SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS

စစ်ကိုင်းတိုင်းဒေသကြီး၊  ကလေးဝမြို့မှာ ဇွန်လ ၂၀ ရက်နေ့က ကိုဗစ်-၁၉ သံသယလူနာ ၇ ဦး  ထပ်မံတွေ့ရှိခဲ့ပါတယ်။ 

“ဒီနေ့ ကလေးဝမြို့ပြည်သူ့ဆေးရုံမှာ အနံ့မရလို့ လာရောက်ပြသတယ်။ ကလေးဝမြို့ အမှတ်(၁) ရပ်ကွက်က ၁၀ ဦးလာစစ်ဆေးတယ်။ သူတို့ RDT Test kits နဲ့ စစ်ဆေးတယ် အဲဒီထဲက  ၇ ဦးကိုဗစ်ပိုး တွေ့တယ်” လို့  ကလေးဝမှာ ကိုဗစ်ရောဂါအရေးကူညီပေးနေတဲ့ လူမှုဝန်ထမ်း တစ်ယောက်က ပြောပါတယ်။

ကလေးဝမြို့မှာ ဒီနေ့အထိ ကိုဗစ်-၁၉ ကူးစက်ခံရသူ ၂၇ ယောက်ရှိပြီး ၁ ယောက် သေဆုံးထားပါတယ်။DVB

ရန်ကုန်တိုင်း၊ မှော်ဘီမြို့နယ်၊ စိန်ရွှေကုန်းရွာမူလတန်းကျောင်း ဇွန် ၁၄ ရက်နေ့က မီးလောင်ပြီးနောက် ၎င်းရွာမှ လူ ၄၀ ကျော်ကို စစ်တပ်က ဖမ်းဆီးနှိပ်စက်ခဲ့ရာ အမျိုးသမီးတစ်ဦးမှာ ကိုယ်ဝန်ပျက်ကျခဲ့ကြောင်း ရွာခံများထံမှ သိရသည်။

ကိုယ်ဝန် ၂ လရှိနေသည့် ယင်းအမျိုးသမီး၏ ဖုန်းထဲတွင် ၎င်းဆန္ဒပြနေသည့် ဓာတ်ပုံတစ်ပုံတွေ့ရှိသောကြောင့် ထိုနေ့တွင် ဖမ်းဆီးရိုက်နှက်စစ်ဆေးခံရသည်။ 

“အဲဒီတစ်ပုံကို တွေ့ပြီး ခေါ်သွားတာ။ သူ့ဖုန်းကို စက်လေးနဲ့ထိုးကြည့်တော့ ဖျက်ထားတဲ့ပုံတွေ ပေါ်တယ်လို့ ပြောတယ်။ ကိုယ်က ဘယ်လိုဖျက်ဖျက်၊ ပုံတွေ အကုန်ပေါ်တယ်တဲ့။ သူတို့စက်လေးနဲ့ ထိုးကြည့်တော့ ဓာတ်ပုံတွေက ပေါ်နေတယ်။ ညာလို့မရဘူးလို့ ပြောတယ်။ ဆန္ဒပြပွဲမှာ ဓာတ်ပုံရိုက်ခဲ့တော့ ပုံထဲမှာပါတဲ့ သူတွေရဲ့ နေရပ်လိပ်စာတွေ၊ လမ်းနာမည်တွေကို တောင်းတယ်တဲ့။ ဖုန်းထဲကနေ တောက်လျှောက်လိုက်နေတာ”ဟု ရွာခံတစ်ဦးက ပြောသည်။

ထိုအမျိုးသမီးငယ်မှာ ဇွန် ၁၆ တွင် ပြန်လွတ်လာပြီးနောက် လက်ရှိတွင် ဆေးကုသမှုခံယူနေရသည်ဟု သိရပြီး ၎င်းနှင့် တိုက်ရိုက်အဆက်အသွယ် ရရှိရန် Myanmar Now က ကြိုးစားနေဆဲဖြစ်သည်။

ထိုသို့ ရိုက်နှက်စစ်ဆေးခြင်း၊ ကိုယ်ဝန်ပျက်ကျခြင်းတို့နှင့် ပတ်သက်ပြီး မေးမြန်းလိုသော်လည်း စစ်ကောင်စီပြန်ကြားရေးတာဝန်ရှိသူတို့ကို ဆက်သွယ်၍ မရသေးပေ။

စစ်သားများသည် မီးလောင်ပြီး နာရီပိုင်းအတွင်း ရွာသို့ ရောက်လာသည်ဟု ရွာခံအမျိုးသမီးတစ်ဦးက ပြောသည်။

“စစ်သားတွေ ဝင်လာပြီး ရွာသားတွေကို ဖမ်းသွားတယ်။ မီးရှို့တဲ့အမှုကို မေးတယ်။ မသိဘူးပြောရင် NLD နဲ့ ပတ်သက်တာတွေ၊ ဆန္ဒပြတာတွေမှာ ဘယ်သူတွေပါလဲ မေးတယ်။ မပြောမချင်းကို ရိုက်တာ။ သူတို့ (စစ်တပ်) ရိုက်လို့ နာလို့အော်ရင်လည်း အရိုက်ခံရတယ်” ဟု ထိုအမျိုးသမီးက ပြောသည်။

“သူတို့က မီးရှို့တဲ့လူကို လိုချင်တယ်။ မပေါ်မချင်းစစ်မယ်လို့ ပြောထားတယ်။ ညီမတို့မှာ ရှောင်လို့မရဘူး။ ကျောင်းမီးရှို့တဲ့ကိစ္စနဲ့ ဝရမ်းထုတ်မယ်၊ ပစ်မယ် ပြောထားတယ်။ ရှောင်လို့ရှိရင် အိမ်မှာကျန်တဲ့ မိဘတွေကို ဒုက္ခပေးမယ်လို့ ပြောသွားတယ်။ အခု ညမိုးချုပ်လို့ရှိရင် ကိုယ့်အလှည့်ဘယ်တော့ပါမလဲဆိုပြီး အိမ်ကနေ ထိုင်စောင့်နေရတာ” 

လူ ၁၀၀၀ ဝန်းကျင်ရှိ အဆိုပါရွာတွင် ထိုနေ့က ၁၀ ဦး၊ ဇွန် ၁၆ တွင် ၃၀ ကျော် ဖမ်းဆီးခဲ့ကြောင်း ဒေသခံများက ပြောသည်။ 

ဇွန် ၁၈ ထုတ် စစ်ကောင်စီ၏ ဝါဒဖြန့်သတင်းစာတွင် ထိုကျောင်းမှ ကျောင်းသုံးစာအုပ် ၅၆ အုပ်၊ ဗလာစာအုပ် ၃ ဒါဇင်၊ ပရိဘောဂတချို့ မီးလောင်သွားသည်ဟု ဖော်ပြခဲ့သည်။ 

လတ်တလောတွင် မီးလောင်မှုကို အကြောင်းပြု၍ စစ်တပ်က ရွာထဲ၌ အိမ်တိုင်းစေ့ ဧည့်စာရင်းစစ်ဆေးနေသည်။  

“မီးရှို့တဲ့ကိစ္စတွေကို ရွာထဲက အိမ်တွေကို (စစ်တပ်က) လိုက်မေးတယ်။ ဧည့်စာရင်းစစ်တယ်။ ဧည့်စာရင်းစုံလို့ရှိရင်လည်း ကလေးတွေ ကျောင်းအပ်လား မေးတယ်။ ကျောင်းမအပ်ရသေးဘူးဆိုရင် မိဘတွေကို ရိုက်တယ်။ အိမ်မှာတင်ပဲ ရိုက်တာနော်”ဟု ရွာခံတစ်ဦးက ပြောသည်။

ထို့အတူ ရွာရှိလူငယ်များကိုလည်း ခေါ်ယူ၍ ဖုန်းများကို စစ်ဆေးကာ အမျိုးသားဒီမိုကရေစီအဖွဲ့ချုပ် (NLD ) နှင့် ပတ်သက်သည့် Facebook Post များကို Like လုပ်ထားလျှင်ပင် ဖမ်းဆီးနေသည်ဟု သိရသည်။

“သူတို့ဖင်တွေမှာ (အရိုက်ခံရလို့) ညိုမည်းစွဲနေတာ။ ခရမ်းရောင်သမ်းနေတာတွေ အကုန်ပဲ။ တင်ပါးတွေကို ရိုက်တာ။ ရိုက်တဲ့ပုံစံက အမြည်းဆိုပြီး ၅ ချက်စီရိုက်လိုက်တယ် ဝါးလုံးနဲ့။ မီးရှို့တာ ဘယ်သူလဲဆိုပြီး အစကနေ ပြန်ခေါ်မေးတယ်။ မသိဘူးဆိုရင် ၁၀ ချက်တိုးတယ်။ အဲဒီကနေ ၁၅ချက်၊ အချက် ၂၀ တိုးတိုးရိုက်သွားတာ”ဟု ပြန်လွတ်လာသူတချို့ကို ကိုးကား၍ ရွာခံတစ်ဦးက ပြောသည်။

ပြန်လွတ်လာသူတချို့သည် ထပ်မံဖမ်းဆီးခံရမည်ကို စိုးရိမ်နေ၍ ထုတ်ဖော်မပြောဆိုလိုသောကြောင့် လွတ်လာသူအရေအတွက်ကို အတည်မပြုနိုင်သေးကြောင်း မှော်ဘီမြို့နယ်မှ တက်ကြွလှုပ်ရှားသူတစ်ဦးက ပြောသည်။

ဇွန် ၁ တွင် စာသင်ကျောင်းများ အတင်းအကျပ်ဖွင့်လှစ်ပြီးနောက် စာသင်ကျောင်းတချို့တွင် ပေါက်ကွဲမှုများဖြစ်ပွားခဲ့ကြောင်း၊ NLD ပါတီနှင့် ဆက်နွယ်နေသည့် အကြမ်းဖက်သောင်းကျန်းသူများက ဆရာ၊ ဆရာမများ၊ ကျောင်းသား၊ ကျောင်းသူများ၏ အေးချမ်းစွာ ပညာသင်ကြားနေမှုအပေါ် ခြိမ်းခြောက်အကျပ်ကိုင်ခြင်း၊ စာသင်ကျောင်းများအား မီးရှို့ဖျက်ဆီးခြင်း၊ မိုင်းထောင်ဖောက်ခွဲခြင်းနှင့် ကန့်ကွက်စာများရေးသားခြင်းတို့ကို နည်းလမ်းမျိုးစုံဖြင့် လုပ်ဆောင်နေကြောင်း စစ်ကောင်စီက စွပ်စွဲထားသည်။

စစ်ကောင်စီကို တော်လှန်နေသည့် ဒေသခံကာကွယ်ရေးတပ်ဖွဲ့ (PDF) များကလည်း ထိုကဲ့သို့ ပြည်သူကို ထိခိုက်စေမည့် အလုပ်မျိုးမလုပ်ကြောင်း အသီးသီး ပြောဆိုထားကြသည်။ myanmar now

ရန်ကုန် မြောက်ဥက္ကလာပမြို့နယ် မေဓာဝီလမ်းဆုံမှာ ဇွန်လ ၁၉ ရက်နေ့က ချိတ်ဆွဲခဲ့တဲ့ ဒေါ်အောင်ဆန်းစုကြည်မွေးနေ့ဆုတောင်း ပိုစတာနဲ့ပတ်သက်ပြီး စစ်ကောင်စီတပ်ဖွဲ့တွေက အနားမှာတွေ့တဲ့ ဆိုင်ကယ်ကယ်ရီသမားနဲ့ ဈေးသည် ၅ ယောက်ထက်မနည်းကို ဖမ်းဆီးသွား ပါတယ်။

“Happy Birthday အမေစု”လို့ ရေးသားထားတဲ့ အဲဒီပိုစတာကို ဇွန်လ ၁၉ ရက်နေ့ မနက်အစောပိုင်းမှာ ချိတ်ဆွဲထားတာဖြစ်ပြီး ဘယ်သူ ချိတ်ဆွဲသွားတယ်ဆိုတာကိုတော့ မသိဘူးလို့ ဒေသခံတွေက ပြောပါတယ်။

မနေ့ နေ့ခင်းပိုင်းမှာတော့ စစ်ကောင်စီလက်နက်ကိုင်တွေရောက်ရှိလာခဲ့ပြီး အဲဒီအနီးနားမှာတွေ့တဲ့ ဆိုင်ကယ် ကယ်ရီဆွဲသူတွေနဲ့  ဈေးသည်  စုစုပေါင်း ၅ ယောက် ထက်မနည်းကို ဖမ်းဆီးသွားကာ  မြောက်ဥက္ကလာ ရဲစခန်း (၉) မှာ ထိန်းသိမ်းထားတယ်လို့ ဒေသခံက ပြောပါတယ်။

ဖမ်းဆီးခံရသူတွေဟာ ပိုစတာချိတ်ဆွဲသူတွေလည်း မဟုတ်ကြသလို မိသားစုတွေနဲ့လည်း တွေ့ဆုံခွင့်မရသေးဘူးလို့ ဆိုပါတယ်။

ဒီကိစ္စနဲ့ပတ်သက်လို့ မြောက်ဥက္ကလာ ရဲစခန်း (၉) ကို  ဆက်သွယ်မေးမြန်းရာမှာတော့ ဇွန်လ ၁၉ ရက်နေ့က တာဝန်ကျတဲ့တာဝန်မှူးသာ သိနိုင်မှာဖြစ်ပြီး အဲဒီကိစ္စကို သူ မသိဘူးလို့ ဒီနေ့ တာဝန်ကျတဲ့ တာဝန်မှူးက ဒီဗွီဘီကို ပြန်လည်ဖြေကြားခဲ့ပါတယ်။

ဇွန်လ ၁၉ ရက်နေ့က နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်ရဲ့ ၇၆ နှစ်ပြည့် မွေးနေ့ အထိမ်းအမှတ် နိုင်ငံတဝန်းမှာ ပန်းသပိတ်ဆင်နွှဲခဲ့ကြရတာမှာ ပန်းရောင်းသူတွေနဲ့ ပန်းဝယ်သူတွေ ခြိမ်းခြောက်ခံရတာ ပန်းပန်တဲ့ အမျိုးသမီးငယ်တွေ ဖမ်းဆီးခံရတဲ့ ဖြစ်စဉ်တွေလည်း ရှိခဲ့ပါတယ်။DVB

စစ်ကိုင်းတိုင်း၊ ကလေးမြို့နယ်၊ ညောင်ပင်သာရပ်ကွက်၊ အင်းယားကုန်းဘက်ရှိ နေအိမ်တစ်အိမ်ကို စစ်ကောင်စီတပ်များက ည ၉ နာရီဝန်းကျင်တွင် ဝင်ရောက်စီးနင်းပြီး မိသားစုဝင် ၄ ဦးကို ပစ်သတ်ကာ ရွှေငွေနှင့်ပစ္စည်းများကို ယူဆောင်သွားကြောင်း ဒေသခံများ၏ ပြောဆိုချက်နှင့် NLD တိုင်းဒေသကြီး လွှတ်တော်အမတ် ဒေါ်သန့်ဝေကျော်၏ သတင်းထုတ်ပြန်ချက်အရ သိရှိရသည်။

