SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS

ရန်ကုန်တိုင်းတောင်ဥက္ကလာမြို့မရဲစခန်းကို ယနေ့ ညနေ ၅ နာရီ ၄၀ မိနစ်အချိန်တွင် သေနတ်ဖြင့် လာရောက်ပစ်ခတ်ပြီး ရဲတစ်ဦး သေဆုံးကာ ၂ ဦးဒဏ်ရာရရှိကြောင်း တောင်ဥက္ကလာဒေသခံများထံမှ သိရှိရသည်။ “ကားနဲ့လာပြီး ဗုံးနဲ့ပစ်တယ်။ သေနတ်နဲ့လည်းပစ်သွားတယ်လို့ ပြန် ကြားရတယ်။ သေတာကတော့ ရဲ ၁ ဦး ပွဲချင်းပြီးသေတယ်။ ၂ ဦးဒဏ်ရာရတယ်လို့ သိရပါတယ်” ဟု တောင်ဥက္ကလာပပရဟိတအဖွဲ့ဝင်တစ်ဦးက ပြောသည်။

အလားတူ မရမ်းကုန်းမြို့နယ် ရဲစခန်းတွင်လည်း ယနေ့ ညနေ ၄ နာရီဝန်းကျင်တွင် ဗုံးဖြင့် ပစ်ခတ်တိုက်ခိုက်ခံရမှု ဖြစ်ပွားကြောင်း ဒေသခံများထံမှ သိရှိရသည်။ “စွယ်တော်နားက မရမ်းကုန်းရဲစခန်း အပစ်ခံရတယ်ကြားတယ်။ ပထမ ဘုရင့်နောင်ရဲစခန်းလိုလို ကြားတာ။ ဒါပေမယ့် ဘုရင့်နောင်ရဲစခန်းက အပိတ်ကြီးဗျ။ နောက်မှ ပြန်သိရတာက စွယ်တော်နားက စခန်းကို ပစ်သွားတယ်လို့ပြောတယ်။ အသေအပျောက်တွေဘာတွေ သေချာမသိသေးဘူး” ဟု ဒေသခံတစ်ဦးက ဆိုသည်။

အလားတူ မန္တလေးမြို့၊ အောင်မြေသာစံမြို့နယ်၊ မေဃဂီရိ ရပ်ကွက်ရုံးရှေ့တွင် တပ်စွဲထားသော စစ်ကောင်စီတပ်ဖွဲ့ ကင်းတဲကို Mandalay Phoenix Force နှင့် Mandalay People Rescue ပူးပေါင်းအဖွဲ့မှ ယနေ့ မွန်းလွဲ ၂ နာရီခန့်တွင် ဗုံးပစ်သွင်းတိုက်ခိုက်ခဲ့ပြီး ဗိုလ်ကြီးအပါအဝင် စစ်ကောင်စီတပ်ဖွဲ့ဝင် ၄ ဦးသေဆုံးကြောင်း MPF အဖွဲ့ထံမှ သိရှိရသည်။

၈၂ လမ်း၊ ၁၆ လမ်းနှင့် ၁၇ လမ်းကြားရှိ စစ်ကောင်စီကင်းတဲကို တိုက်ခိုက်မှုတွင် ဗိုလ်ကြီး ၁ ဦး၊ တပ်ကြပ် ၁ ဦး၊ တပ်သား ၁ ဦးနှင့် ရပ်ကွက်အုပ်ချုပ်ရေးမှူး ၁ ဦး သေဆုံးခဲ့ပြီး အနီးဝန်းကျင်ရှိ ပြည်သူ ၂ ဦးပါ ဗုံးစ ထိမှန် ဒဏ်ရာရခဲ့ကြောင်း သိရှိရသည်။”၃ ယောက်ကတော့ နေရာတွင် ပွဲချင်းပြီးသေတယ်၊ ၁ ယောက်ကတော့ ဆေးရုံပို့ပြီး ဆေးရုံမှာ သေတယ်။ ကံမကောင်းစွာနဲ့ ကလေး ၁ ယောက်၊ အသက်ကြီးပိုင်း ၁ ယောက် လည်း ဗုံးစစင်သွားတယ်၊ မစိုးရိမ်ရပါဘူး။ ကျနော်တို့ အနူးအညွတ်တောင်းပန်ပါတယ်။” ဟု M.P.F အဖွဲ့ဝင်တစ်ဦးက ပြောဆိုသည်။ khit thit

မန္တလေးမြို့၊ အောင်မြေသာစံမြို့နယ်၊ မေဃဂီရိ ရပ်ကွက်ရုံးရှေ့ရှိ စစ်ကောင်စီကင်းတဲ ယနေ့ ဒီဇင်ဘာလ ၉ ရက်၊ နေ့လယ် ၂ နာရီခန့်တွင် လက်ပစ်ဗုံးပစ် တိုက်ခိုက်ခံခဲ့ရကြောင်း သတင်းရရှိသည်။“နေ့လယ် ၂ နာရီလောက်က အသံအကျယ်ကြီး ကြားလိုက်တယ်၊ ရပ်ကွက်ထဲကသူတွေလည်း သွားမကြည့်ရဲကြဘူး၊ သေချာတော့ မသိဘူး” ဟု မြို့ခံတစ်ဦးက မဇ္ဈိမကို ပြောသည်။အောင်မြေသာစံမြို့နယ် ၈၂ လမ်း၊ ၁၆ လမ်းနှင့် ၁၇ လမ်းကြားရှိ မေဃဂီရိ ရပ်ကွက်ရုံးတွင် စစ်သားနှင့် ရဲအင်အား ဆယ်ဦးဝန်းကျင်ရှိနေချိန် Mandalay Phoenix Force (M.P.F) နှင့် Mandalay People Rescue (MPR) အဖွဲ့တို့က လက်ပစ်ဗုံးတစ်လုံးဖြင့် သွားရောက် တိုက်ခိုက်ခဲ့ကြောင်း M.P.F အဖွဲ့က သတင်း ထုတ်ပြန်ထားသည်။

ယင်းဗုံးပေါက်ကွဲမှုကြောင့် စစ်ကောင်စီတပ်သား သုံးဦးနှင့် အုပ်ချုပ်ရေးမှူးတစ်ဦးသေဆုံးကာ အမှိုက်ထွက်ပစ်သည့် ပြည်သူနှစ်ဦး မစိုးရိမ် ဒဏ်ရာရရှိခဲ့ကြောင်း ပြည်သူများ၏ သတင်းပေးပို့ချက်အရသိရပြီး ဆက်လက်စုံစမ်းနေဆဲဖြစ်ကြောင်း M.P.F အဖွဲ့၏ ပြန်ကြားရေးတာဝန်ခံက မဇ္ဈိမကို ပြောသည်။

“အနီးအနား ပြည်သူတွေ ပြောပြချက်အရ လေးယောက်သေတဲ့အထဲ ဗိုလ်အဆင့်တစ်ယောက်၊ တပ်ကြပ်ကြီးအဆင့် တစ်ယောက်၊ အုပ်ကြီးတစ်ယောက်၊ အဆင့်မသိရသေးတစ်ယောက်သေတယ်လို့ သိရပါတယ်။ အမှိုက်ထွက်ပစ်တဲ့ ပြည်သူနှစ်ဦး အစအနစင်ပြီး ထိခိုက်သွားတဲ့အ ပေါ် အနူးးအညွတ် တောင်းပန်အပ်ပါတယ်ခင်ဗျာ၊ ကျွန်တော်တို့လည်း အခြေအနေကောင်းတဲ့အချိန် ချက်ချင်း လုပ်ဆောင်ရတာမို့ ထိခိုက်မိတဲ့ ပြည်သူ နှစ်ဦးကို M.P.F က အနူးအညွတ် တောင်းပန်ပါရစေ” ဟု ၎င်းက ပြောသည်။

အဆိုပါ မေဃဂီရိရပ်ကွက်ရုံးရှေ့ရှိ စစ်ကောင်စီကင်းတဲ လက်ပစ်ဗုံးပစ် တိုက်ခိုက်ခံရမှုနှင့် ပတ်သက်သည့် သေဆုံးဒဏ်ရာရမှု အခြေအနေအား မဇ္ဈိမအနေဖြင့် သီးခြားအတည်ပြုနိုင်ခြင်း မရှိသေးဘဲ ဆက်လက်စုံစမ်းနေဆဲ ဖြစ်သည်။ mizzima

