ဒီမော့ဆို ပြည်သူ့ ကာကွယ်ရေးတပ်ဖွဲ့က စစ်ရှောင်တွေရဲ့ စပါးကို ခိုးယူတယ်လို့ သတင်းမှားဖြန့်ဝေ

ဒီမော့ဆို ပြည်သူ့ကာကွယ်ရေး တပ်ဖွဲ့ (DMO-PDF) တွေဟာ နေရပ်စွန့်ခွာသွားတဲ့ စစ်ရှောင်တွေရဲ့ စပါးတွေကို ခိုးယူတယ်ဆိုတဲ့ သတင်းတစ်ခုကို Fact Checker Myanmar ဆိုတဲ့ Facebook Page မှာ နိုဝင်ဘာလ ၂၃ ရက်နေ့က ကာကွယ်ရေး တပ်ဖွဲ့ တွေ စပါးသယ်နေတဲ့ ဓာတ်ပုံ ၂ ပုံ နဲ့အတူ ရေးတင်ထားပါတယ်။အဆိုပါ ရေးသားမှုဟာ သတင်းအမှားတစ်ခုသာ ဖြစ်ပါတယ်။

ဘာဖြစ်လို့လဲဆိုတော့ Fact Checker Myanmar ဆိုတဲ့ Facebook Page က အသုံးပြုထားတဲ့ ဓာတ်ပုံနဲ့ ရေးတင် ထားတဲ့ စာတွေဟာ နိုဝင် ဘာလ ၂၁ ရက်နေ့က ပြည်သူ့ကာကွယ် ရေးတပ်-ဒီးမော့ဆိုမြို့နယ်က ထုတ်ပြန်ထားတဲ့ အိုးအိမ်စွန့်ခွာ တိမ်းရှောင် ပြည်သူတွေရဲ့ စပါးခင်းတွေကို DMO-PDF တပ်ရင်း( i ) က ကူညီ ရိတ်သိမ်းပေးနေကြောင်း ထုတ်ပြန်ချက်ထဲက အချက်အလက်တွေကို စကားလုံး ပြောင်းထည့်ပြီးတော့ ပြင်ဆင်ရေးသားထား လို့ပဲ ဖြစ်ပါတယ်။

နိုဝင်ဘာလ ၂၁ ရက်နေ့က ပြည်သူ့ကာကွယ်ရေးတပ်-ဒီးမော့ဆိုမြို့နယ်ရဲ့ သတင်းထုတ်ပြန်မှုကို ဒီလင့်မှာ https://bit.ly/3oZOnL1 တွေ့နိုင်ပါတယ်။ဒါကြောင့် Fact Checker Myanmar ဆိုတဲ့ Facebook Page က အသုံးပြုထားတဲ့ ဓာတ်ပုံနဲ့ ရေးတင်ထားတဲ့ စာတွေဟာ တကယ့်မြေ ပြင်မှာ လက်တွေ့ဖြစ်ပေါ်နေတဲ့ အခြေအနေမှန်ကို ရေးသားထားတာ မဟုတ်ပဲ PDF တွေကို ပြည်သူတွေက အထင်အမြင်မှားအောင် ဝါဒဖြန့်ရေးသားထားတဲ့ သတင်းအမှားသာ ဖြစ်တယ်ဆိုတာကို စီစစ် တွေ့ရှိခဲ့ရပါတယ်။

ယခုလိုမျိုး နိုင်ငံရေး မတည်မငြိမ်ဖြစ်နေတဲ့ ကာလမှာ သတင်းအမှား ဖြန့်ဝေသူတွေဟာ ပုံစံအမျိုးမျိုးနဲ့ သတင်းအမှားတွေကို ဖန်တီးရေးသား ဖြန့်ဝေနေကြပြီး သတင်းအချက်အလက် အမှားတွေနဲ့ ဓာတ်ပုံအဟောင်းတွေကို အသုံးပြုတာရှိသလို ဓာတ်ပုံရဲ့ မှန်ကန်တဲ့ အချက်အလက်မ ဟုတ်တဲ့ အရေးအသားတွေနဲ့ ဖြန့်ဝေနေကြတာ ကိုလည်း တွေ့ရပါတယ်။ဒီလိုမျိုး ဖြန့်ဝေနေကြတဲ့အတွက် လူမှုကွန်ရက် သုံးစွဲသူ စာဖတ်ပ ရိတ်သတ်တွေအနေနဲ့ အခုလိုမျိုး ကာလမှာ သတင်းတွေကိုဖတ်ပြီး ဖြန့်ဝေတော့မယ်ဆိုရင် ကိုယ့်ဖြန့်ဝေမယ့် သတင်းဟာ သတင်းဌာနတွေမှာ ရှိ/မရှိ တင်/ မတင် သေချာစီစစ်ပြီးမှ ထပ်ဆင့်ဖြန့်ဝေဖို့ သင့်ပါတယ်။ mizzima

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s