SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS

စစ်ကိုင်းတိုင်း၊ ကောလင်းမြို့နယ်တွင် ယနေ့ စစ်တပ်နှင့် PDF တပ်များ တိုက်ပွဲများဖြစ်ပွားပြီး ယနေ့ နိုဝင်ဘာလ ၇ ရက်နေ့ ညနေ ၄ နာရီ ၃၀ မိနစ်တွင် စစ်ရဟတ်ယာဉ်နှစ်စီးဖြင့် ပစ်ခတ်တိုက်ခိုက်မှုများကို စစ်ကောင်စီဘက်က လုပ် ဆောင်လာကြောင်း ကောလင်းမြေပြင်ကင်း ထောက်အဖွဲ့က ရန်ကုန်ခေတ်သစ်သို့ပြောသည်။

စစ်ကိုင်းတိုင်း၊ ကောလင်းမြို့နယ်အနောက်ခြမ်း ချောင်းနား အုပ်စု ညောင်ပင်လှရွာ အနီးတွင် ယနေ့ စစ်တပ်နှင့် PDF များ တိုက်ပွဲဖြစ်ပွားခဲ့ပြီး ညနေ ၄ နာရီ ၃၀ မိနစ်တွင်မူ စစ်ရဟတ်ယာဉ် ၂ စီးဖြင့် လာရောက်ပစ်ခတ်ကြောင်း Kawlin Revolution မှ တာဝန်ရှိသူက ပြောသည်။

“အဆက်အသွယ် ပြတ်နေတုန်း။ ရွာသူရွာသားတွေ အားလုံးပြေးနေရတော့ သတင်းချက်ချင်း တိတိကျကျပေးဖို့ခက်တယ်။ အကြမ်းဖျဉ်းလောက်ပဲ ပြောနိုင်တယ်။ စစ်တပ်က လေကြောင်းသုံးတယ်။ စစ်ရဟတ်ယာဉ် ၂ စင်းနဲ့ လာပစ်တယ်” ဟု Kawlin Revolution မှ တာဝန်ရှိသူကဆိုသည်။ ကောလင်းဒေသခံတစ်ဦးကမူ စစ်ကောင်စီ၏ စစ်ရဟတ်ယာဉ် ၂ စီးသည် ၄၅ မိနစ် နီးပါး ပျံဝဲ၍ ပစ်ခတ်တိုက်ခိုက်ကြောင်း၊ ကျေး ရွာများသို့ ဦးတည် ပစ်ခတ်တိုက်ခိုက်ကြောင်း ပြောဆိုသည်။

စစ်ကိုင်းတိုင်း၊ ကျွန်းလှ၊ တန့်ဆည်ဒေသခံများကလည်း စစ်ရဟတ်ယာဉ် ၂ စင်း ယနေ့ ညနေပိုင်းတွင် ပျံသန်းသွားကြောင်း ပြောဆိုကြရာ အ ဆို ပါ ရဟတ်ယာဉ် ၂ စင်းသည် ကောလင်းဒေသသို့ သွားရောက် ပစ်ခတ်တိုက်ခိုက်သည့် စစ်ရဟတ်ယာဉ်များဖြစ်ကြောင်း ဒေသကာကွယ် ရေးတပ်နှင့်ဒေသခံများထံမှ ရန်ကုန်ခေတ်သစ်က အတည်ပြုချက် ရရှိသည်။khit thit

ရန်ကုန်တိုင်း လှိုင်သာယာမြို့နယ်၊ အမှတ် ၃ ရပ်ကွက် အမျိုးသား တစ်ဦး နေအိမ်ရှေ့မှာ သေနတ်နဲ့ အနီးကပ်ပစ်ခတ်ခံရ​တယ်လို့ မြို့ခံတွေက ပြောပါတယ်။

ပစ်သတ်ခံရသူမှာ ဒလန်ဆိုပြီး နာမည်ထွက်နေတဲ့ ဦးဝေဆိုသူ သမဝါယအဖွဲ့ဝစ်ဦးဖြစ်ကာ အရင်ကလည်း သူရဲ့ နေအိမ်ကို ဗုံးပစ်ခံထားရဖူးတယ်လို့ မြို့ခံတစ်ဦးက ပြောပါတယ်။

“သူ့အိမ်ရှေ့မှာ ဓာတ်ဆီ ဆိုင်ဖွင့်ထားတာလေ။  ဒီကမနက် ၁၀ နာရီသာသာလောက်မှာတော့ ဓာတ်ဆီ လာထည့်တဲ့သူထဲက   သေနတ်နဲ့ အ နီးကပ် ၃ ချက် ပစ်ခတ်တာခံရပြီး ဆေးရုံရောက်မှ သေသွားတာ။” 

ဦးဝေကို သူတို့အဖွဲ့က ပစ်သတ်ခဲ့တာဖြစ်ပြီး နောက်ထပ်ရှင်းလင်းရမယ့် စာရင်းအမြောက်အမြား ကျန်နေသေးတယ်လို့ လှိုင်သာယာ ဒလန်ရှင်းလင်းရေးအဖွဲ့က ပြောပါတယ်။

“ကျနော်တို့ အချိန်ပေးသတင်းယူနေခဲ့တာကြာပါပြီ။ အခုတော့ စာရင်းအားလုံး သေချာပြုစုပြီးပြီ။ အရင်လည်း သတိပေးချက်တွေ ထုတ်တာတို့ ခြောက်လှန့်ဖောက်ခွဲတာတို့ လုပ်ခဲ့ပြီးပြီ။ အခုက စာထုတ် ခြောက်တာလောက်ကို သူတို့က ဂရုတောင်မစိုက်ဘူးဆိုတော့ လက်တွေ့ကျကျပဲ ဖြေရှင်းနည်းကို သုံးလာတာဖြစ်ပါတယ်” လို့ ဆိုပါတယ်။

ပစ်ခတ်မှုဖြစ်ပွားပြီးနောက် စစ်ကောင်စီတပ်ဖွဲ့ဝင်တွေ ရောက်ရှိလာပြီး လမ်းပိတ်တာဆီး စုံစမ်းစစ်ဆေးခဲ့​တယ်လို့ သိရပါတယ်။DVB

စစ်ကိုင်းတိုင်း၊ ကန့်ဘလူမြို့နယ် အထွေထွေအုပ်ချုပ်ရေးဦးစီးဌာန ရပ်ကျေးစာရေး ကိုသူရကျော် ဆိုသူကို Kanbalu Underground Warriors(KBU-UG) အဖွဲ့က သေနတ်ဖြင့် ပစ်ခတ်ခဲ့ရာ သေဆုံးသွားကြောင်း ယမန်နေ့ နိုဝင်ဘာလ ၆ရက်နေ့တွင် ထုတ်ပြန်ထားသည်။

ယမန်နေ့ မနက် ၇နာရီတွင် ကန့်ဘလူမြို့ပေါ်ရှိ ဒီဇင်ဘာ ကွန်ပျူတာဆိုင်အတွင်း၌ ၎င်းကို သေနတ်ဖြင့် လေးချက် ဝင်ရောက်ပစ်ခတ်ခဲ့ခြင်းဖြစ်ပြီး ပွဲချင်းပြီး သေဆုံးသွားကြောင်း သိရသည်။ ၎င်းသည် ကန့်ဘလူမြို့နယ် ဝက်သိုး(တောင်) ကျေးရွာအုပ်စုတွင် အုပ်ချုပ်ရေးပိုင်းအတွက် တာဝန်ထမ်းဆောင်နေသူ အမြဲတမ်းစာရေးတစ်ဦး ဖြစ်သည်။

”သူက မြို့ပေါ်နေ အတွင်းဒလန်ဖြစ်ပြီး CDM ဝန်ထမ်းတွေနဲ့ တော်လှန်ရေးလူငယ်တွေကို ထောက်လှမ်းပြီး မြင်မြင်သမျှ သတင်းပေးရုံမ ဟုတ် ဘဲ စစ်တပ်က လာဖမ်းရင်လည်း ထိပ်ဆုံးကနေ အမြဲတမ်းလမ်းပြတယ်။ ဒါကြောင့်မို့ ရှင်းရတာ”ဟု KBU-UG အဖွဲ့ ခေါင်းဆောင်တစ်ဦးက ပြောသည်။

ယင်းအပြင် ကန့်ဘလူမြို့နယ်အတွင်း အခြားမြို့နယ်များမှ ဒလန်များ၊ ပျူစောထီးအဖွဲ့များ ရောက်ရှိနေသောကြောင့် အဆိုပါ ဒလန် ပျူစောထီးများကိုလက်ခံနေထိုင်ခွင့် ပြုသူများ၏ ထိခိုက်မှုအတွက် တာဝန်ယူမည် မဟုတ်ကြောင်းလည်း ထုတ်ပြန်ထားသည်။mizzima

စစ်ကိုင်းတိုင်း ယင်းမာပင်မြို့နယ် အမှတ် (၂၈) ရဲတပ်ရင်း​အနီးမှာ ​နိုဝင်ဘာ ၇ ရက်​နေ့မနက်ပိုင်းက စစ်​ကောင်စီတပ်ကား ၂ စီး မိုင်းဆွဲတိုက်ခိုက်ခံရတယ်လို့ သိရပါတယ်။

စစ်ဗိုလ်အဆင့်ရှိသူတဦးရဲ့ မင်္ဂလာ​ဆောင်လာတဲ့ စစ်​ကောင်စီကား ၂ စီးဟာ အမှတ် (၂၈) ရဲတပ်ရင်းရဲ့ ​မြောက်ဘက် ​​ရေ​ကျော်အနီးမှာ မိုင်းဆွဲတိုက်ခိုက်ခံရတာဖြစ်ပြီး ကား ၁ စီး ထိမှန်ခဲ့တယ်လို့ ​ဒေသခံ​တွေက​ ပြောပါတယ်။

မိုင်း​ပေါက်ကွဲအပြီး စစ်​ကောင်စီတပ်သား​တွေဟာ လက်နက်ကြီး လက်နက်ငယ်​တွေနဲ့ ရမ်းသမ်း ပစ်ခတ်တာကြောင့် လမ်းသွားလမ်းလာ ပြည်သူ ၁ ဦး ​သေနတ်ထိမှန် ဒဏ်ရာရခဲ့တယ်လို့ သိရပါတယ်။

ဒါ့အပြင် အနီးအနားက ပြည်သူတချို့ကို စစ်ကောင်စီတပ်က ဖမ်းဆီးစစ်ဆေးတာတွေ ပြုလုပ်ခဲ့ပြီး ပြန်လွှတ်​ပေးခဲ့တယ်လို့လည်း ဆိုပါတယ်။

မိုင်းဆွဲတိုက်ခိုက်ခံရမှု​ကြောင့် စစ်​ကောင်စီတပ်သားတွေ ထိခိုက်ကျဆုံးမှု​အခြေအနေနဲ့ ဘယ်အဖွဲ့က လုပ်​ဆောင်တယ်ဆိုတာ မသိရ​​​သေးပါဘူး။DVB

ရန်ကုန်တိုင်း၊ မင်္ဂလာဒုံမြို့နယ် အထွေထွေအုပ်ချုပ်ရေးဦးစီးဌာနရုံးကို ယနေ့ နိုဝင်ဘာလ ၇ ရက်နေ့ မွန်းလွဲ ၁၂ နာရီခွဲတွင် လက်နက်ကိုင်တချို့က ဝင်ရောက်ပစ်ခတ်ရာ စစ်သား ၁ ဦးနှင့် အမျိုးသမီး ၁ ဦး သေဆုံးပြီး စစ်သား ၁ ဦးဒဏ်ရာရရှိကြောင်း ဒေသသတင်းရင်းမြစ်ထံမှ သိရှိရသည်။

