ငါန်းဇွန်တွင် ကိုဗစ်-၁၉ အတည်ပြုလူနာ ၁၇ ဦး တွေ့ရှိ
မန္တလေးတိုင်း ငါန်းဇွန်မြို့နယ်မှာ ဇူလိုင် ၅ ရက်နေ့က ကျောက်တစ်လုံးဆေးခန်းမှ သားဖွားဆရာမအပါအဝင် ကိုဗစ်-၁၉ အတည်ပြုလုနာ ၃ ဦးစတင်တွေ့ရှိခဲ့ပြီးနောက် ၂ ရက်အတွင်း အတည်ပြုလူနာ ၁၇ ဦးထိ တွေ့ရှိခဲ့တယ်လို့ ဒေသခံတွေက ပြောပါတယ်။
ဇူလိုင် ၆ ရက်အထိ ကိုဗစ်-၁၉ ရောဂါပိုးတွေ့လူနာ အမျိုးသား ၈ ဦးနဲ့ အမျိုးသမီး ၉ ဦး စုစုပေါင်း ၁၇ ဦးရှိပြီး မန္တလေးပြည်သူ့ဆေးရုံကြီးမှာ ၁ ဦးနဲ့ ငါန်းဇွန်မြို့နယ်ပြည်သူ့ဆေးရုံမှာ ၁၆ ဦး ဆေးကုသမှု ခံယူနေတယ်လို့သိရပါတယ်။
ငါန်းဇွန်မှာ စာသင်ကျောင်းတွေ ယာယီပိတ်ထားဖို့၊ စားသောက်ဆိုင်တွေ ပါဆယ်စနစ် ပြောင်းလဲရောင်းချဖို့၊ စားသောက်ကုန်ဆိုင်တွေမှအပ ကျန်စျေးဆိုင်တွေ ပိတ်ထားဖို့၊ အရေးကြီးအစည်းအဝေးတွေမှအပ အလှူပွဲတွေနဲ့ တခြားအခမ်းအနားတွေ မပြုလုပ်ဖို့ စစ်ကောင်စီရဲ့ ဒေသအာဏာပိုင်တွေက ကြေညာထားပါတယ်။DVB
SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS 