SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS

ထားဝယ်ခရိုင် သရက်ချောင်းမြို့နယ် စော်ဖျားကျေးရွာတွင် အကြမ်းဖက် စစ်ကောင်စီတပ်ဖွဲ့များ လက်နက်တပ်ဆင်ပေးထားသည့် ပျူစောထီး ခေါင်းဆောင် ဦးအောင်စိန်နှင့် ဦးမောင်ရီတို့က ယနေ့ အောက်တိုဘာလ ၉ရက်နေ့ နံနက်(၈)နာရီခန့်တွင် ရွာအတွင်းရှိ နေအိမ်များအား လိုက်လံစစ်ဆေးပြီး ဒေသခံပြည်သူ ကိုနီပွန်းကို ဖမ်းမမိသောကြောင့် မိန်းမဖြစ်သူ မအေးမီဝိုင်း၊ ၂နှစ်အရွယ်ကလေးငယ် မောင်ကောင်းမင်းသန့်နှင့် ၆နှစ်အရွယ်ကလေးငယ် မအိမြတ်မွန်တို့ကို ဖမ်းဆီးသွားကြောင်း ဒေသခံပြည်သူများက ရန်ကုန်ခေတ်သစ်မီဒီယာသို့ပြောဆိုသည်။

” အဖမ်းဆီးခံရတာက မအေးမီဝိုင်းနဲ့ သူ့ကလေး ၂ယောက် ကိုနီပွန်းကို မဖမ်းမိလို့ မိန်းမနဲ့ ကလေးကို ဓားစားခံအဖြစ် ဖမ်းဆီသွားတာလို့ကြားတယ်။ ကိုနီပွန်းကို ဘာကြောင့် အသည်းသန်းရှာနေလဲဆိုတာတော့ မရှိဘူး။ ကျေးရွာထဲမှာ အိမ်တိုင်းကဖုန်းတွေကို သိမ်းဆီးပြီး လက်နက်ကိုင် အဖွဲ့အစည်းနဲ့ ပက်သတ်သူတွေ သတင်းပေးသူတွေကို လိုက်လံရှာဖွေနေတယ်”ဟု ဒေသခံပြည်သူတစ်ဦးကပြောဆိုသည်။

အဆိုပါ ပျူစောထီး ခေါင်းဆောင် ဦးအောင်စိန်နှင့် ဦးမောင်ရီတို့သည် ကျေးရွာအတွင်း နေထိုင်လျက်ရှိသော ပြည်သူများကို မတရားဖမ်းဆီးခြင်း၊ ဓားစားခံအဖြစ်ဖမ်းဆီးခြင်းများ ပြုလုပ်နေကာ အဆိုပါ ဖမ်းဆီးခံရသူများကို စော်ဖျားစာသင်ကျောင်းတွင် ဖမ်းဆီးထားကာ စစ်ဆေးမှုများ ပြုလုပ်လျက်ရှိကြောင်း သိရသည်။

အကြမ်းဖက် စစ်ကောင်စီ တပ်ဖွဲ့များနှင့် ပျူစောထီးအဖွဲ့သည် ယနေ့ ညနေပိုင်းတွင် ကျေးရွာအနီးအနားရှိ တောတောင်များ၌ တောနင်းရှာဖွေခြင်းများပြုလုပ်နေပြီး ပျူစောထီးအဖွဲ့က ကြက်ဥတောင်ကို အင်အားပြည့်လက်နက်အပြည့်အဖြစ် PDFအဖွဲ့အား ဝင်ရှာဖို့ ပြင်ဆင်နေကြောင်း ဒေသခံပြည်သူများက ပြောဆိုသည်။khit thit

မ​ကွေးတိုင်း၊ ​ဆောမြို့နယ်မှာ အောက်တိုဘာ ၈ ရက်​​မနက်ပိုင်းက ဒေသခံ PDF ၊ ပူး​ပေါင်း ​တော်လှန်​ရေးအင်အားစုတွေနဲ့ စစ်​ကောင်စီတပ်တို့ ဖြစ်ပွားတဲ့ တိုက်ပွဲအတွင်း စစ်​ကောင်စီဘက်က ၅ ဦးထက် မနည်း​သေဆုံးကာ ၁၀ ဦးထက် မနည်း ဒဏ်ရာရရှိခဲ့တယ်လို့ ​ဆော PDF က ထုတ်ပြန်ပါတယ်။

