SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS

မကွေးတိုင်း၊ ရေစကြိုမြို့နယ်မှာ အောက်တိုဘာ ၂၀ ရက်ညက  စစ်တပ်ပိုင် မိုင်တဲလ် တာဝါတိုင် ၂ တိုင်ကို ရေစကြို PDF တပ်ဖွဲ့က ဖောက်ခွဲ မီးရှို့ ဖျက်ဆီးခဲ့တယ်လို့ ထုတ်ပြန်ထားပါတယ်။

စစ်တပ်ကလုံခြုံရေးယူပြီးတော့ လာရောက်ပြုပြင်ထားတဲ့ မအူ(တောင်)ရွာက မိုင်တဲလ် တာဝါတိုင်ကို ရေစကြို PDF တပ်ဖွဲ့ကဒုတိယအကြိမ်ထပ်မံဖောက်ခွဲ မီးရှို့ ဖျက်ဆီးခဲ့သလို ရွာသစ်ရွာက မိုင်တဲလ် တာဝါတိုင် တစ်တိုင်ကိုပါ ဖောက်ခွဲမီးရှို့ဖျက်ဆီးနိုင်ခဲ့တယ်လို့ ရေစကြို PDF ခေါင်းဆောင်က  ပြောပါတယ်။

အဲဒီ မိုင်တဲလ်တာဝါတိုင်ကို ဖောက်ခွဲရတာဟာ တော်လှန်သီတင်းကျွတ် အထိမ်းမှတ်အဖြစ် မီးရှို့ဖျက်ဆီးတာဖြစ်ပြီးတော့ ရေစကြိုမြို့နယ်က ရွာတစ်ရွာက​ စေတီတစ်ဆူမှာလည်း တော်လှန်သတင်းကျွတ်ညသပိတ်ပြုလုပ်ခဲ့ကြတယ်လို့ဆိုပါတယ်။

ရေစကြို PDF တပ်ဖွဲ့အနေနဲ့ အကြမ်းဖက်စစ်အုပ်စုရဲ့ အဓိက စီးပွားရေးလုပ်ငန်းတစ်ခုဖြစ်တဲ့ မိုင်တဲလ်တာဝါတိုင်ပေါင်း  ၁၀ တိုင်ကို ၁၂ ကြိမ် ဖောက်ခွဲဖျက်ဆီးမီးရှို့နိုင်ခဲ့တယ်လို့ ရေစကြို PDF တပ်ဖွဲ့ကနေ သိရပါတယ်။DVB

မြန်မာနိုင်ငံ၌ ပိုမိုဆိုးဝါးလာနေသော လူ့အခွင့်အရေးအကျပ်အတည်းတစ်ခု ရှိနေစဉ် အ တောအတွင်း အရှေ့တောင်အာရှ နိုင်ငံများအသင်း (အာဆီယံ) အနေဖြင့် အဖွဲ့ဝင်နိုင်ငံများ ၏ ပြည်တွင်းရေး ဝင်မစွက်ရေးဆိုသည့် ဆယ်စုနှစ်များစွာကြာ မူဝါဒတစ်ရပ်အပေါ် ပြန် လည်သုံးသပ်သင့်နေပြီ ဖြစ်ကြောင်း မလေးရှားနိုင်ငံခြားရေးဝန်ကြီးက အောက်တိုဘာ ၂၁ ရက်တွင် ပြောဆိုခဲ့သည်။

ဧပြီလက အာဆီယံအဖွဲ့တွင်း သဘော တူခဲ့သည့် ငြိမ်းချမ်းရေး သဘောတူညီချက်တစ်ခုနှင့်ပတ်သက်ပြီး တိုးတက်မှု ရှိမနေခဲ့မှုကြောင့် ၁၀ နိုင် ငံပါ အာဆီယံအဖွဲ့သည် လာမည့် ထိပ် သီးအစည်းအဝေးတစ်ခုကနေ မြန်မာအာဏာသိမ်းစစ်အုပ်စု ခေါင်းဆောင်ကို မဖိတ်ကြားဘဲ ချန်လှပ်ခဲ့ရန် မကြုံစဖူးသည့် ဆုံးဖြတ်ချက်တစ်ရပ်ကို ပြီးခဲ့သည့် အောက်တိုဘာ ၁၅ ရက်က ချမှတ်ခဲ့သည်။ အစည်းအဝေးအတွက် နိုင်ငံရေးထဲမှ မ ဟုတ်သည့် ကိုယ်စားလှယ်တစ်ဦးကိုသာ ဖိတ်ကြားမည် ဖြစ်သည်။

သတင်းရင်းမြစ်များ၏ အဆိုအရ မလေးရှား၊ အင်ဒိုနီးရှား၊ စင်္ကာပူနှင့် ဖိလစ်ပိုင် တို့က တွန်း အားပေးခဲ့သည် ဆိုသည့် ထိုဆုံးဖြတ်ချက်က အာဆီယံအတွက် ကြုံတောင့်ကြုံခဲ ပြတ်သားသည့် ဆုံးဖြတ်ချက်တစ်ခုလည်း ဖြစ်ခဲ့သည်။

အစဉ်အလာအားဖြင့် အာဆီယံသည် အဖွဲ့ဝင်နိုင်ငံများအပေါ် ဝေဖန်မှုနှင့်ပတ်သက်ပြီး ဘုံသဘောတူညီချက်ရယူမှုနှင့် ညှိနှိုင်းဆွေးနွေးမှုကိုသာ အလေးပေးလုပ်ဆောင်ထားခဲ့ခြင်း ဖြစ်သည်။ဖေဖေါ်ဝါရီ ၁ ရက် စစ်အာဏာသိမ်းပြီးနောက် ဆန္ဒထုတ်ဖော်မှုများအပေါ် ဖြိုခွင်းနှိမ်နင်းမှုအ တွင်း အရပ်သား ၁,၀၀၀ ကျော် သေဆုံးထားခဲ့ရသည့် မြန်မာနိုင်ငံရှိ ယိုယွင်းဆိုးရွားနေသည့် အခြေအနေများကို ထောက်ဆ စဉ်းစားခြင်းအားဖြင့် အာဆီယံအနေဖြင့် ယင်း၏ တပါးသူ၏ ပြည်တွင်းရေး ဝင်မစွက်ရေး မူနှင့်ပတ်သက်ပြီး “မိမိကိုယ် မိမိ ဝေဖန်မှု” အချို့ လုပ်သင့်ကြောင်း မလေးရှားနိုင်ငံခြားရေးဝန်ကြီး ဆိုင်ဖူဒင် အဗ္ဗဒူလာက ပြောခဲ့သည်။

“အာဆီယံဟာ အဖွဲ့ဝင် ဆယ်နိုင်ငံနဲ့ ဖွဲ့ထားပြီး အဲဒီ ဆယ်နိုင်ငံစလုံးနဲ့ပတ်သက်တယ်ဆိုတာကို သောကြာနေ့ အစည်းအဝေးမှာ ကျွန်တော် သ တိပေးခဲ့တယ်၊ မြန်မာ့အရေးဟာ ပြည်တွင်းရေးနဲ့ နိုင်ငံတစ်နိုင်ငံရဲ့ အရေး ဖြစ်တယ်ဆိုပေမယ့် ဒါက ဒေသအပေါ်မှာ ရိုက် ခတ်သက်ရောက်မှုတစ်ခု ရှိပါတယ်၊ ကျွန်တော်တို့ဟာ အခြားအဖွဲ့ဝင်နိုင်ငံ ကိုးနိုင်ငံရဲ့ စိုးရိမ်ပူပန်မှုတွေကိုလည်း အသိအမှတ်ပြုစဉ်းစားသင့်ပါတယ်” ဟု ၎င်းက မြန်မာနိုင်ငံ လူ့အခွင့် အရေးဆိုင်ရာ အွန်လိုင်း ဆွေးနွေးပွဲတစ်ခုတွင် ပြောသည်။

“နောက်ပြီးတော့ ကျွန်တော်တို့ဟာ ပြဿနာအရေးကိစ္စတွေကို ဖြေရှင်းဆောင်ရွက်ရမယ့်အရေးကနေ ရှောင်ဖို့ ဒီ ကြားဝင်မစွက်ရေးမူကို အ ကာအကွယ်တစ်ခုအနေနဲ့ အသုံးပြုလို့ မရနိုင်ဘူးဆိုတဲ့ အချက်ကိုလည်း ကျွန်တော် ပြောခဲ့ပါတယ်” ဟု ၎င်းက ပြောသည်။

ယင်းသည် အာဆီယံအုပ်စု၏ မူဝါဒပိုင်းဆိုင်ရာ၏ တန်ဖိုးအထားဆုံး အပိုင်းတစ်ခုအပေါ် အာဆီယံနိုင်ငံခြားရေးဝန်ကြီးတစ်ဦးက ရှားရှားပါးပါး ဆန်းစစ်ဝေဖန်လိုက်ခြင်းလည်း ဖြစ်သည်။

အာဆီယံဘက်က ထိရောက်မှုရှိသည့် ဆုံးဖြတ်ချက်များကို မြန်မြန်ဆန်ဆန် ချမှတ်လုပ် ဆောင်နိုင်စွမ်း မရှိခြင်းအတွက် ပြည်တွင်းရေး ဝင်မစွက်ရေးမူက အဓိက အရင်းခံအ ကြောင်းတရားတစ်ခု ဖြစ်ခဲ့သည်ဟုလည်း ဆိုင်ဖူဒင်က ပြောခဲ့သည်။

အပြုသဘော‌ဆောင် ချိတ်ဆက်ပတ်သက်ဆွေးနွေးမှု သို့မဟုတ် ဥပေက္ခာမပြုဘဲ ပါဝင်လုပ်ဆောင်မှု ဆိုင်ရာ မူဝါဒသစ်တစ်ခုသို့ တက်လှမ်းနိုင်ရေး ၎င်းက အကြံပြုခဲ့သည်။ထိပ်သီးအစည်းအဝေးကနေ မြန်မာစစ်ခေါင်းဆောင်ကို မဖိတ်သည့် အာဆီယံ၏ ဆုံးဖြတ် ချက်နှင့်ပတ်သက်ပြီး ယင်းသည် အမေရိကန်၊ အီးယူ အပါအဝင် “ပြည်ပ ကြားဝင်စွက်ဖက်မှု” တို့ကြောင့် ယင်းဆုံးဖြတ်ချက် ဖြစ်ပေါ်လာခြင်း ဖြစ်ကြောင်း စစ်ကောင်စီ ပြောခွင့်ရပုဂ္ဂိုလ်က ပြစ်တင်ထားခဲ့သည်။mizzima

ရန်ကုန်တွင် ယနေ့ ဗုံးကွဲမှုများ၊ စစ်ကောင်စီသတင်းပေးများ အသတ်ခံရမှုများ ဆက်လက်ဖြစ်ပွားနေပြီး မကွေးတိုင်း ပွင့်ဖြူနှင့်စစ်ကိုင်းတိုင်း၊ မုံရွာတွင် မိုင်းခွဲတိုက်ခိုက်ခံရမှု ကြောင့် စစ်သားနှင့် ရဲများ သေဆုံးကြောင်း၊ နိုင်ငံတစ်ဝန်း ပြည်သူများခုခံစစ် များပြားနေဆဲဖြစ်ကြောင်း သိရှိရသည်။

ရန်ကုန်တိုင်း၊ သင်္ဃန်းကျွန်းမြို့နယ်

===========================

ရန်ကုန်တိုင်းဒေသကြီး၊ သင်္ဃန်းကျွန်းမြို့နယ် ဘဝမြှင့်ရပ်ကွက် ရတနာလမ်းပေါ် မလိခအိမ်ရာအနီး၌ ယနေ့ မွန်းလွဲ ၁ နာရီဝန်းကျင်တွင် ပေါက်ကွဲမှုတခုဖြစ်ပွားခဲ့ပြီး လူငယ် ၁ ဦး ထိခိုက်ဒဏ်ရာရရှိကြောင်း သိရှိရသည်။

ရန်ကုန်တိုင်း၊ ဒဂုံမြို့သစ်မြောက်ပိုင်း

======================

အောက်တိုဘာ ၂ဝ ရက်နေ့ ၊ မွန်းလွဲ ၂ နာရီ ၀န်းကျင် ဒဂုံမြို့သစ်မြောက်ပိုင်းမြို့နယ် ၄၉ ရပ်ကွက် ရွှေနှင်းဆီ (၅) လမ်းတွင် နေထိုင်သော စစ်ကောင်စီသတင်းပေး ဟု အများက သတ်မှတ်ခံရထားရသူ မြရည်၏ မိသားစုဝင်နှစ်ဦးကို အမည်မသိလူတစ်စုက လာရောက်ပစ်ခတ်သဖြင့် အမျိုးသမီး ၁ ဦးနှင့် အမျိုးသား ၁ ဦး စုစုပေါင်း ၂ ဦး သေဆုံးသွားကြောင်း သိရှိရသည်။

မကွေးတိုင်း၊ ပွင့်ဖြူမြို့နယ်

=================

ပွင့်ဖြူမြို့မစခန်းမှူး‌ကိုယ်တိုင် မောင်းနှင်လာသည့်ကားတစ်စီး နှင့် စစ်ကားတစ်စီးကို အောက်တိုဘာ ၂၀ရက်နေ့ ယမန်နေ့ည ၁၁နာရီ ၃၀မိနစ်လောက်တွင် မိုင်းခွဲတိုက်ခိုက်ခံရပြီး စစ်ကောင်စီဘက်က ၄ဦး သေဆုံးခဲ့ကြောင်း မကွေးပြည်သူ့တော်လှန်ရေးအဖွဲ့ ( PRA – Magway) ကသတင်းထုတ်ပြန်သည်။ မကွေးတိုင်း၊ ပွင့်ဖြူမြို့နယ်၊ ရှောက်တော -မဇလီလမ်း မြောက်မုန်းမြောင်းမကြီး လက်တံခွဲ ၅ အဆုံးနေရာတွင် စစ်ကားနှင့်ရဲကားကို မိုင်းခွဲတိုက်ခိုက်လိုက်ခြင်းဖြစ်ပြီး ယင်းတိုက်ခိုက်မှုကို PRA ( Magway) နှင့် Pwingbyu PDFတို့က ပူးပေါင်းတိုက်ခိုက်ခဲ့ခြင်းဖြစ်ကြောင်း သိရှိရသည်။

မွန်ပြည်နယ်၊ သထုံမြို့နယ်

================

အောက်တိုဘာလ ၂၁ ရက်နေ့ နံနက် ၁၀ နာရီခွဲအချိန်‌ သထုံTDOနှင့် သထုံမြို့ပြအထူးစစ်ဆင်ရေးတပ်ဖွဲ့တို့ ပူးပေါင်း၍ ပေါ်တော်မူကျေးရွာ ၊ရွာကြီးပိုင်းတွင်နေထိုင်သော အုပ်ချုပ်ရေးမှုးဟောင်း စစ်ကောင်စီသတင်းပေး ကျော်ဦးကို သေနတ်ဖြင့် ၃ ချက်ပစ်ခတ်သဖြင့် ပွဲချင်းပြီးသေဆုံးသွားကြောင်း သိရှိရသည်။

စစ်ကိုင်းတိုင်း၊ ကန့်ဘလူမြို့နယ်

===================

အောက်တိုဘာလ (၂၀) ရက်နေ့ ည ၉ နာရီ ၄၀ မိနစ်အချိန် ကန့်ဘလူမြို့နယ် ရှမ်းတပ်ကျေးရွာမှ စစ်ကောင်စီသတင်းပေး ကိုထွန်းအိမ်ကို KBU-UG က သွားရောက်မိုင်းခွဲတိုက်ခိုက်ကြောင်း ၊ ထိခိုက်ဒဏ်ရာရရှိမှုနှင့်သေဆုံးမှု အခြေအနေ မသိရှိရသေးကြောင်း သိရှိရသည်။

ချင်းပြည်နယ်၊ ကန်ပက်လက်မြို့နယ်

======================

ချင်းပြည်နယ်၊ ကန်ပလက်လက်မြို့နယ်တွင် စစ်ကောင်စီသတင်းပေးများကို CDF-Kanpetlet ပျောက်ကျားတပ်ဖွဲ့ က ရှင်းလင်းထားပြီးဖြစ်ကြောင်း သတင်းထုတ်ပြန်သည်။

စစ်ကိုင်းတိုင်း၊ မုံရွာမြို့နယ်

=================

PDF – South Monywa နှင့် Monywa Heroes Group တို့ ပူးပေါင်း၍ အောက်တိုဘာ ၂၀ ရက်နေ့ ည ၈ နာရီ ၃၀ မိနစ် အချိန် မုံရွာမြို့၏ အ မှတ် (၁) ရဲစခန်းကို ဗုံးဖြင့်ပစ်ခတ်ရာ ရဲတစ်ဦး ၊ အမှတ် (၂) ရဲစခန်းကိုလည်း ဗုံးဖြင့် ပစ်ခတ်တိုက်ခိုက်ရာ ရဲတစ်ဦး စုစုပေါင်း ရဲ ၂ ဦး သေဆုံးသွားကြောင်း သိရှိရသည်။ ထို့ပြင် မုံရွာမြို့ အကောက်ခွန်ရုံးကို ဖောက်ခွဲပြုလုပ်ရာ အဆောက်အုံပျက်စီးသွားကြောင်း သိရှိရသည်။

မန္တလေးတိုင်း၊ မြင်းခြံ

==============

မန္တလေးတိုင်း၊ မြင်းခြံမြို့နယ် ၊ ထိန်ပန်းကျေးရွာမှာ Non-CDM နှင့် စစ်ကောင်စီအမာခံထောက်ခံသူ ဒုကျောင်းအုပ်ကျော်မျိုးကို 7 Revolution Force က အောက်တိုဘာလ ၂၀ ရက်နေ့တွင် ပစ်ခတ်ရာ ပွဲချင်းပြီး သေဆုံးသွားကြောင်း သိရှိရသည်။

