ဒီးမော့ဆိုမြို့နယ်တွင် စစ်ကောင်စီတပ်နှင့် က ရင်နီတပ်ဖွဲ့ကြား တိုက်ပွဲဖြစ်ပြီး စစ်ကောင်စီတပ်မှ ၁ ဦးသေဆုံး၊ စစ်ကောင်စီတပ်က နေ အိမ်များအား မီးရှို့ပြီး ပြည်သူ ၂ ဦးအား အ ကြောင်းမဲ့ ပစ်သတ်
ကယား (ကရင်နီ) ပြည်နယ်၊ ဒီးမော့ဆိုမြို့နယ်၊ ၅ မိုင်နှင့် ၆ မိုင်ကျေးရွာ တလျှောက်တွင် အကြမ်းဖက်စစ်ကောင်စီတပ်များနှင့် ကရင်နီတပ်မ တော် KA၊ KNDF ပူးပေါင်းတပ်ဖွဲ့များကြား ယနေ့ နိုဝင်ဘာလ ၁၈ ရက် နေ့လယ် ၁၂ နာရီခန့်တွင် တိုက်ပွဲဖြစ်ပွားခဲ့ပြီး စစ်ကောင်စီတပ်သား ၁ ဦး သေဆုံးခဲ့ကာ တိုက်ပွဲအတွင်း၌ စစ်ကောင်စီတပ်က ၆ မိုင်ကျေးရွာရှိ နေအိမ်များကို မီးရှို့ဖျက်ဆီးခြင်း၊ လက်နက်ကြီးဖြင့် ပစ်ခတ်ခြင်းများပြုလုပ်ခဲ့သလို အပြစ်မဲ့ပြည်သူ ၂ ဦးအား အကြောင်းမဲ့ ပစ်သတ်သွားကြောင်း KNDF က သတင်းထုတ်ပြန်သည်။
လွိုင်ကော်မြို့မှတဆင့် ဒီးမော့ဆို၊ ဖရူဆိုနှင့် ဘော်လခဲမြို့များအတွက် စစ်အင်အားဖြည့်တင်းမည်ဟု ယူဆရသော စစ်ကား အစီး ၂၀ ပါ ယာဉ်တန်းအား ကရင်နီပူးပေါင်းတပ်ဖွဲ့မှ တိုက်ခိုက်ခဲ့ခြင်းဖြစ်သည်။
အကြမ်းဖက်စစ်ကောင်စီတပ်များသည် ဒီးမော့ဆိုမြို့နယ်တွင် တပ်အင်အားများ ဖြည့်တင်းနေသလို ဖရူဆို၊ ဘော်လခဲမြို့နယ်များဘက်သို့ တပ်အင်အား ဖြည့်တင်းရန်ကြိုးစားလျက်ရှိပကြောင်း၊ ကယန်းလူမျိုးများနေထိုင်ရာ ဖယ်ခုံမြို့နယ်၊ အနောက်ကယန်းဒေသဘက်သို့ အင်အား (၃၀၀) ကျော်ဖြင့် အကြမ်းဖက်စစ်ကောင်စီတပ်များ စစ်ကြောင်းထိုးလျက်ရှိကြောင်း KNDF က သတင်းထုတ်ပြန်ထားသည်။ khit thit
SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS 