Monthly Archives: Oct 2021

ညောင်လေးပင်ခရိုင်အတွင်း ကျေးရွာများတွင် ကိုဗစ်ကဲ့သို့ လက္ခဏာများဖြစ်၊ ကိုဗစ် စစ် ဆေးကာကွယ်မှု မရှိ

ပဲခူးတိုင်း ညောင်လေးပင်ခရိုင်ရှိ ကျေးရွာအုပ်စုအားလုံးနီးပါးတွင် ကိုဗစ်-၁၉ ကဲ့သို့သော ရောဂါလက္ခဏာများ ခံစားနေရပြီး ရွာလုံးကျွတ်ဖျား နာကာ သေဆုံးမှုများရှိနေသည်ဟု ဒေသခံများက ပြောသည်။လွန်ခဲ့သည့် နှစ်လ သုံးလလောက်ခန့်မှ စတင်ကာ ညောင်လေးပင်ခရိုင်ရှိ ကျောက်ကြီးမြို့နယ်၊ မုန်းမြို့နယ်နှင့် ရွှေ ကျင်မြို့နယ်များရှိ ကျေးရွာအုပ်စုများမှ ပြည်သူများမှာ ကိုဗစ်-၁၉ ကဲ့သို့သော ရောဂါ လက္ခဏာများကို ခံစားလာ ရကြရသည်ဟု ညောင်းလေးပင်ခရိုင် ဒေသခံ ကရင့်လူမှုရေးရာ တာဝန်ရှိသူ တစ်ဦးက ပြောသည်။

“ကျနော်တို့ ပြောရမယ်ဆိုရင် ရွာတိုင်းပဲ ညောင်လေးပင်ခရိုင်တစ်ခုလုံးပဲ အခြားဒေသလည်း အဲလိုပဲ ဖြစ်မယ် လို့ ထင်တယ်။ ဒါပေမယ့် အနီးစပ်ဆုံး ညောင်လေးပင်ခရိုင်တစ်ခုလုံး ရွာတိုင်းလိုလို ညောင်လေးပင် ခရိုင်ဆိုတာ ကျောက်ကြီး၊ မုန်းရယ်၊ ရွှေကျင်ရယ်။ အကုန်လုံးက ကျနော်တို့လည်း လူမှုရေး အဖွဲ့တွေကို ချိတ်ဆက်ကြည့် တာ အကုန်လုံးကလည်း တစ်လ နှစ်လ အတောအတွင်း အကုန်လုံးဖြစ်ကြတာပဲ တုတ်ကွေးလို့ပဲ ပြောကြပြီးတော့ ကုကြတာပဲ ပြန်ပြီးတော့ သက်သာတာပဲလေ။

ဒါပေမယ့် တချို့ကျတော့ ဆုံးတာတို့ ဘာတို့ ရှိတာပေါ့ လူကြီးနဲ့ ရောဂါ အခံရှိတဲ့လူတွေ” ဟု ညောင်လေးပင်ခရိုင် ဒေသခံ ကရင့်လူမှုရေးရာ တာဝန်ရှိသူတစ်ဦးက ပြော သည်။ပြီးခဲ့သည့် သုံးလေးလခန့်က ဒေသအတွင်း ရောဂါဖြစ်ပွားမှု အခြေအနေမှာ မြှင့်တက်ခဲ့ပြီး လက်ရှိတွင် အနည်း ငယ် ပြန်လည် ငြိမ်သက်နေသော်လည်း စိုးရိမ်နေရသေးသည်ဟု ဆိုသည်။

ညောင်လေးပင် ခရိုင်အတွင်း ယခုလက်ရှိ ဖြစ်ပွားနေသည့် ဖျားနာမှုများသည် ရာသီတုတ်ကွေးရောဂါဟု ဒေသခံ များက ပြောဆိုနေကြသော်လည်း လက်ရှိဖြစ်ပွားနေသည့် ရောဂါလက္ခဏာများမှာ ကိုဗစ်-၁၉ ရောဂါ လက္ခဏာ နှင့် ပုံစံတူညီသည်ဟု ဒေသခံ ကရင့်လူမှုရေးရာ တာဝန်ရှိသူ က ဆက်ပြောသည်။“ပြောမယ်ဆိုရင် ဒါက သွားမစစ်တာ တစ်ခုပဲ။ တစ်ယောက် နှစ်ယောက် သွားစစ်တဲ့သူတွေက အကုန်လုံးက ပေါ်ပြီးတော့ အဲမှာနေနေကြတာပဲ။ ဘာဖြစ်လို့လဲဆိုတော့ လက္ခဏာဖြစ်တဲ့ တုတ်ကွေးလို့သာ ပြောတယ် ပြောရမယ်ဆိုရင် ကိုဗစ်လက္ခဏာနဲ့ တစ်ထပ်တည်း ပုံစံလို ပြောလို့ရတယ်။

အနံ့မရဘူးဗျာ။ ကြာတယ်။ ပထမ ဟိုးအရင် တုတ်ကွေးဆိုရင်လည်း သိပ်မကြာဘူးလေ။ အခုက ကြာလည်း ကြာတယ်။ လှုပ်ရှားရင် မောတယ်။ အဲလိုမျိုး တော်တော်လေးကို သုံးလေးပတ် တစ်ချို့လူတွေဆို့ရင် သုံးပတ်လေးပတ် တစ်လကျော် လောက် ကြာ တယ်။ လူငယ်တို့ ဘာတို့ကျတော့ သိပ်စိုးရိမ်စရာမရှိဘူး။

လူကြီးနဲ့ ရောဂါအခံရှိတဲ့ သူတွေကျတော့ နည်းနည်း စိုးရိမ်ရတယ်။” ထိုသို့ဖျားနာမှုများ ရှိနေသော်လည်း ဒေသခံများမှာ ဆေးရုံ၊ ဆေးခန်းများတွင် ဆေးကုသမှု ခံယူမှု မပြုလုပ်ပဲ ၎င်းတို့ နီးစပ်ရာ ဒေသအတွင်းက ဆေးကုသသူများနှင့်သာ ဆေးကုသမှုခံယူကြသည်ဟု ညောင်လေးပင် ဒေသခံများက ဆိုသည်။ဒေသအတွင်းက ဆေးကုသူများနှင့် ဆေးကုသမှုများ ခံယူနေသော်လည်း ကုန်စျေးနှုန်းမြှင့်တက်မှုများကြောင့် ဆေးဝါးများမှာ စျေးကြီးခြင်းနှင့် ဆေးဝါးဝယ်ယူ၍ မရရှိသည့် အခြေအနေများအောက်တွင် ရှိနေသည်ဟု ပြောသည်။“အမှန်က ဆေးရုံ ဆေးခန်းသွားပြမယ်ဆိုရင် အကုန်လုံးကတော့ ဘာဖြစ်လို့လဲဆိုရင် သွားပြလည်း ဘာမှမထူး ဘူးလေ။ ဝန်ဆောင်မှုက ဘာမှဖြစ်တာမဟုတ်ဘူး။ ရွာမှာပဲ ကိုယ့်ရွာနဲ့ကိုယ့်ဇာတ်ပဲ ကကြတာပဲ။

ခက်ခဲတယ်။ ဆေးဖိုးလည်း ဆေးတွေလည်း တော်တော်စျေးတက်တယ်။ တစ်ဆနှစ်ဆသုံးဆလောက် တော်တော်တက်တယ်။ ဒီဖက်အခြမ်းမှာ အကုန်လုံးပါပဲ အဲဒီ ကုန်စျေးနှုန်းက အခုက ဆေးတစ်ခုတည်း မဟုတ်ဘူး။ ဆီရော၊ ဓာတ်ဆီ တွေရော အကုန်လုံး ကုန်စျေးနှုန်းက အကုန်တက်တာ” ဟု ဒေသခံ တစ်ဦးက ပြောသည်။

ကိုဗစ်-၁၉ ရောဂါကြောင့်သော်လည်းကောင်း စစ်တပ်မှ အာဏာသိမ်းပြီးနောက်တွင် သော်လည်းကောင်း ညောင်လေးပင် ခရိုင်အတွင်းက မြို့နယ်များရှိ ကျေးရွာအုပ်စုများမှ ဒေသခံများမှာ သွားလာလုပ်ကိုင် စားသောက်ရန် ပိုမိုခက်ခဲလာသည့်အတွက် စားဝတ်နေရေးနှင့် အဖက်ဖက်တွင် လိုအပ်မှုများ ရှိနေသည်ဟု ဆိုသည်။ညောင်လေးပင်ခရိုင်အတွင်းက ကျောက်ကြီး၊ ရွှေကျင် နှင့် မုန်းမြို့နယ်များသည် KNU တပ်မ ဟာ ၃ လက် အောက်ခံ တပ်ဖွဲ့ များနှင့် စစ်ကောင်စီတပ်ဖွဲ့ဝင်တို့အကြား စစ်ရေးတင်းမာလျက်ရှိပြီး တိုက်ပွဲများလည်း ပြန်လည် ဖြစ်ပွားနေသည့် ဒေသများဖြစ်သည်။mizzima

မတ္တရာမြို့နယ်၌ သတင်းပေး ၁ ဦးအသတ်ခံရပြီးနောက် စစ်ကောင်စီတပ်က ကျေးရွာထဲဝင်မွှေနေ

မန္တလေးတိုင်း၊ မတ္တရာမြို့နယ်ထဲက ရွာတရွာမှာ စစ်တပ်သတင်းပေးဆိုသူတယောက် အောက်တိုဘာ ၁၄ ရက် ဒီမနက်က ပစ်သတ်ခံရပြီး စစ် သားနဲ့ ရဲတွေ ရောက်လာလို့ ရွာသားတွေ တိမ်းရှောင်နေရပါတယ်။

တောင်ကန်ကျေးရွာအုပ်စု အောင်ချမ်းသာ(ရွာသာယာ)ရွာက အသက် ၄၆ နှစ်အရွယ် ကိုနိုင်ထွန်းဟာ မနက် ၁၀ နာရီလောက်က သူ့အိမ်ရှေ့မှာ  သေနတ်နဲ့ ၅ ချက် ပစ်ခတ်ခံခဲ့ရတာပါ။

“အိမ်ရှေ့မှာပဲ ပစ်ခံရတာ။ ဗိုက်တချက် ပေါင်တချက်ထိတယ်။ အိမ်ထဲကို ပြေးဝင်သွားပြီး နောက်တော့ သေသွားတာပဲ။ နောက်နာရီဝက်ကျော်မှာ စစ်သားတွေရောက်လာတယ်။ အိမ်စီးကားတစီး၊ ပွိုင့်ကားတစီး၊ နာရေးကားတစီးလည်းပါတယ်။ ၁၅ ယောက်လောက်ရှိမယ်” လို့ ဒေသခံတယောက်က ပြောပါတယ်။

ဒါကြောင့် ရွာသားအားလုံးလိုလို လွတ်ရာကို ရှောင်တိမ်းနေကြရပါတယ်။ စစ်သားတွေဟာ သေဆုံးသူရဲ့အိမ်မှာ ရှိနေကြပြီး စစ်တာဆေးတာမျိုးတော့ မကြားသေးဘူးလို့ ဒေသခံတွေက ပြောပါတယ်။

“ဒီတခါပြေးရတာ တန်တယ်။ သူက ရွာကို စစ်သားတွေလာအောင် လှမ်းလှမ်းခေါ်တဲ့ တောင်ကန်အုပ်စုက စစ်တပ်ခန့် အုပ်ချုပ်ရေးမှူး ဒလန်သောင်းမြိုင်ရဲ့တပည့်။ ဟိုတလောက ရှင်းခံရတဲ့ ဒလန် ကျားရဲစိုးဝင်းနဲ့လည်း ဆရာတပည့် ဆက်ဆံရေးရှိတယ်။ ရွာကို တော်တော်ဒုက္ခပေးခဲ့တာ” လို့ ဒေသခံတယောက်က ပြောပါတယ်။

ဒီနေ့လယ် ၁၂ နာရီခွဲလောက်မှာတော့ နောက်ထပ် စစ်သားတွေပါတဲ့ ကားလေး ၂ စီး ဝင်လာပြီး ရွာရဲ့ အရှေ့မြောက်ခြမ်းကို မွှေနှောက်နေတယ်လို့ သိရပါတယ်။DVB

မင်းကင်း၊ ကျောက်ပန်းတောင်းနှင့်ဘားအံတို့တွင် အရပ်သားများကို စစ်ကောင် စီတပ်က ပစ်ခတ်သတ်ဖြတ်၊ ပျောက်ဆုံးသူတချို့လည်း ရှိနေ

စစ်ကိုင်းတိုင်းမင်းကင်းမြို့နယ်၊ မန္တလေးတိုင်း၊ ကျောက်ပန်းတောင်းမြို့နယ်နှင့်ကရင်ပြည်နယ်၊ ဘားအံမြို့နယ်များတွင် အရပ်သားများကို စစ်ကောင်စီတပ်များက ပစ်ခတ်သတ်ဖြတ်မှုများ ရှိနေပြီး ပျောက်ဆုံး သူတချို့လည်းရှိနေကြောင်း ဒေသခံများထံမှ သိရှိရသည်။

အောက်တိုဘာ ၁၃ရက်နေ့ စစ်ကိုင်းတိုင်း၊ မင်းကင်းမြို့နယ်၊ မြစ်ရိုးအောက်ဒေသ လောင်းပြည့်ကျေးရွာမှတစ်ဆင့် တောနင်း၍ သံပေါက်ကျေးရွာသို့ ရောက်ရှိလာကြောင်း၊တောနင်းရှာဖွေခြင်းများ ပြုလုပ်ရာတွင် လောင်းပြည့်ကျေးရွာသား ၂ ဦးကို တွေ့ရှိ၍ ပစ်ခတ်သတ်ဖြတ်သွားကြောင်း၊ လောင်းပြည့်ကျေးရွာသား ၈ ဦးမှာ ပျောက်ဆုံးနေကြောင်း ဒေသခံများထံမှ သိရှိရသည်။

အလားတူ မန္တလေးတိုင်း ကျောက်ပန်းတောင်းမြို့နယ်၊ ပွေးကျစ်ကျေးရွာအနီးရှိ ကန်နီရွာတွင် ရေနံတူးနေသော လူငယ်တစ်ဦးကို စစ်ကောင်စီတပ်များက အောက်တိုဘာလ ၁၃ ရက်နေ့၊ ညနေ ၄ နာရီတွင် ပစ်သတ်သွားကြောင်း၊ ကန်နီရွာတွင် အထိုင်ချ၍ ရမ်းကားသောင်းကျန်းလျက်ရှိကြောင်း ဒေသခံများထံမှ သိရှိရသည်။

အလားတူ အာဏာသိမ်းစစ်ကောင်စီနှင့် BGF-၁၀၁၄ ပူးပေါင်းတပ်ဖွဲ့ကဘားအံမြို့နယ်၊ တကောင်ဘိုးကျေးနယ်အုပ်စု၊ မီးပုံးကျေးရွာ ဘုန်းကြီး ကျောင်းအနီး လမ်းမပေါ်တွင် အောက်တိုဘာ ၁၀ ရက်နေ့ ညနေ ၅ နာရီက ရွာသားတစ်ဦးကို သေနတ်ဖြင့် ပစ်သတ်ခဲ့ကြောင်း၊ ပစ်သတ်ခံရသူမှာ ဝါကောကျေး ကျေးရွာမှ မီးပုံးကျေးရွာတွင် လာရောက်နေထိုင်သူ အသက် (၅၀)နှစ်ရှိ စောမောင်တင်လင်းဖြစ်သည်ဟု KNU-ဘားအံမြို့ နယ် သတင်းနှင့်ပြန်ကြားရေး ဌာနခွဲမှူးကပြောသည်။khit thit

သတင်းစာဆရာဦးစည်သူအောင်မြင့်နှင့် သ တင်းထောက်မထက်ထက်ခိုင်တို့ကို အင်းစိန်‌ ထောင်တွင် ဖမ်းဆီးထား

ဝါရင့်သတင်းစာဆရာဦးစည်သူအောင်မြင့်နဲ့ သတင်းထောက်မထက်ထက်ခိုင်တို့ကို အင်းစိန်အကျဉ်းထောင် သီးသန့်ဆောင်မှာ ထိန်းသိမ်းထားပြီး အောက်တိုဘာ ၂၆ ရက်နေ့မှာ တရားလိုတွေကို စတင်စစ်ဆေးသွားမှာဖြစ်တယ်လို့ ရှေ့နေကပြောပါတယ်။ 

သတင်းစာဆရာဦးစည်သူအောင်မြင့်နဲ့ သတင်းထောက်မထက်ထက်ခိုင်တို့ကို အောက်တိုဘာ ၁၃ ရက်နေ့မှာ ဒုတိယအကြိမ် ရုံးထုတ်ခဲ့ပြီး အောက်တိုဘာ ၂၆ ရက်နေ့မှာ တရားလိုတွေကို စတင်စစ်ဆေးသွားမှာဖြစ်ပါတယ်။

VOA နဲ့ Frontier Myanmar သတင်းဌာနတို့ရဲ့ ပင်တိုင်ဆောင်းပါးရှင်  ဦးစည်သူအောင်မြင့်ကို စစ်ကောင်စီက ဩဂုတ်လ ၁၅ရက်နေ့မှာ ဖမ်း ဆီးခဲ့ပြီး အကြည်ညိုပျက်စေမှု ပုဒ်မ ၅၀၅(က)၊ ပုဒ်မ ၁၂၄ (က) တွေနဲ့တရားစွဲခဲ့ပါတယ်။ BBC Media Action မှာ အလွတ်တန်းထုတ်လုပ်ရေးမှူးတာဝန်ထမ်းနေဆောင်နေတဲ့ မထက်ထက်ခိုင်ကိုတော့ ပုဒ်မ ၅၀၅(က)၊ မတရားအသင်းဆက်သွယ်မှု ဥပဒေပုဒ်မ ၁၇(၁) တို့နဲ့ စွဲဆိုထားပါတယ်။ 

အလားတူ စက်တင်ဘာ ၁ ရက်နေ့မှာ အဖမ်းခံခဲ့ရတဲ့ အလွတ်တန်းသတင်းထောက်မသူဇာကိုလည်း စစ်ကောင်စီက အောက်တိုဘာ ၁၃ ရက်နေ့ မှာ အင်းစိန်ထောင်ကိုလွှဲပြောင်းခဲ့ပြီး ရာဇသတ်ကြီး ပုဒ်မ ၅၀၅(က) တရားစွဲထားပါတယ်။

မသူဇာကို စစ်ကောင်စီက ဖမ်းဆီးပြီး တစ်လကျော်သတင်းအစနပျောက်နေခဲ့ရာကနေ ပြန်လည်သတင်းရခဲ့တာဖြစ်ပြီး ဒဂုံအရှေ့ပိုင်းမြို့နယ်ရဲစခန်းက တရားလိုပြုလုပ်ပြီး တရားစွဲထားတာပါ။

ဖေဖော်ဝါရီလ ၁ ရက် စစ်တပ်ဏာသိမ်းပြီးနောက်ပိုင်းမှာ ပြည်တွင်း မီဒီယာ ၈ ခုကို တရားဝင် ထုတ်ဝေခွင့် ပိတ်သိမ်းခဲ့ပြီး စစ်ကောင်စီက သ တင်းသမားတွေကို ဖမ်းဆီးတာ၊ တရားစွဲတာတွေ ပြုလုပ်ခဲ့ပါတယ်။

အာဏာသိမ်းစစ်တပ်ဟာ သတင်းလွပ်လပ်ခွင့်ကို အကြီးအကျယ်ချိုးဖောက်ခဲ့ရုံမက  သတင်းသမား ၁၀၀ ကျော်ကိုလည်း ဖမ်းဆီးထားခဲ့ပါတယ်။ တချို့ကို ပြန်လွှတ်ပေးခဲ့ပေမဲ့ လက်ရှိအချိန်အထိ   အကျဉ်းထောင်တွေထဲမှာ သတင်းသမားအယောက် ၅၀ ကျော်ဟာ ဆက်လက် ဖမ်းခံထားရပါတယ်။ ဒီအထဲက ဒီဗွီဘီ သတင်းထောက် ၃ ဦးအပါအဝင် ၄ ဦးကတော့ ထောင်ဒဏ်တွေ အသီးသီး ချမှတ်ခံထားရပါတယ်။  DVB

TNLA က အမျိုးသမီး ဗိုလ်သင်တန်းဆင်းပွဲကျင်းပ

စစ်ပညာ နှစ်နှစ်လေ့ကျင့်သင်ယူခဲ့ရသည့် ဗိုလ်လောင်းသင်တန်းအား တက်ရောက်အောင်မြင်ခဲ့သော တအာင်းအမျိုးသား လွတ်မြောက်ရေးတပ်မတော် (PSLF/TNLA)၏ စစ်မေဗိုလ်လောင်း သင်တန်းဆင်းပွဲကို ၎င်းတို့ ထိန်းချုပ်နယ်မြေတစ်ခုတွင် ကျင်းပခဲ့သည်။

အောက်တိုဘာ ၁၂ ရက်ကပြုလုပ်သော စစ်မေဗိုလ်လောင်းသင်တန်း တက်ရောက်သူ ၃၇ ဦးရှိခဲ့ပြီး ၃၅ ဦးအောင်မြင်ခဲ့သည်။ အမျိုးသမီးများအနေဖြင့် ကဏ္ဍအလိုက် လုပ်ကိုင်နိုင်သည့် စွမ်းရည်ရှိသည့်အတွက် လုပ်ငန်းစဉ်တိုင်းတွင် ဦးဆောင်နိုင်ပြီး ပါဝင်နိုင်အောင်ဆိုသည့် ရည်ရွယ် ချက်ဖြင့် လုပ်ဆောင်ခဲ့ရခြင်းဖြစ်သည်ဟု TNLA ၏ သတင်းနှင့် ပြန်ကြားရေးတာဝန်ခံ ဒုဗိုလ်မှူးကြီး မိုင်းအိုက်ကျော်က ဆိုသည်။

TNLA ၏ ဗဟိုကော်မတီထဲတွင်လည်း အမျိုးသမီးများ ပါဝင်နေပြီး အခြားဌာနတွင် ဌာနမှူး၊ လုပ်ငန်းဦးဆောင်မှု ကဏ္ဍတွင် နေရာပေးထားကြောင်း ဒုဗိုလ်မှူးကြီး မိုင်းအိုက်ကျော်က ပြောသည်။

အမျိုးသား ဗိုလ်လောင်းများကဲ့သို့ အမျိုးသမီး ဗိုလ်လောင်းများသည် စစ်ရေး၊ နိုင်ငံရေးနှင့် စီမံခန့်ခွဲရေး သင်ကြားခဲ့ရပြီး လက်ရှိတွင်လည်း အခြားသော ဗိုလ်လောင်းသင်တန်းများကို ဆက်လက် ဖွင့်ထားကြောင်း သိရသည်။mizzima

ထားဝယ်၊ လောင်းလုံး၊ သရက်ချောင်းမြို့နယ်များတွင် ရောက်ရှိနေသော အမေရိကန်နိုင်ငံ သားများ အမြန်ဆုံး ထွက်ခွာကြဖို့ အမေရိကန်သံရုံး သတိပေး

တနင်္သာရိတိုင်း၊ ထားဝယ်၊ လောင်းလုံး၊ သရက်ချောင်းမြို့နယ်များတွင် ရောက်ရှိနေသော အမေရိကန်နိုင်ငံသားများအားလုံး အမြန်ဆုံး ထွက်ခွာကြဖို့ အမေရိကန်သံရုံးမှ ယနေ့ အောက်တိုဘာလ ၁၄ ရက်တွင် သတိပေးထုတ်ပြန်လိုက်သည်။

စစ်ကောင်စီ၏ တနင်္သာရီတိုင်း အုပ်ချုပ်ရေးအဖွဲ့မှ အဆိုပါ သုံးမြို့နယ်အတွင်း ရောက်ရှိနေသော နိုင်ငံခြားသားများအတွက် လုံခြုံရေး အာမမခံနိုင်ကြောင်း အောက်တိုဘာလ ၁၁ ရက်တွင် ကြေညာပြီးနောက် အမေရိကန်သံရုံးမှ ယနေ့ သတိပေးထုတ်ပြန်လိုက်ခြင်းဖြစ်သည်။အမေရိကန်သံရုံးမှ မြန်မာနိုင်ငံအတွင်း ခရီးသွားလာရေးအတွက် အဆိုးဆုံးအဆင့် အဆင့် ၄ တွင် သတ်မှတ်ထားပြီး မြန်မာနိုင်ငံတွင် လာရောက်ခရီး သွားလာခြင်းမပြုရန်နှင့် တတ်နိုင်သမျှ အမြန်ဆုံး မြန်မာနိုင်ငံတွင်းမှ ထွက်ခွာကြရန် အကြံပြုထားသည်။khit thit

