ယုဇနပလာဇာအား ၄ ရက်ကြာ ပြန်လည်ပိတ်ထားမည်
မကြာမီရက်ပိုင်းက ပြန်လည်ဖွင့်လှစ်ခဲ့သော ယုဇနပလာဇာ၌ ဝါယာလျှော့ဖြစ်ခဲ့သည်ဆိုသောအကြောင်းပြချက်ဖြင့် ယနေ့ နိုဝင်ဘာလ ၅ရက်နေ့မှစတင်ကာ လေးရက်တိုင် ခေတ္တပိတ်ထားကြောင်းသိရသည်။
“မနေ့ညက ဝါယာလျှော့ဖြစ်တယ်တဲ့၊ ဒီနေ့မနက်ကဆို ဆိုင်ကပစ္စည်းတွေသွားပြန်ထုတ်တာ ထုတ်မရဘူး၊ နောက်တော့ဝင်ခွင့်ပေးတယ် မီးတွေပြတ်နေတော့ ဖုန်းမီးလေးနဲ့တော့ဝင်ထုတ်လို့ရခဲ့တယ်။ ဖွင့်တာမှမကြာသေးဘူး ပြန်ပိတ်တော့ ရေရှည်ဘယ်လိုအလုပ်လုပ်ရမလဲ။ ဖွင့်ရင်လည်းဖွင့်၊ မဖွင့်ရင်လည်းပိတ်သာထားလိုက်တော့၊ ပစ္စည်းတွေဆိုင်မှာ ခင်းကျင်းလိုက် ပြန်သိမ်းလိုက်နဲ့အလုပ်အရမ်းရှုပ်တယ်။
ဒီပုံစံအတိုင်းဆို ကိုယ့်ပစ္စည်းတွေလည်း စိတ်မချရတော့ဘူး။ အခုလည်း ဘယ်တော့မှပြန်ဖွင့်မလဲမသိပါဘူး” ဟု ယုဇနပလာဇာထဲရှိ လက်လီ လက်ကားစျေးရောင်းချသူတစ်ဦးက ပြောသည်။သြဂုတ်လမှစတင်ကာ သုံးလကြာယာယီပိတ်ထားခဲ့သော ယုဇနပလာဇာစျေးကြီးအား နိုဝင် ဘာလ ၁ရက်နေ့က ပြန်လည်ဖွင့်လှစ်ပေးခဲ့သည်။
နိုဝင်ဘာ ၄ရက်တွင်မူ ဝါယာလျှော့ဖြစ်သည်ဟုဆိုကာ နိုဝင်ဘာ ၅ရက်မှ ၈ရက်အထိ လေးရက်တာ ပိတ်ထားမည်ဖြစ်သည်။ ဝါယာလျှော့ဖြစ်သည့် အလွှာနှင့် မည်သည့်ဆိုင်က ဖြစ်ခဲ့သည်ကိုမူ မသိရှိရသေးပေ။mizzima
SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS 