ဒီပဲယင်း တိုင်နတ်ရွာကို စစ်ကောင်စီ တပ်ဖွဲ့များ ဝင်ရောက်စီးနင်း ပြည်သူပိုင် ပစ္စည်းများ၊ ဆိုင်ကယ်များကို ဖျက်ဆီးကာ စားသောက် ကုန်ပစ္စည်းများ ယူဆောင်သွား၊ ဒေသခံပြည်သူ ၃၅ဝဝ ဘေးလွတ်ရာသို့ ထွက်ပြေးနေရ
ဒီပဲယင်းမြို့နယ် တိုင်နတ်ရွာကို ယနေ့ အောက်တိုဘာလ ၅ရက်နေ့ နေ့လည် ၁နာရီကျော်ခန့်က အကြမ်းဖက် စစ်ကောင်စီ တပ်ဖွဲ့များ ဝင်ရောက်စီးနင်းပြီး ပြည်သူပိုင် ပစ္စည်းများ၊ ဆိုင်ကယ်များကို ဖျက်ဆီးကာ စားသောက်ကုန် ပစ္စည်းများ ယူဆောင်သွားပြီး ဒေသခံပြည်သူ ၃၅ဝဝ ဘေးလွတ်ရာသို့ ထွက်ပြေးတိမ်းရှောင်နေရကြောင်း ဒေသခံပြည်သူများက ရန်ကုန် ခေတ်သစ်မီဒီယာသို့ ပြောဆိုသည်။
“ဒီနေ့ နေ့လည် တစ်နာရီလောက်က စကစ စစ်ကြောင်းမွှေသွားတာပါ။ ဆိုင်ကယ် ၃စီး အသုံးအဆောင် ပရိဘောဂ အစ္စည်းတွေကို ပျက်စီးသွားပါတယ်။ သေနတ် အချက် ၂၀ကျော် ပစ်ဖောက် ခြောက်လှန့်သွားပါတယ်။ ယခု ည၉နာရီ အချိန်မှာ မြင့်တန့်ကျေးရွာမှာ တပ်စွဲထားပါတယ်လို့ သိရတယ်။
အခုလက်ရှိ တိုင်နတ်ရွာနဲ့ မြင့်တန့်ရွာက ပြည်သူ ၃၅၀၀လောက် ထွက်ပြေးတိမ်းရှောင်နေရတယ်” ဟု ဒေသခံပြည်သူ ၁ဦးကပြောဆိုသည်။
အဆိုပါ အကြမ်းဖက် စစ်ကောင်စီတပ်ဖွဲ့များတွင် တိုင်နတ်ရွာကို ဝင်ရောက်စီးနင်းပြီး နောက် မြင့်တန့်ရွာကို ထပ်မံစီးနင်းနေခြင်းဖြစ်ကာ လက်ရှိချိန်တွင် မြင့်တန့်ရွာတွင် ၎င်းတို့ တပ်စွဲထားခြင်းကြောင့် ပျက်စီးဆုံးရှုံးမှု အခြေအနေကို မသိရှိရသေးကြောင်း ဒေသခံပြည်သူများကပြောဆိုသည်။khit thit
SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS 