တောင်ကြီးမြို့ Ocean Center အနီးတွင် ပေါက်ကွဲမှုဖြစ်ပွား
ရှမ်းပြည်တောင်ပိုင်း တောင်ကြီးမြို့ Ocean Center အနီးရှိ စင်ဒရဲလားဖုန်းဆိုင်ရှေ့တွင် ယနေ့ ဒီဇင်ဘာလ ၂ ရက် မွန်းလွဲ ၂ နာရီ ၄၅ မိနစ်ခန့်က ဗုံးနှစ်လုံး ပေါက်ကွဲခဲ့ကြောင်း သိရသည်။
အဆိုပါ ပေါက်ကွဲမှုကြောင့် အမျိုးသားတစ်ဦးနှင့် အမျိုးသမီးတစ်ဦးတို့ ဒဏ်ရာရရှိခဲ့ကြောင်း မျက်မြင်တွေ့ရှိခဲ့သူ တစ်ဦးကပြောသည်။ “ထိတာကတော့ သားအမိနှစ်ယောက်ထင်တယ်၊ အဲ့နားက မျက်မှန်ဆိုင်မှာ မျက်မှန်လာလုပ်တာ၊ လူမှုရေးအသင်းက သူတို့ကိုလာခေါ်သွားတယ်” ဟုပြောသည်။
တောင်ကြီးမြို့တွင် ယခုရက်ပိုင်းအတွင်း မြို့တွင်းမြို့ပြင် စစ်ဆေးမှုများ တင်းကြပ်နေပြီး ယခုဖြစ်စဉ်ကို မည်သည့်အဖွဲ့က ပြုလုပ်ခဲ့ကြောင်း မသိရသေးပေ။ mizzima
SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS 