ကံပေါက်နှင့် မော်ကျွန်းတို့တွင် သတင်းပေး ဟု သတ်မှတ်ခံရသူ ၂ ဦး ပစ်သတ် ခံရ၊ မင်္ဂလာ ဒုံတွင် ရာအိမ်မှူး ပေါင်မုန့် ပစ်ခတ်ခံရ၊ ဒီပဲယင်းတွင် ပျူစောထီး အဖွဲ့ဝင် ငြိမ်းအေး မိမိကိုယ်ကို သတ်သေ
တနင်္သာရီတိုင်း၊ ထားဝယ်ခရိုင် ကံပေါက်ဒေသ ဖားချောင်းကျေးရွာတွင် နိုဝင်ဘာ ၁၉ ရက်နေ့တွင် သတင်းပေးဟု သတ်မှတ်ခံရသူ ကျော်ဦးကို ဒေသခံပြည်သူကာကွယ်ရေး တပ်ဖွဲ့များနှင့် KBDF (KANBAUK DEFENSE FORCE-KBDF)အဖွဲ့တို့က ပစ်ခတ်တိုက်ခိုက်ခဲ့ပြီး ပွဲချင်းပြီး သေ ဆုံးကာ နေအိမ်ကိုပါ မီးရှို့ဖျက်ဆီးခဲ့ကြောင်း KBDF အဖွဲ့ထံမှ သိရသည်။” သူက သတင်းပေး ဒလန်အကြီးစား သူသတင်းပေးလို့ ဖမ်းခံရတာတွေ ရှိတယ်လို့ သိရတယ်။ စစ်တပ်က ရွာထဲက လူတွေကို ခေါ်စစ်တာတွေရှိတယ်” ဟု ဒေသခံပြည်သူ တစ်ဦးကပြောဆိုသည်။
အလားတူ ဧရာဝတီတိုင်း မော်လမြိုင်ကျွန်းမြို့နယ် အလယ်ရေကျော်အုပ်စု ရေဖြူကန်ကျေးရွာတွင် နေထိုင်သော မဂျစ် ဆိုသူကို နိုဝင်ဘာ ၂ဝရက်နေ့ ည ၈နာရီတွင် MG Warrior အဖွဲ့နဲ့ ဝါးခယ်မ ပျောက်ကျားတပ်ဖွဲ့တို့က ပစ်ခတ်တိုက်ခိုက်ခဲ့ပြီး ပွဲချင်းပြီး သေဆုံးခဲ့ကြောင်း အဆိုပါအဖွဲ့ ထံမှ သိရသည်။ သေဆုံးသူ အမျိုးသား မဂျစ်ဆိုသူသည် စစ်ကောင်စီ၏ သတင်းပေး ဖြစ်ပြီး အကြမ်းဖက်စစ်ကောင်စီကို ရိက္ခာ ထောက် ပံ့ပို့ဆောင်နေသူကာ မြို့နယ်အတွင်းရှိ စစ်ကောင်စီအဖွဲ့ဝင်များနှင့် ပူးပေါင်းပြီး ကျွဲ၊ နွား မှောင်ခိုရောင်းဝယ် လုပ်ကိုင်နေကြောင်း၊ ၎င်းနှင့် မတည့်သူများကို စစ်တပ်တိုင်ကာ ဖမ်းဆီးခြင်းများ လုပ်ဆောင်ပြီး ပြည်သူများကို ဒုက္ခပေးနေသူဖြစ်ကြောင်း ဒေသခံပြည်သူများ ပြောဆိုချက်အရ သိရသည်။
အလားတူ ရန်ကုန် မင်္ဂလာဒုံမြို့နယ် ကုန်းတလပေါင်းစံပြကျေးရွာတွင် ယနေ့ နိုဝင်ဘာလ ၂၁ ရက်နေ့ နေ့လည် ၂ နာရီတွင် ရာအိမ်မှူး ဦးပေါင် မုန့်ဆိုသူကို အမည်မသိ သေနတ်သမားများက ပစ်ခတ်တိုက်ခိုက်ခဲ့ပြီး သေနတ်ကျည် ၃ချက်ထိမှန်ကာ ဆေးရုံသို့ ပို့ဆောင်ထားရကြောင်း မင်္ဂ လာဒုံအမျိုးသားအစည်းအရုံးအဖွဲ့ထံမှ သိရသည်။ ရာအိမ်မှူး ပေါင်မုန့်ဆိုသူသည် ယနေ့ နေ့လယ်ပိုင်းတွင် ဈေးဆိုင် ထိုင်နေစဉ် အမည်မသိ သေနတ်သမားများက လက်မောင်း၊ ဝမ်းဗိုက်၊ ပေါင် တို့ကို ပစ်ခတ်တိုက်ခိုက်ခံရပြီး လက်ရှိချိန်တွင် ဆေးရုံသို့ ပို့ဆောင်ထားရကာ အသက်သေဆုံးခြင်းမရှိကြောင်း ဒေသခံပြည်သူများ ပြောဆိုချက်အရ သိရသည်။
ထို့ပြင် စစ်ကိုင်းတိုင်း ဒီပဲယင်းမြို့နယ် သပြေသာရွာသား ပျူစောထီးအဖွဲ့ဝင် ငြိမ်းအေးသည် ၎င်းနေအိမ်တွင် နိုဝင်ဘာလ ၁၉ ရက်နေ့ နံနက် ၅ နာရီအချိန်တွင် မိမိကိုယ်ကို သတ်သေသွားကြောင်း ဒေသခံပြည်သူများ ပြောဆိုချက်အရ သိရသည်။ ” ဘာကြောင့် သတ်သေလဲတော့ အတိ အကျမသိရဘူး။ သေတမ်းစာတွေလည်း မတွေ့ရဘူး။ သူက ပျူစောထီး အဖွဲ့ဝင်လေ ရွေဘို ညောင်ကိုင်းရွာက ပျူစောထီးအဖွဲ့ဝင်တွေနဲ့ ပေါင်းပြီး ညောင်ကိုင်းရွာနဲ့ အနီးတဝိုက်ကရွာတွေမှာရှိတဲ့ ပြည်သူပိုင် ပစ္စည်းတွေကို ခိုးယူဖျက်စီးတာတွေ စစ်ခွေးတွေရဲ့ ခိုင်းသမျှ အကုန်လုပ်တဲ့ ပျူစောထီးအဖွဲ့ဝင် တစ်ယောက်ပေါ့” ဟု ဒေသခံ ပြည်သူတစ်ဦးကပြောဆိုသည်။ khit thit
SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS 