SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS

ကယား (ကရင်နီ) ပြည်နယ်၊ ဒီးမော့ဆိုမြို့နယ်၊ ဒေါမြလေးတိုက်နယ်ရှိ လုဒ်မယ်တော်ဘုရားကျောင်းအား အကြမ်းဖက်စစ်ကောင်စီတပ်ဖွဲ့ဝင်များက ယနေ့ အောက်တိုဘာလ ၂၅ ရက်တွင် လက်နက်ကြီးလက်နက်ငယ်များဖြင့် အကြောင်းမဲ့ ဝင်ရောက်ပစ်ခတ်ဖျက်ဆီးသွားကြောင်း သတင်းရရှိသည်။

ကက်သလစ်ဘုရားကျောင်း အသစ်ကို (စကစ)မှ ရည်ရွယ်ချက်ရှိရှိ လက်နက်ငယ်နှင့် ပစ်ခတ်ထားပြီး ဝင်ရောက် ဖျက်ဆီးမှုများကို ပြုလုပ်သွားကြောင်းနှင့် လက်နက်ကြီးစ လွှင့်စင်ထိခိုက်မှုများလည်းရှိ​ကြောင်း ကရင်နီအမျိုးသားကာကွယ်ရေးတပ်ဖွဲ့ တပ်ရင်း ၉ ထံမှ သိရသည်။ဒီးမော့ဆိုမြို့၊ အားကစားကွင်းအနီးတွင်လည်း ယနေ့ အောက်တိုဘာလ ၂၅ ရက် ညနေ ၅ နာရီမှ စတင်ကာ အကြမ်းဖက်စစ်ကောင်စီနှင့် ဒေသခံကာကွယ်ရေးတပ်ဖွဲ့များကြား တိုက်ပွဲဖြစ်ပွားနေကြောင်းနှင့် အကြမ်းဖက်စစ်ကောင်စီတပ်မှ လက်နက်ကြီး၊ လက်နက်ငယ်များဖြင့် အနီးဝန်း ကျင်ရှိ အများပြည်သူများနေထိုင်ရာ ကျေးရွာများအတွင်းသို့ ပစ်ခတ်နေကြောင်းလည်း သတင်းရရှိသည်။

အကြမ်းဖက်စစ်ကောင်စီ၏ ရမ်း ကားပစ်ခတ်မှုများကြောင့် အများပြည်သူနေအိမ်များပျက်စီးမှုနှင့် လူထိခိုက်မှုရှိ၊ မရှိ လတ်တလော အတည်မပြုနိုင်သေးပေ။khit thit

မကွေးတိုင်းဒေသကြီး ဆောမြို့နယ်မှာ အောက်တိုဘာလ ၂၄ ရက်နေ့မနက်ပိုင်းက အကြမ်းဖက်စစ်အုပ်စုကို မိုင်းထောင်ရင်း မတော်တဆ မိုင်းပေါက်ကွဲကာ ဆော PDF တပ်ဖွဲ့ဝင် ၂ ယောက် တိုင်းပြည်အတွက် အသက်ပေးလိုက်ရတယ်လို့ သိရပါတယ်။

ဆောမြို့နယ်အတွင်းကို အကြမ်းဖက်စစ်အုပ်စုတွေ အောက်ဘာ ၂၅ ရက်နေ့မှာ စစ်ကြောင်းထိုးမယ်လို့ သတင်းရတာကြောင့် ဆော-ကျောက်ထု လမ်းပိုင်းမှာ မနေ့က မနက် ၉ နာရီခွဲလောက်မှာ တိုက်မိုင်း၊ ဆွဲမိုင်းသွားထောင်ရင်း ဆော PDF တပ်ဖွဲ့ဝင် ၂ ယောက် ကျဆုံးခဲ့ရတာလို့ ဆော PDF တပ်ဖွဲ့ရဲ့ ပြန်ကြားရေးတာဝန်ခံက ပြောပါတယ်။  နှစ်ဘက်တိုက်ပွဲ ဖြစ်ပွားခဲ့တာတော့ မရှိဘူးလို့ ဆိုပါတယ်။

ဆောမြို့နယ်မှာ အောက်တိုဘာလအတွင်း ဆော PDF တပ်ဖွဲ့နဲ့ အကြမ်းဖက်စစ်ကောင်စီတပ်တွေ တိုက်ပွဲ ၂ ကြိမ်ဖြစ်ပွားခဲ့ပြီး စစ်ကောင်စီဘက်က ၆ ယောက်သေဆုံး၊ ၁၀ ယောက်ထက်မနည်း ဒဏ်ရာရရှိသွားတယ်လို့ ပြောပါတယ်။

အကြမ်းဖက်စစ်အုပ်စုက နိုင်ငံတော်အာဏာကို မတရားလုယူတာကြောင့် တော်လှန်ရေး တိုက်ပွဲတွေ ဖြစ်ပွားတဲ့ကာလအတွင်းမှာ ဆောPDF တပ်ဖွဲ့ဘက်က နိုင်ငံတော်အတွက် အသက်ပေးလှူလိုက်ရတဲ့ တပ်ဖွဲဝင် ၄ ယောက်ရှိတယ်လို့ ဆိုပါတယ်။

ဆော PDF နဲ့ အကြမ်းဖက်စစ်ကောင်စီတပ်တွေရဲ့ တိုက်ပွဲအတွင်း ကျဆုံးခဲ့ရတဲ့ PDF ရဲဘော်တွေ ကို အောက်တိုဘာလ ၂၄ ရက်နေ့မှာ သင်္ဂြိုဟ်ခဲ့ပြီး ရဲဘော်တွေရဲ့ အမည်၊ အသက်နဲ့ နေရပ်တွေကိုတော့ မိသားစုဝင်တွေရဲ့ လုံခြုံရေးအရ ပြန်လည်ဖြေကြားခွင့် မရှိဘူးလို့ ဆိုပါတယ်။

တော်လှန်ရေးကာလအတွင်းမှာ မိုးရာသီဖြစ်တာကြောင့် ရာသီဥတု ဆိုးရွားတဲ့ဒဏ်တွေကို ခံရပြီးတော့ စစ်လက်နက်၊ ပစ္စည်းတွေ ပြည့်စုံမှုမရှိတာကြောင့် အခဲများစွာရှိပေမယ့် ဘယ်လောက်ဘဲ အခက်ခဲတွေ၊ ရာသီဥတုတွေဆိုးရွားပါစေ အာဏာရှင်ပြုတ်ကျရေးအတွက် မဟာမိတ်တွေနဲ့ပူးပေါင်းပြီး အဆုံးထိ တိုက်ပွဲဝင်သွားမယ်လို့ ပြောပါတယ်။

အကြမ်းဖက် အာဏာရူးစစ်ကောင်စီကို တော်လှန်ရင်း ကျဆုံးခဲ့ရတဲ့ ဆော PDF ရဲဘော် ၂ ယောက်အတွက် အမိန့်ပြန်တမ်းနဲ့ ဂုဏ်ပြုအောင့်မေ့စကားတွေကို ဆော PDF တပ်ဖွဲ့ရဲ့ လူမှုကွန်ရက်စာမျက်နှာမှာ ဖော်ပြထားပြီး မိသားစုဝင်တွေကိုလည်း ဆော PDF တပ်ဖွဲ့က ထောက်ပံ့ငွေတွေပေးအပ်ခဲ့တယ်လို့ သိရပါတယ်။DVB

ယနေ့တွင် မန္တလေး အပါအဝင် မြို့ကြီးများတွင် စစ်ကောင်စီဘက်တော်သား ၅ ဦးထက်မနည်း သတ်ဖြတ်ခံရကြောင်း ဒေသခံများထံမှ သိရှိရသည်။

မန္တလေးမြို့၊ ပုသိမ်ကြီးမြို့နယ်

=====================

မန္တလေးမြို့၊ ပုသိမ်ကြီးမြို့နယ်၊ မြောက်တံတိုင်းရှည်ရွာ စစ်ကောင်စီခန့် အုပ် ချုပ် ရေးမှူးမြင့်နိုင်သည် ယနေ့ အောက်တိုဘာ ၂၅ ရက်နေ့ နံနက်ပိုင်းတွင် သေနတ်ဖြင့် လေးချက်ခန့် ပစ်ခတ်ခံရကာ ပွဲချင်းပြီး သေဆုံးကြောင်း သတင်း ရရှိသည်။

စစ်ကိုင်းတိုင်း၊ ကန့်ဘလူမြို့နယ်

=========================

စစ်ကိုင်းတိုင်း၊ ကန့်ဘလူမြို့နယ်တွင် အောက်တိုဘာလ ၂၅ ရက်နေ့ ထန်းကုန်းစံပြကျေးရွာနေ ပျူစောထီးအဖွဲ့ဝင် ဖိုးကျော်ကို KBU-UG က ပစ်ခတ်သတ် ဖြတ်သွားကြောင်း သိရှိရသည်။