အောက်တိုဘာ ၈ ရက် မနက် ၇ နာရီ ၁၅ မိနစ်လောက်က  ခူးချောင်းကျေးရွာမှ ထွက်ခွာလာတဲ့ စစ်​ကောင်စီတပ်တွေနဲ့  ရွာမြောက်ဘက် ဇရပ်နားမှာ ၄ နာရီကြာ တိုက်ပွဲဖြစ်ပွားခဲ့တာပါ။

​ဆော PDF ဘက်က လက်နက်ကြီးနဲ့ စတင်တိုက်ခိုက်ခဲ့တာဖြစ်တဲ့အပြင် တော်လှန်ရေး အင်အားစုတွေရဲ့ မိုင်းတွေမိကာ စစ်​ကောင်စီဘက်က ၅ ဦးထက်မနည်းကျဆုံး  ၁၀ ဦး ထက်မနည်း ထိခိုက်ဒဏ်ရာရနိုင်သလို  ဆော PDF ဘက်ကလည်း ၁ ဦး ကျဆုံးခဲ့တယ်လို့ သိရပါတယ်။ 

ဒေသထဲမှာ နေရာအနှံ့တိုက်ပွဲတွေ အချိန်မရွေး ဖြစ်ပေါ်လာနိုင်သလို စစ်​​ကောင်စီဘက်က  စစ်ကြောင်းတွေထိုးကာ မကြာခဏဖြတ်သန်း သွား လာနေတာကြောင့် ပြည်သူတွေအနေနဲ့ ခရီးသွားလာတာ မပြုလုပ်ဖို့နဲ့ မဖြစ်မနေ သွားလာရမယ်ဆိုပါက အထူးသတိပြု သွားလာကြဖို့ကို လည်း အသိပေးထားပါတယ်။DVB

စစ်ကိုင်းတိုင်း၊ မြောင်မြို့နယ်၊ ကျောက်ရစ်ရဲကင်းစခန်းကို အောက်တိုဘာလ ၉ ရက်နေ့ နံနက် ၅ နာရီတွင် MSPDF ၊ 27 Revolution Forces ၊ နှလုံးလှလူမိုက်ကြီးများအဖွဲ့ ၊ တလုပ်PDF တို့ပူးပေါင်းပြီး တိုက်ခိုက်လိုက်ကြောင်း ဒေသခံသတင်းရင်းမြစ်က ပြောသည်။

ကျောက်ရစ်ရဲ ကင်းစခန်းကို တိုက်ခိုက်နေစဉ်မှာပင် ချောင်းဦးမြို့နယ်မှမြောင်မြို့နယ်သို့ စစ်ကူလာသည့် စစ်ကောင်စီကား၂စီးကို မကျီးဘုတ်ရွာအနီး ကားလမ်းမပေါ်တွင် မိုင်းဆွဲတိုက်ခိုက်ခဲ့ကြောင်း၊ စစ် ကား၂စီးပက်လက်လန်မြှောက် တက်သွားပြီး ကားပေါ်မှ စစ်ကောင်စီ တပ်သားအများပြားသေဆုံးကာ ထိခိုက်ခဲ့ကြောင်း သတင်းရင်းမြစ်က ဆိုသည်။

PDF ပူးပေါင်း အဖွဲ့များ ဝင်တိုက်သည့် ကျောက်ရစ်စခန်းမှ စစ်ကောင်စီတပ်ဖွဲ့ဝင်များ၏ အသေအဆုံး မသိရသေးသော်လည်း ယနေ့ ညနေ ၃ နာရီ ၁၅ မိနစ်တွင် မကျီးဘုတ်နှင့်ကျောက်ရစ်တွင် စစ်ကောင်စီတပ်များက တပ်သားများ၏ အလောင်းကောက်နေကြောင်း သိရှိရသည်။khit thit

ရန်ကုန်တိုင်းဒေသကြီး၊ မင်္ဂလာဒုံမြို့နယ်မှာ ငွေကျပ် ၁၄ ဘီလီယံကျော်တန်ဖိုးရှိ စိတ်ကြွရူးသွပ်ဆေးပြား ၉၅ သိန်း ဖမ်းဆီးရမိခဲ့တယ်လို့ မြန်မာနိုင်ငံမူးယစ်ဆေး ထိန်းချုပ်ရေးဗဟိုကော်မတီ (CCDAC) က  အောက်တိုဘာ ၈ မှာသတင်းထုတ်ပြန်ပါတယ်။

လုံခြုံရေးတပ်ဖွဲ့ဝင်တွေ ပါဝင်တဲ့ပူးပေါင်းအဖွဲ့ဟာ စက်တင်ဘာ ၂၉ ရက် ည ၉ နာရီခွဲလောက်က မင်္ဂလာဒုံ မြို့နယ်၊ ပုလဲ(၂)ရပ်ကွက်၊ ငုဝါလမ်း၊ အမှတ်(၁၉၉/ဘီ)ခြံဝင်းအတွင်း သတင်းအရဝင်ရောက်ရှာဖွေရာ ခြံဝင်း အတွင်း ရပ်ထားတဲ့ HINO ၁၂ ဘီးမော်တော်ယာဉ်ကို ရာဖွေရာကနေ မူးယစ်ဆေးတွေ တွေ့ရှိခဲ့တာလို့ဆိုပါတယ်။

ကားပေါ်မှာ ယာဉ်မောင်း ဇော်ဝင်း၊ ယာဉ်နောက်လိုက် ဇေယျာနဲ့ မြတ်မိုးတို့ကို တွေ့ရှိရပြီး အဆိုပါယာဉ်ပေါ်ကနေ  ဒေသကာလတန်ဖိုးငွေကျပ် ၁၄ ဘီလီယံကျော်တန်ဖိုးရှိ စိတ်ကြွရူးသွပ်ဆေးပြား ၉၅ သိန်းနဲ့အတူ  ယာဉ်မောင်း ဇော်ဝင်း ထံမှ ငွေကျပ်သိန်း ၅၀ တို့ကိုပါ တွေ့ရှိသိမ်းဆည်းရမိခဲ့တယ်လို့ သိရပါတယ်။

စစ်ဆေးဖော်ထုတ်ချက်အရ သိမ်းဆည်းရမိ စိတ်ကြွရူးသွပ်ဆေးပြားတွေဟာ ရှမ်းပြည်နယ်(မြောက်ပိုင်း)၊ သီပေါမြို့နယ်ကနေ မင်္ဂလာဒုံ မြို့ နယ်သို့ သယ်ဆောင်လာတာဖြစ်ပြီး ဖမ်းမိထားသူတွေကို ဥပဒေအရ အရေးယူထားတယ်လို့ CCDACက သတင်းထုတ်ပြန်ထားပါတယ်။

၂၀၁၅ ခုနှစ် ဇူလိုင်လကုန်လောက်က မင်္ဂလာဒုံမြို့နယ်မှာ  ဇေကမ္ဘာအိမ်ရာဝင်းအနီး ကုန်တင်ယာဉ်တစ်စီးပေါ်မှာ ကျပ် သိန်းပေါင်း တစ်သန်းကျော် တန်ဖိုးရှိတဲ့ မူးယစ်ဆေးတွေ ပိုင်ရှင်မဲ့ ဖမ်းဆီးရမိခဲ့ဖူးပါတယ်။DVB

ချင်းပြည်နယ်၊ မတူပီမြို့နယ်နှင့် မင်းတပ်မြို့နယ်တို့တွင် ဖုန်းလိုင်းနှင့် အင်တာနက်လိုင်းများ ယမန်နေ့ အောက်တိုဘာလ ၈ရက် ညဦးပိုင်းမှစတင်ပြီး ပြတ်တောက်နေသည်ဟု သိရသည်။

မတူပီမြို့နယ်တွင် ပြီးခဲ့သည့် ရက်ပိုင်းအတွင်းက Mytel ဝိုင်ဖိုင်ဖြင့် အင်တာနက် အသုံးပြုနိုင်ပြီးနောက်ပိုင်း အင်တာနက်လိုင်းများအားလုံး ပြတ်တောက်‌နေခြင်းဖြစ်ပြီး မင်းတပ်မြို့နယ်တွင် အင်တာနက်လိုင်း 2Gကိုသာ ဖွင့်လှစ်ပေးထားကြောင်း သိရသည်။

အဆိုပါဖုန်းလိုင်းနှင့် အင်တာနက်လိုင်းများ ပြတ်တောက်ခြင်းသည် ချင်းပြည်နယ်၊ မကွေးတိုင်းနှင့်စစ်ကိုင်းတိုင်းတို့ကို စစ်ကောင်စီတပ်များမှ အောက်တိုဘာလ ၉ရက်နေ့ မှစတင်ပြီး နှစ်ပတ်အတွင်းချေမှုန်းမည်ဟု သတင်းများ ထွက်ပေါ်လာပြီးနောက် ယမန်နေ့ညပိုင်းမှ စတင်ပြီး ဖုန်းလိုင်းများပြတ်တောက်ခြင်း ဖြစ်သည်။

”ကျွန်တော်တို့ မတူပီကို ဖုန်းတောက်‌ေလျှာက်ခေါ်နေတာ မရဘူးဖြစ်နေတယ်။ အရင်က တယ်လီနော်မရဘူး ။ကျန်တာဖုန်းလိုင်း အားလုံး ရတယ်။ အခုတော့ ဖုန်းလိုင်းအားလုံးခေါ်မရတော့ စိတ်ပူနေပြီ။ ကလေး၊ ဂန့်ဂေါ်ဘက်ကနေပြီးတော့လည်း တင့်ကားတွေ စစ်ကားတွေ ချင်းဘက်ကိုတက်လာတဲ့ ပုံတွေတွေ့တော့ ပိုစိတ်ပူတာပေါ့” ဟု ပခုက္ကူတွင် ပစ္စည်းလာဝယ်သည့် မတူပီဒေသခံတစ်ဦးက ဆိုသည်။

ပြီးခဲ့သည့်ရက်ပိုင်းမှ စတင်ပြီး မတူပီမြို့ပတ်ပတ်လည်တွင် စစ်ကောင်စီတပ်များက အင်အားတိုးချဲ့ထားရှိပြီး မတူပီအခြေစိုက် ဗျုဟာကုန်းတွင်လည်း လက်နက်ကြီးများ တပ်ဆင်ထားရှိသည်ဟုလည်း အမည်မဖော်လိုသည့် သတင်းရင်းမြစ်တစ်ဦးထံမှသိရသည်။mizzima

စစ်ကောင်စီရဲ့ နယ်စပ်ရေးရာဝန်ကြီး ဒုဗိုလ်ချုပ်ကြီး ထွန်းထွန်းနောင်က ကချင်ပြည်နယ်၊ ပူတာအို ခရီးစဉ်အတွင်း DVB၊  BBC နဲ့  VOA သတင်းတွေ မကြည့်ဖို့  ဒေသခံတွေကို တားမြစ်စည်းရုံးခဲ့တယ်လို့ ပူတာအို ဒေသခံတစ်ဦးက ပြောပါတယ်။

အောက်တိုဘာ ၃ ရက်က ရောက်ရှိလာတဲ့ ဒုဗိုလ်ချုပ်ကြီး ထွန်းထွန်းနောင်က သူ့ရဲ့ ပူတာအိုခရီးစဉ်မှာ နောင်မွန်၊ မချမ်းဘော့၊ ခေါင်လန်ဖူးနဲ့ ပန်နန်းဒင်မြို့တွေမှာ နေထိုင်တဲ့ ဒေသခံတွေကို ပြောခဲ့တာပါ။

စစ်ကောင်စီဝန်ကြီးဟာ တစ်မြို့ပြီး တမြို့လှည့်လည်သွားလာခဲ့ပြီး ရောက်တဲ့နေရာတိုင်းမှာ DVB၊  BBC၊ VOA၊ စတဲ့သတင်း ဌာန‌တွေဟာ သ တင်းအမှောင်ချ ဝါဒဖြန့် သတင်းအမှားတွေကိုသာ ထုတ်လွှင့်‌နေလို့ မယုံကြည် ကြဖို့ အထူးမှာကြားခဲ့တယ်လို့ ဆိုပါတယ်။

ပူတာအို၊ မချမ်းဘော့၊ မဂွေဇ၊ နောင်မွန်၊ ခေါင်လန်ဖူး၊ ပန်နန်းဒင်တို့မှာရှိတဲ့ လမ်းတံတားတွေကို စစ်ဆေးပြီးတော့ ရပ်မိရပ်ဖတွေ ဌာနေပြည် သူ့စစ်တွေနဲ့ တွေ့ဆုံခဲ့ကာ ပြည်သူ့စစ်သင်တန်းသားတွေကိုလည်း အားပေးစကား ပြောခဲ့တယ်လို့‌ ၄၆ တပ်ရင်းနဲ့ နီးစပ်သူတစ်ဦးက ပြောပါတယ်။

ပူတာအိုမြို့ကို သွားဖို့ အာဏာသိမ်းခေါင်းဆောင် ဗိုလ်ချုပ်မှူးကြီး မင်းအောင်လှိုင်ဟာ အကြိမ်ကြိမ် ကြိုးပမ်းခဲ့ပေမဲ့ ရာသီဥတု အေးတာကို အကြောင်းပြပြီး ခရီးစဉ်ကို ဖျက်သိမ်းခဲ့တာ ၂ ကြိမ်ရှိခဲ့ပြီး  သူ့ကိုယ်စား နယ်လုံဝန်ကြီးကို  စေလွှတ်ခဲ့တယ်လို့ သိရ ပါတယ်။DVB

ရန်ကုန်တိုင်း၊ တောင်ဒဂုံမြို့နယ်ရှိ အုပ်ချုပ်ရေးမှုးများ ရာထူးမှ နုတ်ထွက်ရန်နှင့် စစ်ကောက်စီ သတင်းပေးဒလန်များသည် ၎င်းတို့၏လုပ်ရပ်များအားရပ်ရန် လူငယ်တော်လှန်ရေးအဖွဲ့ (Young Revolutionary Force – YRF) အဖွဲ့က အောက်တိုဘာလ ၇ ရက်တွင် သတိပေးချက်ထုတ်ပြန်ထားသည်။

တောင်ဒဂုံမြို့နယ်အတွင်းရှိ ရပ်ကွက်အုပ်ချုပ်ရေးမှုးများ၊ ရာအိမ်မှုးများ အားလုံး လက်ရှိရာထူးမှ ချက်ချင်းနုတ်ထွက်ကြရန်နှင့် ရပ်ကွက်အတွင်းရှိပြည်သူများအား စစ်ကောင်စီမှ အဓမ္မ လိုက်လံဖမ်းဆီးနိုင်ရန် သတင်းပေးနေသော အမျိုးယုတ် ဒလန်များ အားလုံး သင်တို့၏ လရပ်အား ချက်ချင်းရပ်တန့်ကျရန် ကျွန်ုပ်တို့ YRF အဖွဲ့မှ သတိပေးကြေညာလိုက်သည်ဟု ထုတ်ပြန်ထားခြင်းဖြစ်သည်။

YRF အဖွဲ့က မျက်ခြေမပြတ်စောင့်ကြည့်‌နေမည် ဖြစ်ပြီး သတိပေးထားသည့်ကြားက ဆက်လက်၍ ပြည်သူများအား ဒုက္ခပေးခြင်း၊ စစ်ကောင် စီနှင့်ပူးပေါင်း၍ ပြည်သူများအား နိုင်ထက်စီးနင်းပြုလုပ်ခြင်း၊ ပြည်သူများအား ထပ်မံဖမ်းဆီးခြင်းများ တောင်ဒဂုံ မြို့နယ်အတွင်း ဖြစ်ပေါ်လာခဲ့ပါက သင်တို့နှင့် သင်တို့ မိသားစုများ၏အသက်ကို သက်ညှာပေးမည် မဟုတ်ဟုလည်း ထုတ်ပြန်ချက်‌တွင်ရေးသားထားသည်။

အောက်တိုဘာလမှစ၍ ပြည့်သူ့ကာကွယ်ရေးတပ်များသည် မိမိတို့မြို့နယ်များရှိ အုပ်ချုပ်ရေးမှုးများအားနုတ်ထွက်ကြရန် သတိပေးချက်များ အသီးသီး ထုတ်ပြန်ထားကြသည်။mizzima

ရန်ကုန်တိုင်း၊ ခရမ်းမြို့နယ်မှာ မြို့ပေါ်ရပ်ကွက် ၁၄ ရပ်ကွက်က အုပ်ချုပ်ရေးမှူးတွေအပါအဝင် ရပ်ကွက်နဲ့ ကျေးရွာအုပ်ချုပ်ရေးမှူး စုစုပေါင်း  ၄၄ ဦး နုတ်ထွက်သွားတယ်လို့ ဒေသခံတွေထံက စုံစမ်းသိရပါတယ်။ 

အုပ်ချုပ်ရေးမှူးတွေအားလုံး နုတ်ထွက်ကြဖို့ ခရမ်းမြို့နယ် ပြည်သူ့ကာကွယ်ရေးတပ်ဖွဲ့က  အောက်တိုဘာ ၃ ရက်မှာ သတိပေးချက် ထုတ်ပြန်ပြီးနောက်ပိုင်း ရပ်ကွက်/ ကျေးရွာ အုပ်ချုပ်ရေးမှူးတွေ ခုလို အစုလိုက် အပြုံလိုက် နုတ်ထွက်ခဲ့တာ ဖြစ်ပါတယ်။ 

ခရမ်းမြို့နယ်မှာ မြို့ပေါ်ရပ်ကွက် ၁၄ ရပ်ကွက်၊ ကျေးရွာ ၅၆ ရွာ ရှိပြီး  အောက်တိုဘာ ၉ ရက်အထိ ခရမ်းမြို့နယ်အတွင်း ရပ်ကွက်/ ကျေးရွာ အုပ်ချုပ်ရေးမှူး ၄၄ ဦး နုတ်ထွက်ခဲ့တဲ့အတွက် မြို့နယ်အတွင်း ရပ်ကွက်/ကျေးရွာအုပ်ချုပ်ရေးမှူး တစ်ဝက်ကျော် နုတ်ထွက်ခဲ့ပြီး ဖြစ်ပါတယ်။  

မိသားစုရဲ့ အသက်အန္တရာယ်စိုးရိမ်ရတဲ့အတွက်  နုတ်ထွက်ခွင့်ပြုဖို့နဲ့ ကျန်းမာရေး အခြေအနေ မကောင်းတာကြောင့် တာဝန်က နုတ်ထွက်ခွင့်ပြုဖို့စတဲ့ အကြောင်းအရာတွေနဲ့ ခရမ်းမြို့နယ်အထွေထွေအုပ်ချုပ်ရေးမှူးရုံးဆီမှာ  နုတ်ထွက်စာတင်ထားကြတာပါ။

ခရမ်းမြို့နယ်အတွင်း ကျန်ရှိတဲ့ အုပ်ချုပ်ရေးမှူးတွေအားလုံး အောက်တိုဘာ ၁၈ ရက်နောက်ဆုံးထား နုတ်ထွက်ကြဖို့ ခရမ်းမြို့နယ်ပြည်သူ့ကာ ကွယ်ရေးတပ်ဖွဲ့ (PDF Khayan) က အသိပေးထုတ်ပြန်ထားပါတယ်။DVB

ပဲခူးတိုင်း၊ မကွေးတိုင်း၊ စစ်ကိုင်းတိုင်းအပါအဝင် နိုင်ငံတစ်ဝန်း ယမန်နေ့နှင့် ယနေ့ အောက်တို ဘာလ ၉ ရက်နေ့တွင် စစ်ကောင်စီတပ်များကို ပြည်သူများက ဆက်လက် ခုံခံတိုက်ခိုက်နေပြီး မြို့နယ်အများအပြားတွင် စစ်ကောင်စီကားများကို အနီးကပ်ဗုံးခွဲမှုများ ဆက်တိုက်ဖြစ်ပေါ်နေကြောင်း သိရှိရသည်။

ပဲခူးတိုင်း၊ တောင်ငူမြို့နယ်

======================

ပဲခူတိုင်းတောင်ငူမြို့နယ်တွင် အောက်တိုဘာလ ၈ ရက်နေ့ ည ၁၀ နာရီက ကန်လမ်း တွင် ရပ်ထားသည့် စစ်ကောင်စီကားကို ဗုံးခွဲတိုက် ခိုက်သည်။

ပဲခူးတိုင်း၊ အုတ်တွင်းမြို့နယ်

========================

အုတ်တွင်းမြို့နယ်၊ အောက်တိုဘာ ၉ ရက်နေ့ နံနက် ၄ နာရီ ၂၀မိနစ် ရန်ကုန်-မန္တလေး အမြန်လမ်း ၁၄၆ စစ်ဆေးရေးဂိတ်သို့ မြို့ပြပြောက်ကျားအဖွဲ့တစ်ဖွဲ့က လက်ပစ်ဗုံး နှစ်လုံးပစ်ထည့်ခဲ့ကြောင်း၊ စစ်ကောင်စီတပ်သားတချို့ ထိခိုက်ဒဏ်ရာရရှိကြောင်း သိရှိရသည်။ -အောက်တိုဘာလ ၈ ရက်နေ့ ည ၇နာရီဝန်းကျင်ခန့် အုတ်တွင်းမြို့ အုန်းပင်ကျေးရွာတွင်လည်း စစ်ကောင်စီသတင်းပေး အိမ်တစ်အိမ်ကို ဗုံးသုံးလုံးပစ်ထည့်မှုကြောင့် ပေါက်ကွဲမှု ဖြစ်ပွားကြောင်း သိရှိရသည်။

ပဲခူးတိုင်း၊ ထန်းတပင်မြို့နယ်

=====================

အောက်တိုဘာ ၉ ရက်နေ့ နံနက် (၁၀)နာရီခန့် ထန်းတပင်မြို့နယ် ကျောက်အိုးရွာ၊ခင်တန်း ရွာထိပ်မှ ရွှေမှုံစုတ် လုပ်ကိုင်နေသူ အယောက် (၅၀) ကျော်ကို လက်ပြန်ကြိုးတုပ် စစ်ကောင်စီတပ်က ဖမ်းဆီးခေါ်ဆောင်သွားကြောင်း သိရှိရသည်။

မကွေးတိုင်း၊ ဆောမြို့နယ်

======================

ယနေ့ အောက်တိုဘာလ ၉ ရက် နံနက် ၇ နာရီ၁၅ မိနစ် အချိန် PDF-SAW, ပူးပေါင်းတော်လှန်ရေးအင်အားစုများ နှင့် ဆောမြို့နယ်၊ ခူးချောင်းကျေးရွာမှ ထွက်ခွာလာသော စခအင်အား ၁၀၀ ခန့် တို့ ခူးချောင်းရွာမြောက်ဘက် ဇရပ်နားအရောက်တွင် လက်နက်ကြီးများဖြင့် နှစ်ဖက်က်ထိတွေ့တိုက်ပွဲများ ဖြစ်ပွားကြောင်း သိရှိရသည်။PDF- SAW ဘက်က လက်နက်ကြီးဖြင့် စတင် တိုက်ခိုက်ခဲပြီး ပူးပေါင်းတော် လှန်ရေးအင်အား စုများ၏ မိုင်းများကို နင်းမိ၍ စစ်ကောင်စီ ဘက်မှ ၅ ဦးထက်မနည်း ကျဆုံးနိုင်ပြီး ၁၀ ဦး ထက်မနည်း ထိခိုက်ဒဏ်ရာမှုများ ရှိနိုင်ကြောင်း သိရှိရသည်။တိုက်ပွဲကြာမြင့်ချိန် ၄ နာရီ ခန့် ကြာမြင့်ခဲ့ပြီး PDF – SAW ဘက်မှ ရဲဘော် ၁ဦး ကျဆုံးကာ ကျန်ရဲဘော်အားလုံး ဘေးကင်းစွာ ဆုတ်ခွာနိူင်ခဲ့ကြောင်း သိရှိရသည်။

စစ်ကိုင်းတိုင်း၊ မုံရွာမြို့နယ်

=====================

PDF – South Monywa နှင့် မဟာမိတ် Monywa Nightking တို့ ပူးပေါင်း၍ အောက်တိုဘာလ ၉ ရက်နေ့ မွန်းလွဲ ၁၂ နာရီ ၅၀ မိနစ်တွင် မုံရွာ စက်မှုဇုံအဝိုင်းပတ်၌ ဖောက်ခွဲမှုတစ်ခုပြုလုပ်ခဲ့ပြီး 4W စစ်ကားကားတစ်စီး ဘီးပေါက်ပျက်စီးခဲ့ကြောင်း၊ စစ်ကောင်စီဘက်မှ အသေအ ပျောက်နှင့် ထိခိုက်ဒါဏ်ရာ ရရှိမှုအသေးစိတ်ကို မသိရှိရသေးဟုဆိုသည်။ အလားတူ မုံရွာမြို့နယ်lကြေးမုံကျေးရွာမှာ စစ်ကောင်စီသတင်းပေး ဒလန်ဟု သတ်မှတ်ခံထားရသူ ဇော်စိုင်းဆိုသူကို Monywa Heroes Groupက သတ်ဖြတ်ခဲ့ကြောင်း ၊ကြေးမုံရွာ ကားလမ်းပေါ်မှာပစ်သတ်ခံလိုက်ခြင်းဖြစ်ကြောင်း သိရှိရသည်။

မကွေးတိုင်း၊ မြိုင်မြို့နယ်

=====================

ပခုက္ကူခရိုင်၊ မြိုင်မြို့နယ်၊ ဝက်ပုတ်ကျေးရွာက ကြံ့ခိုင်ရေးပါတီဝင် ကျေးရွာ အုပ်ချုပ်ရေးမှူး ဦးမြင့်အေးနှင့် ဇနီးကို တောင်ယာမှာ မြေပဲနှုတ်အပြီးအပြန် မြိုင် PDF အဖွဲ့က အောက်တိုဘာလ ၈ ရက်နေ့ နံနက် ၁၁ နာရီတွင် ပစ်ခတ်သဖြတ်လိုက်ကြောင်း၊ ဦးမြင့်အေး သေဆုံးပြီး ဇနီးဖြစ်သူမှာ ဒဏ်ရာရရှိကြောင်း သိရှိရသည်။

စစ်ကိုင်းတိုင်း ၊ ဝက်လက်မြို့နယ်

============================

စစ်ကိုင်းတိုင်း ဝက်လက်မြို့နယ်၊ ရွာနန်းရွာ အရှေ့ဘက်ရှိ စစ်တပ်ပိုင် Mytel တာဝါတိုင်ကို အောက် တိုဘာလ ၉ ရက်နေ့ နံနက် ၂ နာရီတွင် မီးရှို့ခြင်း၊ မိုင်းဖြင့် ဖောက်ခွဲခြင်း လုပ်ဆောင်ခဲ့ကြောင်း သိရှိရသည်။khit thit

ရှမ်းပြည်နယ်မြောက်ပိုင်း၊ လားရှိုးမြို့အ‌ခြေစိုက် အရှေ့မြောက်တိုင်းစစ်ဌာနချုပ်(ရမခ) ဘုံမွန် ကုန်းမြင့်စိုက်ခင်းအနီး မြန်မာ-တရုတ် ပင်မကုန်သွယ်ရေးလမ်းမကြီးပေါ်မှာ စစ်ကောင်စီတပ်နဲ့  MNDAA ကိုးကန့်စစ်ကြောင်းတို့ အောက်တိုဘာ ၉ ရက် ဒီမနက် တိုက်ပွဲဖြစ်ပွားလို့ ခရီးသွားယာဉ်တွေ ရပ်တန့်စောင့်နေခဲ့ရပါတယ်။

“စစ်တပ်နဲ့ ဘယ်အဖွဲ့ တိုက်နေကြလည်း မသိဘူး၊ ကားတွေကတော့ ရပ်စောင့်နေရတယ်” လို့ မူဆယ်ကို သွားမယ့် ယာဉ်မောင်းတစ်ဦးက ပြောပါတယ်။

ရမခ ဘုံမွန်စိုက်ခင်းဟာ တိုင်းစစ်ဌာနချုပ် အခြေစိုက်ရာ လားရှိုးမြို့နဲ့ ၁၀ မိုင်ကျော်သာ ဝေးကွာပါတယ်။ အကြမ်းဖက်စစ်ကောင်စီတပ်တွေ စခန်းချထားတာ ရှိပါတယ်။

လွန်ခဲ့တဲ့ စက်တင်ဘာလအတွင်းမှာလည်း အဲဒီစိုက်ခင်းနဲ့ ၂ မိုင်အကွာ နမ့်တွန်းကျေးရွာ ပြည်ထောင်စုလမ်းမကြီးအနီးမှာ အကြမ်းဖက်စစ်ကောင်စီတပ်နဲ့ MNDAA ကိုးကန့်တပ်တို့ကြား ထိတွေ့ပစ်ခတ်မှု ဖြစ်ပွားခဲ့ပါသေးတယ်။

ဘုံမွန်နဲ့ နမ့်တွန့်ကျေးရွာအနီးတဝိုက်ဟာ တိုင်းရင်းသား‌ တော်လှန်ရေးလက်နက်တပ် စစ်ကြောင်းတွေ ဖြတ်သန်းသွားလာလေ့ရှိတဲ့ နေရာတစ်ခုဖြစ်ပြီး မကြာခဏ ထိတွေ့မှု ဖြစ်ပွားလေ့ရှိတယ်လို့ ဒေသခံတွေက ပြောပါတယ်။

လက်ရှိ ရှမ်းပြည်နယ်မြောက်ပိုင်းအတွင်းမှာ အကြမ်းဖက်စစ်ကောင်စီတပ်နဲ့ MNDAA ကိုးကန့်တပ်တွေကြား တိုက်ပွဲဖြစ်ပွားနေသလို့ SSPP၊ TNLA ပူးပေါင်းတပ်ဖွဲ့နဲ့ RCSS တပ်တွေကြား တိုက်ပွဲဖြစ်ပွားနေပါတယ်။

နှစ်ဘက်တိုက်ပွဲ‌တွေကြောင့် ဒေသခံထောင်နဲ့ချီပြီး အိုးအိမ်စွန့်ခွာ ထွက်ပြေး တိမ်းရှောင်နေရ ပါတယ်။DVB