တရုတ်ယွမ်နှင့် ဂျပန်ယန်းကို တရားဝင်ရောင်း ဝယ်ခွင့်ပြုလိုက်သော်လည်း ဈေးကွက်ပေါ် သက်ရောက်မှုမရှိ

ဗဟိုဘဏ်က တရုတ်ယွမ်နဲ့ ဂျပန်ယန်း နိုင်ငံခြားငွေကြေးတွေကို တရားဝင် ရောင်းဝယ်ခွင့်ပြုလိုက်ပေမယ့် ပြည်တွင်းနိုင်ငံခြားငွေကြေးစျေးကွက်အပေါ် လက်ရှိမှာတော့ သက်ရောက်မှုက မရှိသေးတဲ့အကြောင်း နိုင်ငံခြားငွေရောင်းဝယ်ခွင့်လုပ်ငန်း လိုင်စင်ရရှိ ထားတဲ့သူတွေက ပြောပါတယ်။

နိုင်ငံခြားသုံးငွေရောင်းဝယ်ခွင့်လုပ်ငန်းလိုင်စင်ရဘဏ်တွေနဲ့ ဘဏ်မဟုတ်တဲ့ ကုမ္ပဏီအဖွဲ့အစည်းတွေကို မူလဝယ်ယူရောင်းချခွင့်ပြုထားတဲ့ နိုင်ငံခြားငွေကြေး ၅ မျိုးနဲ့အတူ တရုတ်ယွမ်နဲ့ ဂျပန်ယန်း နိုင်ငံခြားငွေကြေးကိုလည်း ဝယ်ယူရောင်းချ ခွင့်ပြုတဲ့အကြောင်း ဗဟိုဘဏ်က  အောက်တိုဘာ ၁၂ ရက်နေ့မှာ ထုတ်ပြန်ကြေညာခဲ့ပါတယ်။

ဒါနဲ့ပတ်သက်လို့ နိုင်ငံခြားငွေကြေးရောင်းဝယ်ခွင့်လုပ်ငန်းလိုင်စင်ရရှိထားသူ လုပ်ငန်းရှင်က “နိုင်ငံခြားသားခရီးသွားတွေ၏ ပြန်ဖွင့်တဲ့အချိန်မှာတော့ အဆင်ပြေပါလိမ့်မယ်။ ဘာလို့လဲဆိုတော့ အရင်က ဂျပန်ကလာတဲ့ နိုင်ငံခြားသားခရီးသွားတွေမှာ သူတို့ဆီမှာ ဒေါ်လာကလည်း သိပ်မပါကြဘူးလေ။ များသောအားဖြင့် ဂျပန်ယန်းငွေပဲ ပါကြတာ။ ဒီဘက်မှာလည်း ငွေလှဲကောင်တာတွေမှာ ဂျပန်ယန်းကို တရားဝင်လဲလှယ်လို့က မရပြန်ဘူး။ ဒါမျိုး အားနည်းချက်တော့ အရင်က ရှိခဲ့တယ်။ ပြီးတော့ မြန်မာပြည်ကိုလာတဲ့ နိုင်ငံခြားသားခရီးသွားတွေထဲမှာ တရုတ်က ပိုများတာပါ။ သူတို့ဆိုလည်း  တရုတ်ယွမ် ငွေပဲ ပါကြတာလေ။ ဒါကြောင့် လောလောဆယ်မှာတော့ ဘာမျှပြောင်းလဲမှု မရှိနိုင်ပါဘူး။ ဒါက နိုင်ငံခြား သားခရီးသွားတွေ ပြန်ဝင်လာမှာ အလုပ်ဖြစ်မှာပါ” လို့ပြောပါတယ်။

နိုင်ငံခြားငွေလှဲလှယ်ခွင့်လုပ်ငန်းတရားဝင်လုပ်ကိုင်နေသူကတော့ “ကောင်းပါတယ်ဗျ။ ဘာလို့လဲဆို အရင်တုန်းက တရုတ်ယွမ်နဲ့ ဂျပန်ယန်းကို ကျနော်တို့က သုံးခွင့်မပေးတဲ့အတွက်ကြောင့် အထူးသဖြင့် တရုတ်နဲ့ ဂျပန်က လာတဲ့သူ တွေဆိုရင် အဆင်အပြေဘူးပေါ့နော်။ လိုတဲ့အခါ ဘယ်က လိုက်ရှာရမှန်း မသိဘူးလေ။ ဒီတော့ မှောင်ခိုစျေးကွက်ကနေ လိုက်ရှာပြီး လဲရတယ်။ အခုတော့ ငွေလဲကောင်တာတွေမှာ ရောင်းဝယ်ခွင့်ပေးလိုက်တဲ့အတွက် ကျနော်တို့ကတော့ ကောင်းတယ်လို့ မြင်ပါတယ်။ ဒါပေမဲ့ ဒီအချိန်မှာ လောလောဆယ်တော့ နိုင်ငံခြားသားခရီးသွားတွေ အဝင်အထွက်မ ရှိသေးတာကြောင့် သက်ရောက်မှုက မရှိသေးတာပါ။ ဒါကလည်း အခုချိန်က ကိုဗစ်ကာလကြောင့် နိုင်ငံတကာလေကြောင်း လိုင်းတွေကို ပိတ်ထားလို့ပါ” လို့ဆိုပါတယ်။

ပို့ကုန်သွင်းကုန်လုပ်ငန်းရှင်တဦးကလည်း ကုန်သွယ်ရေးမှာတော့  “အရင်ကတည်းက ဒီငွေတွေက လွှဲလို့ရပါတယ်။ ဒါပေမဲ့ ငွေစာရင်း (account) တော့ ပေးမဖွင့်ဘူးပေါ့နော်။ ဒါကြောင့် ကုန်သွယ်ရေးအတွက်သုံးမယ်ဆိုရင် တရုတ်ယွမ်နဲ့ ဂျပန်ယန်း ငွေကြေးအတွက် ကုမ္ပဏီပိုင်ငွေစာရင်း(account) တွေ ပေးဖွင့်ဖို့တော့ လိုပါတယ်။ လွှဲတာကတော့ အရင်ကတည်းက လွှဲနေကြတာလေ။ ဘယ်လိုလွှဲလဲဆိုတော့ ဥပမာ ဂျပန်ယန်းကို လွှဲချင်တယ်ဆိုရင် မြန်မာငွေကနေ ဒေါ်လာကိုပြောင်း။ ဒေါ်လာကနေ ဂျပန်ယန်းကို ပြန်ပြောင်း တဆင့်ခံပြီးတော့ပေါ့နော် လွှဲကြတာလေ။ ဒါကြောင့် ကုန်သွယ်ရေးအတွက်ပါ စဉ်းစားမယ်ဆိုရင်တော့ ဒီငွေကြေးအတွက် ငွေစာရင်း(account)တွေ တရားဝင်ပေးဖွင့်ဖို့တော့ လိုပါတယ်။ ဒါဆိုရင်တော့ ကျနော်တို့ တိုက်ရိုက်ပေးချေလို့ရတာကြောင့် ပိုအဆင်ပြေတာပေါ့” လို့ပြောပါတယ်။

ဗဟိုဘဏ်က နိုင်ငံခြားငွေကြေးနဲ့ပတ်သတ်ပြီး ခွင့်ပြုထားတဲ့ ငွေကြေးအမျိုးအစားတွေက အမေရိကန်ဒေါ်လာ၊ စင်္ကာပူ ဒေါ်လာ၊ ဥရောပယူရို၊ မလေးရှားရင်းဂစ်၊ ထိုင်းဘတ်၊ တရုတ်ယွမ် နဲ့ ဂျပန်ယန်း ငွေတို့ပဲဖြစ်ပါတယ်။

ငွေလဲကောင်တာတွေ မှာ ဒီကနေ့ အရောင်းအဝယ်ဖြစ်တဲ့စျေးနှုန်းတွေက အမေရိကန် ၁ဒေါ်လာ ဝယ်စျေး ၂၀၈ဝကျပ်နဲ့ ရောင်းစျေး ၂၁၅ဝကျပ်၊ စင်္ကာပူ ၁ ဒေါ်လာ ဝယ်စျေး ၁၃၅ဝကျပ် နဲ့ ရောင်းစျေး ၁၄၅ဝကျပ်ရှိပါတယ်။

ဥရောပ ၁ယူရို ဝယ်စျေး ၂၁၅၀ ကျပ်နဲ့ ရောင်းစျေး ၂၂၅ဝကျပ်၊ မလေးရှား ၁ရင်းဂစ် ဝယ်စျေး ၄၀၀ ကျပ်နဲ့ ရောင်းစျေး ၄၄ဝကျပ်၊ ထိုင်း ၁ ဘတ် ဝယ်စျေး ၅၆ကျပ်နဲ့ ရောင်းစျေး ၆ဝကျပ်၊ တရုတ် ၁ယွမ် ဝယ်စျေး ၂၇၅ကျပ်နဲ့ ရောင်းစျေး ၃၀၅ကျပ်၊ ဂျပန် ၁ယန်း ဝယ်စျေး ၁၅ကျပ် နဲ့ ရောင်းစျေး ၁၇ ဒသမ ၅ ကျပ် ရှိပါတယ်။DVB

အာဆီယံထိပ်သီးအစည်းအဝေးတွင် မြန်မာစစ်ခေါင်းဆောင် မင်းအောင်လှိုင်ကို ချန်လှပ်ထားရန် အာဆီယံဝန်ကြီးများ ဆွေးနွေးမည်

စစ်အာဏာသိမ်းခေါင်းဆောင် ဗိုလ်ချုပ်မှူးကြီး မင်းအောင်လှိုင်ကို အာဆီယံထိပ်သီးတွေ့ဆုံပွဲမှ ချန်လှပ်ဖယ်ထုတ်ထားမည့်အရေး အာဆီယံနိုင်ငံခြားရေးဝန်ကြီးများက လာမယ့် အောက်တိုဘာ ၁၅ရက်တွင် အစည်းအဝေးကျင်းပမည်ဖြစ်သည်။

ပြီးခဲ့သည့် ဧပြီလက အာဆီယံ ခေါင်းဆောင်များ၏ အစည်းအဝေးအတွင်း သဘောတူညီခဲ့သည့် ဘုံသဘောတူညီချက် ငါးချက်ကို အာဏာ သိမ်း စစ်ခေါင်းဆောင်က အကောင်အထည်ဖော်ရန် ပျက်ကွက်လျက်ရှိသည်။ ယင်းပျက်ကွက်မှုအတွက် အာဆီယံအဖွဲ့ဝင်နိုင်ငံအချို့က အ ပြင်း အထန် ဝေဖန်ထားသည်။ ထိုဘုံသဘောတူညီချက်တွင်ပါသည့် မြန်မာ့အရေးတွင် သက်ဆိုင်သူအားလုံးအကြား ဆွေးနွေးမှုလုပ်ဆောင်ရေး၊ လူသားချင်းစာနာမှုအကူအညီများ ပေးပို့ရောက်ရှိစေခြင်း နှင့် တိုက်ခိုက်မှုများ အဆုံးသတ်ရေးတို့ကို ပါဝင်သည်။

အောက်တိုဘာ ၁၅ရက်တွင် ကျင်းပမည့် အာဆီယံနိုင်ငံခြားရေးဝန်ကြီးများ၏ အစည်းအဝေးကို ကြိုတင်အစီအစဉ်ဆွဲထားခြင်းမရှိဘဲ အာဆီယံ ဥက္ကဋ္ဌဖြစ်သည့် ဘရူနိုင်းနိုင်ငံက ဦးဆောင်ကျင်းပမည်ဖြစ်ပြီး အွန်လိုင်းမှတစ်ဆင့် ပြုလုပ်မည်ဖြစ်ကြောင်း သံတမန်တစ်ဦးနှင့် အခြားအာဆီယံအဖွဲ့ဝင်နိုင်ငံတစ်ခုက အစိုးရအရာရှိတစ်ဦးတို့က ပြောသည်။

အစည်းအဝေးနှင့်ပတ်သက်ပြီး မှတ်ချက်တောင်းရန် ဖုန်းခေါ်ဆိုမှုများကို မြန်မာစစ်ကောင်စီ ပြောရေးဆိုခွင့်ရှိသူ ဇော်မင်းထွန်းက အဖြေပေးခြင်း မရှိခဲ့ပေ။

ဘရူနိုင်း နိုင်ငံခြားရေးဝန်ကြီးဌာနကလည်း ယင်းနှင့်ပတ်သက်ပြီး မှတ်ချက်ပေးရန် အီးမေးလ်ဖြင့် ပန်ကြားမှုတစ်ခုကို တုံ့ပြန်ထားခြင်း မရှိပေ။

အောက်တိုဘာ ၂၆ရက် မှ ၂၈ရက်ထိ အွန်လိုင်းကပြုလုပ်မည့် ထိပ်သီးတွေ့ဆုံပွဲတွင် မြန်မာအာဏာသိမ်း စစ်ခေါင်းဆောင်ကို မဖိတ်ကြားရန် အာဆီယံအဖွဲ့ဝင်တချို့ကြား ဆွေးနွေးမှုများရှိခဲ့ကြောင်း  မြန်မာဆိုင်ရာ အာဆီယံအထူးသံတမန် ဒါတို အာရီဝမ် ယူဆွတ်ဖ်က ပြီးခဲ့သည့်အပတ်က အတည်ပြုသည်။

အာဆီယံ၏ ဘုံသဘောတူညီချက်အပေါ် မြန်မာအာဏာသိမ်းအုပ်စုဘက်က ကတိပေးထားသည့်အတိုင်း လုပ်ကိုင်ဆောင်ရွက်မှု မရှိခြင်းက နောက်ကြောင်းပြန်လှည့်သည့် သဘောသက်ရောက်ကြောင်း ၎င်းက ပြောခဲ့သည်။
သောကြာနေ့ (အောက်တိုဘာ ၁၅ရက်) အစည်းအဝေးနှင့်ပတ်သက်ပြီး မစ္စတာ အာရီဝမ်၏ ရုံးက မှတ်ချက်ပေးရန် ငြင်းဆန်ခဲ့သည်။mizzima

« Older Entries