ပဲခူးတိုင်း၊ ပေါင်းတည်မြို့နယ်

======================

ပဲခူးတိုင်းအနောက်ခြမ်း၊ ပြည်ခရိုင်၊ ပေါင်းတည်မြို့တွင် ကြံခိုင်ရေးပါတီ၏ အတွင်းရေးမှူး၊ ရှေ့နေ့တစ်ဦးလည်းဖြစ်သူ မျိူးမင်းဇော်ကို ယနေ့ နံနက် ၈ နာရီခွဲအချိန်ခန့် သေနတ်ဖြင့် ပစ်ခံခဲ့ရကြောင်း၊ အတွင်းလူနာအဖြစ် ဆေးကုသမှုခံယူနေရကြောင်း ဒေသခံများထံမှ သိရှိရသည်။

စစ်ကိုင်းတိုင်း၊ မုံရွာမြို့နယ်

===============

စစ်ကိုင်းတိုင်း၊မုံရွာမြို့ ညောင်တပင်စျေး(မြသလ္လာ)စျေးမှ စျေးကောက်တစ်ဦးကို ယနေ့ ညနေ ၃ နာရီအချိန်ခန့် သေနတ်(၃)ချက်ဖြင့် အမည်မသိ လူတစ်စုက ပစ်သတ်သွားကြောင်း သိရှိရသည်။

စစ်ကိုင်းတိုင်း၊ ခင်ဦးမြို့နယ်

==================

တောကြီးမြွေဟောက်အဖွဲ့- ခင်ဦး က ခင်ဦးမြို့နယ် အင်းပတ်ရွာမှ ပျူစောထီးအဖွဲ့ဝင် ဝင်းမြင့်ကို ယနေ့ အောက်တိုဘာလ ၂၅ ရက်နေ့ နံနက်ပိုင်း အင်းပတ်ကျေးရွာ၏ အနောက်ဘက်တွင် သတ်ဖြတ်လိုက်ကြောင်း သတင်းထုတ် ပြန်သည်။khit thit

ဧရာ၀တီတိုင်း၊ ပုသိမ်မြို့နယ်အတွင်းမှာ အောက်တိုဘာလ ၂၅ ရက်နေ့က စစ်ကောင်စီခန့် ကျေးရွာအုပ်ချုပ်တဦး သေနတ်နဲ့ ပစ်သတ်ခံခဲ့ရတယ်လို့ သိရတယ်။

ကြောင်ပန်းကုန်းကျေးရွာအုပ်ချုပ်ရေးမှူး ကျော်ကြီး ဆိုသူကို မွန်းတည့် ၁၂ နာရီခွဲလောက် ရှင်းလင်းနိုင်ခဲ့တယ်လို့ ပုသိမ်ခရိုင်မြို့ပြပြောက် ကျားတပ်ဖွဲ့ဝင်တဦးက ပြောပါတယ်။ 

“သူက အုပ်ချုပ်ရေးမှူးအပြင် စစ်ကောင်စီသတင်းပေး လုပ်နေတာ ပြည်သူတွေကို ခြောက်လှန့်တာတွေ စစ်ကောင်စီတပ်တွေခေါ်ပြီး ပြဿ နာရှာတာတွေလုပ်နေတာမလို့ ရှင်းရတာဖြစ်တယ်” လို့ ပြောပါတယ်။

စစ်ကောင်စီခန့်ထားတဲ့ ကျေးရွာအုပ်ချုပ်ရေးမှူး ကျော်ကြီးကို ရှင်းလင်းပြီးနောက်ပိုင်းမှာ မြို့ပြပြောက်ကျား တပ်ဖွဲ့ဝင်တွေက အထိအခိုက်မရှိ ပြန်လည်ဆုတ်ခွာနိုင်ပြီး လုံခြုံတဲ့နေရာကိုရောက်နေပြီလို့ ဆိုပါတယ်။

လက်ရှိအချိန်မှာတော့ ကျေးရွာထဲကို စစ်အုပ်စုတပ်သားတွေရောက်နေပြီး ရွာထဲကို ဆဲဆိုကြိမ်းမောင်းပြီး သေနတ်ထောင်ဖောက်တာတွေ ပြု လုပ်နေတယ်လို့ သိရပါတယ်။ DVB

ယနေ့ တပ်မတော်ထောက်ခံပွဲ ကျင်းပသော မိတ္တီလာမြို့ပေါ် ဗုံးပေါက်ကွဲပြီးနောက် ကျေးရွာများဘက်တွင်လည်း စစ်ကောင်စီတပ်များ တိုက်ခိုက်ခံရပြီး ၉ ဦး သေဆုံးကြောင်း၊ ပခုက္ကူမြို့ရှောင်လမ်းထိပ်တွင်လည်း ဗုံးကွဲ၍ စစ်ကောင်စီတပ်များ ထိခိုက်မှုများပြားကြောင်း၊ နိုင်ငံတစ်ဝန်း စစ်ကောင်စီတပ်များ တိုက်ခိုက်ခံရကြောင်း သိရှိသည်။

