ကလောမြို့ EPC ရုံးတွင် ဗုံးပေါက်ကွဲမှု ဖြစ်ပွား
ရှမ်းပြည်နယ်တောင်ပိုင်း ကလောမြို့ ရှိ လျှပ်စစ်မီတာရုံး (EPC) ဝင်းအတွင်း ယနေ့နိုဝင်ဘာလ ၁၆ ရက် ည ၈ နာရီအချိန်က ဗုံးပေါက်ကွဲမှုဖြစ် ပွားခဲ့ကြောင်း သိရသည်။
” အသံကတော့ တော်တော်ကျယ်တယ်။ ဘုရားရှိခိုးနေရင်း အုန်းဆိုပြီး အသံအကျယ်ကြီး တစ်ချက်ပဲ ကြားလိုက်တာ။ EPCရုံးအဝင်က အလံ တိုင်နားမှာ ပေါက်တယ်လို့ ကြားတယ်။ ဝန်ထမ်းနှစ်ယောက် ထိသွားတယ်လို့ ပြောနေကြတယ်” ဟု ကလောမြို့ ဒေသခံ တစ်ဦးက ပြောသည်။တစ်ခြားသောဒေသခံတစ်ဦးကတော့ လူတစ်ဦးရင်ဘတ်အနည်းငယ်ထိခိုက်သွားပြီး ပြူတင်းမှန်ကွဲသွားသည်ဟုဆိုသည်။
ပေါက်ကွဲမှုဖြစ်ပွားသောနေရာသည် စစ်ထောက်လှမ်းရေးရုံးနှင့်လည်းအလှမ်းမဝေးသောနေရာတွင်တည်ရှိပြီး စစ်ဦးစီးတက္ကသိုလ်၏ ပင်မဝင်ဂိတ်ကိုရောက်ရာလမ်းပေါ်တွင်တည်ရှိသည်။ ပေါက်ကွဲမှု ဖြစ်ပြီးနောက် စစ်ကောင်စီတပ်များက EPCရုံး အနီးတစ်ဝိုက်နှင့် ရဲစခန်းရှေ့ နာရီစင်လမ်းတစ်လျှောက်ကိုလည်းပိတ်ဆို့ စစ်ဆေးမှုများ ပြုလုပ်နေကြောင်း သိရသည်။mizzima
SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS 