PDF (Kalay) တပ်ရင်း-၃ ဝင်ရောက်စီးနင်းခံရစဉ် ရဲဘော် ၂ ဦးနှင့် ဆေးတပ်ဖွဲ့မှ မချင်းချင်း ကျဆုံး၊ ဆေးတပ်သား အမျိုးသမီး ၉ ဦး ဖမ်းခံထားရဆဲ

စစ်ကိုင်းတိုင်း၊ ကလေးမြို့အနောက်တောင်ဘက်ရှိ ကလေးမြို့နယ် ပြည်သူ့ကာကွယ်ရေးတပ်ဖွဲ့ တပ်ရင်း-၃၊ တပ်ခွဲစခန်းတစ်ခု နိုဝင်ဘာလ ၁၆ ရက် နံနက် ၈ နာရီခန့်တွင် ဝင်ရောက်စီးနင်းခံရစဉ် စခန်းတွင် ကျန်ရှိနေသည့် PDF ရဲဘော် ၂ ဦးနှင့် ဆေးတပ်ဖွဲ့မှ Mai Biak Rem Chin (ခ) ချင်းချင်းတို့ စစ်ကောင်စီတပ်က ပစ်ခတ်သော လက်နက်ကြီးကျည် ထိမှန်ပြီး ကျဆုံးသွားကြောင်း သတင်းရရှိသည်။

အဆိုပါ ၃ ဦးသည် တပ် ရင်း-၃ စခန်း ဝင်ရောက်စီးနင်းခံရစဉ် စစ်ကောင်စီတပ်က ပစ်ခတ်သော လက်နက်ကြီးကျည်ထိမှန် ကျဆုံးခဲ့သည်ဟု သိရှိရပြီး PDF ရဲဘော် ၂ ဦး၏ အလောင်းကို နေရာတွင် သဂြိုလ်လိုက်ရကြောင်း ကလေးမြို့သတင်းရင်းမြစ်က ရန်ကုန်ခေတ်သစ်သို့ ပြောဆိုသည်။

တပ်ရင်း-၃ မှ ဖမ်းဆီးခံလိုက်ရသော ဆေးတပ်ဖွဲ့မှ အမျိုးသမီးများကို ခေါ်ဆောင်ကာ နဂါးပွက်ကျေးရွာသို့ စစ်ကောင်စီတပ်များ ထွက်ခွာသွားခဲ့ပြီး အဆိုပါ နဂါးပွက်ရွာအတွင်းတပ်စွဲထားသော စစ်ကောင်စီတပ်နှင့် ဒေသကာကွယ်ရေးတပ်ဖွဲ့များကြား ယနေ့နံနက်ပိုင်းတွင် တိုက်ပွဲဖြစ် ပွားခဲ့သည်။

နိုဝင်ဘာလ ၁၆ ရက် နံနက်ပိုင်းတွင် PDF (Kalay) တပ်ရင်း-၃ က ရဲဘော်များ ရှေ့တန်းထွက်နေချိန် အဆိုပါစခန်းအား ဝင်ရောက်စီးနင်းခံခဲ့ရခြင်းဖြစ်ပြီး စခန်းတွင် နေမကောင်းဖြစ်နေသော PDF ရဲဘော် ၂ ဦးနှင့် ဆေးတပ်ဖွဲ့မှ အမျိုးသမီး ၁၀ ဦး တို့သာ ကျန်ရှိနေချိန်ဖြစ်သည်။ khit thit

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s