ရောက်ရှိနေသူတွေဆီ ရောက်ရှိဖို့တော့ လိုအပ်နေဆဲဖြစ်တယ်လို့ ဆိုပါတယ်။

ဒေသခံတွေရဲ့ ကူညီဆောင်ရွက်မှု တွေကို ပံ့ပိုးဖြည့်ဆည်းပေးဖို့ ကုလသမဂ္ဂနဲ့ မိတ်ဖက်အဖွဲ့အစည်းတွေမှာ စားနပ်ရိက္ခာ၊ အိုးအိမ်ဆိုင်ရာပစ္စည်းတွေနဲ့ တခြားအခြေခံ ကယ်ဆယ်ရေးပစ္စည်းတွေအပါအဝင် လူသားချင်း စာနာမှုဆိုင်ရာ အကူအညီတွေ အဆင်သင့်ရှိနေကြောင်းနဲ့  ဆက်လက်ပေါ်ပေါက်နေတဲ့ လုံခြုံရေး အခြေအနေ၊ လုံခြုံရေးတပ်ဖွဲ့တွေက ချမှတ်ထားတဲ့ အသွားအလာကန့်သတ်ချက်တွေနဲ့ လမ်းပန်း ဆက်သွယ်ရေးကောင်းမွန်မှုမရှိတာတွေကြောင့် ဒီအကူအညီတွေကိုပေးဝေဖို့ ကြန့်ကြာနေတယ်လို့လည်း ထုတ်ပြန်ချက်ထဲမှာ ဖော်ပြပါတယ်။

ဒါကြောင့်မို့ လူသားချင်းစာနာမှုဆိုင်ရာ အကူအညီတွေနဲ့ သွားရောက်ကူညီသူတွေ ကို ဘေးကင်းစွာသွားလာခွင့်ပြုဖို့နဲ့ ကုလသမဂ္ဂနဲ့ မိတ်ဖက်အဖွဲ့အစည်းတွေကို ကယားပြည်နယ် အပါအဝင် နိုင်ငံအတွင်း တခြားပြည်နယ်နဲ့ တိုင်းဒေသကြီးတွေဆီ လူသားချင်း စာနာမှုဆိုင်ရာ အကူအညီတွေ တိုက်ရိုက်သွားရောက်ပေးခွင့်ပြုဖို့လည်း လုံခြုံရေးတပ်ဖွဲ့ တွေကို ကုလသမဂ္ဂအဖွဲ့က တောင်းဆိုထားတာပါ။

လတ်တလော ပဋိပက္ခတွေမှာ ပါဝင်ပတ်သက်သူတွေ အားလုံးအနေနဲ့ အရပ်သားတွေနဲ့ အရပ်သားတွေနဲ့ သက်ဆိုင်တဲ့ အခြေခံအဆောက်အဦတွေ၊ အထူးသဖြင့် ဆေးကုတဲ့ နေရာတွေ၊ ဆေးဝန်ထမ်းတွေ အစရှိတဲ့ အကာအကွယ်ပေးရမယ့် အရာတွေကို အကာအကွယ်ပေးဖို့အတွက် လိုအပ်တဲ့ အစီအမံနဲ့ ကြိုတင်ကာကွယ်မှုတွေကို  အရေးတကြီး လုပ်ဆောင်ဖို့၊ တိုက်ခိုက်သူနဲ့ အရပ်သားတွေအကြားပစ်မှတ်ခွဲခြားတာ၊ လိုအပ်မှသာ ပစ်ခတ်တာ၊ အင်အားအလွန်အကျွံ အသုံးမပြုတာ၊ အရပ်သားတွေကို ကာကွယ်စောင့်ရှောက်တာ အစရှိတဲ့ အခြေခံမူတွေကို လိုက်နာကြဖို့လည်း ကုလသမဂ္ဂက တိုက်တွန်း တောင်းဆိုထားပါတယ်။

မြန်မာနိုင်ငံမှာတော့ စစ်အာဏာရှင်ဆန့်ကျင်ရေး နွေဦးတော်လှန်ရေးကာလဟာ ၄ လကျော် ကြာမြင့်ခဲ့ပြီဖြစ်ကာ လက်ရှိအချိန်ထိ အကြမ်းဖက်စစ်အုပ်စုက ပစ်ခတ်နှိမ်နင်းမှုကြောင့် ကျဆုံးပြည်သူပေါင်း ၈၆၀ နီးပါး ရှိလာခဲ့ပြီဖြစ်ကာ မတရာဖမ်းဆီးထောင်ချခံရသူတွေ၊ ဖမ်းဝရမ်းထုတ်ခံရသူတွေ၊ တိုက်ပွဲတွေကြောင့် နေရပ်စွန့်ခွာ ထွက်ပြေးတိမ်းရှောင်နေရသူတွေလည်း ရှိနေပါတယ်။DVB

ဘာသာရေးဆိုင်ရာအဆောက်အဦတွေ၊ ဆေးရုံဆေးခန်းတွေ အပါအဝင် အများပိုင်နေရာတွေကို ပစ်ခတ်ဖျက်ဆီးတာ မပြုလုပ်ကြဖို့ လွိုင်ကော်ကက်သလစ်သာသနာ သာသနာလုံးဆိုင်ရာတာဝန်ခံဘုန်းတော်ကြီး ချဲလ်ဆိုဘရွှေက  ဇွန်လ ၈ ရက်နေ့စွဲနဲ့ ထုတ်ပြန် မေတ္တာရပ်ခံလိုက်ပါတယ်။

လက်ရှိကယားပြည်နယ် ဒီးမော့ဆိုမြို့နယ်နဲ့  ရှမ်းကယားနယ်စပ်ဒေသမှာ စစ်ကောင်စီ အကြမ်းဖက်တပ်တွေနဲ့ ဒေသခပြည်သူ့ကာကွယ်ရေးတပ်တွေ တိုက်ပွဲတွေဖြစ်ပွားနေပြီး ဘုရားရှိခိုးကျောင်းနဲ့ လူနေအိမ်အဆောက်အဦတွေပါ လက်နက်ကြီးထိမှန် ပျက်စီးဆုံးရှုံးမှုတွေ ရှိနေပါတယ်။

ဒါကြောင့် လက်နက်ကိုင်အဖွဲ့အစည်းတွေအနေနဲ့  စေတီပုထိုးတွေ၊ ဘာသာအသီးသီးမှ ဘရားကျောင်းကန်နဲ့ ဗလီတွေ၊ ရဟန်း သီလရှင်ကျောင်းတွေ၊ ဆေးရုံဆေးခန်းစာသင်ကျောင်းနဲ့ အများပိုင်နေရာတွေမှာ တပ်စွဲနေရာယူတာတွေ၊ တိုက်ခိုက်ရေးအတွက် အသုံးပြုတာ၊ လက်နက်တွေသိုလှောင်တာ၊ ပစ်ခတ်မီးရှို့ဖျက်ဆီးတာတွေ လုံးဝမပြုကြဖို့ အနူးအ ညွတ်မေတ္တာရပ်ခံကြောင်း တိုက်ပွဲကြောင့် ပြည်သူတွေဟာ ဘေးကင်းရာခိုလှုံတိမ်းရှောင်နေရပြီး ကယားပြည်နယ်ထဲက ဗုဒ္ဓသာသနာကျောင်းတွေ၊ အသင်းတော်အသီးသီးက ခရစ်ယာန်ဘုရားကျောင်းတွေ၊ သီလရှင်ကျောင်းတွေကို လူမျိုးဘာသာမရွေး လူတိုင်းအတွက် တံခါးဖွင့်ပေးခဲ့ကြောင်း၊ အထူးသဖြင့် သက်ကြီး ရွယ်အို၊ မသန်မစွမ်းသူ၊ ဖျားနာသူနဲ့ ကလေးသူငယ်တွေ အမျိုးသမီးတွေကို ကူညီစောင့်ရှောက်ပေးနေတယ်လို့  ဆိုပါတယ်။  

တိုက်ပွဲပြင်းထန်လာလို့ စစ်ဘေးရှောင်တွေဟာ သာသနာရေးအဆောက်အဦကနေ ပိုပြီး လုံခြုံစိတ်ချရမယ်လို့ ယူဆရတဲ့အခြားနေရာသို့ပြောင်းရွှေ့တိမ်းရှောင်သွားကြောင်း၊ အဲဒီအခါ သူတို့ကိုစောင့်ရှောက်ကူညီနေတဲ့ သီလရှင်တွေဟာလည်း စစ်ဘေးရှောင်တွေနဲ့အတူ လိုက်ပါသွား ကြတယ်လို့ ဆိုပါတယ်။

ဘာသာရေးအနုပညာနဲ့ဆိုင်တဲ့အဆောက်အဦတွေ၊ သမိုင်းဝင်အထိမ်းအမှတ်ပစ္စည်းတွေ၊ ဆေးရုံနဲ့ ဖျားနာသူတွေ၊ ဒဏ်ရာရသူတွေစုစည်းထားတဲ့နေရာတွေကို ရည်ရွယ်ချက်ရှိရှိတိုက်ခိုက်ဖို့ ညွှန်ကြားတာဟာ စစ်ရာဇဝတ်မှုတစ်ခုဖြစ်ကြောင်း၊ အပြည်ပြည်ဆိုင်ရာ ရာဇဝတ်မှုခုံရုံး အပိုဒ် ၈ ( ၂ ) ခ ကို အလေးထားစေလိုကြောင်းလည်း သာသနာလုံးဆိုင်ရာတာဝန်ခံက တိုက်တွန်းထားပါ တယ်။

ငြိမ်းချမ်းစွာဆန္ဒပြနေကြတဲ့ပြည်သူတွေကို သတ်ဖြတ်တာ၊ ပြည်သူလူထုအိုးအိမ်တွေကို ဖျက်ဆီးမီးရှို့တာ၊ ဘာသာရေးအဆောက်အဦတွေကို ဖျက်ဆီးတာ၊ လမ်းတံတားဖျက်ဆီးတာ စတဲ့ ရာဇဝတ်မှုတွေကို  အကြမ်းဖက်ကောင်စီက တာဝန်ယူရမှာဖြစ်တယ်လို့ ကရင်နီ(ကယား)ပြည်နယ်လွှတ်တော်ကိုယ်စားပြုကော်မတီ CRKySH ကလည်း ဇွန် ၈ ရက်မှာ ထုတ်ပြန် သတိပေးထားတယ်။ 

ကယားပြည်နယ် ဒီးမော့ဆိုမြို့နယ်မှာ ဇွန် ၆ ရက်နေ့ကဖြစ်ပွားတဲ့ တိုက်ပွဲအတွင်း အကြမ်းဖက်စစ်တပ်ရဲ့ပစ်ခတ်မှုကြောင့်  ငြိမ်းချမ်းခြင်းသခင်မဘုရားကျောင်းနဲ့လူနေအိမ်တွေ ပျက်စီးသွားခဲ့သလို ဘုရားကျောင်းစောင့်တချို့လည်း ဖမ်းဆီးခံခဲ့ရပါတယ်။DVB