ကရင်အမျိုးသားအစည်းအရုံး (ကေအန်ယူ) ခေါင်းဆောင်ပိုင်းအပါအဝင် ဗဟိုကော်မတီဝင်တွေကို ပြန်လည်ရွေးချယ်မယ့် ၁၇ ကြိမ်မြောက် ကွန်ဂရက်ကို ဖေဖေါ်ဝါရီလမှာ ခေါ်ယူကျင်းပဖို့ ဗဟိုအမြဲတမ်းကော်မတီဝင်တွေရဲ့ အစည်းအဝေးမှာ ဆုံးဖြတ်လိုက်ပါတယ်။ 

ကရင်ပြည်နယ်၊ ဘားအံခရိုင်၊ ကေအန်ယူဗဟိုဌာနချုပ်မှာ နိုဝင်ဘာ ၂၂ ရက်မှ  ဒီဇင်ဘာ ၈ ရက်အထိကျင်းပတဲ့ ဗဟိုကော်မတီအစည်းအဝေးကနေ ဆုံးဖြတ်လိုက်တာဖြစ်ပါတယ်။ အစည်းအဝေးမှာ  ဗဟိုကော်မတီအသီးသီးမှ တာဝန်ရှိသူတွေ တက်ရောက်ကြပြီး လက်ရှိမြန်မာနိုင်ငံရေး အခြေအနေတွေ၊ ကရင်ပြည်နယ်အရေးတွေအပြင် စစ်ရေးဆိုင်ရာတွေကိုလည်း ထည့်သွင်းဆွေးနွေးခဲ့ကြပါတယ်။

ကေအန်ယူ ကွန်ကရက်ကို ၄ နှစ်တကြိမ်ကျင်းပလေ့ရှိတာဖြစ်ပြီး  အကြောင်းအမျိုးမျိုးကြောင့် လိုအပ်လာပါက နောက်ကျပြီးမှ ကျင်းပနိုင်တဲ့ ခြွင်းချက်လည်းရှိပါတယ်။ 

၁၇ ကြိမ်မြောက် ကွန်ဂရက်ဟာ ကိုဗစ် ရောဂါ ကပ်ဘေးကာလအတွင်း ကျင်းပမှာဖြစ်တာကြောင့်  ကွန်ဂရက်တက်ရောက်မယ့်သူတွေအနေနဲ့  ဒီမတိုင်ခင် ဇန်နဝါရီလလောက်မှာ  ကိုဗစ်ကာကွယ်ဆေးထိုးကြရဖို့လည်း အစီအစဉ်ရှိပါတယ်။

လာမယ့် ကွန်ဂရက်မှာ   ကေအန်ယူ ကရင်အမျိုးသားအစည်းအရုံးရဲ့ ၁၀ ဦးမြောက်  ဥက္ကဋ္ဌကို ရွေးကောက်တင်မြှောက်ဖို့ ရှိတဲ့အတွက် ခေါင်း ဆောင်သစ် ဘယ်သူဖြစ်လာမလဲဆိုတာ ကရင်လူထု အသိုက်အဝန်းတွေအကြားမှာ စိတ်ဝင်စားမှု မြင့်တက်နေပါတယ်။

ကရင်အမျိုးသားအစည်းအရုံး (ကေအန်ယူ) မှာ ပထမဆုံးဥက္ကဋ္ဌက စောစံဖိုးသင် ဖြစ်ပါတယ်။  ခေတ်အဆက်ဆက် ကေအန်ယူ ဥက္ကဋ္ဌတွေအ ဖြစ်  စောစံဖိုးသင် ၁၉၄၇ မှ မေလထိ ၊ စောဘဦးကြီး ၁၉၄၇ မှ ၁၉၅၀၊ စကောလယ်တော ၁၉၅၀ မှ ၁၉၅၃ ၊ စောဟံတာသာမွေး ၁၉၅၃ မှ ၁၉ ၆၃ ၊ မန်းဘဇံ ၁၉၆၃ မှ ၁၉၇၅ ၊ စောဘိုမြ ၁၉၇၆ မှ ၂၀၀၀ ၊ စောဘသင်စိန် ၂၀၀၀ မှ ၂၀၀၈ ၊ စောတာမလာဘော ၂၀၀၈ မှ ၂၀၁၂၊ စောမူတူးစေးဖိုး ၂၀၁၂ မှ လက်ရှိအချိန်အထိ တာဝန် ထမ်းဆောင်နေတာ ဖြစ်ပါတယ်။ DVB

မြန်မာတစ်နိုင်ငံလုံး အတိုင်းအတာဖြင့် မနက်ဖြန် ဒီဇင်ဘာလ ၁၀ ရက်တွင် ပြုလုပ်မည့် အသံတိတ် သပိတ် ပျက်ပြားစေရန် အကြမ်းဖက် အာဏာသိမ်းစစ်ကောင်စီက နည်းလမ်းမျိုးစုံဖြင့် ဖိအားပေး လုပ်ဆောင်နေသည်။ စည်ပင်သာယာရေးအဖွဲ့ပိုင် စျေးကြီးများနှင့် ပြင်ပဆိုင်ခန်းများကို မနက်ဖြန်တွင် မဖြစ်မနေ ဖွင့်လှစ်ရန် ဖိအားပေးခြင်း၊ ကုမ္ပဏီ လုပ်ငန်း အဖွဲ့အစည်းအချို့ကို အကြောင်းမဲ့ အစည်းအဝေးခေါ်ခြင်း၊ လူစည်ကားစေရန် စစ်ကောင်စီ လက်အောက်ခံရုံးများ ၊လုပ်ငန်းကိစ္စ အရေးများကို ဒီဇင်ဘာလ ၁၀ ရက်နေ့သို့ ပြောင်းလဲချိန်းဆိုခြင်းများ လုပ်ဆောင်နေသည်။

“မနက်က စျေးကော်မတီက ဆိုင်တွေကို လိုက်ပြီးတော့ လက်မှတ် ထိုးခိုင်းတယ်။ မနက်ဖြန်ကျ မဖြစ်မနေ ဆိုင်ထွက်ဖို့၊ မထွက်ရင် ဆိုင်သိမ်းမယ်ဆိုပြီး ပြောတယ် ” ဟု အလုံမြို့နယ် ဆင်မင်းစျေး အတွင်းရှိ စျေးသည် တစ်ဦးက ပြောသည်။ အစည်းအဝေး အကြောင်းပြကာ ပြည်သူ များကို အပြင်ထွက်ရန် လုပ်ဆောင်မှုများလည်း ရှိနေသည်။

“ညက ဖုန်းဆက်တယ်။ ဖိတ်စာနဲ့တော့ မဟုတ်ဘူး။ အကြောင်းပြချက်က လူကြီးမင်းတို့ လုပ်ငန်း အဖွဲ့အစည်းနဲ့ ပတ်သက်ပြီး တိုင်ပင်ဆွေး နွေး ကူညီဖို့ဆိုပြီး အကြောင်းပြတာ၊ ထွေအုပ်ရုံးကို လာရမယ်ပေါ့။ အပြင်ထွက်အောင် မျှားခေါ်တာပါ။ မသွားဘူး ” ဟု ကြည့်မြင်တိုင် မြို့နယ် အတွင်းရှိ ကားပစ္စည်း အရောင်းဆိုင်ရှင် တစ်ဦးက ပြောသည်။

ရန်ကုန်မြို့တွင် အငှားယာဉ် (Taxi) များနှင့် မော်တော်ယာဉ်များကိုလည်း အကြောင်းမဲ့ ဖမ်းဆီးမှုများ ရှိနေပြီး မနက်ဖြန် ဒီဇင်ဘာလ ၁၀ ရက်နေ့တွင် သက်ဆိုင်ရာ ရုံးများသို့ လာရောက်၍ ဒဏ်ငွေ ပေးဆောင် ရမည်ဟု ဖိအားပေးနေကြောင်း အငှားယာဉ်မောင်း တစ်ဦးက ဆိုသည်။“အစ်ကို့ ကားကို တားစစ်တော့ ဘာမှ အပြစ်မရှိဘူး။ အဲ့ဒါကို ဘီးခွန်တောင်းတယ်။ ချလန်ဖြတ်ပေးတယ်။ ချလန်မှာ မနက်ဖြန် လာရောက် ရွေးယူဖို့ပဲ ရေးပေးတယ်။ ခါးပတ်မပတ်လို့ ဖမ်းတာတဲ့။ ပတ်ထားတာပဲကို တမင်လုပ်တယ်။

မနက်ဖြန်တော့ သွားမရွေးတော့ဘူး။ ကားနားပြီး တနင်္လာမှ သွားတော့မယ်။ သူတို့ တမင်လုပ်တာပါ ” ဟု ၎င်းက ပြောသည်။ ရန်ကုန် မြို့နယ်အသီးသီးရှိ အဖွဲ့များ၏ လူမှုကွန်ရက် စာမျက်နှာများတွင်လည်း စစ်ကောင်စီ လက်အောက်ခံ အကောင့်များမှ တစ်ဆင့် ‘’ မနက်ဖြန် ဆိုင်မဖွင့် သူများသည် ပြည်သူ့ကာကွယ်ရေးတပ် (PDF) ထောက်ခံသူ ၊ PDF ပံ့ပိုးသူများ ဖြစ်ပြီး အဆိုပါ ဆိုင်များကို မှတ်သားထားပြီး အရေးယူမည် “ ဆိုသည့် ခြိမ်းခြောက် စာသားများ ရေးသားဖြန့်ဝေမှုများလည်း ရှိနေသည်။ mizzima

ကယား (ကရင်နီ) ပြည်နယ်၊ ဒီးမော့ဆိုမြို့နယ်၊ ငွေတောင်အခြေစိုက် အကြမ်းဖက်စစ်ကောင်စီ၏ ခမရ ၄၂၇ တပ်ရင်း၏ ကင်းပုန်းတစ်ခုကို ဒီဇင်ဘာလ ၇ ရက် ည ၇ နာရီခွဲခန့်တွင် ဒီးမော့ဆိုမြို့နယ် ပြည်သူ့ကာကွယ်ရေးတပ်ဖွဲ့က ဒုတိယအကြိမ်ဝင်ရောက်တိုက်ခိုက်ပြီး စစ်သား ၇ ဦးသေဆုံးကာ ၁၀ ဦးခန့် ဒဏ်ရာရကြောင်း ဒီးမော့ဆို PDF က သတင်းထုတ်ပြန်သည်။

ဒီးမော့ဆို PDF က ရှောင်တခင်ဝင်ရောက်တိုက်ခြင်းဖြစ်ပြီး နှစ်ဖက်ပစ်ခတ်မှုမှာ ၄၅ မိနစ်ခန့်ကြာမြင့်ကြောင်း၊ လွိုင်ကော်အခြေစိုက် အ မြှောက် တပ်မှ ၁၂၀ မမ လက်နက်ကြီးများဖြင့် ရမ်းသန်းပစ်ခတ်ခဲ့ခြင်းကြောင့် ညောင်ကုန်းကျေးရွာရှိ အရပ်သားပြည်သူ နေအိမ် ၁ လုံး ထိခိုက်ပျက်စီးခဲ့ကြောင်း၊ PDF များ အထိအခိုက်မရှိဘဲ ဆုတ်ခွာနိုင်ခဲ့ကြောင်း ဒီးမော့ဆို PDF ထံမှ သိရှိရသည်။

ဒီဇင်ဘာက ၅ ရက်နေ့ကလည်း အဆိုပါ ခမရ ၄၂၇ တပ်ရင်း ကင်းပုန်းစခန်းကို ဒီးမော့ဆို PDF က ဝင်ရောက်တိုက်ခိုက်ခဲ့သေးပြီး စစ်သား ၃ ဦးသေဆုံးကာ ၅ ဦး ဒဏ်ရာရခဲ့ကြောင်း ဒီးမော့ဆို ပြည်သူ့ကာကွယ်ရေးတပ်ဖွဲ့က သတင်းထုတ်ပြန်ထားသည်။ khit thit

ကချင်ပြည်နယ်၊ မိုးညှင်းခရိုင်၊ ဖားကန့်ရတနာနယ်မြေမှာ တရားမဝင်ကျောက်စိမ်းခိုးတူးနေတဲ့ စက်ယန္တရားကြီးတွေ ဝှက်ထားကြဖို့   ဒီဇင် ဘာ၈ ရက် မနေ့က ဖားကန့်ရှိ စစ်ကောင်စီ တပ်မ ၃၃ က နှုတ်မိန့်နဲ့ ညွှန်ကြားထားတယ်လို့ လုပ်ငန်းရှင်တချို့က ပြောပါတယ်။

ဖားကန့်မြို့နယ်အတွင်းက ကျောက်စိမ်းတူးဖော်ရေး လုပ်ငန်းတွေကို ရပ်နားထားဖို့ စစ်ကောင်စီရဲ့ ကျောက်စိမ်းရိုင်းတူးဖော်ရေးဌာန လုံးခင်းနဲ့ တပ်မ (၃၃) က ပြီးခဲ့တဲ့ ရက်ပိုင်းက ပြောကြားထားပြီး ဖြစ်ပါတယ်။

ခုရက်ပိုင်းအကြာမှာ စစ်ဆေးရေးကြောင့် စက်တွေကို ဝှက်ထားဖို့ ထပ်မံညွှန်ကြားလာတာလို့ ဆိုပါတယ်။

“ကျနော်တို့ကို ကားတွေစက်တွေကို ကြိုတင်ဝှက်ထားကြဘို့ ပြောတယ်။ ကွင်းဆင်းစစ်ဆေးတဲ့ အဖွဲ့တွေ လာမယ် အဲ့လိုလာပြောလို့ ကျနော်တို့လည်း ညတွင်းချင်း စက်တွေကားနဲ့တင်ပြီး ကျင်းနဲ့ဝေးတဲ့ဆီကို ပို့နေရတယ်”လို့ အမည်မဖော်လိုတဲ့ လုပ်ငန်းရှင်တဦးကပြောပါတယ်။

ဖားကန့်ရတနာနယ်မြေမှာရှိတဲ့ ကျောက်စိမ်းလုပ်ကွက် အားလုံးဟာ ၂၀၂၁ ဩဂုတ်လကတည်းက တူးဖော်ခွင့်လိုင်စင် သက်တမ်းတွေ ကုန်ဆုံးသွားပြီ ဖြစ်ပါတယ်။

အဲဒီသက်တမ်းကုန် ကျောက်စိမ်းလုပ်ကွက်တွေကို  အာဏာသိမ်းစစ်တပ်လက်အောက်ခံ နယ်မြေခံ စစ်တပ်နဲ့ အုပ်ချုပ်ရေးအဖွဲ့တွေ အောက် တိုဘာလဆန်းပိုင်းကစပြီး လစဉ်ကြေးသဘောမျိုး ဆက်ကြေး ကောက်ခံကာ စက်ယန္တရား အမြောက်အမြားနဲ့ တူးဖော်ခွင့်ပြုထားတာလည်း ဖြစ်ပါတယ်။ 

ဒီကနေ့မှာတော့ တရားမဝင်ကျောက်စိမ်းတူးနေတဲ့ စက်ယန္တရားတွေ ရုတ်တရက် ပြောင်းရွှေ့နေတာ တွေ့ရတယ်လို့လည်း အခြေခံလူတန်းစား ဒေသခံ ရေမဆေးသမားတွေက ပြောပါတယ်။

“ဒီနေ့ည /ညဦးပိုင်းထိ စက်ယန္တရားကြီးတွေနဲ့ တချို့နေရာတွင် လုပ်နေရင်းက အပြေးအလွှား ချက်ချင်းနားသွားကြတာ။ လုံးခင်းအုပ်စုအတွင်းခိုးသမားတွေ ပြယာခတ်နေကြတယ် တခုခုတော့ ထူးပြီးလို့ထင်တာပဲ “ဟု မဇွပ်ယန်ကျေးရွာသားတဦးက ပြောပါတယ်။

လစဉ်ကြေးကောက်ပြီး ခိုးတူးကျင်းတွေ ခွင့်ပြုထားတာဟာလည်း စစ်ကောင်စီ လက်အောက်ခံစစ်တပ်ကဖြစ်ပြီး လာစစ်မယ့်သူတွေကလည်း စစ်ကောင်စီလက်အောက်ကပဲ ဖြစ်တာကြောင့် လူမြင်ကောင်း လူကြားကောင်းအောင် ဟန်ပြ လုပ်တာသာဖြစ်ပြီး စစ်ဆေးရေးအဖွဲ့တွေ ပြန် သွားတာနဲ့ ခိုးတူးနေကြဦးမှာပဲလို့  ဒေသခံဌာနေတိုင်းရင်းသား တွေက ဝေဖန်နေကြပါတယ်။