မကွေးတိုင်း၊ ရေစကြိုမြို့နယ်

=================

မကွေးတိုင်း၊ ရေစကြိုမြို့နယ်တွင် အောက်တိုဘာ ၂၀ ရက်နေ့ည ၉ နာရီဝန်းကျင်အချိန် မအူတောင် ကျေးရွာရှိ အကြမ်းဖက်စစ်တပ်ပိုင် Mytel တာဝါတိုင်နှင့် ရွာသစ်ရွာ ရှိ စစ်တပ်ပိုင် Mytel တာဝါတိုင်များကို မီးရှို့ဖောက်ခွဲဖျက်ဆီးလိုက်ကြောင်း ရေစကြို PDF က ပြောသည်။khit thit

တနင်္သာရီတိုင်းဒေသကြီး၊ ထားဝယ်မြို့၊ ကရပ်ပြင်ရပ်ကွက် အမျိုးသား ဒီမိုကရေစီအဖွဲ့ချုပ် (NLD)၏ ထားဝယ်ခရိုင် ရုံးသည် ယနေ့ အောက်တို ဘာ ၂၁ ရက် မနက် ၂ နာရီခန့် တွင် အဆောက်အအုံ ပြိုကျသည်အထိ ဗုံးဖြင့် ဖောက်ခွဲခံလိုက်ရကြောင်း ယင်းရပ်ကွက်နေ ပြည်သူတစ်ဦးက ပြောသည်။

”မနက် ၂ နာရီ ၂၂ မိနစ်မှာ ပေါက်ကွဲသံ အကျယ်ကြီး ကြားရလို့ အိပ်ရာက လန့်နိုးလာတာ။ အဲဒီမှာ စစ်သား ခြောက်ယောက်က သေနတ်ကိုင်ပြီး NLD ရုံးရှေ့ သွားလိုက်၊ ပြန်လိုက် လမ်းလျှောက်နေတာ မြင်ရတယ် ” ဟု ၎င်းက ပြောသည်။

ပေါက်ကွဲသည့် အချိန်သည် လူအများ အိပ်နေချိန် ဖြစ်ခြင်းနှင့် ပေါက်ကွဲသည့် ရုံးအနားတွင်လည်း စစ်သားများသာ ရှိခြင်းတို့ကြောင့် ယခုကဲ့ သို့ အဆောက်အအုံ တစ်ခုလုံး ပြိုကျသွားအောင် စနစ်တကျ စီစဉ်ခြင်းသည် စစ်တပ်သာ ဖြစ်နိုင်သည်ဟု ဒေသခံများက ပြောသည်။ ယင်းအပြင် လွန်ခဲ့သည့် သုံးရက်မှ စ၍ အဆိုပါ NLD ရုံးအနားတွင် ပျူစောထီးများနှင့် ယူနီဖောင်း ဝတ်ထားသော ရဲများ ခြေရှုပ်နေကြသည်ဟုလည်း ‌ဒေသခံများထံက သိရသည်။

”၀ ရက်နေ့ ညနေပိုင်းလောက်ကနေ စပြီး ပျူစောထီး ခေါင်းဆောင် ဦးအောင်စိန်ရဲ့ အိမ်နဲ့ NLD ရုံးနားမှာ ကင်းပုန်းတွေချထားပြီး စောင့်နေကြတာ” ဟု ရပ်ကွက်နေ ပြည်သူတစ်ဦးက ပြောသည်။ စစ်ကောင်စီ၏ အဆိုပါ လုပ်ရပ်ကြောင့် NLDရုံး အဆောက်အအုံ တစ်ခုလုံး ပြိုကျပျက် စီးခဲ့သည့်အပြင် အနီးအနားရှိ နေအိမ် အချို့လည်း ပေါက်ကွဲမှု ဒဏ်ကြောင့် တချို့တစ်ဝက် ပျက်စီးသွားခဲ့သည်။ ယနေ့ နံနက် ၈ နာရီတွင် အဆို ပါ အဆောက်အအုံ အနီးအနားရှိ CCTV ကင်မရာ များကို စစ်ကောင်စီက လာရောက် သိမ်းသွားကြောင်း ဒေသခံများက ပြောသည်။

”ဒါဟာ ပြစ်မှု မပေါ်လွင်အောင် သက်သေ အထောက်ထားတွေ အစဖျောက်ဖို့ သူတို့ လုပ်နေတာ” ဟု CCTV များ သိမ်းသွားခြင်းအပေါ် ရပ် ကွက်နေ ပြည်သူ တစ်ဦးက မှတ်ချက်ပြုသည်။ မြိတ်မြို့၊ တပ်ပြင်ရပ်ရှိ NLDပါတီ မြိတ်ခရိုင် ရုံးသည်လည်း အောက်တိုဘာလ ၂၀ ရက်နေ့တွင် ဖောက်ခွဲ ဖျက်ဆီးခံခဲ့ရသည်။mizzima

စစ်ကိုင်းတိုင်း၊ ကန့်ဘလူမြို့နယ်၊ ရီးဒွေးကျေးရွာနေ ဒလန် ပျူစောထီးခေါင်းဆောင်လို့ လူသိများတဲ့ အမျိုးသား တယောက်  အောက်တိုဘာ ၂၀ ရက် မနက် ၈ နာရီ ၁၅ မိနစ်လောက်က သေနတ်နဲ့ ပစ်သတ်ခံလိုက်ရတယ်လို့ ဒေသခံတွေက ပြောပါတယ်။

သေဆုံးသူဟာ အသက် ၄၀ အရွယ် ကိုပေါတုတ် (ခေါ်) ကိုနိုင်သင်းဖြစ်ပြီး  မြေပဲစိုက်ထွန်ယက်နေချိန် ပစ်သတ်ခဲ့လို့ ပွဲချင်းပြီး သေဆုံးသွားတယ်လို့  Kabalu Underground Warriors အဖွဲ့က ထုတ်ပြန်ပါတယ်။ 

