SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS

ဒဂုံတက္ကသိုလ်ကျောင်းသားများသမဂ္ဂ ဥက္ကဋ္ဌဟောင်း ကိုမင်းသုခကို အကြမ်း ဖက် စစ်ကောင်စီ လက်အောက်ခံ မြောက်ဥက္ကလာပမြို့နယ် စစ် ခုံရုံးက ထောင် ဒဏ် ၁၀ နှစ် ချမှတ်လိုက်ကြောင်း ဒဂုံတက္ကသိုလ်ကျောင်းသားသမဂ္ဂကသတင်းထုတ်ပြန်သည်။

အမြင်အာရုံအားနည်းသည့် ကိုမင်းသုခကို ဇွန်လ ၅ရက်နေ့က ဖမ်းဆီးခဲ့ကြောင်း စစ်ကောင်စီက သတင်းထုတ်ပြန်ခဲ့ပြီး ဖောက်ခွဲရေးလုပ်ငန်းများ လုပ်ဆောင်နေသူအဖြစ် စွပ်စွဲကာ ဝါဒဖြန့်ကြေညာခဲ့ကြောင်း၊ ကိုမင်းသုခသည် ဖမ်းဆီးထိန်းသိမ်းခြင်းခံခဲ့ရပြီး (၃) လအကြာ ယနေ့ တွင် အမိန့်ချခံရခြင်းဖြစ်ကြောင်း သိရှိရသည်။

ကိုမင်းသုခသည် ဒဂုံတက္ကသိုလ် သချာ်အထူးပြု တတိယနှစ် ကျောင်းသားဖြစ်ပြီး ၂၀၁၄ နှင့် ၂၀၁၆ ခုနှစ်များတွင် ဒဂုံတက္ကသိုလ်ကျောင်းသားများသမဂ္ဂ ၏ ဥက္ကဋ္ဌ အဖြစ် ဆောင်ရွက်ခဲ့သူဖြစ်သည်။khit thit

ထားခရိုင်အတွင်းရှိ မြို့နယ်အသီးသီးတွင် လာမည့် စက်တင်ဘာလ ၇ ရက်နေ့က စတင်ကာ အကြမ်းဖက် လူသတ် စစ်ကောင်စီ တော်လှန်ရေး အမျိုးသမီးများ ဦးဆောင်သည့် နှင်းဆီရောင် အမျိုးသမီးထုလှုပ်ရှားမှုများကို ပြုလုပ်မည်ဖြစ်သောကြောင့် ပြည်သူများ ပူးပေါင်းပါဝင်ရန် တောင်းဆိုကြောင်း ဒီမိုကရေစီအရေး လှုပ်ရှားမှု သပိတ်ကော်မတီ (ထားဝယ်ခရိုင်)က တာဝန်ရှိသူ တစ်ဦးက ပြောဆိုသည်။

” ကျနော်တို့က ပြောက်ကျားမဟုတ်တော့ဘဲ ကြေညာပြီးလုပ်မှာပါ။ ထားဝယ်ခရိုင်အတွင်းမှာရှိတဲ့ မြို့နယ်အသီးသီးမှာ ပြုလုပ်သွားမှာပါ။ အမျိုးသမီးထု တစ်ရပ်လုံးအနေနဲ့ အင်တိုက်အားတိုက် ပူးပေါင်းပါဝင်ပေးကြပါရန် တိုက်တွန်းနှိုးဆော်လိုတယ်” ဟု ဒီမိုကရေစီအရေး လှုပ်ရှားမှု သပိတ်ကော်မတီ (ထားဝယ်ခရိုင်)က တာဝန်ရှိသူ တစ်ဦးက ပြောဆိုသည်။

အဆိုပါ လှုပ်ရှားမှုသည် ထားဝယ်ခရိုင်တွင် သပိတ်ကော်မတီက ဦးဆောင် ုပြုလုပ်မည်ဖြစ်သော်လည်း အခြားဒေသအသီးသီးရှိ အမျိုးသမီးများအနေဖြင့်လည်း ‘နှင်းဆီရောင် အမျိုးသမီးထုလှုပ်ရှားမှုတွင် ပူးပေါင်းပါဝင်ပေးကြရန်နှင့် ချီတက်လှုပ်ရှားရာတွင် ပူးပေါင်းပါဝင်နိုင်ခြင်းမရှိသည့် အမျိုးသမီးများအနေဖြင့်လည်း လူမှုကွန်ရက် စာမျက်နှာများမှတဆင့် ထိုလှုပ်ရှားမှုအား ဝန်းရံပေးကြပါရန် နှိုးဆော်အပ်ပါသည်ဟု ဒီမိုကရေစီအရေး လှုပ်ရှားမှု သပိတ်ကော်မတီ (ထားဝယ်ခရိုင်)က ထုတ်ပြန်ထားသည်။

ယင်း လှုပ်ရှားမှုကို ထားဝယ်ခရိုင် သပိတ်ကော်မတီဝင် အမျိုးသမီးများက ဦးဆောင်ကာ သြဂုတ်လ ၂၈ရက်က စတင်ပြုလုပ်ခဲ့ခြင်းဖြစ် ကြောင်း သိရသည်။khit thit

စစ်ကိုင်းတိုင်း၊ ကနီမြို့နယ်၊ ချင်းတွင်းမြစ်ဆိပ်မှာ စစ်ကောင်စီတပ်က ရေကင်းဂိတ်တွေချထားပြီး ချင်းတွင်းမြစ်အတွင်း သွားလာနေတဲ့ စက်လှေတွေဆီကနေ ‌ငွေကြေး တောင်းခံနေတယ်လို့ စက်လှေပိုင်ရှင်တွေက ပြောပါတယ်။

အမြန်ရေယာဉ်ပိုင်ရှင်တစ်ဦးက “ကျနော်တို့ ကနီမြို့ရေယာဉ်စစ်ဆေးရေး ဂိတ်မှာ လက်မှတ်ထိုးရတယ်။ အရင်က စက်‌လှေတစ်စီးကို ကျပ်  ၃၀၀၀ ပေးရတယ်။ အခုကျတော့ ၅၀၀၀ တိုးကောက်တယ်။ ကနီမြို့နယ်အတွင်းမှာ စစ်ဆေးရေးဂိတ်က ၃ ဂိတ်ရှိတော့ အသွား၊ အပြန်ပေးရတော့ ကျနော်တို့ မော်တော်ပိုင်ရှင်တွေ မသက်သာဘူးဗျာ။ မပေးရင်လည်း အသက်အန္တရာယ်ပေးမှာ ကြောက်တော့ ပေးနေရတယ်” လို့ ပြောပါတယ်။

ကနီမြို့နယ်အတွင်း မော်တော်ရေယာဉ်တွေဆီကနေ တောင်းယူလို့ရတဲ့ ငွေကြေးခွဲဝေယူမှု မညီမျှတဲ့အတွက် စစ်ကောင်စီတပ်တွေနဲ့ နယ်မြေခံရဲတပ်ဖွဲ့တွေအကြား အချင်းချင်း သေနတ်နဲ့ ပစ်ခတ်တာတွေလည်း ရှိနေပါတယ်။

အခုလို ရေယာဉ်တွေဆီကနေ မတရားဂိတ်ကြေး တောင်းယူနေတာကို တတ်နိုင်တဲ့ အဖွဲ့အစည်း တခုခုအနေနဲ့ ဖြေရှင်းပေးဖို့ ချင်းတွင်းမြစ်အတွင်း သွားလာနေတဲ့ ရေယာဉ်တွေက အကူအညီ တောင်းခံ‌ခဲ့ကြပါတယ်။

စစ်ကိုင်းတိုင်း၊ မင်းကင်းမြို့နယ်မှာလည်း ချင်းတွင်းမြစ်အတွင်း သွားလာနေတဲ့ မော်တော်ရေယာဉ်မှန်သမျှကို ပန်းဆက်ကျေးရွာအခြေစိုက် ပျူစောထီးအဖွဲ့က နေ့စဉ် ဆက်ကြေး တောင်းခံနေတယ်လို့ မော်တော်သမားတွေထံကနေ သိရပါတယ်။DVB

စစ်ကိုင်းတိုင်းအတွင်းက လွတ်မြောက်နယ်မြေတစ်ခုမှာ စက်တင်ဘာ ၅ ရက်နေ့က အာဏာရှင်စနစ်တိုက်ဖျက်ရေးပြည်သူ့တပ်ဖွဲ့ (PAFD) ရဲ့ ဆေးတပ်သင်တန်းဆင်းပွဲ ပြုလုပ်ခဲ့ကြပါတယ်။

မြို့ပြပြောက်ကျား၊ ကျေးလက်ပြောက်ကျား စစ်သည်တော်တွေက အာဏာရှင်စနစ်ကျရှုံးအောင် တိုက်ခိုက်/တော်လှန်ရေးနည်းလမ်းအမျိုးမျိုးနဲ့ တိုင်း/ခရိုင်/မြို့နယ် အသီးသီးမှာ ပြောက်ကျား တိုက်ခိုက်ရေးနည်းလမ်းတွေနဲ့ ချိတ်ဆက်လုပ်ဆောင်နေချိန် ရဲဘော်တွေ ထိခိုက်ဒဏ်ရာနဲ့ ကျန်းမာရေးလိုအပ်ချက်တွေ အတွက်စောင့်ရှောက်မှုပေးနိုင်ရန် ရည်ရွယ်ပြီး သင်တန်းပေးတာလို့ သိရပါတယ်။

“သင်တန်းမှာ အခြေခံ ရှေးဦးသူနာပြုနည်းတွေ သင်ပေးတယ်။ ဒါ့အပြင် အရေးပေါ် ဖြစ်လာရင် ဘယ်လို နေရာမှာ ဘယ်ဆေးထိုးရမယ်ဆိုတာကို ကျွမ်းကျင် ဆရာဝန်တွေနဲ့ လက်တွေ့သင်ကြားတာတွေ လုပ်ပေးတယ်။” လို့ အာဏာရှင်စနစ်တိုက်ဖျက်ရေးပြည်သူ့တပ်ဖွဲ့ (PAFD) ရဲ့ တာဝန်ရှိသူတစ်ဦးက ပြောပါတယ်။

အခုသင်တန်းဟာ အာဏာရှင်စနစ်တိုက်ဖျက်ရေးပြည်သူ့တပ်ဖွဲ့ (PAFD)က ပေးတဲ့ ပထမဆုံး ဆေးတပ်သင်တန်းဖြစ်ပြီး နောက်လည်း သင် တန်းဆက်ပေးသွားဖို့ရှိတယ်လို့ သိရပါတယ်။DVB

ဖျာပုံမြို့ အမှတ်( ၄ )ရပ်ကွက်အုပ်ချုပ်ရေးမှူး ဦးချိုပု ဆိုသူကို အမည်မသိ သေနတ်သမားတစ်ဦးက စက်တင်ဘာ ၅ ရက် ညနေ ၆နာရီခန့်တွင် ပစ်ခတ်ခဲ့ကြောင်း သိရသည်။

ခြင်းခတ်ပြီး ပြန်လာသည့် ဦးချိုပုကို အမည်မသိသေနတ်သမားတစ်ဦးက ဆိုင်ကယ်ဖြင့်လိုက်လံပစ်ခတ်ခဲ့ခြင်းဖြစ်ပြီး ဦးချိုပု၏ ပေါင်တွင် ဒဏ်ရာရရှိသွားခဲ့ကြောင်း ဒေသခံများထံက သိရသည်။

“ဦးချိုပုကို ဆိုင်ကယ်နဲ့လိုက်ပြီးပစ်တာ ပထမ တစ်ချက်ကလွဲပြီး နောက်တစ်ချက်မှာပေါင်ကိုထိသွားတယ်လို့ပြောတယ်ဗျ။ ဖြစ်သွားတဲ့နေရာကို ဒလန်တွေနဲ့ ရဲတွေပဲ သေသေချာချာသွားကြည့်ရဲတာ ကျန်တဲ့သူက သေသေချာချာသွားမကြည့်ရဲဘူး။ တရားခံလို့စွပ်စွဲပြီးဖမ်းမှာ ကြောက်လို့ပါ”လို့ဒေသခံတစ်ဦးက ပြောသည်။

ယင်းဖြစ်ရပ်အပြီးတွင် အကြမ်းဖက်စစ်အုပ်စုနှင့်ရဲများက ပိတ်ဆို့ရှာဖွေမှုများနှင့် မတရားဖမ်းဆီးမှုများ ပြုလုပ်လာမည်ကို ပြည်သူလူထုက စိုးရိမ်နေကြသည်။mizzima