SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS

မြန်မာနိုင်ငံတစ်ဝန်း ဇူလိုင်လ ၁ ရက်နေ့ ညပိုင်းမှ ဇူလိုင်လ ၂ ရက်နေ့ ညပိုင်း ၂၄ နာရီအတွင်း စစ်ကောင်စီခန့်အုပ်ချုပ်ရေးမှူး ၁ ဦး၊ သတင်းပေး ဒလန်ဟု အများက သတ်မှတ်ခံရသူ ၄ ဦး၊ ပျူစောထီးတိုက်ခိုက်ခံရ၍ သေဆုံးပြီး ပျူစောထီး ၁ ဦးမှာ ပျောက်ဆုံးလျက်ရှိကြောင်း ဒေသခံများထံမှ စုံစမ်းသိရှိရသည်။

စစ်ကိုင်းတိုင်း၊ ကောလင်းမြို့နယ်၊ ရွာရှည်ကျေးရွာမှာ စစ်ကောင်စီသတင်းပေး ဟု အများက သတ်မှတ်ခံထားရသူ ဦးကြည်ထူး ဇူလိုင်လ ၁ ရက်နေ့ည ပိုင်းတွင် ပစ်သတ်ခံခဲ့ရကြောင်း၊ ယနေ့တွင် ယင်းကိစ္စကို အကြောင်းပြု၍ စစ်ကောင်စီတပ်များနှင့် KIA ၊ PDF များအကြား တိုက်ပွဲများဖြစ်ပွားကြောင်း ဒေသခံများထံမှ သိရှိရသည်။

စစ်ကိုင်းတိုင်း၊ တန့်ဆည့်မြို့နယ်ဝါးရငယ်ကျေးရွာတွင်လည်း စစ်ကောင်စီသတင်းပေးဟု အများက သတ်မှတ်ခံထားရသူ အမျိုးသားရေးလှုပ်ရှားသူ ငစိုင်းဓားခုတ်ခံရ၍ ယနေ့ သေဆုံးသွားကြောင်း ဒေသခံများက ရန်ကုန်ခေတ်သစ်သတင်းဌာနသို့ ပြောဆိုသည်။

စစ်ကိုင်းတိုင်း ခင်ဦးမြို့နယ်တွင် သရက်ကန်ရွာမှ ကြံ့ခိုင်ရေးပါတီ ရပ်ကျေးစည်းရုံးရေးမှူးဟောင်း စစ်ကောင်စီသတင်းပေး ဟု အများက သတ်မှတ်ခံထားရသူ ဦးရှိန်းသည် ဇူလိုင်လ ၂ ရက်နေ့ နံနက်ပိုင်း ဇီးကုန်းမြို့မှ အပြန်ဆီဆုံလေးရွာ ဘင်တဲ နားအရောက်တွင် ဓားဖြင့် ထိုးခံရပြီး သေဆုံးသွားကြောင်း ဒေသခံများက ရန်ကုန်ခေတ်သစ်သတင်းဌာနသို့ ပြောဆိုသည်။

စစ်ကိုင်းတိုင်း ပုလဲမြို့နယ်၊ ကမ်းပါးရပ်ရွာမှ ပျူစောထီးသင်တန်းတက်ပြန်လာသူ ကျော်ဦး သည် ယနေ့ တိုက်ခိုက်ခံရပြီး ၎င်းနှင့်အတူ ပြန်လာသူ ဝင်းပေါဆိုသူမှာ ပျောက်ဆုံးလျက်ရှိကြောင်း၊ ၎င်းတို့နှစ်ဦးစလုံးသည် ယင်းမာပင်မြို့နယ်တွင် စစ်ကောင်စီ၏ ပျူစောထီး သင်တန်းတက်ရောက်၍ ပြန်လာသဖြင့် မျက်နှာ‌ဖုံးစွပ်ထားသူ ၁၅ ဦးခန့်က သတ်ဖြတ်သွားခြင်းဖြစ်ကြောင်း ဒေသခံများက ပြောဆိုကြသည်။

ထားဝယ်မြို့၊ မြောင်းပုလဲရပ်ကွက် နောက်ပိုင်းတံတားတွင် ယနေ့ နံနက်ပိုင်း စစ်ကောင်စီသတင်းပေးဟု အများက သတ်မှတ်ခံထားရသူ အမျိုးသားတစ်ဦး သေနတ်ဖြင့် ပစ်ခံရကြောင်း သေနတ်ဒဏ်ရာများရရှိခဲ့သော်လည်း အသက်သေဆုံးမှု မရှိကြောင်း သိရသည်။

ပဲခူးတိုင်း၊ ပြည်ခရိုင်၊ ပေါင်းတည်မြို့တွင် အကြမ်းဖက်စစ်ကောင်စီသတင်းပေး ရွှေအရက်ဆိုင်ပိုင်ရှင် ဒလန် အောင်ဆန်းဝင်းကို ဇူလိုင်လ ၂ ရက် ယနေ့နံနက် ၆ နာရီဝန်းကျင်တွင် ရှင်းလင်းသုတ်သင်လိုက်ကြောင်း ပဲခူးပြည်သူ့ကာကွယ်ရေးတပ်ထံမှ သိရသည်။မန္တလေးတိုင်း စဥ့်ကူးမြို့နယ်၊ ရှောက်ပင်ရိုးကျေးရာအုပ်စု၊ နွယ်ရုံရွာမှ စစ်ကောင်စီခန့် ယာယီ အုပ်ချုပ်ရေးမှူး အောင်မြင့်သည် ယနေ့ နံနက် ၈ နာရီဝန်းကျင် ကွမ်းထွက်ဝယ်စဉ် သေနတ်ဖြင့် ပစ်ခံရပြီး သေဆုံးသွားကြောင်း ဒေသခံများက ရန်ကုန်ခေတ်သစ်သတင်းဌာနသို့ ပြောဆိုသည်။khit thit

ကယားပြည်နယ်ရှိ ကရင်နီအမျိုးသားတိုးတက်ရေးပါတီ(KNPP) ထိန်းချုပ်နယ်မြေအတွင်းသို့ စစ်ကောင်စီတပ်များ အင်အားတိုးချဲ့ဝင်ရောက်လာ၍ တိုက်ပွဲဖြစ်ပွားခဲ့ကြောင်း KNPP ၏သတင်းနှင့် ပြန်ကြားရေးဌာန KNIC က ယနေ့  (ဇူလိုင် ၂) သတင်းထုတ်ပြန်သည်။

လွိုင်ကော် – ရှားတောလမ်းပိုင်း ပွန်ချောင်းအနီးတွင် ထိတွေ့တိုက်ပွဲဖြစ်ပွားရာ စစ်ကောင်စီဘက်က ထိခိုက်ကျဆုံးမှုရှိကြောင်း ထုတ်ပြန်ချက်တွင် ဖော်ပြထားသည်။

စစ်ကောင်စီက ကရင်နီလွတ်မြောက်ရေးလူမျိုးပေါင်းစုံလွတ်မြောက်ရေးတပ်ဦး(ကလလတ)၊ နယ်ခြားစောင့်တပ်ဖွဲ့၊ ပအိုဝ်းအမျိုးသားအဖွဲ့ချုပ်(PNO) တို့ ပူးပေါင်းပြီး KNPP ထိန်းချုပ်လှုပ်ရှားဒေသသို့ စစ်အင်အားတိုးချဲ့လှုပ်ရှားလာ၍ တိုက်ပွဲဖြစ်ပွားရခြင်းဖြစ်သည်ဟု ဆိုသည်။ 

စစ်ကောင်စီတပ်က မော်တော်ယာဉ်များဖြင့် စစ်ကြောင်းလှည့်လည်ချိန် KNPP ဘက်က မိုင်းဖြင့် တိုက်ခိုက်ခဲ့ခြင်းဖြစ်ကြောင်း ဒေသခံတစ်ဦးက Myanmar Now ကို ပြောသည်။

“အဲဒီအနီးအနားတစ်တဝိုက်မှာ ရှိတဲ့ ရွာတွေက သူတွေတော့ ထွက်ပြေးတိမ်းရှောင်နေတယ်လို့ သိရတယ်။ နောက်ပြီးတော့ အဲဒီဘက် လွိုင်ကော်- ရှားတောလမ်းမကြီးဘက် ဖြတ်သွားဖြတ်လာမရှိတော့ဘူး” ဟု ၎င်းက ပြောသည်။

စစ်ကောင်စီက လတ်တလောတွင် ကယားပြည်နယ်နေရာအနှံ့၌ စစ်အင်အားတိုးချဲ့ချထားကြောင်းလည်း အဆိုပါဒေသခံက ဆက်ပြောသည်။