မင်္ဂလာဒုံထွေအုပ် ပစ်ခတ်ဖြစ်စဉ်ကို မျက်မြင်ကြုံတွေ့ရသူ တစ်ဦးက ” ထွေအုပ်ရုံး ကင်းတဲဘေး စျေးဆိုင်က အမျိုးသမီးတစ်ဦးသေတယ်။ စစ်သားတစ်ဦးကတော့ ကျည်ထိပြီး ဘုန်းကနဲ လဲသွားတယ်။ နောက်စစ်သားတစ်ဦးကလည်း ပေါင်နဲ့ အခြားနေရာတွေမှာ ဒဏ်ရာရထားတာ အတော်များတယ်” ဟု ပြောဆိုသည်။

“ထွေအုပ်ရုံးကို ဝင်ပစ်တာက အမျိုးသမီးတစ်ဦးသေတယ်။ စစ်သား ၂ ဦး ဒဏ်ရာရတယ်။ ဒဏ်ရာရ စစ်သား ၁ ဦးလည်း သေတယ်လည်း ကြားပါတယ်။ သေနတ်သမား ဖမ်းမိတယ်လို့ပြောကြတယ်ဗျ။ပစ်ခတ်မှု ဖြစ်သွားတာအမှန်ပါပဲ”ဟု မင်္ဂလာဒုံဒေသ သတင်းရင်းမြစ်က ရန်ကုန်ခေတ်သစ်သတင်းဌာနသို့ ပြောဆိုသည်။

ရန်ကုန်ရဲတပ်ဖွဲ့သတင်းရပ်ကွက်နှင့်နီးစပ်သူတစ်ဦးကမူ မင်္ဂလာဒုံပစ်ခတ်မှုမှ သေနတ်သမားများကို လက်ရှိအချိန်အထိ ဖမ်းမိခြင်း မရှိကြောင်း၊ စစ်ကောင်စီက မြို့အဝင်အထွက်များပိတ်၍ ကားများကို စစ်ဆေးလျက်ရှိကြောင်း ပြောဆိုသည်။ ယင်းနောက် မင်္ဂလာဒုံမြို့နယ်၊ ကုန်းတလပေါင်းစံပြကျေးရွာထိပ်ရှိ တပ်ရင်း ၉ ကို လက်နက်ကိုင်တချို့ ယနေ့ မွန်းလွဲ ၁ နာရီ ၃၀ မိနစ်တွင် ဝင်ရောက်ပစ်ခတ်ကြောင်းလည်း သိရှိရသည်။

တပ်ရင်း ၉ တပ်ရင်းမှူးသည် အောက်တိုဘာလ ၂၆ ရက်နေ့ ကုန်းတလပေါင်းစံပြကျေးရွာ အုပ်ချုပ်ရေးမှူး ဝေလင်းအောင် အသတ်ခံခဲ့ရသည့်ဖြစ်စဉ်ကို လာရောက် စစ်ဆေးစဉ် “ယောက်ျားပီပီ တပ်ကို မကျေနပ်ရင် တပ်ကိုလာလုပ်လှည့်ကြ။ ပြည်သူကို လုပ်တာဟာ ယောက်ျားတွေလုပ်ရပ်မဟုတ်ဘူး။” ဟု မှတ်ချက်ပေး စိန်ခေါ်ဖူးကြောင်း မင်္ဂလာဒုံသတင်းရင်းမြစ် MNU က ပြော သည်။ မင်္ဂလာဒုံမြို့နယ် တပ်ရင်း (၉) သည် ကုန်းတလပေါင်းကျေးရွာထိပ်တွင် တည်ရှိပြီး တပ်မိသားစု များ မှာ အထဲ တွင် ခြံစိုက် နေထိုင်ကြကြောင်း၊ တပ်မျှော်စင်တွင် စနိုက်ပါသမား ၂၄ နာရီအချိန်ပြည့်ရှိပြီး ကင်းပုန်းများချထားလေ့ရှိသည့်နေရာလည်းဖြစ်ကြောင်း သိရှိရသည်။khit thit

နိုဝင်ဘာလ ၅ ရက် မနက် ၄ နာရီလောက်က စစ်ကောင်စီတပ်က ဖမ်းဆီးသွားတဲ့ စစ်ကိုင်းတိုင်း၊ ရေဦးမြို့နယ်၊ ပင်စိမ်းခင်းရွာသား ၃ ဦးကို တွေ့ခွင့်မရသေးတာကြောင့် မိသားစုတွေ စိုးရိမ်နေကြတယ်လို့ သိရပါတယ်။

“အောင်သာယာရွာမှာ တပ်စွဲထားတဲ့ စစ်ကောင်စီတပ်တွေက လာဖမ်းသွားတာ ရေဦးမြို့မ ရဲစခန်းကို နေ့ချင်းပို့လိုက်ကြတယ်။ သူတို့ကို ဖမ်းခေါ်သွားတဲ့ ကားတောင် မုံတိုင်ပင်ရွာအနီးက တူးမြောင်းဘောင်ပေါ်မှာ မိုင်းခွဲခံလိုက်ရသေးတယ်၊ မိသားစုတွေက တွေ့ခွင့်တောင်းတာ တွေ့ခွင့်မရကြလို့ စိုးရိမ်နေကြတယ်” လို့ ဒေသခံတစ်ဦးက ပြောပါတယ်။ 

ဖမ်းဆီးခံရသူတွေဟာ ဦးမြင့်ဇော်  (၄၀-နှစ်)၊ ဦးဖိုးပိန် (၄၅-နှစ်)နဲ့ ဦးမိုးမင်း (၂၈-နှစ်)တို့ ဖြစ်ပြီး ဖုန်း ၅ လုံးပါ သိမ်းဆည်းယူဆောင်သွားပြီး၊ ဖုန်း  ၃  လုံးကိုတော့ ပြန်ပေးထားခဲ့တယ်လို့ သိရပါတယ်။ 

ရေဦးမြို့နယ်မှာ နိုဝင်ဘာ ၄ ရက်နေ့ကလည်း တင်းတိန်ယံ အုပ်စုအတွင်းက လူငယ် ၉ ဦး ဖမ်းဆီးခံခဲ့ရပါတယ်။DVB

ကျောက်ဆည်ခရိုင်၊ မြစ်သားမြို့နယ်၊ ရခိုင်ကြီးတိုက်နယ်အတွင်းရှိ မြင်းထားဝယ် အရှေ့ဘက်တံတား အနီး၌ နိုဝင်ဘာလ ၅ ရက် ညတွင် စစ်ကောင်စီ ကားတစ်စီး မိုင်းခွဲတိုက်ခိုက်ခံခဲ့ရပြီး စစ်သားနှစ်ဦး သေဆုံးသွားကြောင်း ဒေသခံ သတင်းရင်းမြစ်က ပြောသည်။နိုဝင်ဘာလ ၅ ရက် ည ၁၀ နာရီ ဝန်းကျင်တွင် ရခိုင်ကြီးတိုက်နယ်၊ ပြည်လုံးအေးရွာရှိ Mytel တာဝါတိုင် မိုင်းကွဲခဲ့ရာ ယင်းဖြစ်စဉ်ကို လာစစ်ဆေးသည့် စစ်ကောင် စီကားသည် ညသန်းခေါင်ကျော် အချိန် ၀၀:၄၀ မိနစ်တွင် မိုင်းခွဲ တိုက်ခိုက်ခံရခြင်း ဖြစ်သည်။

ဒဏ်ရာရသူများကို စစ်ကောင်စီတပ်က ရခိုင်ကြီး တိုက်နယ်ဆေးရုံသို့ ခေါ်သွားခဲ့ရာ နိုဝင်ဘာ ၆ ရက်နေ့တွင် စစ်ကောင်စီ တပ်သား နှစ်ဦး သေ ဆုံးသွားပြီး ဆေးရုံ၌ အမိန့်ပြန်( သေဆုံးသူအား သင်္ဂြ ိုဟ်ခါနီး မူလဘဝနှင့် မသတ်ဆိုင်ကြောင်း ထုတ်ပြန်)လိုက်သည်ဟု သတင်းရင်းမြစ်က ပြောသည်။ ထိုဖောက်ခွဲမှုများကို ကျောက်ဆည်နဂါးနီ ပြောက်ကျားတပ်ဖွဲ့နှင့် အမည်မဖော်လိုသော မြေပြင် တိုက်ခိုက်ရေး အဖွဲ့တို့က ၎င်းတို့ လုပ်ဆောင်သည်ဟု ထုတ်ပြန်ထားသည်။

မိုင်းဆွဲခဲ့သည့် လမ်းသည် ကတ္တရာလမ်း ဖြစ်ခြင်းကြောင့် လမ်းဘောင်မှ မိုင်းဆွဲခဲ့ရကြောင်းနှင့် စစ်ကောင်စီကားတွင် အင်အား ၁၃ ယောက်ပါသည်ဟု သိရသည်။ ”မိုင်းပေါက်ကွဲတော့ ကားကြီးက လမ်းပေါ်ကနေ ဖင်(ကားနောက်ပိုင်း)တစ်ခြမ်း ရွေ့သွားတယ်။ ကားပေါ်က လူတစ် ဝက် ထိခိုက် ဒဏ်ရာရသွားတယ်။

သူတို့ဘက်က ၁၂ ချက်လောက် သေနတ်ဖောက်တယ်။ ပြီးတော့ နောက်ကြောင်းအတိုင်း ကားကိုပြန်ဆုတ်သွား တယ် ” ဟု ကျောက်ဆည် န ဂါးနီ ပြောက်ကျား တပ်ဖွဲ့ခေါင်းဆောင် တစ်ဦးက ပြောသည်။ရခိုင်ကြီး တိုက်နယ် ဆေးရုံအတွင်း၌ စစ်ကောင်စီတပ်သား အင်အား ၅၀ ခန့် တပ်စွဲ ထားပြီး ပြည်လုံးအေးရွာ ဥက္ကဋ္ဌနှင့် ရာအိမ်မှူးကို ဆင့်ခေါ် မေးမြန်းခဲ့သည်ဟုသိရသည်။mizzima

စစ်ကောင်စီတပ်က အောက်တိုဘာ ၂၈ ရက်ကနေ စတင်ပြီး မြေပြင်အင်အားအလုံးရင်းသာမက လေကြောင်းအသုံးပြုပြီး ထိုစစ်ဆင်နေတာခိုက်တာတွေ လုပ်ခဲ့တာကြောင့် စစ်ကိုင်းတိုင်းဒေသကြီး၊ ကျွန်းလှမြို့နယ်က ပြည်သူထောင်နဲချီ ထွက်ပြေးနေရတယ်လို့ သိရပါတယ်။

ဒေသတွင်း ကျွဲတဲရွာ ၁၃၀၀၊ အင်လှရွာ ၁၂၀၀၊ အေးချမ်းသာရွာ ၅၀၀ နဲ့ မယားသာရွာ ၁၃၀၀၊ လိပ်ဆင်းတောင်ရွာက ဒေသခံ ၁၅၀၀၊ ခပေါင်းရုံရွာ ၈၀၀၊ ဥသျှစ်ကုန်းရွာ ၇၅၀ နဲ့ တပူတောရွာ ၁၃၅၀ စတဲ့ ကျေးရွာ ၈ ရွာက ဒေသခံတွေ ထောင်နဲ့ချီ ဘေးလွတ်ရာကို ထွက်ပြေးနေရတယ်လို့ ဒေသခံတွေစီကနေ သိရပါတယ်။

အင်လှရွာ တောင်သူတစ်ဦးက “ကျနော်တို့အရင်က ကိုယ့်လယ်ယာကို အေးအေးဆေးဆေး လုပ်လို့ရခဲ့တယ်ပေါ့။ အခုဟာက ဘယ်လုပ်ငန်းမှ လုပ်လို့မရသလို အသက်မသေအောင် လုပ်နေရတယ်။ ဒီအချိန်မှာ စပါးရိတ်သိမ်း ရမယ့်အချိန် ဖြစ်သလို ပဲခင်းပြန်စိုက်ရမယ့် ရာသီချိန်လည်း ဖြစ်ပါတယ်။ အခုလိုဖြစ်နေတော့ ဘာမှမလုပ်ရဘဲ ပျက်စီးရမယ့်အခြေအနေ ဆိုက်ရောက်နေတယ်။ စစ်ကောင်စီတပ်တွေက ကျေးရွာအတွင်း ဝင်ရောက်ရှာဖွေကာ နေအိမ်တွေပါ မီးရှို့တာလည်း လုပ်တယ်ဗျ။ မနေ့က အောင်ချမ်းသာရွာက နေအိမ်နှစ်လုံး မီးရှို့ခံရတယ်။ ဒီနေ့လည်း လိပ်ဆင်းတောင်ဘက်မှာလည်း မီးရှို့တာတွေ လုပ်နေတယ်” လို့ ပြောပါတယ်။

ဒီနေ့ နိုဝင်ဘာ ၇ ရင်နေ့မှာလည်း လိပ်ဆင်းတောင်ကျေးရွာအနီး ပြည်သူကာကွယ်ရေးတပ်နဲ့ စစ်ကောင်စီတပ်တို့ တိုက်ပွဲဖြစ်ပွား‌နေပြီး တိုက်ပွဲရဲ့ အသေစိတ်အချက်လက်ကိုတော့ မသိရသေးဘူး။

တိုက်ပွဲတွေကြောင့် စစ်ဘေးရှောင်တွေ အစားအသောက်နဲ့ ဆေးဝါးအကူအညီတွေ လိုအပ်နေပြီး  တိုက်ပွဲကြာရှည်ပါက ဒေသခံတွေအတွက် ကျန်းမာရေးဆိုးဆိုးဝါးဝါးထိခိုက်လာနိုင်ပြီး စိုရိမ်ရတယ်လို့ စစ်ဘေးရှောင်ကူညီပေးနေသူပရဟိတ တဦးက ပြောပါတယ်။DVB

တောင်ကိုရီးယားရှိ မြန်မာစစ်သံရုံးရှေ့တွင် စစ်အာဏာသိမ်းမှုကိုဆန့်ကျင်သည့် ဆန္ဒပြပွဲပြုလုပ်ခဲ့သည်။နိုဝင်ဘာ ၇ ရက် မွန်းလွဲ ၁၂ နာရီက တောင်ကိုရီးယားနိုင်ငံ ဆိုးလ်မြို့ရှိ မြန်မာစစ်သံရုံးဝန်းကျင်တွင် တောင်ကိုရီးယားနိုင်ငံရောက် မြန်မာနိုင်ငံသားများက ပြုလုပ်ခဲ့ခြင်းဖြစ်သည်။နှစ်နာရီကြာပြုလုပ်သည့် ဆန္ဒပြပွဲအား စစ်အာဏာသိမ်းမှုဆန့်ကျင်ရေးကော်မတီ(ကိုရီးယား)မှ ဦးဆောင်စီစဉ်ပြီး မြန်မာနိုင်ငံသား ၇၀ ဝန်း ကျင် ခန့် တက်ရောက်ခဲ့ကြသည်။

မင်းအောင်လှိုင်ဦးဆောင်သည့် စစ်တပ်က ပြည်သူ့အာဏာကို လက်နက်ဖြင့် မတရားလုယူသိမ်းပိုက်ထားခြင်းနှင့် အပြစ်မဲ့မြန်မာပြည်သူလူထုအား ဖမ်းဆီးနှိပ်စက်သတ်ဖြတ်နေခြင်းကို ပြင်းထန်စွာ ကန့်ကွက်ကြောင်း၊ စစ်တပ်က တိုင်းရင်းသားများ၏ အသက်အိုးအိမ်စည်းစိမ်အား အ ကြမ်းဖက် ဖျက်ဆီးနေခြင်းအား လုံးဝ ရှုတ်ချကြောင်း၊ မတရားဖမ်းဆီးထားသည့် ခေါင်းဆောင်များနှင့် ပြည်သူများအား ချက်ချင်း ပြန်လွှတ် ပေးရန် တောင်းဆိုကြောင်း ဆန္ဒထုတ်ဖော်ခဲ့ကြသည်။

စစ်အာဏာသိမ်းမှု ဆန့်ကျင်ရေးကော်မတီ(ကိုရီးယား)သည် တောင်ကိုရီးယားရောက် မြန်မာနိုင်ငံသားများမှ ထည့်ဝင်လှူဒါန်းကြသည့် အလှူငွေစုစုပေါင်း ဝမ် ၈၂၁,၁၃၆,၅၉၆ ကို CDM ဝန်ထမ်းများ၊ NUG၊ PDF တို့ထံ ပေးပို့လှူဒါန်းခဲ့သည်။ထို့ပြင် ကော်မတီ၏ ONE DAY CHALLENGE ကမ်ပိန်းမှ လစဉ်ရရှိသည့် အလှူငွေ ဒေါ်လာ၁သိန်းကိုလည်း အောက်တိုဘာလမှ စတင်၍ NUGသို့ လစဉ် ဘဏ်မှတဆင့် ပေးပို့ထောက်ပံ့လျက်ရှိသည်ဟု စစ်အာဏာသိမ်းမှုဆန့်ကျင်ရေး (ကိုရီးယား) က ထုတ်ပြန်သည်။mizzima

ရှမ်းပြည်နယ်တောင်ပိုင်း ဖယ်ခုံမြို့နယ်မှာ နိုဝင်ဘာလ ၆ ရက်နေ့က အာဏာသိမ်းစစ်ကောင်စီနဲ့ ဒေသခံပြည်သူ့ကာကွယ်ရေးတပ်ဖွဲ့အကြား တိုက်ပွဲတွေပြင်းထန်ခဲ့ပြီးနောက်ပိုင်း နိုဝင်ဘာလ ၇ ရက်နေ့ မနက်ပိုင်းမှာ ဒေသခံတိုင်းရင်းသားတွေ ရွာလုံးကျွတ် နေရပ်စွန့်ခွာနေကြရပါတယ်။

တိုက်ပွဲတွေဖြစ်ပွားရာ ဟိန္မရပ်ကွက်၊ ဂျေရောဗလိုရွာသား တိုင်းရင်းသားတွေလည်း တပ်ရင်း ၄၂၂ နဲ့ နီးတာကြောင့် ရွာထဲကို လက်နက်ကြီးတွေနဲ့ စစ်တပ်ဘက်ကပစ်မှာစိုးတာကြောင့် ရွာလုံးကျွတ်နီးပါး ဒီနေ့မနက်ပိုင်းမှာ နေရပ်စွန့်ခွာလာကြတယ်လို့ စစ်ဘေးရှောင်တွေကို ကူညီပေးနေသူတဦးက DVB ကိုပြောပါတယ်။

နေရပ်စွန့်ခွာပြီး စစ်ဘေးရှောင်လာတဲ့အထဲမှာ သက်ကြီးရွယ်အိုတွေ မိန်းကလေးငယ်တွေနဲ့ ကလေးငယ်တွေ အများဆုံးပါဝင်နေပြီး ထွက်မလာနိုင်သေးတဲ့ ရွာသားတချို့တော့ ကျန်နေခဲ့သေးတယ်လို့ ဆိုပါတယ်။DVB