မန္တလေးတိုင်း၊မိတ္တီလာမြို့နယ်

=======================

မိတ္တီလာမြို့ပေါ်တွင် ယနေ့ အကြမ်းဖက်စစ်တပ်ထောက်ခံပွဲကျင်းပပြီး ယင်းထောက်ခံပွဲအပြီးတွင် အမှတ် ၂ ရဲစခန်းရှေ့တွင် ရပ်နားထားသော စစ်ကားပေါ်သို့ ဗုံးပစ်သွင်းမှု ဖြစ်ပွားပြီး ရဲ ၂ ဦးသေဆုံးကာ စစ်ကောင်စီတပ်ဖွဲ့ဝင် ၃ ဦး ဒဏ်ရာရရှိသွားသည်။ ယင်းနောက် စစ်ကောင်စီအုပ်စုက မိတ္တီလာမြို့ပေါ်အာရုံစိုက်နေစဉ် ကျေးရွာဘက်တွင်ကင်းလှည့်နေသော စစ်ကောင်စီတပ်သား ၂ ဦးကို ဝင်ရောက်တိုက်ခိုက်ခဲ့ရာ ၂ ဦးလုံးနေ ရာတွင် ပွဲချင်းပြီးသေဆုံး၍ G-3 တစ်လက်နှင့်ဆိုင်ကယ်တစ်စီးအား Zero Army မှ သိမ်းဆည်းရမိခဲ့ကြောင်း၊ ထို့အတူ မန္တလေးဘက်သို့ဦး တည်ကာ မောင်းနှင်လာသော စစ်ကောင်စီယာဉ်တန်းအား အဝေးထိန်း မိုင်းနှစ်လုံးဖြင့် ဖောက်ခွဲတိုက်ခိုက်ခဲ့ရာ ယာဉ်နောက်မှီးနှင့်ခါးလည်ပိုင်းထိခိုက်သွား၍ စစ်ကောင်စီတပ်သား ၇ ဦးသေဆုံးခဲ့ကြောင်း Zero Army အဖွဲ့​၏ယနေ့ထုတ်ပြန်ချက်အရ သိရသည် ။

ရန်ကုန်တိုင်း၊ တောင်ဒဂုံမြို့နယ်

=======================

ယနေ့အောက်တိုဘာလ ၂၅ ရက်နေ့၊ နံနက် ၈ နာရီ ၄၅ မိနစ်အချိန်တွင် တောင်ဒဂုံမြို့နယ် စည်ပင်ရုံး အနောက်ဘက်ခြမ်းတွင် ဗုံးဖောက်ခွဲလိုက်ကြောင်း F2Y ကြောက်ရွံခြင်းကင်းမဲ့သောလူငယ်များအဖွဲ့က သတင်းထုတ်ပြန်သည်။

မကွေးတိုင်း၊ ပခုက္ကူမြို့နယ်

===================

အောက်တိုဘာလ ၂၄ ရက်နေ့ ပခုက္ကူ မြို့ရှောင်လမ်းထိပ် သုံးခွစုံနေရာတွင် တောင်မြောက်လမ်း အရှေ့ဘက်ခြမ်း၌ ၂လုံး/ အရှေ့အနောက်လမ်း ညာဘက်ခြမ်း၌ ၂လုံး ဗုံးအစစ်‌ ၄လုံး ထောင်ထားကာ လမ်းအလယ်ခေါင် တြိဂံ ပလပ်ဖောင်းပေါ်၌ “ငါလိုးမသား စောက်ရူးတွေ” စာထည့် ထားသော ဗုံးအတုကို Burmese Guerrilla Force & Seven PDF မှ ထောင်ထားကြောင်း၊ စစ်ကောင်စီတပ်များက ဗုံးအတုကို လာရောက်စစ်ဆေး ချိန်တွင် ဗုံးအစစ် ၄ လုံးခွဲခဲ့ရာ ၃ လုံးသာ ကွဲခဲ့ပြီး စစ်ကောင်စီတပ်သား ၁ ဦးသေဆုံးခဲ့ကြောင်း သိရှိရသည်။

စစ်ကိုင်းတိုင်း၊ ကန့်ဘလူမြို့နယ်

========================

စစ်ကိုင်းတိုင်း၊ ကန့်ဘလူ၊ခရိုင်ရဲရုံးအဝင်တွင် ကင်းလှည့် စစ်ကားကို ကန့်ဘလူစွန်ရဲအဖွဲ့ကယနေ့ အောက်တို ဘာလ ၂၅ ရက်နေ့ ၁၀ နာရီ ၅၅ မိနစ်တွင် ဗုံးခွဲတိုက်ခိုက်ကြောင်း ၊ အသေအပျောက် အထိအခိုက် မသိရှိရသေးဟု ကန့်ဘလူစွန်ရဲအဖွဲ့က သတင်းထုတ်ပြန်သည်။

ရန်ကုန်တိုင်း၊ လှိုင်မြို့နယ်

====================

ရန်ကုန်တိုင်း၊ လှိုင်မြို့နယ်၊ အင်းစိန်လမ်းမကြီးပေါ် သုခ မှတ်တိုင်အနီးရှိ အုပ်ချုပ်ရေးရုံးတွင် ဗုံးနှစ်လုံးဆင့်ပေါက်ကွဲပြီး ထိခိုက်မှု မရှိကြောင်း သိရှိရသည်။

ရန်ကုန်တိုင်း၊ မြောက်ဥက္ကလာပမြို့နယ်

==============================

မြောက်ဥက္ကလာပမြို့နယ်၊ ဌ ရပ်ကွက်၊ စံပယ် ၁ လမ်းတွင် ယနေ့ နံနက် ၇ နာရီ ၃၀ မိနစ်အချိန် စစ်ကောင်စီသတင်းပေးဟု စွပ်စွဲခံထားရသူ မြင့်လွင်၏နေအိမ်တွင် ဗုံးပေါက်ကွဲပြီး လူထိခိုက်မှုမရှိကြောင်း ၊ ကားတစ်စီးနောက်ပိုင်းထိမှန်ပျက်စီးကြောင်း သိရှိရသည်။

စစ်ကိုင်းတိုင်း၊ ကောလင်းမြို့နယ်

=========================

စစ်ကိုင်းတိုင်း၊ ကောလင်းအရှေ့ခြမ်း၊ ကျောက်ပုထိုးဒေသတွင် ကင်းလှည့်နေသော စစ်ကောင်စီတပ်ဖွဲ့ဝင်များကို ယနေ့ အောက်တိုဘာလ ၂၅ ရက်နေ့ မွန်းလွဲပိုင်းတွင် လက်နက်ကြီးဖြင့် ဒေသ ကာကွယ်ရေးတပ်က ပစ်ခတ်တိုက်ခိုက်ရာ စစ်ကောင်စီတပ်သား ၁၅ ဦးခန့် ထိခိုက်ဒဏ်ရာရရှိကြောင်း သိရှိရသည်။

စစ်ကိုင်းတိုင်း၊ မုံရွာမြို့နယ်

====================

မုံရွာမှစစ်ကိုင်းသို့ ထွက်ခွာလာသည့် စစ်ကောင်စီယာဉ်တန်းကို အောက်တိုဘာလ ၂၅ရက် ယနေ့နံနက် ၈နာရီ အချိန် မြင်းမူမြို့နယ် နဘဲကြူးကျေးရွာနှင့် ပျော့ရွာကြားတွင်GTR MMU နှင့် MMUF မှညီအကိုများပူးပေါင်း မိုင်းခွဲတိုက်ခိုက်ကြောင်း၊ မိုင်း ၅လုံးကွဲခဲ့ပြီး စစ်ကောင်စီကားတစီး ထိခိုက်ကြောင်း၊ စစ်ကောင်စီတပ်မှ ကျန်ကား၃စီးပေါ်မှပစ်ခတ်ခဲ့ကြောင်း သိရှိရသည်။

မကွေးတိုင်း၊ မြိုင်မြို့နယ်

===================

မြိုင်မြို့နယ်၊ ပြည်သူ့ကာကွယ်ရေးတပ် Myaing PDFသည် အောက်တိုဘာလ ၂၄ ရက်နေ့ ည ၉ နာရီ ၃၀ မိနစ်အချိန် လင်းကတော လမ်းဆုံဂိတ်ရှိ ရဲကင်းအား ရှော့တိုက်ဒုံး ၂ လုံးဖြင့် တိုက်ခိုက်ခဲ့ကြောင်း၊ ည ၁၀ နာရီ ၃၀ မိနစ်အချိန်ခန့်တွင် ဆားလင်းကြီး PDF နှင့် ပူးပေါင်း၍ ဆားလင်းကြီးရဲစခန်းကို ရှော့တိုက်ဒုံး ၃ လုံးဖြင့် တိုက်ခိုက်နိုင်ခဲ့ကြောင်း သတင်းထုတ်ပြန်သည်။

စစ်ကိုင်းတိုင်း၊ တန့်ဆည်မြို့နယ်

========================

စစ်ကိုင်းတိုင်း၊ တန့်ဆည်မြို့နယ်တွင် ယနေ့အောက်တိုဘာလ ၂၅ ရက်နေ့ နံနက် ၁၀ နာရီ ၄၅ မိနစ် အချိန်ခန့်တွင် တန့်ဆည်ရဲစခန်းမှ ဆိုင်ကယ် ၄ စီး၊ ကား ၂ စီးဖြင့် ထွက်ခွာလာသော စစ်ကောင်စီတပ်များကို တန့်ဆည် PDF က မိုင်းခွဲတိုက်ခိုက်ကြောင်း သိရှိရသည်။

ရန်ကုန်တိုင်း၊မင်္ဂလာဒုံမြို့နယ်

======================

ရန်ကုန်တိုင်းဒေသကြီး၊ မင်္ဂလာဒုံမြို့နယ်၊ ချစ်တီးကုန်းရပ်ကွက်၊ အောင်မင်္ဂလာအဝေးပြေးကားကွင်းတွင် ယနေ့ မွန်းလွဲ ၂ နာရီ ဗုံးပေါက်ကွဲမှု နှစ်ကြိမ်ဖြစ်ခဲ့ကြောင်း ဒေသခံပြည်သူများထံမှ သိရှိရသည်။ အောင်မင်္ဂလာ အဝေးပြေးကားကွင်းတနင်္သာရီလမ်းနှင့် ဒနင်းရုံးချောင်းလမ်းထောင့်ရှိ ဂိတ် (၂) အနီးသန့်စင်ခန်းဘေးနေရာ၊ တောင်ကြီးလမ်းနှင့် အောင်မင်္ဂလာလမ်းထောင့်မှာရှိတဲ့ အ မှိုက်ပုံဘေးတို့တွင် ပေါက်ကွဲမှု များဖြစ်ပွားခဲ့ခြင်းဖြစ်သည်။

ရန်ကုန်တိုင်း၊ မရမ်းကုန်းမြို့နယ်

=========================

ယနေ့အောက်တိုဘာလ ၂၅ ရက်နေ့ မွန်းလွဲပိုင်း မရမ်းကုန်းမြို့နယ် တရားရုံး ဗုံးပေါက်မှုဖြစ်ပွားခဲ့ကြောင်း သိရှိရသည်။

ရှမ်းပြည်နယ်၊ အောင်ပန်းမြို့နယ်

========================

ယနေ့ အောက်တိုဘာ ၂၅ရက် ညနေပိုင်းအချိန်တွင် အောင်ပန်းမြို့ မြို့မရဲစခန်းအနီး လမ်းထောင့်ရှိ ကွမ်းယာဆိုင်တွင် ကွမ်းယာဝယ်နေသော စစ်ကောင်စီတပ် သားတစ်ဦးကို ကလောမြို့နယ်ပြည်သူ့ကာကွယ်ရေးတပ်ဖွဲ့ (KLTPDF)မှ ရဲဘော်တစ်ချို့က ပစ်ခတ်တိုက်ခိုက်ခဲ့ရာ ချက်‌ ကောင်းကိုထိမှန်သဖြင့် ပစ်ခတ်ခံရသူ စစ်သားမှာ ဒဏ်ရာပြင်းထန်စွာရရှိထားကြောင်း သိရသည်။

စစ်ကိုင်းတိုင်း၊ ဒီပဲယင်းမြို့နယ်

========================

စစ်ကိုင်းတိုင်း၊ ဒီပဲယင်းမြို့နယ်အတွင်း ညောင်လှရဲကင်းစခန်းကို အောက်တို ဘာလ ၂၄ ရက်နေ့ ညပိုင်းတွင် ဒေသခံ ကာကွယ်ရေးတပ်က မီးရှို့ ဖျက်ဆီးလိုက်ကြောင်း သိရှိရသည်။khit thit

စစ်ကိုင်းမြို့နယ် ကျားမင်းကြီးကျေးရွာ စစ်ကောင်စီခန့် အုပ်ချုပ်ရေးမှူးအိမ်ကို အောက်တိုဘာလ ၂၄ ရက် ညပိုင်းက ဝင်ရောက်ပစ်ခတ်ခံရတာကြောင့် ၁ ဦးသေဆုံး ၃ ဦး ဒဏ်ရာရတယ်လို့ သိရပါတယ်။

အဲ့ဒီပစ်ခတ်မှုကို အာဏာရှင်စနစ်တိုက်ဖျက်ရေးပြည်သူ့တပ်ဖွဲ့ (PAFD) က လုပ်ဆောင်တာဖြစ်ပြီး ကျားမင်းကြီးကျေးရွာ အုပ်ချုပ်ရေးမှူး ဦးဝင်းအောင်အပါအဝင် ၇ ဦး ဝိုင်းဖွဲ့ထိုင်နေတဲ့အချိန်မှာ ဝင်ရောက်ပစ်ခတ်ခဲ့တာလို့ ဆိုပါတယ်။

“စစ်ကောင်စီက ခန့်တဲ့ အုပ်ချုပ်ရေးမှူးနဲ့ အပေါင်းအပါတွေ ခုနစ်ယောက်လောက် ထိုင်နေတဲ့အချိန် ဝင်ပစ်တာ။ အထိအခိုက်ရှိတယ်” လို့ အာ ဏာရှင်စနစ်တိုက်ဖျက်ရေးပြည်သူ့တပ်ဖွဲ့ (PAFD) အဖွဲ့ဝင်တစ်ဦးက ပြောပါတယ်။

သေနတ်နဲ့ ၇ ချက်ပစ်ခဲ့တာဖြစ်ပြီး ၁ ဦးသေဆုံး၊ ၃ ဦး ဒဏ်ရာရတယ်လို့ အာဏာရှင်စနစ်တိုက်ဖျက်ရေး ပြည်သူ့တပ်ဖွဲ့ (PAFD) ကနေ သိရပါတယ်။ သေဆုံးဒဏ်ရာရမှု အခြေအနေနဲ့ပတ်သက်ပြီး ဒီဗွီဘီက သီးခြားအတည်မပြုနိုင်သေးပါဘူး။DVB

မကွေးတိုင်း ပခုက္ကူမြို့ ရှောင်လမ်းထိပ် သုံးခွစုံနေရာမှာ ထောင်ထားတဲ့ ဗုံး ၄ လုံးကို စစ်ကောင်စီတပ်က ဒီနေ့မနက် ၈ နာရီလောက် လာဖြုတ်ချိန်မှာ ပေါက်ကွဲခဲ့တာကြောင့် တစ်ဦးသေဆုံးခဲ့ပြီး အများအပြား ဒဏ်ရာရရှိခဲ့တယ်လို့ ဒေသခံတွေဆီက သိရပါတယ်။ 

မျက်မြင်ဒေသခံတစ်ဦးက “ပခုက္ကူ မြို့ရှောင်လမ်းထိပ် လမ်းစုံနေရာမှာ  တောင်မြောက်လမ်းအရှေ့ဘက်ခြမ်းမှာ ၂ လုံး အရှေ့အနောက်လမ်း ညာဘက်ခြမ်းမှာ ၂ လုံး အစစ် ဗုံး ၄ လုံးထောင်ထားတာ။ လမ်းလယ်ခေါင်မှာက တြိဂံပုံစံ ပလက်ဖောင်းရှိတယ်။ အဲ့အပေါ်မှာ ‘ငါလိုးမသားစောက်ရူးတွေ’ လို့ စာထည့်ထားတဲ့ ဗုံးအတုကို PDF အဖွဲ့တွေက ထောင်ထားခဲ့တာ။ ဗုံးအတုကိုလာဖြုတ်ချိန်မှာ ဗုံးအစစ် ၄ လုံးထဲက ၃ လုံးထပေါက်ကွဲတာ” လို့ ပြောပါတယ်။

ဗုံးတွေကို Burmese Guerrilla Force နဲ့ Seven PDFက ထောင်ထားခဲ့တာလို့ ထုတ်ပြန်ထားပါတယ်။ 

ပခုက္ကူမြို့မှာ မနက် ၁၀ နာရီမှ ညနေ ၅ နာရီအထိ၊ ည ၈ နာရီမှ မနက် ၄ နာရီအထိ အိမ်အပြင်မထွက်ရ အမိန့်ထုတ်ပြန်ထားတာပါ။DVB

စစ်ကိုင်းတိုင်း၊ မုံရွာမြို့မှ စစ်ကိုင်းမြို့သို့ ထွက်ခွာလာသော စစ်ကား ၁၂ စီးပါ စစ်ကောင်စီယာဉ်တန်းကို မြင်းမူမြို့နယ် အခြေစိုက် ပြည်သူ့ကာ ကွယ်ရေးတပ်ဖွဲ့များက ယနေ့ အောက်တိုဘာလ ၂၅ ရက် မနက်ပိုင်းက မိုင်းခွဲတိုက်ခိုက်ခဲ့သည်။

“ဒီနေ့ မနက် ၈ နာရီလောက်က မုံရွာကနေ စစ်ကိုင်းဘက်ကို ထွက်လာတဲ့ ၁၂စီးပါတဲ့ စစ်ကောင်စီယာဉ်တန်းကို မြင်းမူမြို့နယ် နဘဲကြူးကျေး ရွာနဲ့ ပျော့ရွာအကြား မိုင်တိုင် ၄၂/၁ အနီးမှာ ကျွန်တော်တို့ မြင်းမူမြို့နယ် အခြေစိုက် ပြည်သူ့ကာကွယ်ရေးတပ်ဖွဲ့တွေဖြစ်တဲ့ Ghost Team Ranger၊ Black Eagle Defense Force နဲ့ မြင်းမူ PDF အဖွဲ့တွေ ပူးပေါင်းပြီးတိုက်ခိုက်ခဲ့ပါတယ်။

မိုင်း ငါးလုံးခွဲပြီး တိုက်ခိုက်ခဲ့တာပါ ” ဟု GTR PDF မှ တာဝန်ရှိသူတစ်ဦးက ပြောသည်။ မိုင်းခွဲတိုက်ခိုက်ခံရမှုကြောင့် စစ်ကောင်စီယာဉ်တန်းမှ စစ်ကားတစ်စီး ပျက်စီးခဲ့ပြီး စစ်ကောင်စီတပ်ဖွဲ့ဝင်များ ထိခိုက်ဒဏ်ရာရရှိခဲ့ကြောင်း သိရသည်။ “ စစ်ကားတစ်စီးကတော့ ထိချက်ပြင်းထန်တယ် ။ အဲဒီလိုမိုင်းထိတော့ နောက်က စစ်ကား သုံးစီး က စခ(စစ်ကောင်စီတပ်သား)တွေ ဆင်းလာပြီး ရမ်းပစ်တာ အချက် ၅၀ လောက်ရှိတယ်။

ကျွန်တော်တို့ ပူးပေါင်းအဖွဲ့ကတော့ အထိအခိုက်မရှိဘဲ အောင်မြင်စွာဆုတ်ခွာနိုင်ခဲ့တယ်။ စစ်ကောင်စီယာဉ်တန်း ထိခိုက်ပျက်စီးမှု အခြေ အ နေကတော့ မမြင်ရတော့ မပြောချင်ဘူး။ သေချာတာကတော့ ထိခိုက်ဒဏ်ရာရသူတွေ ရှိလိမ့်မယ်။ မိုင်းထိတဲ့ကားရဲ့ နောက်ပိုင်းက ငါးပေလောက်ကို မြောက်သွားတာ ” ဟု GTR PDF တာ၀န်ရှိသူက ပြောသည်။

မိုင်းခွဲတိုက်ခိုက်ခံရပြီးနောက် စစ်ကောင်စီယာဉ်တန်း၏ စစ်ကား သုံးစီးပေါ်မှ စစ်ကောင်စီတပ်ဖွဲ့ဝင်များဆင်းလာပြီး သေနတ်ဖြင့် အချက် ၅၀ ခန့် ရမ်းသန်း ပစ်ခတ်မှုများ ရှိခဲ့ပြီးနောက် စစ်ကိုင်းဘက်သို့ အလျင်အမြန် မောင်းနှင်ထွက်ခွာသွားကြခြင်း ဖြစ်သည်။ ကျန်စစ်ကားများမှာ မိုင်းဆွဲခံရသည့်အချိန်၌ ချက်ချင်း ဆိုသလို စစ်ကိုင်းဘက်သို့ မောင်းပြေးသွားကြခြင်း ဖြစ်သည်ဟု သိရသည်။

ပြည်သူများအ‌နေဖြင့်လည်း စစ်ကိုင်း -ရွှေဘို -အရာတော်၊ စစ်ကိုင်း -မြင်းမူ -ချောင်းဦး -မုံရွာ အဝေးပြေး လမ်းမပေါ်တွင် ခရီးသွားလာကြပါက စစ်ကောင်စီ ကားများနှင့် လုံးဝ (လုံးဝ) ကပ်မလိုက်ကြရန်၊ စစ်ကောင်စီယာဉ်တန်းမြင်လျှင် ရောက်ရာနေရာတွင်သာ ရပ်နားပေးကြရန်နှင့် ကျန်းမာရေးကိစ္စမှလွဲ၍ ခရီးသွားလာခြင်းမပြုကြပါရန် မြင်းမူအခြေစိုက် ပြည်သူ့ကာကွယ်ရေးတပ်ဖွဲ့များက သတင်းထုတ်ပြန်ထားသည်။mizzima