SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS

ရန်ကုန်တိုင်းဒေသကြီး၊ အင်းစိန်တွင် အသက်မပြည့်သေးသော လူငယ် ၂ ဦးအပါအဝင် စစ်ကောင်စီက ဖမ်းဆီးသွားသော လူငယ် ၆ ဦး သတင်းအစအနမရဘဲ ပျောက်ဆုံးနေပြီး စစ်ကားကို ဗုံးပစ်သွင်းသူဟု စွပ်စွဲခံရသူ မောင်ငြိမ်းချမ်းကိုသည် စစ်တပ်၏ ဖမ်းဆီးခံရကာ နှိပ်စက်ညှဉ်းပန်းမှုများကြောင့် သေဆုံးဖွယ်ရှိနေ၍ မိသားစုက စိုးရိမ်နေကြောင်း မိသားစုဝင်များနှင့်မိတ်ဆွေများထံမှ သိရှိရသည်။

ရန်ကုန်တိုင်းဒေသကြီး အင်းစိန်မြို့နယ်တွင် ဇူလိုင်လ ၄ ရက်နေ့ နံနက် ၉ နာရီဝန်းကျင်တွင် ငြိမ်းချမ်းကို ( ခေါ် )ကောက်ကွေးကို အောင်ဇေယျ တံတားပေါ်ရှိ စစ်ကား တစီးပေါ်သို့ လက်လုပ်ဗုံး ပစ်သွင်းခံရမှုနှင့် ဆက်စပ်သည်ဟုဆိုကာ ဖမ်းဆီးသွားကြောင်း ၊ ယင်းနောက် မနန်းသူသူအောင် (ကိုရီးယားစကားပြန်လုပ်ကိုင်သူ)၊ ကိုကောင်းမြတ် ၁၉နှစ်၊ မောင်ဇွဲကို (၁၇)နှစ်၊ မောင်ဇင်မင်းထက် (၁၅)နှစ် နှင့် ကိုမင်းညီတို့ကိုလည်း ဖမ်းဆီးသွားကြောင်း သိရှိရသည်။ “အသက်မပြည့်သေးတဲ့ ကလေးတွေကိုပါ သူတို့ နေထိုင်ရာ အင်းစိန်အိမ်ယာမှာ မတရားရိုက်နှက်ဖမ်းဆီးသွားခဲ့တာပါ။ အခု ကျတော်တို့ လိုက်လံစုံစမ်းတဲ့ အခါမှာ ကောက်ကွေးရဲ့ နာမည်ကို ရဲဖမ်းတဲ့ စာရင်းထဲမှာ မတွေ့ရဘဲ ကျန် ၅ ဦးရဲ့ အမည်ကိုသာတွေ့ရပါတယ် ။

ကောက်ကွေး (ခ) ငြိမ်းချမ်းကိုရဲ့ အမည် ပါမလာခဲ့ပါဘူး။ ကျတော်တို့ ထပ်မံလိုက်လံစုံစမ်းတဲ့အခါမှာ သူဟာ လက်ရှိအချိန်တွင် စစ်ကြောရေးမှာ ရှိနေဆဲဖြစ်ပြီ မသေရုံတမယ် နှိပ်ဆက် ခံနေရကြောင်း သိရတယ်။ လူမသိသူမသိဘဲ မတရားညှင်းပန်းနှိပ်စက် ခံရပြီး အသက်သေဆုံးဖို့ ရာခိုင်နှုန်းများနေပါတယ်” ဟု မိသားစုနှင့် နီးစပ်သူ မိတ်ဆွေတစ်ဦးက ပြောဆိုသည်။khit thit

ချင်းပြည်နယ်၊ မင်းတပ်မြို့တွင် အကြမ်းဖက် စစ်ကောင်စီ လက်နက်ကိုင်တပ်များနှင့် မင်းတပ် ပြည်သူ့ အုပ်ချုပ်ရေးအဖွဲ့ တို့ကြား အပစ်အခတ်များ ရပ်စဲထားသည့်အချိန်တွင် လိုအပ်သည့် စားနပ်ရိက္ခာများကို မြို့မိမြို့ဖအဖွဲ့ များကိုသာ စစ်ဆေးပြီး သယ်ယူခွင့်ပြုပြီး ဒေသခံ ပြည်သူလူထု စစ်ရှောင်များကို သယ်ယူခွင့် မပြုကြောင်း သိရသည်။

