မအူပင်နှင့်အင်္ဂပူမြို့နယ်တို့တွင် တပတ်အတွင်း အဘွားအိုတစ်ဦးအပါအဝင် ပြည်သူ ၆၀ ကျော် ဖမ်းခံရ

ဧရာဝတီတိုင်း မအူပင်နဲ့ အင်္ဂပူမြို့နယ်တို့မှာ အောက်တိုဘာ ဒုတိယပတ်အတွင်း အဘွားအိုတစ်ဦးအပါအဝင် ပြည်သူ ၆၀ ကျော် ဖမ်းခံရတယ်လို့ သိရပါတယ်။

မအူပင်မြို့နယ်မှာ အာဏာသိမ်းစစ်ကောင်စီတပ်သားတွေက အသက် ၇၀ ကျော်အဖွားတဦးအပါဝင် ဒေသခံပြည်သူ ၃၀ ကျော်ကို တပတ်အ တွင်း အာဏာသိမ်း စစ်ကောင်စီက ဖမ်းဆီးထားပါတယ်။

အောက်တိုဘာလ ၁၃ ရက်နေ့ တနေ့တည်း မအူပင်မြို့ ကရုဏာနာရေးကူညီမှုအသင်းက ပရဟိတသမား ကိုနီတွတ်နဲ့ တက္ကသိုလ်ကျောင်းသားတွေကို ဖမ်းဆီးခဲ့တယ်လို့ ဒေသခံတွေက ပြောပါတယ်။

“ကိုနီတွတ်က နိုင်ငံရေး ဘာမှကိုမလုပ်တာ၊ ပရဟိတသမားသပ်သပ်ပါ။ သူတို့အဖွဲ့က ကြေညာခဲ့တာရှိတယ်၊ စစ်သား ရဲနဲ့ သူတို့မိသားစုဝင်တွေကို လုံးဝမကူညီနိုင်ဘူးလို့ ပြောခဲ့တာရှိတော့ အဖမ်းခံရတာဖြစ်နိုင်တယ်” လို့ မြို့ခံတဦးကပြောပါတယ်။

အောက်တိုဘာ ၁၄ ရက်နေ့ကလည်း အသက် ၇၀ ကျော် အဘွားတဦးအပြင် ကရုဏာလူမှုကူညီ ရေးအသင်းနဲ့ ပျိုးခင်းသစ်ဖောင်ဒေးရှင်းအဖွဲ့တွေမှာ ပရဟိတလုပ်ငန်းလုပ်ကိုင်ခဲ့သူတွေရဲ့ မိသားစုဝင်တွေကိုလည်း ထပ်မံဖမ်းဆီးခဲ့တယ်လို့ ဆိုပါတယ်။

စစ်တပ်အာဏာသိမ်းပြီးနောက်ပိုင်း မအူပင်မြို့က ပရဟိတအသင်းတချို့က ရဲနဲ့ စစ်သားတွေအပြင် သူတို့ရဲ့ မိသားစုဝင်တွေကိုပါ ကူညီကယ် ဆယ်ရေးလုပ်ငန်းတွေ လုပ်ဆောင်ပေးမှာမဟုတ်ဘူးဆိုတဲ့ ကြေညာချက် ထုတ်ပြန်ခဲ့တာကြောင့် ခုလို အငြိုးထားပြီး ဖမ်းဆီးတာဖြစ်နိုင်တယ်လို့ ဒေသခံတွေက ပြောဆိုနေကြပါတယ်။

အင်္ဂပူမြို့နယ်မှာလည်း PDF နဲ့ ဆက်သွယ်တယ်ဆိုပြီး အောက်တိုဘာ ၁၂ ရက်နေ့က  စတင်ကာ အာဏာသိမ်း စစ်ကောင်စီတပ်သားတွေက မြို့ပေါ်နဲ့ ကျေးရွာတွေမှာ နေထိုင်တဲ့ ပြည်သူ အယောက် ၃၀ ကျော်ကို ဖမ်းဆီးခဲ့တယ်လို့ ဒေသခံတွေက ပြောပါတယ်။

“ဒီတပတ်ထဲ အဖမ်းခံရတာ ၃၀ ကျော်လောက်ရှိပြီ။ ဘာမှမဟုတ်ဘူး PDF ဆက်သွယ်လှူတယ်လို့ဆိုပြီး ဖမ်းတာ၊ ဆိုင်ဆိုင် မဆိုင်ဆိုင် အဖမ်းခံနေရတာ။ ပြီးတော့ သူတို့လိုချင်တဲ့ အဖြေမရမချင်း ရိုက်နှက်စစ်ဆေးနေတယ်” လို့ ဒေသခံတဦးက ပြောပါတယ်။

ဖမ်းဆီးခံထားရတဲ့ သူတွေကို ရဲစခန်း ထမင်းသွားပို့ချိန်မှာ ရဲစခန်းအဝရောက်တာနဲ့ ရိုက်နှက်စစ်ဆေးခံရလို့ အော်တဲ့အသံကို ကြားနေရတယ်လို့ ဆိုပါတယ်။

အင်္ဂပူမြို့မှာ စစ်တပ်အာဏာသိမ်းပြီးနောက်ပိုင်း စွပ်စွဲဖမ်းဆီးခံထားရတဲ့ ဒေသခံပြည်သူ ၅၀ ကျော်ထိရှိလာပြီလို့ သိရပါတယ်။ DVB

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s