ကချင်နိုင်ငံရေးသမားတဦးက “စစ်တပ်ခေတ်ဆိုတာ ဒီလိုပဲ လုပ်နေကျပါ။ လူမြင်လူကြားကောင်းအောင် လုပ်တာပါ။ လက်နက်ကိုင်တွေရော၊ လုပ်ငန်းရှင်ရော၊ ကချင်လူကြီးတွေရော အားလုံး လက်ဝါးရိုက်ပြီး လုပ်စားနေကြတာ။ အိုင်တီခေတ်ကြီးမှာ မသိဘူးဆိုတာ ရူးလို့ပြောနေကြတာချည်းပဲ”လို့ မှတ်ချက်ပြု ပြောပါတယ် ။

ဖားကန့်ရတနာနယ်မြေက သက်တမ်းကုန် လုပ်ကွက်တွေမှာ တရားမဝင် ကျောက်စိမ်းတူးဖော်မှုလုပ်ငန်းအားလုံးကို စစ်အာဏာသိမ်းပြီးနောက် စစ်ကောင်စီလက်အောက်ခံ တပ်မ ၃၃ က လစဉ်ကြေးကောက်ခံပြီး ခွင့်ပြုခဲ့တာဖြစ်ပါတယ်။

ဖားကန့်မှာ ညစဉ် စက်ယန္တရားတွေ အမြောက်အမြားနဲ့ တူးဖော်နေတာတွေကို သတင်းပျံ့နှံ့သွားပြီးနောက် တူးဖော်ခွင့် ရပ်နားဖို့ တပ်မ ၃၃ က ညွှန်ကြားခဲ့ပြီး ရက်ပိုင်းအကြား စစ်ဆေးရေးရှိတဲ့အတွက် စက်တွေ ဝှက်ထားဖို့ ထပ်မံ ညွှန်ကြားလာတာလည်း ဖြစ်ပါတယ်။

ဖားကန့်ရတနာနယ်မြေမှာ တရားမဝင်ကျောက်စိမ်းတူးဖော်နေတဲ့ စက်ယန္တရားပေါင်း  ရာနဲ့ချီ ရှိနေတယ်လို့ ဒီဗွီဘီက စုံစမ်းသိရှိရပါတယ်။ DVB

သြစတြေးလျနိုင်ငံသား စီးပွားရေးပညာရှင် ပါမောက္ခ ရှောင်တာနဲလ်ကို စစ်ကောင်စီက စွဲဆိုထားတဲ့ လူဝင်မှုကြီးကြပ်ရေးဥပဒေပုဒ်မအမှုကို ဒီဇင်ဘာလ ၉ ရက်နေ့က နေပြည်တော်၊ ဇမ္ဗူသီရိအထူးတရားရုံးမှာ ဆက်လက်စစ်ဆေးခဲ့တယ်လို့ တရားရုံးနဲ့နီးစပ်သူတွေဆီက သိရပါတယ်။

“လ.ဝ.က အက်အမှုက လိုပြသက်သေ တစ်ယောက်ကို စစ်ဆေးတယ်။ စစ်ဆေးချက် အသေးစိတ်မသိရဘူး ” လို့  တရားရုံးနဲ့နီးစပ်သူတစ်ယောက်က ပြောပါတယ်။

မစ္စတာရှောင်တာနဲလ်ကို မြန်မာနိုင်ငံအစိုးရလျှို့ဝှက်ချက်အက်ဥပဒေ ပုဒ်မ ၃ (၁) (ဂ)၊ လူဝင်မှုကြီးကြပ်ရေးဥပဒေတို့နဲ့ စစ်ကောင်စီက တရား စွဲဆိုထားတာဖြစ်ပြီး ဒီအမှုမှာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ ဦးစိုးဝင်း(စီမံ/ ဘဏ္ဍာဝန်ကြီး)၊ ဦးဆက်အောင်(စီမံ/ဘ ဏ္ဍာ/စက်မှု ဒုဝန်ကြီး)၊ ဦးကျော်ဝင်း (စီမံ/ဘဏ္ဍာဝန်ကြီးဟောင်း) တို့ကိုလည်း အမှုတွဲအဖြစ် တရားစွဲထားပါတယ်။