“ဒေသခံ ပြည်သူတွေအတွက် အကျိုးမရှိဘူး။ စစ်ဘေးရှောင်တွေအတွက် စားနပ်ရိက္ခာတောင်မှ လွတ်လွတ်လပ်လပ် သယ်လို့ မရသေးဘူး။ သူတို့ မြို့ မိမြို့ဖအဖွဲ့တွေက သယ်လို့ ရတယ်။ သူတို့ကိုတော့ စစ်ကောင်စီက သယ်ခွင့်ပေးတယ်။ စားနပ်ရိက္ခာ ဖူလုံမှု မရှိဘူး။ သူတို့ ခွင့်ပြုတယ်ဆိုတာက မြို့မမြို့ဖတွေပဲ သယ်လို့ရတဲ့ အနေအထား ရှိတယ်။

ဒါတောင် စစ်ကောင်စီက အမြဲတန်း စစ်ဆေးနေတာ”ဟု မင်းတပ်မြို့ ဒေသခံတဦးက ပြောသည်။မြို့ပေါ်တွင် ကုန်ဈေးနှုန်း အဆင်မတန်ကို မြင့်တက်နေပြီး ယခင် ဆန်တအိတ် ကျပ် ၂၅၀၀၀ တန်မှာ ယခုအခါ ကျပ် ၃၅၀၀၀ ကျော်အထိ ဈေးပေါက်နေကြောင်း၊ စက်သုံးဆီ လွတ်လပ်စွာ ဝယ်ယူ သယ်ဆောင်ခွင့် မရကြောင်း၊ ပိုက်ဆံ ထုတ်လိုပါကလည်း ၁၅ ရာခိုင်နှုန်း အဖြတ်ခံရကြောင်း ဒေသခံများက ပြောသည်။“အရင်လို အခြေအနေမျိုးကို လုံးဝ မရောက်သေးဘူး။

အခုချိန်စစ်ထဖြစ်မယ်ဆိုရင် ကျနေ်ာတို့ ချင်းတွေ အထိနာတော့ မယ်။ ဘာဖြစ်လို့လဲဆိုတော့ လောင်စာဆီကို စစ်ကောင်စီကို ထိန်းချုပ်ထားတဲ့အတွက် ကျနော်တို့ဆီမှာ ဘာမှ မရှိတော့ ဘူး။ သူတို့ဘက်မှာ လိုအပ်တာတွေ အကုန်ဖြည့်ထားပြီးနေပြီ။ ဒေသခံတွေကတော့ မြို့ထဲကိုပြန်ဝင်တာ တဝက်နီးပါး လောက် တော့ ပြန်ရောက်နေကြပြီ။

လူငယ်တွေတော့ မပါဘူး။ လူငယ်တွေဆိုရင် ဂိတ်တွေမှာ အရမ်းစစ်ဆေးလို့ မပြန်ရဲကြဘူး”ဟု ဒေသခံတဦးက ပြောသည်။စစ်အာဏာသိမ်းပြီးသည့် နောက်ပိုင်းတွင် ချင်းပြည်နယ် မင်းတပ်မြို့တွင် ဒေသခံလူငယ်များ အဖမ်းခံခဲ့ရသည့် ဖြစ်စဉ်မှ တဆင့် အကြမ်းဖက် စစ်ကောင်စီတပ်များကို ဒေသခံ ချင်းတိုင်းရင်းသားများက တူမီးသေနတ်များဖြင့် ခုခံ တော်လှန် တိုက်ခိုက်ခဲ့ရာ ဇွန် ၂၀ ရက်နေ့တွင် စစ်ရှောင်များအတွက် အခက်အခဲများ ရှိနေသည် ဆိုသော အကြောင်းပြချက်ဖြင့် နှစ်ဖက် ပစ်ခတ်တိုက်ခိုက်မှုများ ရပ်စဲထားခဲ့ခြင်း ဖြစ်သည်။

အပစ်ရပ်ထားချိန်တွင် အကြမ်းဖက် စစ်ကောင်စီ တပ်များနှင့် မင်းတပ် (CDF) တို့ကြား သဘောတူညီချက်များမှာ မင်း တပ်မြို့ပေါ်တွင် လက်နက်ကိုင် စောင့်ကြပ်မှုများ မပြုလုပ်ရန်၊ CDM ဝန်ထမ်းများကို ဖိအားပေး၍ လုပ်ငန်းခွင်သို့ ဝင်ရောက် ခိုင်းခြင်း မပြုလုပ်ရန်၊ ပြည်သူလူထုကို မခြိမ်းခြောက်ရန်၊ သတင်းမှားများ ဖြန့်ချီမှု မပြုလုပ်ကြရန်၊ ကျောက်ထု – မတူပီ – မင်းတပ် လမ်းကြောင်းတွင် ဆိုင်ကယ်များကို တားဆီးနှောက်ယှက်ခြင်း မပြုလုပ်ရန်၊ ရိက္ခာသယ်သော ကားများကို အဝင်အထွက် စစ်ဆေးပြီး သွားလာခွင့်ပြုရန်တို့ ဖြစ်ကြောင်း သိရှိရသည်။khit thit

တနင်္သာရီတိုင်း၊ ထားဝယ်မြို့နယ်မှာ ဇူလိုင် ၇ ရက် မနေ့ညပိုင်းက စစ်တပ်နဲ့ ဒေသခံ ပြည်သူ့ကာကွယ်ရေးတပ် PDF တို့ တိုက်ပွဲဖြစ်ခဲ့ပါတယ်။

ရောင်းမော်ရွာက စာသင်ကျောင်းမှာ နေရာယူထားတဲ့ ပျူစောထီးအဖွဲ့ကို ဒေသခံ PDF က သွားရောက်တိုက်ခိုက်ရာမှာ စစ်တပ်က စစ်ကူရောက်လာခဲ့တယ်လို့ ဒေသခံ PDF တယောက်က ပြောပါတယ်။

“ည ၁၁ နာရီလောက်မှာ စ ဖြစ်တာ။ ပျူစောထီးတွေက စစ်တပ်ကို အကြောင်းကြားတော့ ထားဝယ်တပ်က ကား ၅ စီးနဲ့ လာတယ်။ ၂ စီးကိုတော့ မိုင်းခွဲလိုက်တယ်။ ၃ စီးကတော့ ဖြစ်စဉ်နေရာကို ရောက်လာတယ်။ သူတို့ဘက်က ၅ ယောက်လောက်သေမယ်လို့ ခန့်မှန်းတယ်။ အတိအကျက မသိရသေးပါဘူး” လို့ ပြောပါတယ်။

စစ်တပ်က စစ်ကူရောက်လာတာကြောင့် PDF ဘက်က ဆုတ်ခွာခဲ့ပြီး မနက် ၂ နာရီလောက်အထိ ပစ်ခတ်မှုဖြစ်ပွားခဲ့တယ်လို့လည်း ဒေသခံက ပြောပါတယ်။

“စစ်တပ်က ဒီမနက်မှာ တောနင်းလိုက်ရှာရင်း ခြံလုပ်နေတဲ့ ဒေသခံတွေကို ဖမ်းသွားတယ်လို့တော့ သိရတယ်။ ဘယ်နှစ်ယောက်လဲတော့ မသိရသေးဘူး။ PDF တွေအားလုံးကတော့ လုံခြုံတဲ့ နေရာရောက်နေပြီ” လို့ PDF အဖွဲ့ဝင်တယောက်က ပြောပါတယ်။

တိုက်ပွဲမှာ  PDF ဘက်က ၂ ယောက် ကျဆုံးတယ်လို့ သတင်းထွက်နေပေမဲ့ အသေးစိတ်အခြေအနေကို စုံစမ်းနေဆဲဖြစ်လို့ အတည်မပြုနိုင်သေးပါဘူး။DVB

မွန်ပြည်နယ်၊ ကျိုက်ထိုမြို့  စစ်ဖက်ရေးရာလုံခြုံရေးတပ်ဖွဲ့ (စရဖ) ရုံးအနီးမှာ ဇူလိုင် ၈ ရက်နေ့ ညနေ ၄ နာရီလောက်မှာ ဗုံးပေါက်ကွဲမှု ဖြစ်ခဲ့တယ်လို့ ဒေသခံတွေက ဒီဗွီဘီကို ပြောပါတယ်။

အဲဒီ ဗုံးပေါက်ကွဲမှု ဖြစ်ပေါ်ပြီးနောက် စစ်ဖက်ရေးရာလုံခြုံရေးတပ်ဖွဲ့ရုံးထဲကနေ သေနတ် ၅ ချက် ထက် မနည်း ရမ်းသတ် ပစ်ခတ်တာတွေ ရှိခဲ့ပါတယ်။

ဗုံးပေါက်ကွဲမှု ဖြစ်ပေါ်ခဲ့တဲ့ စစ်ဖက်ရေးရာလုံခြုံရေးတပ်ဖွဲ့ရုံးအနီးတဝိုက်ကို စစ်တပ်နဲ့ရဲက လုံခြုံရေးတင်းကျပ်ထားပြီး ပိတ်ဆို့ရှာဖွေစစ်ဆေးနေတယ်လို့  ဒေသခံတွေက ပြောပါတယ်။ ဗုံးပေါက်ကွဲမှုကြောင့် ဒဏ်ရာရသူနဲ့ သေဆုံးသူ ရှိ မရှိ မသိရသေးပါဘူး။ 

ကျိုက်ထိုမြို့နယ်မှာ စစ်အာဏာသိမ်းပြီးနောက်ပိုင်းမှာတော့ ဗုံးပေါက်ကွဲမှုနဲ့ သေနတ်ပစ်ခတ်တွေ မကြာခဏဆိုသလို ဖြစ်ပွားနေတာပါ။DVB