သူဟာ ရွာမှာ စစ်တပ်က  ရွာသားတွေကို လာဖမ်းရင် လမ်းပြလုပ်ပြီး ရွာတောင်ဘက်ခြမ်းက ပျူစောထီးအဖွဲ့ကို ခေါင်းဆောင်လုပ်နေကြောင်း၊ စစ်ကောင်စီက ပေးထားတဲ့ တူမီး လက်နက်တွေနဲ့ ရွာမြောက်ခြမ်းက ပြည်သူတွေကို ခြိမ်းခြောက်တတ်ကြောင်း၊ ပါတီမတူလို့ဆိုပြီး ညီအစ်ကိုချင်းတောင် ဖမ်းဆီးပြီး ဒုက္ခပေးခဲ့ကြောင်း  ရွာသားတွေက ဆိုပါတယ်။

ရီးဒွေးကျေးရွာကို စစ်တပ်က ဝင်စီးတာ ၆ ခါလောက်ရှိနေပြီး ရွာက အန်အယ်လ်ဒီပါတီဝင်တွေနဲ့ တက်ကြွလှုပ်ရှားသူတွေဟာ စစ်တပ်ရဲ့ နေ အိမ်ဥစ္စာဖျက်ဆီးခံရကာ ရွာမှာ မနေရတော့ဘဲ တောထဲမှာ တိမ်းရှောင်နေရတယ်လို့ သိရပါတယ်။

ကန့်ဘလူမြို့နယ်အတွင်းက အကြမ်းဖက်စစ်ကောင်စီအုပ်ချုပ်ရေးယန္တရားရဲ့ ထောက်တိုင်တွေ ဖြစ်တဲ့  ရပ်ကွက်/ ကျေးရွာအုပ်စု အုပ်ချုပ်ရေးမှူးတွေ အခုချိန်ကစ နုတ်ထွက်ကြဖို့၊ အပြစ်မဲ့ ပြည်သူတွေကို အခြေအမြစ်မရှိတဲ့ အကြောင်းပြချက်တွေနဲ့ တိုင်တန်းပြီး ဖမ်းဆီးခိုင်းနေတဲ့ အ ဆိုပါ ဒလန်တွေအနေနဲ့ လုပ်နေတာတွေကို ရပ်တန်းက ရပ်ဖို့၊   စစ်ကောင်စီလက်အောက်မှာ အလုပ်လုပ်နေတဲ့ ရုံးဝန်ထမ်းတွေအတွက်လည်း အလုပ်ဆက်လုပ်နေမယ်ဆိုရင်   အသက် အာမ မခံ‌နိုင်ကြောင်း KBU-UG အဖွဲ့က အောက်တိုဘာ ၂၀ရက်မှာ ထုတ်ပြန်ခဲ့ပါတယ်။ DVB

ထိပ်သီးတွေ့ဆုံပွဲကနေ မြန်မာစစ်ကောင်စီအကြီးအကဲကို မဖိတ်ကြားဘဲ ချန်လှပ်ထားရန် ဆုံးဖြတ်ခဲ့သည့် အရှေ့တောင်အာရှနိုင်ငံများအသင်း (အာဆီယံ) ၏ လုပ်ဆောင်ချက်က အရေးပါ သိသာသော်လည်း လုံလောက်မှုမရှိသေးဟု အမေရိကန်ဘက်က ရှုမြင်ကြောင်း အမေရိကန်အ ကြီးတန်းအရာရှိတစ်ဦးက အောက်တိုဘာ ၂၀ ရက်က ပြောကြားခဲ့သည်။

စစ်အာဏာသိမ်းပြီးနောက်ပိုင်း မြန်မာနိုင်ငံတွင် ကြုံတွေ့ရင်ဆိုင်နေရသော စိန်ခေါ်မှုများကို ကိုင်တွယ်ရန် အာဆီယံအနေဖြင့် ယခုထက် ပိုမိုလုပ်ဆောင်သွားရန် လိုကြောင်း ၎င်းက ပြောသွားခဲ့သည်။အဖွဲ့ဝင် ၁၀ နိုင်ငံပါသည့် အာဆီယံအုပ်စုသည် ‌အောက်တိုဘာ ၂၆-၂၈ တွင် ကျင်းပမည့် ထိပ်သီးအစည်းအဝေးများအတွက် မြန်မာစစ်တပ်ခေါင်းဆောင် ဗိုလ်ချုပ်မှူးကြီး မင်းအောင် လှိုင်ကို မဖိတ်ဘဲ နိုင်ငံရေးကဏ္ဍမှ မဟုတ်သည့် ကိုယ်စားလှယ်တစ်ဦးကိုသာ ဖိတ်ကြားမည်ဟု ပြီးခဲ့သည့်အပတ်က ဆုံးဖြတ်ခဲ့သည်။

“ဒါက သိပ်အရေးပါတဲ့ လုပ်ဆောင်ချက်တစ်ခု ဖြစ်ပါတယ်” ဟု အိမ်ဖြူတော် အမျိုးသားလုံ ခြုံရေးကောင်စီမှ အရှေ့အာရှနှင့် သမုဒ္ဒရာနိုင်ငံများဆိုင်ရာ အကြီးတန်းညွှန်ကြားရေးမှူး အက်ဒ်ဂါ့ဒ် ကက်ဂန်က ဝါရှင်တန်ရှိ think tank အဖွဲ့တစ်ခုဖြစ်သည့် မဟာဗျူဟာနှင့် နိုင်ငံတ ကာ လေ့လာမှု စင်တာ၌ ပြုလုပ်သည့် အခမ်းအနားတစ်ခုတွင် ပြောသည်။

“ဒါပေမယ့် ဒါက လုံလောက်မှု မရှိသေးဘူးလို့ ကျွန်တော်တို့ ယုံကြည်ပါတယ်၊ မြန်မာနိုင်ငံမှာ စစ်အာဏာ သိမ်းပြီးနောက်ပိုင်း ကြုံနေရတဲ့ စိန်ခေါ်မှုတွေနဲ့ အာဏာသိမ်းမှု ရလဒ်ကြောင့် မြန်မာပြည်သူတွေ ကြုံနေရတဲ့ ဖြစ်ရိုးဖြစ်စဉ် မဟုတ်တဲ့ အခက်အခဲတွေကို ကိုင်တွယ်ဖြေရှင်းနိုင်ဖို့အတွက် အာဆီယံအနေနဲ့ ပိုမိုကျယ်ပြန့်ပြီး ပိုမိုထိရောက်တဲ့ အားထုတ်မှုတစ်ခု လုပ်ဖို့ လိုတယ်လို့ ကျွန်တော်ထင်ပါတယ်” ဟု ၎င်းက ပြောသွားခဲ့သည်။

မည်ကဲ့သို့ လုပ်ဆောင်ချက်များ လုပ်ရန် လိုသလဲ ဆိုသည်ကို ၎င်းက အသေးစိတ် ပြောခဲ့ခြင်း မရှိပေ။တချိန်တည်းမှာပင် အာဆီယံထိပ်သီးအစည်းအ‌ဝေးများ မတိုင်မီ မြန်မာ့အရေး ဆွေး‌နွေးရန် အရှေ့တောင်အာရှဒေသ၌ ရောက်နေသည့် အမေရိကန် နိုင်ငံခြားရေးဝန်ကြီးဌာန အ တိုင် ပင်ခံ ဒါးရက်ခ် ချောလက်တ်က ၎င်းသည် စင်္ကာပူ ငွေကြေးအာဏာပိုင်အဖွဲ့မှ ဒုတိယ မန်နေဂျင်းဒါရိုက်တာ ဟိုဟန်းရှင်းနှင့် တွေ့ဆုံပြီး “အကျိုးရှိသည့်” ဆွေးနွေးမှုတစ်ခု လုပ်ခဲ့သည်ဟု တွစ်တာတွင် ရေးသားထားသည်။

“မြန်မာစစ်အုပ်စုအနေနဲ့ နိုင်ငံရပ်ခြားဘဏ္ဍာရေးအဖိုးတန်ပစ္စည်းတွေကို ဝင်ရောက်အသုံးပြုနိုင်ခြင်း မရှိစေအောင် ပိတ်ပင်ကန့်သတ်မယ့် နည်းလမ်းတွေနဲ့ ပတ်သက်လို့ ကျွန်တော်တို့ ဆွေးနွေးခဲ့ပါတယ်” ဟု ၎င်းက ပြောခဲ့သည်။မြန်မာနိုင်ငံတွင် ကြုံတွေ့နေရသည့် အကျပ်အတည်းကို ကိုင်တွယ်ဖြေရှင်းရာတွင် အာဆီယံနိုင်ငံများနှင့် ပြင်ပရှိ မိတ်ဖက်ပါတနာများအကြား ပူးပေါင်းဆောင်ရွက်မှုကိုလည်း လိုအပ်လိမ့်မည် ဖြစ်ကြောင်း ကက်ဂန်က ပြောသွားခဲ့သည်။mizzima

စစ်ကိုင်းတိုင်း၊ မုံရွာမြို့မှာ အောက်တိုဘာ ၂၀ ရက် ညပိုင်း ၈ နာရီခွဲလောက်က ရဲစခန်းတွေအပါအဝင် နေရာ ၃ နေရာ ဗုံးပစ်ခံခဲ့ရပြီး ပေါက်ကွဲမှုတွေ ဖြစ်ခဲ့တယ်လို့ ဒေသခံတွေဆီက သိရပါတယ်။

အမှတ်(၁)ရဲစခန်း ၊ အမှတ်(၂)ရဲစခန်း နဲ့ မြန်မာ့စီးပွားရေးဘဏ်ခွဲတို့မှာ  ဗုံးပေါက်ခဲ့တာ ဖြစ်ပြီး PDF – South Monywa  အဖွဲ့က သူတို့ရဲ့လက် ချက်ဖြစ်တယ်လို့ အတည်ပြုထုတ်ပြန်ထားပါတယ်။

ဗုံးပေါက်ကွဲမှုကြောင့် မြန်မာ့စီးပွားရေးဘဏ်ခွဲမှာ  ထိခိုက်တာ မရှိပေမဲ့ အမှတ် (၁) ရဲစခန်းနဲ့ အမှတ်(၂)ရဲစခန်းတွေမှာတော့ ထိခိုက်သေဆုံးရှိနိုင်တယ်လို့လည်း ဆိုပါတယ်။DVB

ကရင်အမျိုးသားအစည်းအရုံး KNU တပ်မဟာ ၆ စစ်ရေးလှုပ်ရှားရာ ဝင်းရေး (ရေးမြို့နယ်) အတွင်းရှိ ဘုရားသုံးဆူ-သံဖြူဇရပ် ကားလမ်းအနီးတွင် အောက် တိုဘာလ ၂၀ ရက်နေ့ KNLA တပ်ဖွဲ့ဝင်များနှင့် စစ်ကောင်စီ ခလရ ၂၈၃ ကြား တိုက်ပွဲ ၃ ကြိမ်ဖြစ်ပွားခဲ့ပြီး စစ်ကောင်စီဘက်မှ ယာယီတပ်ရင်းမှူး ဗိုလ်မှူး သန်းဝင်းထွန်း အပါအဝင် ၇ ဦးသေဆုံးခဲ့ပြီး ယနေ့အချိန်ထိ အလောင်းလာကောက်ခြင်း မရှိသေးကြောင်း ဒေသသတင်းရင်းမြစ် Klo FM က သတင်းဖော်ပြသည်။

အောက်တိုဘာလ ၂၀ ရက် နံနက်ပိုင်း ဘုရားသုံးဆူ-သံဖြူဇရပ် ကားလမ်းပေါ်ရှိ ခုခံရွာနှင့် သံပုရာရွာကြားတွင် ၁ ကြိမ်၊ သံပုရာရွာနှင့် အနန်းကွင်းရွာကြားတွင် ၁ ကြိမ် တိုက်ပွဲဖြစ်ပွားခဲ့ပြီး စစ်ကောင်စီဘက်မှ ယာယီတပ်ရင်းမှူး သန်းဝင်းထွန်းအပါအဝင် ၆ ဦး သေဆုံးခဲ့သည်ဟု သိရသည်။

နယ်မြေခံ KNLA တပ်ဖွဲ့နှင့် တိုက်ပွဲဖြစ်ပွားခဲ့သည့် စစ်ကောင်စီတပ်သည် ကြာအင်းဆိပ်ကြီးမြို့အခြေစိုက် ခြေမြန်တပ်ရင်း ၂၈၃ ဖြစ်ပြီး လက် နက်အတိုအရှည်အပါအဝင် ၇ လက် သိမ်းဆည်းရမိကာ ကားတစ်စီးပျက်စီးသွားကြောင်း KNLA သတင်းရင်းမြစ်က ပြောသည်။တိုက်ပွဲကျသွားခဲ့သည့် ယာယီတပ်ရင်းမှူးအပါအဝင် စစ်ကောင်စီတပ်သားအလောင်းများကို ယနေ့ မွန်းလွဲ ၁ နာရီအချိန်ထိ ပြန်လည်သယ်ဆောင်သွားခြင်းမရှိသေးဟု ဒေသသတင်းရင်းမြစ်ထံမှ သိရသည်။

အောက်တိုဘာလ ၂၀ ရက် ညပိုင်းတွင်လည်း ဘုရားသုံးဆူ-သံဖြူဇရပ် ကားလမ်းပေါ်ရှိ လွတ်ရှမ်းကျေးရွာဘက်သို့ စစ်ကောင်စီတပ်မှ ထပ်မံစစ်ရေးလှုပ်ရှားလာသည့်အတွက် နယ်မြေခံ KNLA တပ်နှင့် တိုက်ပွဲ ထပ်မံ ဖြစ်ပွားပြီး စစ်ကောင်စီဘက်က ၁ ဦးသေဆုံးကာ ဗိုလ်မှူး ၁ ဦးအပါ အဝင် ၆ ဦး ဒဏ်ရာရရှိကြောင်း နယ်မြေခံ KNLA တပ်ထံမှ သိရသည်။khit thit

စဉ့်ကိုင်မြို့နယ် ရွာဘိုကျေးရွာတွင် ယနေ့နံနက် အာရုံမတက်မီအချိန်က စစ်ကောင်စီတပ်တပ်စွဲထားသည့်ကျေးရွာခန်းမတွင် ဗုံးပေါက်ကွဲမှုဖြစ်ပြီး စစ်ကောင်စီလက်နက်ကိုင်တပ်ဖွဲ့ဝင် ၁၀ ဦးခန့် ထိခိုက်သေဆုံးမှုရှိခဲ့ကြောင်း ဒေသခံများအပြောအရသိရသည်။ “ဟုတ်တယ်ဗျ၊ ဗုံးပေါက်တာကရွာလယ်ခန်းမပါ။

မနက်အစောကြီး လူတစ်စုကဗုံးနဲ့ပစ်သွားတာပါ။ ကားတွေနဲ့တင်ခေါ်သွားတာတင် ၁၀ ယောက်ကျော်လောက်ရှိမယ်။ ယူနီဖောင်းဝတ်တွေရော အရပ်ဝတ်တွေရောပါပါတယ်” ဟု ဒေသခံတစ်ဦးကပြောသည။မန္တလေးတိုင်းဒေသကြီး ကျောက်ဆည်ခရိုင် စဉ့်ကိုင်မြို့နယ် ရွာဘိုကျေးရွာအ တွင်းက စစ်ကောင်စီလက်နက်ကိုင်များတပ်စွဲထားသည့်ရွာလယ်ခန်းမတွင် ယနေ့ (အောက်တိုဘာ ၂၁ ရက်) နံနက် ၂ နာရီဝန်းကျင်ခန့်က ပေါက် ကွဲခဲ့ခြင်းဖြစ်သည်။

ပေါက်ကွဲမှုဖြစ်စဉ်နှင့်ပတ်သက်၍ ကျောက်ဆည် ပြည်သူ့ကာကွယရေးတပ် (KPDF) က သတင်းထုတ်ပြန်ရာတွင် ရွာဘိုကျေးရွာရှိ ရွာလယ်ခန်းမတွင်တပ်စွဲထားသော အင်အား ၇၀ ခန့်ရှိသည့်စစ်ကောင်စီတပ်များကို KPDF အဖွဲ့မှ အလစ်အငိုက်ဗုံးပစ်တိုက်ခိုက်ခဲ့ခြင်းဖြစ်ကြောင်း ပါရှိသည။

ဗုံးပစ်တိုက်ခိုက်မှုကြောင့် စစ်ကောင်စီတပ်ဖွဲ့ဝင်အနည်းဆုံး ၁၀ ဦးခန့်သေဆုံးနိုင်ဖွယ်ရှိသည်ဟု KPDF တာဝန်ခံတစ်ဦးကဆိုသည်။လက်ရှိတွင် ရွာဘိုကျေးရွာနှင့်အနီးဝန်းကျင်ကျေးရွာများအား စစ်ကောင်စီလက်နက်ကိုင်များဝင်ရောက်စီးနင်းရှာဖွေမှုများပြုလုပ်နေကြောင်း ဒေသခံများကပြောသည်။mizzima

မြန်မာ့အရေးတွင် နိုင်ငံတကာ က တစ်သံတည်းထွက်ပြီး ဖိအားပေးမှု တိုးမြှင့်ရေး အတွက် NUG အမျိုးသားညီညွတ်ရေးအစိုးရ၏ ကုလ သမဂ္ဂဆိုင်ရာ မြန်မာသံအမတ်ကြီး ဦးကျော်မိုးထွန်းနှင့် အမေရိကန် ဒုတိယနိုင်ငံခြားရေးဝန်ကြီး Wendy Sherman တို့ အောက်တိုဘာလ ၁၉ ရက်နေ့ အမေရိကန် ပြည်ထောင်စု၊ ဝါရှင်တန်ဒီစီတွင် တွေ့ဆုံကြကြောင်း အမေရိကန်က သတင်းထုတ်ပြန်သည်။

အဆိုပါ တွေ့ဆုံဆွေးနွေးပွဲတွင် မြန်မာ့အရေး နိုင်ငံတကာက တစ်သံတည်း ထွက်၍ ဖိအားပေးကြရန်နှင့် စစ်ကောင်စီကို အကြမ်းဖက်မှုများ ချက်ချင်းရပ်ဆိုင်းရေး၊ ဖမ်းဆီးထားသူများ အားလုံး ပြန်လွှတ်ပေးရေးနှင့် ဒီမိုကရေစီလမ်းကြောင်းပေါ်သို့ အားလုံးပါဝင်ပြီး ပြန်လည် လျှောက်လှမ်းရေးကို တောင်းဆိုကြောင်း အမေရိကန်ဒုတိယနိုင်ငံခြားရေးဝန်ကြီးက ပြောဆိုသည်။

အလားတူ မြန်မာ့အရေးအတွက် အာဆီယံနိုင်ငံများနှင့် အာရှနိုင်ငံများထံ ရောက်ရှိနေသော အမေရိကန်နိုင်ငံခြားရေးဝန်ကြီးဌာန အတိုင်ပင်ခံ Derek Chollet ကလည်း အောက်တိုဘာလ ၂၀ ရက်နေ့တွင် စင်ကာပူအစိုးရ တာ ဝန်ရှိသူများနှင့်တွေ့ဆုံ၍ စစ်ကောင်စီ၏ ငွေကြေးပိုင်ဆိုင်မှုများကို ထိန်း ချုပ် ရန် ဆွေးနွေးကြောင်း သိရှိရသည်။

ယမန်နေ့ စင်ကာပူနိုင်ငံခြားရေးဝန်ကြီးနှင့်တွေ့ဆုံမှုတွင် အမေရိကန်နိုင်ငံ ခြားရေးဝန်ကြီးဌာန အတိုင်ပင်ခံ Derek Chollet က အာဆီယံ ဘုံသဘောတူညီချက် ၅ ချက်ကို အကောင်အထည်ဖော်ရန် ၊ အာဆီယံ အထူးကိုယ်စားလှယ်နှင့်ပူးပေါင်းဆောင်ရွက်ရေး မြန်မာစစ်ကောင်စီကို တွန်းအားပေးရေးကို ဆွေးနွေးခဲ့ကြောင်း သိရှိရသည်။

အရှေ့တောင်အာရှ သုံးနိုင်ငံခရီးစဉ်အတွင်း အမေရိကန်နိုင်ငံခြားရေးဝန် ကြီးဌာန အ တိုင်ပင်ခံ Derek Chollet သည် လက်ရှိတွင် စင်ကာပူနိုင်ငံရောက်ရှိနေကြောင်း ၊ လွန်ခဲ့သော ရက်ပိုင်းအတွင်း အမေရိကန် နိုင်ငံခြားရေးဝန် ကြီးဌာန အတိုင်ပင်ခံ Derek Cholletသည် ထိုင်းနိုင်ငံတွင် မြန်မာ့အရေး ဖိအားပေးရေး ဆွေးနွေးခဲ့ကြောင်း သိရှိရသည်။ထိုင်းနိုင်ငံခရီးစဉ်တွင် အမေရိကန်နိုင်ငံခြားရေးဝန် ကြီးဌာန အတိုင်ပင်ခံ Derek Chollet သည် မြန်မာ့အရေး ဖိအားပေးရန် ထိုင်းဒုတိယဝန်ကြီးချုပ်နှင့် နိုင်ငံ ခြားရေးဝန်ကြီးလည်းဖြစ်၊ အမျိုးသားလုံခြုံရေးကောင်စီ အကြီးအကဲလည်းဖြစ်သည့် Don Pramudwinai နှင့် တွေ့ဆုံခဲ့ကြောင်း သိရှိရသည်။

ထိုင်း-မြန်မာနယ်စပ်မှတဆင့် မြန်မာပြည်သူများကို ကူညီရန် အမေရိကန်ပြည်ထောင်စုနှင့် ထိုင်းနိုင်ငံအကြား ဆွေးနွေးကြကြောင်း သိရှိရသည်။ အမေရိကန်အပြင် နိုင်ငံတကာ၏ ဖိအားကလည်း တိုးမြှင့်လျက်ရှိရာ မြန်မာစစ်ကောင်စီကို G7 ကမ္ဘာ့ စီးပွားရေးအင်အားကြီး ၇ နိုင်ငံနှင့် အာဆီယံပူးတွဲ အစည်း အဝေး တက်ခွင့်မပြုရန် အိမ်ရှင် ဗြိတိန်က ဆုံးဖြတ်ကြောင်း၊ ယခုလာမည့် ဒီဇင်ဘာတွင် ပြုလုပ်မည့် G7-အာဆီယံ နိုင်ငံခြားရေးဝန်ကြီးအစည်း အဝေးတွင် မြန်မာစစ်ကောင်စီကို လူကိုယ်တိုင်တတ်ရောက်ရန် ဖိတ်ကြားမည်မဟုတ်ကြောင်း အာရှဆိုင်ရာ ဗြိတိန်နိုင်ငံခြားရေးဝန်ကြီးက တရားဝင် ထုတ် ဖော်ပြောဆိုသည်။

အမေရိကန်ဘက်ကမူ မြန်မာစစ်ခေါင်းဆောင်ကို ထိပ်သီးအစည်းအဝေးပွဲ တက်ရောက်ခွင့် မပေးရန် အရှေ့တောင်အာရှ နိုင်ငံများအသင်း (အာဆီယံ) ၏ ဆုံးဖြတ်ချက်သည် ထူးခြားကောင်းမွန်သော်လည်းထိုထက်ပို၍လုပ်ဆောင်ရမည်ဖြစ်ကြောင်း အမေရိကန်သမ္မတ အိမ်ဖြူတော် အမျိုးသားလုံခြုံရေးကောင်စီ၏ အရှေ့အာရှနှင့် သမုဒ္ဒရာနိုင်ငံများဆိုင်ရာ ညွှန်ကြားရေးမှူး Edgard Kagan က ဝါရှင်တန်အခြေစိုက် မဟာဗျုဟာနှင့် နိုင်ငံတကာ လေ့လာရေးဌာနတွင် ဗုဒ္ဓဟူးနေ့ ကျင်းပသည့် ဆွေးနွေးပွဲတွင် ထုတ်ဖော်ပြောဆိုသည်။khit thit