စစ်တပ်အာဏာသိမ်းပြီးနောက်ပိုင်း KNPP နှင့် စစ်ကောင်စီတို့ ဒုတိယအကြိမ် တိုက်ပွဲဖြစ်ပွားခြင်းဖြစ်ကာ မေလအတွင်းကလည်း ဘောလခဲမြို့နယ်ရှိ KNPP လူငယ်လေ့ကျင့်ရေးကွင်းသို့ စစ်ကောင်စီတပ်များ ထိုးစစ်ဆင်ဝင်ရောက်လာ၍ တိုက်ပွဲဖြစ်ပွားခဲ့သည်။

ထို့သို့ တိုက်ပွဲဖြစ်ပွားပြီးနောက် မေလ ၂၁ ရက်တွင် ဒီးမော့ဆိုမြို့နယ်၌ ကရင်နီဒေသခံကာကွယ်ရေးတပ်ဖွဲ့များနှင့် စစ်ကောင်စီတပ်အကြား တိုက်ပွဲစတင်ဖြစ်ပွားခဲ့သည်။ နှစ်ပတ်ကျော်ကြာ အပြင်းအထန်တိုက်ပွဲများကြောင့် ဒီးမော့ဆို၊ လွိုင်ကော်နှင့် ရှမ်းပြည်နယ် မိုးဗြဲဒေသများမှ ဒေသခံတစ်သိန်းကျော် စစ်ဘေးတိမ်းရှောင်ခဲ့ရသည်။

ပြီးခဲ့သည့် ဇွန်လလယ်တွင် တိုင်းရင်းသားလက်နက်ကိုင်အဖွဲ့များ၊ ရပ်မိရပ်ဖများနှင့် ဘာသာရေးခေါင်းဆောင်များ၏ စီစဉ်မှုကြောင့် ဒေသခံပြည်သူ့ကာကွယ်ရေးတပ်ဖွဲ့က ယာယီအပစ်ရပ်ကြောင်း ကြေညာခဲ့သည်။

သို့ရာတွင် စစ်ကောင်စီဘက်က စစ်အင်အားတိုးချဲ့မှုများ ပြုလုပ်ထား၍ တိုက်ပွဲများ အချိန်မရွေးပြန်ဖြစ်နိုင်ကြောင်း ဒီးမော့ဆိုမြို့နယ် စစ်ရှောင်ကူညီရေးအဖွဲ့တာဝန်ရှိသူတစ်ဦးက ပြောသည်။

“အခု ကယားပြည်နယ်အခြေအနေကတော့ လုံခြုံစိတ်ချရတဲ့အနေအထား မရှိသေးဘူး။ နောက်တစ်ခုက အခုအခြေအနေက အချိန်မရွေး တိုက်ပွဲပြန်ဖြစ်နိုင်တယ်။ ဒါကြောင့် အာမခံချက်ရှိတဲ့ ငြိမ်းချမ်းရေးအခင်းအကျင်းတစ်ခု မရှိသေးဘူး ။ကယားပြည်နယ်အခြေအနေက လုံခြုံစိတ်ချရတဲ့ အနေအထားမရှိသေးတဲ့အတွက် အားလုံး သတိဝိရိယနဲ့ နေပေးဖို့အတွက် ပြောလိုတယ်” ဟု ၎င်းက ပြောသည်။

လတ်တလော ယာယီအပစ်ရပ်ထားသော်လည်း နေရပ်ပြန်လည်နေထိုင်သည့် စစ်ဘေးရှောင်မှာ အနည်းငယ်သာရှိကြောင်း၊ စားနပ်ရိက္ခာပြန်ယူသူနှင့် လယ်ယာပြန်စိုက်သူအချို့သာရှိကြောင်းလည်း ၎င်းက ဆက်လက်ပြောသည်။ 

မေလအတွင်းက ဒီးမော့ဆိုမြို့နယ်အတွင်း ဖြစ်ပွားသည့် တိုက်ပွဲများတွင် စစ်ကောင်စီတပ်များက လက်နက်ကြီးပစ်ခတ်မှုများ၊ လမ်းသွားလမ်းလာများအား စစ်ဆေးမေးမြန်းမှုမရှိဘဲ ပစ်ခတ်သတ်ဖြတ်ခြင်းများကြောင့် အရပ်သားပြည်သူ ၂၀ ထက်မနည်း သေဆုံးခဲ့သည်။

ဇွန်လလယ်တွင် ယာယီအပစ်ရပ်ပြီးနောက် ဒီးမော့ဆိုမြို့နယ်နှင့် မိုးဗြဲဒေသ လမ်းမများ၊ စာသင်ကျောင်းနှင့် နေအိမ်ခြံဝင်းများတွင် အမည်မသိ ပုပ်ပွနေသည့် အလောင်း ၂၀ ထက်မနည်းကို ဒေသခံများ တွေ့ရှိခဲ့သည်။

“လက်လှမ်းမမီသေးတဲ့ အလောင်းတွေ စစ်တပ်တွေ သင်္ဂြိုလ်လိုက်တဲ့အလောင်းတွေရှိသေးတယ်” ဟု ဒီးမော့ဆိုစစ်ရှောင်ကူညီရေးတာဝန်ရှိသူက ဆိုပြီး စစ်ရှောင်ကူညီသူအချို့လည်း စစ်တပ်က ပစ်သတ်၍ သေဆုံးခဲ့ရကြောင်း ​ပြောသည်။

ထို့ပြင် ကယားပြည်နယ်၌ စစ်တပ်က ဖမ်းဆီးပြီး ပုဒ်မ ၅၀၅(က)၊ ပုဒ်မ ၁၇(၁) တို့ဖြင့် တရားစွဲဆိုခံထား ရသူ ၁၃၉ ဦးထက်မနည်းရှိကြောင်း၊ ယင်းအနက် ဇွန်လ ၃၀ ရက်တွင် ၁၁ ဦးသာ ပြန်လွှတ်ပေးခဲ့သည်ဟုလည်း စစ်ဘေးရှောင်များကို ကူညီသူက ပြောသည်။myanmar now

စစ်ကိုင်းတိုင်း၊ ကနီမြို့နယ်တွင် စစ်ကောင်စီတပ်များက ရမ်းကားပစ်ခတ်၍ ပြည်သူ ၁ ဦးကျည်ထိမှန်ပြီး ကျေးရွာ ၂၅ ခုမှ ပြည်သူ ၃၀၀၀၀ ကျော်ထွက်ပြေးနေရကာ အခြေအနေများ ဆိုးဝါးလာ နေကြောင်း ဒေသခံများက ရန်ကုန်ခေတ် သစ်သတင်းဌာနသို့ ပြောဆိုသည်။

ကနီမြို့နယ် ရွာသာကျေးရွာအနီးရှိ မကျည်းကြက်ချေလမ်းစုံတွင် ယနေ့ ဇူလိုင် လ ၂ရက်နေ့၌ အကြမ်းဖက် လူသတ် စစ်ကောင်စီ တပ်ဖွဲ့များ အင်းအားအလုံးအရင်းတပ်စွဲကာ လက်နက်ကြီးများဖြင့် ပစ်ခတ်မှုများ ပြုလုပ်နေသောကြောင့် အဆိုပါ ကျေးရွာအနီးရှိ ရွာပေါင်း ၂၅ရွာမှ ပြည်သူများ ဘေးလွတ်ရာသို့ ထွက်ပြေးတိမ်းရှောင်နေရကြောင်း ဒေသခံပြည်သူများ ပြောဆိုချက်အရသိရသည်။

“ ကျွန်တော်တို့ ရွာအနီးက ပညာစံအိမ် ကိုယ်ပိုင်စာသင်ကျောင်းထဲမှာ ဒီကောင်တွေတပ်စွဲထားတယ်။ လမ်းသွားလမ်းလာပြည်သူတွေဖမ်းစစ်တယ်။ ဆိုင်ကယ်တွေကို မီးရှို့တာတွေလုပ်တယ်။ လက်နတ်ကြီးတွေနဲ့ အကြိမ်ကြိမ်ပစ်နေတဲ့ အသံတွေကြားနေရတယ်။ ဘယ်ကိုပစ်နေတာရယ်တော့မသိဘူး။ အနီအနားက ကျေးရွာသားတွေကတော့ ဘေးလွတ်ရာကို ထွက်ပြေးကုန်ပြီ ကျေး ရွာပေါင်းကတော့ ၂၅ရွာရှိတယ်” ဟု ဆူးလေကုန်းတွင် နေထိုင်သော ပြည်သူတစ်ဦးကပြောဆိုသည်။

ကနီမြို့နယ်အတွင်း ပြီးခဲ့သည့် ဇူလိုင်လ ၁ရက်နေ့က အကြမ်းဖက် စစ်ကောင် စီတပ်နှင့် ပြည်သူ့ကာကွယ်ရေးတပ်တို့ ကရွာသာ ကျေးရွာအနီး ရှစ်ခိုးထပ်ကုန်းတွင် တိုက်ပွဲဖြစ်ပွားပြီး ပြည်သူ့ကာကွယ်ရေးတပ်ဖွဲ့က ဒဏ်ရာရသူ အနည်းငယ်ရှိကြောင်း တိုက်ပွဲအတွင်း ပါဝင်သူများထံက သိရသည်။

ယင်းအပြင် ကနီမြို့နယ်အတွင်းမှ ကျေးရွာ တချို့ကို ဇူလိုင်လ ၂ ရက်နေ့ ညနေပိုင်းတွင် စစ်ကောင်စီတပ်များက ၀င်ရောက်မွှေနှောက်နေပြီး လက်နက်ကြီးအသုံးပြုပစ်ခတ်နေကြောင်း စစ်ကောင်စီတပ်ဟာ ကနီမြို့နယ်အတွင်းကိုလမ်းကြောင်း ၂ ခုမှတဆင့် ၀င်ရောက်နေခြင်းဖြစ်ပြီး စက်သေနတ်၊လက်နက်ကြီးများ အသုံးပြုပစ်ခတ်နေသဖြင့် ပြည်သူ(၁)ယောက် ထိမှန်ဒဏ်ရာရရှိခဲ့ပြီး​ နေအိမ်များ ပျက်စီးခဲ့ကြောင်း သိရှိရသည်။

ဇူလိုင်လ ၁ ရက်နေ့ ကနီမြို့နယ် ကနဲ -သခွတ္တနယ် -ဘုတလင်လမ်းဘေးတွင် ညနေ ၂ နာရီ ၃၀ ခန့်အချိန် ကနီမြို့နယ် ပြည်သူ့ကာကွယ်ရေး တပ်ဖွဲ့နှင့်စစ်ကောင်စီ အကြမ်းဖက်အဖွဲ့ တိုက်ပွဲဖြစ်ခဲ့ရာ ပြည်သူ့ကာကွယ်ရေးတပ်ဖွဲ့ဘက်မှ (၂) ဦးဒဏ်ရာရပြီး ၄ ဦးပျောက်ဆုံးကြောင်း၊ ကျဆုံးမှုရှိ(မရှိ) အတည်မပြုနိုင်သေးကြောင်း ဒေသခံများက ဆိုကြသည်။

တိုက်ပွဲဖြစ်ပွားရာ လမ်းဘေးရှိ ရွာ(၃)ရွာကို လက်နက်ကြီးငယ်များဖြင့် ပစ်ခတ်ခြိမ်းခြောက် ခြင်းများ ရှိခဲ့ကြောင်း၊ ဇူလိုင် ၂ ရက်နေ့တွင် ကနီမြို့နယ် ရွာသာရွာမှ ပြည်သူများ၏ နေအိမ်(၃)လုံးကို အကြမ်းဖက်စစ်ကောင်စီအဖွဲ့မှ လက်နက်ကြီးငယ်များဖြင့် ပစ်ခတ်ခဲ့ရာ ကျပ်သိန်းရာချီ ပျက်ဆီးဆုံးရှုံးခဲ့ကြောင်း၊ အဆိုပါရွာနှင့် အနီးရွာများရှိ စျေးဆိုင်များ၊ လူနေအိမ်များရှိ ရွှေ ငွေ ဆန် ဆီ များ အခြားစားသောက်စရာများကို အလိုရှိရာ စစ်ကောင်စီတပ်များက ခိုးဝှက်ယူဆောင်သွားကြောင်း ဒေသခံများက ဆိုကြသည်။

စစ်ကောင်စီနှင့် ပျူစောထီး အင်အား ၂၀၀ ခန့်သည် အစု သုံးစုခွဲ၍ ကနီမြို့နယ်တွင် အရပ်ဝတ် များဖြင့် ဖြန့်ကျက်သွားရောက်ခဲ့ပြီး စစ်ဘေးရှောင်များနေထိုင်ရာအထိ လက်နက်ကြီးငယ်များဖြင့် ပစ်ခတ်ခဲ့ရာ အမျိုးသား တစ်ဦး ကျည်ထိမှန်ခဲ့ကြောင်း သိရှိရသည်။ကနီမြို့နယ် တွင်း ကျေးရွာ (၂၅)ရွာမှ ပြည်သူ( ၃၀၀၀၀)ကျော် ထွက်ပြေးတိမ်းရှောင်နေလျက်ရှိပြီး မိုးများရွာသွန်းနေသဖြင့် စား ဝတ် နေ ရေးအခက်အခဲများရှိနေကြောင်း သိရှိရသည်။khit thit

ကောလင်းမြို့နယ်တွင်စစ်ကောင်စီတပ်နှင့် ပြည်သူ့ကာကွယ်ရေးတပ်ဖွဲ့အကြားဖြစ်ပွားသည့် တိုက်ပွဲတွင် စစ်ကောင်စီတပ်သားများ သေဆုံးမှုနဲ့ဒဏ်ရာရမှုများပြားကြောင်း သိရသည်။ ဇူလိုင်လ ၂ ရက်၊ နေ့လယ်ခင်း ၁နာရီဝန်းကျင်အချိန် စစ်ကိုင်းတိုင်းဒေသကြီး၊ ကောလင်းခရိုင်ကောလင်းမြို့နယ် အရှေ့ပိုင်းကျေးရွာတစ်ခုအနီးတွင် ဖြစ်ပွားသည့် တိုက်ပွဲတွင် စစ်ကောင်စီတပ်အရာရှိနှစ်ဦးအပါအဝင် ၄ ဦးသေးဆုံးကာ ၂၀ခန့် ဒဏ်ရာရကြောင်း ကောလင်းမြို့နယ် ပြည်သူ့ကာကွယ်ရေးတပ် ပြန်ကြားရေးအဖွဲ့ဝင်တစ်ဦးက မဇ္စျိမကိုပြောသည်။

“ကောလင်းမြို့နယ်အရှေ့ခြမ်းက၊ တောင်ပေါ်ကျေးရွာအနီးမှာ ဖြစ်တာပါ၊ တိုက်ပွဲမှာစစ်ခွေး ၄ ယောက်ကျတာကို ကျွန်တော်တို့အတည်ပြုပါတယ်၊ သူတို့က အဲ့ဒီရွာနားမှာ မနေ့က ဒလန်အသတ်ခံရတာနဲ့ပါတ်သတ်ပြီးလာကြတာ၊ စစ်ကားအကြီးတစ်စီးရယ် ၊ လူနာတင်ယာဉ်တစ်စီးရယ်၊ ဒါကို ပြည်သူ့ကာကွယ်ရေးတပ်တွေက လမ်းက ဖြတ်တိုက်တာ” တိုက်ပွဲဖြစ်ပွားပုံကို သူကပြောသည်။ နှစ်ဘက်ပစ်ခတ်ချိန် ၄၅ မိနစ်ခန့် ကြာပြီး အကြမ်းဖက်စစ်ကောင်စီတပ်သား ၄ ဦးကျဆုံးကာ၊ ပြည်သူ့ကာကွယ်ရေးတပ်သား ထိခိုက်ကျဆုံးမှုမရှိဟု သိရသည်။ နေ့လည် ၂ နာရီခွဲဝန်းကျင်တွင် တိုက်ပွဲပြီးကာ စစ်ကောင်စီတပ်သားများပြန်ဆုတ်သွားကြောင်းသိရသည်။

တပ်ဆုတ်ခဲ့သည့် စစ်ကောင်စီတပ်သားများအား ညောင်ကိုင်းရွာ တောင်ရိုးတွင် ပြည်သူ့ကာကွယ်ရေးတပ်ဖွဲ့များ လမ်းမှဖြတ်ပြီး တိုက်ခိုက်ခဲ့ကြောင်းသိရသည်။ ထိုတိုက်ပွဲအခြေအနေအသေးစိပ်အား မသိရှိရသေးပေ။ မနေ့က ဇွန်လ ၁ ရက်မှာ ကောလင်းမြို့နယ်၊ ရွာရှည်ရွာက ဒလန်ဖြစ်သူ အသက် ၅၀ အရွယ် ဦးကြည်ထူး သေနတ်ဖြင့် ပစ်သတ်ခံရသည်ကို အကြမ်းဖက်စစ်ကောင်စီတပ်သားများ လာရောက်စစ်ဆေးခြင်းဖြစ်သည်။