ယမန်နေ့ညပိုင်းက ညောင်ပင်သာရပ်ကွက်ရှိ အင်းယားကုန်းဘက်ရှိ ဦးဝင်းဇော်ဦး၏ နေအိမ်ထံသို့ အကြမ်းဖက်စစ်ကောင်စီတပ်များက ဝင်ရောက်ခဲ့ပြီး ဦးဝင်းဇော်ဦး၊ ဒေါ်စန်းစန်းမော်၊ ကိုဇော်ဇော်၊ ကိုသီဟအောင်တို့ ကို ပစ်သတ်လိုက်ကြောင်း၊ ယင်းနောက် ယင်းအိမ်တွင်နေသူ အမျိုးသမီးတစ်ဦးမှာလည်း ဒဏ်ရာရရှိပြီး ဆေးရုံတွင် ဆေးကုသမှု ခံယူနေရကြောင်း သိရှိရသည်။”ဖြစ်တာကတော့ အားလုံးလည်းရှိနေကြချိန် စစ်ကားတွေနဲ့ အဲဒီအိမ်ကို ၀ိုင်းတာပဲ။

ပြီးတော့ ပစ်ခတ်သံတွေကြားရတယ်။ ဘာတွေ ဖြစ်လို့ ဖြစ်ကြမှန်းမသိဘူး။ ဒါပေမယ့် ပြောနိုင်တာက စစ်တပ်က ၀ိုင်းပြီး ပစ်တာကိုတော့ ပြောနိုင်တယ်။ စစ်ကားတွေရော စစ်သားတွေရော မြင်ရတယ်လေ။ အိမ်ထဲမှာ ဘယ်လိုတွေဖြစ်ပြီး ပစ်သတ်လဲဆိုတာကိုတော့ မမြင်ရဘူးပေါ့နော်” ဟု​ ဒေသခံတစ်ဦးက ဆိုသည်။ အဖြစ်အပျက်များကို ကိုယ်တိုင် ကြုံတွေ့ရသူ ညောင်ပင်သာရပ်ကွက်ပြည်သူတစ်ဦးကမူ စစ်တပ်က ဗုံးများဖောက်၍ သေနတ်ဖြင့် ဝင်ပစ်ခြင်းဖြစ်သည်ဟုဆိုသည်။

“ညတုန်းက ၈:၃၀ အချိန်လောက်အိမ်မှာ တီဗီကြည့်နေတုန်းအိမ်ရှေ့ကနေစစ်သားတွေတန်းစီပြီးဖြတ်တာဒင်းတို့တွေသွားနေတာ လမ်းမီးတိုင်ကမီးကဝင်းနေတော့အတိုင်းသားမြင်ရတယ်။

အိမ်ရှေ့တင်ကို ၄ခေါက် လောက်ဖြတ်တယ်။ မကြာဘူး အနောက်နားလေးကသေနတ်သံကြားရတော့တာပဲ။ ဗုံးရောပေါက်တယ်။ “အကုန်ထွက်ခဲ့ အကုန်ထွက်ခဲ့”အသံတွေရောဆဲသံတွေရောဆူညံလို့…ဘယ်အိမ်ဝင်နေပြီလဲမသိဘူးဆိုပြီးရင်တထိတ်ထိတ်နဲ့ကားတံခါးပိတ်သံတွေဆိုမစဲတော့ဘူး။ ၁၂ထိုးပြီးသည်ထိ။ မနက်ကျသတင်းကြားရတော့တစ်မိသားစုလုံးသတ်ခံရတာတဲ့လား။ ရှိသမျှရွှေတွေပိုက်ဆံတွေအိမ်ကပစ္စည်းပါမချန်ကားနဲ့အခေါက်ခေါက်အခါခါသယ်နေကြတာ”ဟု လူမှုကွန်ရက်တွင် ရေးသားထာသည်။

ကလေးမြို့မှ တိုင်းဒေသကြီးလွှတ်တော်ကိုယ်စားလှယ် ဒေါ်သန့်ဝေကျော်ကမူ စစ်တပ်က မိသားစုလိုက် သတ်ဖြတ်ပြီး ရွှေများ ယူဆောင်ကာ PDF ကို အပြစ်ပုံချရန် လုပ်ဆောင်ခြင်းဖြစ်သည်ဟု ပြောဆိုသည်။ “ကလေးမြို့မှာ တနေ့ညက ညောင်ပင်သာရပ်ကွက်ထဲက အိမ်တစ်အိမ်ကို စခ တွေဝင်ပြီး မွေနှောက်သွားတယ် ရွှေ ငွေ စုစုပေါင်း တန်ဖိုး သိန်း ၄၀၀ ဖိုးလောက် ယူသွားကြတယ်။

တစ်ခါ မနေ့ညက ညောင်ပင်သာရပ်ကွက် အင်းယားကုန်းဖက် အိမ်တစ်အိမ် စခတွှေ ဝင်တယ် မိသားစုတွေအကုန်ပစ်သတ်။ ရှိသမျှ ရွှေ ငွေပစ္စည်းအပြင် အိမ်ထောင်ပရိဘောဂပါ အခေါက်ခေါက်သယ်သွားကြတယ်လို့သိရတယ်…နိုင်ငံတော်အဆင့်ဓါးပြတွေ က နိုင်ငံအဝှမ်း ရွာအလိုက်မီးရှို့မှု၊စျေးတွေမီးရှို့မှု၊အပြစ်မဲ့ပြည်သူတွေ အသက်အိုးအိမ်ထိခိုက်ဆုံးရှုူံမှုတွေကို သူတို့ကိုယ်တိုင်လုပ်ပြီး PDF ကိုပုံချမယ်၊ ပြည်သူတွေငြိုငြင်စေမယ့်အကွက်ကိုသုံးလာတဲ့ သဘောပဲ…ခက် တာက နံရံတိုင်းမှာ နားတွေမျက်စိတွေရှိနေတယ်…ဘယ်သူလုပ်သွားတယ်ဆိုတာ အကုန်သိနေကြတယ်…PDF ဆိုတာ ပြည်သူကို ကာကွယ်ဖို့ ယုံကြည်ချက်နဲ့စိတ်ဓါတ်ကိုအခြေပြုပြီး တည်ဆောက်ထားကြတာ..အခု လုပ်နေကြတဲ့ ဓါးပြတွေကနိုင်ငံတော်အဆင့် ဓါးပြတွေ…ခိုးသားငါးရာနဲ့ ဓါးပြတပ်ဟာ ပျက်ယုံမကမြန်မာ့မြေပေါ်ကို ဘယ်တော့မှ ပေါ်မလာအောင်ကို ပြည်သူတစ်ရပ်လုံး နှိမ်နင်းရတော့မယ့် အခြေအနေဆိုတာ အနီရော အစိမ်းရော အပြာရော အဝါရော သဘောပေါက်ကြရင် မကြာခင်နိုင်မှာပါပဲ.” ဟု သတင်းထုတ်ပြန်ထားသည်။

ရန်ကုန်ခေတ်သစ်သတင်းဌာနက ကလေးမြို့ခံများထံ ဦးဝင်းဇော်ဦး မိသားစု သတ်ဖြတ်ခံရမှုနှင့် ပတ်သက်၍ ထပ်မံ မေးမြန်းရာ အများစုက စစ်ကောင်စီတပ်များ၏ ပစ်ခတ်သတ်ဖြတ်မှုဟု အတည်ပြုပြောဆိုကြသည်။

“မျက်မြင်တွေလည်းရှိတယ်ဗျ။ စစ်တပ်က လုပ်တာကို။ အိမ်က ကြံ့ခိုင်ရေးအိမ်ပါပဲ။ သူတို့တွေက ရပ်ရွာနဲ့ အတော်အဆင်ပြေတယ်။ ဘာပြဿနာမှမရှိဘူး။ သူတို့က ဒလန်လည်းမဟုတ်ဘူး။ သတင်းပေးလည်းမဟုတ်ဘူး။ ကျနော်တို့နဲ့ အဆင်ပြေတယ်ဗျာ။ ဒီအရေးအခင်းမှာ အဲဒီမိသားစုက ကူတာတွေရှိတယ်”ဟုဒေသခံတစ်ဦးကဆိုသည်။khit thit