SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS

ကရင်အမျိုးသားအစည်းအရုံး KNU တပ်မဟာ ၅ ထိန်းချုပ်ရာ၊ ဖာပွန်ခရိုင်၊ ဘူးသိုမြို့နယ် ခလဲသေထ ကျေးရွာအနီး အကြမ်းဖက်စစ်ကောင်စီတပ်နှင့် ကရင်အမျိုးသားလွတ်မြောက်ရေးတပ် KNLA တို့ကြား စက်တင်ဘာလ ၂၆ ရက် ညနေ ၄ နာရီခန့်တွင် ထိတွေ့တိုက်ပွဲဖြစ်ပွားပြီး ၁ ဦးသေဆုံး ၂ ဦးဒဏ်ရာရကြောင်း၊ ဝါ့လိုသူးကလယ်ကျေးရွာဘက်တွင်လည်း တိုက်ပွဲ ၁ ကြိမ်ဖြစ်ပွဦးပြီး စစ်ကောင်စီတပ်မှ ၁ ဦး ဒဏ်ရာရရှိကြောင်း၊ KNLA ဘက်မှ ထိခိုက်မှုမရှိကြောင်း KNLA တပ်မဟာ ၅ ရှေ့တန်းအရာရှိတစ်ဦးမှ ရန်ကုန်ခေတ်သစ်သို့ ပြောသည်။

ဖာပွန်မြို့ခရိုင်မြောက်ဘက်ရှိ၊ ဒွယ်လိုးမြို့နယ်အတွင်း အများပြည်သူများ နေထိုင်ရာ ကျေးရွာများအတွင်းသို့ အကြမ်းဖက်စစ်ကောင်စီ စကခ ၈၊ ခမရ ၄၀၇ မှ ဗိုလ်ကြီးကျော်မင်းထက်ဦးဆောင်သော စစ်ကောင်စီတပ်မှ လက်နက်ကြီးလက်နက်ငယ်များဖြင့် အကြိမ်ရေများစွာ ပစ်ခတ်ကြောင်း သိရသည်။

စက်တင်ဘာလ ၂၇ ရက်တွင်လည်း စကခ ၈၊ ခမရ ၄၀၈ တပ်ရင်းမှာ ဒွယ်လိုးမြို့နယ်အတွင်းသို့ လက်နက်ကြီးများဖြင့် ပစ်ခတ်ခဲ့ပြီး ထီးဘောပတဲကျေးရွာအတွင်းသို့ လက်နက်ကြီး ၅ လုံးနှင့် လောထကျေးရွာအတွင်းသို့ ၁ လုံး ကျရောက်ပေါက်ကွဲခဲ့ကြောင်း အဆိုပါ အရာရှိမှ ဆက်ပြောသည်။KNU ထိန်းချုပ်ရာ တပ်မဟာများအတွင်း အကြမ်းဖက်စစ်ကောင်စီတပ်များနှင့် KNLA တို့ ထိတွေ့တိုက်ပွဲများ နေ့စဉ်ဖြစ်ပွားနေ သည်။khit thit

ဧရာဝတီတိုင်း၊ပုသိမ်မြို့နယ် ၊သလပ်ခွာကျေးရွာအုပ်စု၊ စိန်တောင်ကျေးရွာ၊ မိုင်တိုင်အမှတ် ၁၄ မိုင် ခြောက်ဖာလုံ အနီး၊ ပုသိမ်-မော်တင် ကားလမ်းပေါ်ရှိ စစ်အုပ်စုပိုင် မိုင်တဲတာဝါတိုင်ကို ယနေ့စက်တင်ဘာလ ၂၈ ရက် ည ၇ နာရီခန့်တွင် မိုင်းခွဲဖျက်ဆီးလိုက်ကြောင်း ပြည်သူ့ကာ ကွယ်ရေး တပ်ဖွဲ့များထံက သိရသည်။

မှိုင်းပေါက်ကွဲမှုကြောင့် မိုင်တဲတာဝါတိုင် အောက်ခြေရှိ ပုံးအတွင်းက ဝါယာကြိုးများနှင့် စက်များ ပျက်စီးသွားခဲ့ကြောင်းသိရသည်။”စစ်ကောင်စီကို အထောက်အပံ့ပေးနေတဲ့အရာတွေ အားလုံးကိုတိုက်ခိုက်ဖျက်ဆီးဖို့ရှိပါတယ်။ အခုလည်း စစ်အုပ်စုကို အထောက်အပံ့ပေးနေတဲ့ အရာတွေထဲက တစ်ခုကို တိုက်ခိုက်ဖျက်ဆီးခဲ့တာပါ” ဟု မိုင်းခွဲရာတွင် ပါဝင်ခဲ့သူ တစ်ဦးက ပြောသည်။

မြစ်ဝကျွန်းပေါ် ပြောက်ကျားတော်လှန်ရေးအဖွဲ့နှင့် ဧရာ (၁၄) အဖွဲ့နှစ်ဖွဲ့ပေါင်းပြီး မိုင်းခွဲဖျက်ဆီးခဲ့ခြင်း ဖြစ်ကြောင်း သိရသည်။လက်ရှိတွင် မိုင်းခွဲဖျက်ဆီးခံခဲ့ရသည့် မိုင်တဲတာဝါတိုင်ကို စစ် ကောင်စီတပ်ဖွဲ့နှင့် ရဲများက လာရောက်စစ်ဆေးခြင်း ရှိမရှိကို မသိရသေး‌ကြောင်း ၎င်းကပြောသည်။

ယင်း မိုင်တဲတာဝါတိုင်မိုင်းခွဲခံရခြင်းမှာ ပုသိမ်မြို့နယ်အတွင်း ပထမဆုံးအကြိမ် မိုင်တဲတာဝါတိုင်မိုင်းခွဲခံခဲ့ရခြင်းဖြစ်ကြောင်း သိရသည်။mizzima

ရန်ကုန်တိုင်း၊ လှိုင်မြို့နယ်အတွင်းရှိ မြတ်မေတ္တာမွန်ဆီဆိုင်ရှေ့တွင် ယနေ့ နံနက်ပိုင်း ဗုံးကွဲပြီး လူ ၃ ဦး အနည်းငယ်ထိခိုက် ဒဏ်ရာရရှိပြီး ဆီဆိုင်အဆောက် အအုံ အနည်းငယ် ထိခိုက်ပျက်စီးကြောင်း ဒေသခံများထံမှ သိရှိရသည်။ အလားတူ တောင်ဒဂုံမြို့နယ်ရှိ Mytel တာဝါတိုင်တွင် ယနေ့ ဗုံးများ ပေါက်ကွဲပြီး တာဝါတိုင် အောက်ခြေ အုတ်ခုံ ကွဲကြေပျက်စီးသွားကြောင်း သိရှိရသည်။

ယနေ့ မွန်းလွဲပိုင်း ၁၂ နာရီ ၅၁ မိနစ်နှင့် ညနေ ၃ နာရီ ၄၇ မိနစ်တွင် တောင်ဒဂုံ,၅၆ ရပ်ကွက်၊ အောင်တံခွန် ၂လမ်းရှိ Mytel တာဝါတိုင် ပေါက် ကွဲမူ ဖြစ်ပွားပြီး တိုင်အောက်ခြေမှ အုတ်ခုံ တုံး ကွဲကြေမူ ရှိခဲ့ ကြောင်း၊ တောင်ဒဂုံ မြို့နယ်တွင်ပင် ယနေ့ မွန်းလွဲ ပိုင်း ၁၂ နာရီ ၀၄ မိနစ်၊ ၁၂ နာ ရီ ၁၉ မိနစ်တို့တွင် ၅၇ ရပ်ကွက် အမှိုက်ပုံ (မြကန်)အနီး ပေါက်ကွဲ မူ ၂ကြိမ် ဖြစ်ပွားခဲ့ကြောင်း၊ တောင် ဒဂုံ Mytel တာဝါတိုင် ဗုံးပေါက်ကွဲမှု သည် G-20 UBPO က လုပ်ဆောင်ခြင်းဖြစ်ကြောင်း သိရှိရသည်။

အလားတူ သာကေတမြို့နယ်တွင် ယနေ့ နံနက် ၈ နာရီ ၁၅ မိနစ် အချိန်ခန့် ရှုခင်းသာလမ်းမကြီး အမှိုက်ပုံတွင် ဗုံးတွေ့ရှိခဲ့ကြောင်း သိရှိရသည်။khit thit

စစ်ကိုင်းတိုင်း၊ ဟုမ္မလင်းမြို့နယ်၊ နောင်ပိုအောင်ကျေးရွာရှိ PDF စခန်းတစ်ခုကို စက်တင်ဘာလ ၂၈ ရက် မနက်က  စစ်ကောင်စီတပ်တွေက ဝင်ရောက်စီးနင်းပြီး ရွာသား ၃ ဦးကို ဖမ်းဆီးသွားပါတယ်။ 

ဒေသခံPDFအဖွဲ့ဝင်တစ်ဦးက “အခုမနက်က စစ်ကောင်စီက ကျနော်တို့ စခန်းကို ဝင်စီးနင်းခဲ့တယ်။ စီးနင်းပြီး မကြာဘူး ရွာထဲမှာမွှေပြီး ရွာသားနှစ်ယောက် ဖမ်းဆီးသွားတယ်”လို့ ပြောပါတယ်။

ဖမ်းဆီးခံရသူနှစ်ဦးဟာ ကိုစွမ်းထက်နဲ့ ကိုဖြိုးသက်တင်တို့ဖြစ်ပြီး ကိုစွမ်းထက်ဟာ ပန်းပဲလုပ်ငန်း လုပ်ကိုင်ပြီး ကိုဖြိုးသက်တင်ဟာ ကိုစွမ်းထက်ရဲ့ သူငယ်ချင်းဖြစ်ပါတယ်။

“စွမ်းထက်ဆိုတာ ပန်းပဲလုပ်တဲ့သူ။ ဖြိုးသက်တင်ဆိုတာလည်း စွမ်းထက်ဆီလာပြီး အိပ်တာ။ အဲ့ဒီလိုအချိန်မှာ ဝင်ပြီး နှစ်ယောက်လုံးကို ဖမ်းသွားတာ။” လို့ ဒေသခံတစ်ဦး က ပြောပါတယ်။

ဒါ့အပြင် နောင်ပိုအောင်ရွာထဲမှာ ကိုဖိုးသား ဆိုသူကို စစ်တပ်က လာရောက်ဖမ်းဆီးရာ မမိတဲ့အတွက် ကိုဖိုးသားရဲ့အစ်ကိုဖြစ်သူကို ဖမ်းဆီးသွားတယ်လို့ သိရပါတယ်။ DVB