“သူက ဘာလို့ဒလန်လဲဆိုရင် သူကစစ်တပ်ထောက်ခံသူတစ်ယောက်၊နောက်ပြီး ကျွန်တော်တို့လှုပ်ရှားမှုတွေကို စစ်တပ်ကိုသတင်းပေးနေတဲ့သူ၊ သူ့ကြောင့်အဖမ်းခံရတဲ့သူတွေလဲရှိတယ်၊ ဒါကြောင့် ကျွန်တော်တို့ရှင်းလိုက်တာ၊ ဦးခေါင်းကို တူမီးနဲ့ ပစ်လိုက်တာပါ” ဟု ဒလန်ရှင်းလင်းရေးဖြစ်စဉ်ကို အဆိုပါလူငယ်မှပြောသည်။

ထိုသို့တိုက်ပွဲဖြစ်နေချိန် ကောလင်းမြို့ပေါ်မှ ပြည်သူ့ကာကွယ်ရေးတပ်များသည် မြို့လယ် ဆေးရုံကြီးအနီးက အထွေအထွေအုပ်ချုပ်ရေးမှူးရုံးထဲသို့ လက်လုပ်မိုင်း၊ အသံမိုင်းများဖြင့် ဝင်ရောက်ပစ်ခတ်ခဲ့သည်ဟုဆိုသည်။

ထွေအုပ်ရုံးအတွင်း တပ်စွဲထားသည့် စစ်ကောင်စီ တပ်သားများသည် စက်သေနတ်များ၊ အာပီဂျီလက်နက်ကြီးများဖြင့်သုံးချက် ပြန်လည်ပစ်ခတ်မှုပြုလုပ်ကြသည်ဟု မြို့ပေါ် ပျောက်ကြားအဖွဲ့ဝင်တစ်ဦးကပြောသည်။ အဆိုပါပစ်ခတ်မှုကြောင့် နေအိမ်ပေါ်သို့ လက်နက်ကြီးကျည်ကျရောက်ပေါက်ကွဲကာ အရပ်သားအမျိုးသမီးနှစ်ဦး ထိခိုက်ဒဏ်ရာရရှိခဲ့ကြသည်။

လက်ရှိအချိန်တွင် စစ်ကောင်စီတပ်သားများ ကောလင်းမြို့ပေါ် လက်နတ်အပြည့်အစုံနှင့် လှည့်ပတ်နေကြောင်းသိရသည်။ ကောလင်းမြို့နယ်တွင် တိုက်ပွဲဖြစ်ပွားခဲ့သည်မှာ ပထမဆုံးအကြိမ်မဟုတ်ပေ။ လွန်ခဲ့သည့် မတ်လ ၁၆ ရက်နေ့တွင် ဒလန်တစ်ဦးကို ရှင်းလင်းရေးလုပ်စဉ် စစ်ကောင်စီတပ်သားများ ရောက်လာက ပစ်ခတ်မှုဖြစ်ပွားခဲ့ကြောင်း သိရသည်။

ထိုအချိန်က ပြည်သူများမှ လေးခွ၊ ဂျင်ကလိများဖြင့်သာပြန်လည်ခုခံပစ်ခတ်ရင်း အသက် ၄၀ ဝန်းကျင်ပြည်သူတစ်ဦး ကျည်ထိမှန်သေဆုံးခဲ့မှုဖြစ်ပွားခဲ့သည်။ ထိုအချိန်မှစကာ လူငယ်တစ်စုမှ ဦးဆောင်ပြီး လက်နက်ကိုင်တော်လှန်ရေးအတွက် စတင်ပြင်ဆင်ခဲ့တာဖြစ်ကြောင်း PDF တပ်ဖွဲ့ဝင်က ဆိုသည်။

“ဒေသခံ ပြည်သူ့ကာကွယ်ရေးတပ်ဖွဲ့တွေ ချိတ်ဆက်ပြီး သူတို့ကို အဆုံးထိတိုက်သွားမှာပါ၊ ပေးဆပ်ခဲ့ရတဲ့ သူရဲကောင်းတွေ အလကားမဖြစ်စေရပါဘူး၊ ကျန်နေခဲ့တဲ့ကျွန်တော်တို့ တာဝန်ကျေစေရပါမယ်၊ စစ်ခွေးတွေ ထမင်းဝအောင်စားထားပါ” ဟု အဆိုပါလူငယ်ကဆိုသည်။mizzima