ဒီနေ့ရုံးချိန်းမှာ မြန်မာနိုင်ငံအစိုးရလျှို့ဝှက်ချက်အက်ဥပဒေ ပုဒ်မ ၃ (၁) (ဂ)အမှုအတွက် လိုပြသက်သေမလာတဲ့အတွက် တရားရုံးက မစစ် ဆေးနိုင်ခဲ့ဘဲ နောက်တစ်ပတ်ကို ရုံးချိန်းပြန်ခေါ်ခဲ့ပါတယ်။

ဒီနေ့ရုံးချိန်းကို လာရောက်ကြတဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အပါအဝင် အမှုတွဲအဖြစ် တရားစွဲခံထားတဲ့သူတွေအာလုံး ကျန်းမာရေးကောင်းမွန်ကြတယ်လို့ သိရပါတယ်။

ပြီးခဲ့တဲ့ရုံးချိန်းတုန်းက မြန်မာနိုင်ငံအစိုးရလျှို့ဝှက်ချက်အက်ဥပဒေ ပုဒ်မ ၃ (၁) (ဂ)နဲ့ပတ်သက်ပြီတရားလို တာမွေမြို့နယ် ရဲတပ်ဖွဲ့မှူး  ရဲမှူးအောင်မျိုးလွင်ကို ရှေ့နေအဖွဲ့က အပြန်အလှန်စစ်မေးတာတွေ အပြီးသတ်ဆောင်ရွက်ခဲ့ပါတယ်။

ပါမောက္ခရှောင်တားနဲလ်ရဲ့အမှုတွေကို ရန်ကုန်အရှေ့ပိုင်းခရိုင်တရားရုံးကနေ နေပြည်တော်ကိုလွှဲပြောင်းခဲ့တာဖြစ်ပါတယ်။

ပါမောက္ခရှောင်တားနဲလ်ကို စစ်ကောင်စီက စတင်ဖမ်းဆီးခဲ့တုန်းက အင်းစိန်ထောင်မှာ ထိန်းသိမ်းခဲ့တာဖြစ်ပြီး ကိုဗစ်-၁၉ကူးစက်ခံရတယ်လို့ သတင်းတွေထွက်ပေါ်ခဲ့ပေမယ့် စစ်ကောင်စီက အတည်ပြုချက်မထုတ်ပြန်ခဲ့ပါဘူး။

ပါမောက္ခရှောင်တားနဲလ်ကို နောက်ထပ်စွဲဆိုထားတဲ့ လူဝင်မှုကြီးကြပ်ရေးဥပဒေအမှုကတော့ အာဏာသိမ်းပြီးချိန်မှာ ဥပဒေမဲ့ ထွက်ပြေးဖို့ကြိုးစားတာကြောင့် စွဲဆိုတာလို့ စစ်ကောင်စီက အကြောင်းပြထားပါတယ်။ 

ပါမောက္ခရှောင်တားနဲလ်ကိုစွဲဆိုထားတဲ့ အမှုတွေနဲ့ပတ်သက်ပြီး ပြစ်မှုမြောက်တယ်လို့ တရားရုံးက ဆုံးဖြတ်ရင် ရှောင်တားနဲလ်ဟာ အမြင့်ဆုံးပြစ်ဒဏ်အဖြစ်ထောင်ဒဏ် ၁၄ နှစ်အထိ ကျခံရဖွယ်ရှိနေပါတယ်။

သူ့ကို ပြန်လွှတ်ပေးဖို့ သြစတြေးလျအစိုးရက တောင်းဆိုထားပေမယ့် စစ်ကောင်စီက ဆက်လက်ဖမ်းဆီးတရားစွဲဆိုနေတာဖြစ်ပါတယ်။ DVB

ဧရာ၀တီတိုင်း၊ မော်လမြိုင်ကျွန်းမြို့ မြို့မစျေးတွင် ဒီဇင်ဘာလ ၁၀ ရက်၌ တိတ်ဆိတ်ငြိမ်သက်ခြင်းသပိတ်(Silent Strike) ပြုလုပ်၍ ဆိုင်မထွက်ပါက ဆိုင်ခန်းများအား ပိတ်သိမ်းမည်ဟု စစ်ကောင်စီက လိုက်လံ ကြေညာနေကြောင်း ဒေသခံတစ်ဦးကပြောသည်။ စစ်ကောင်စီ လက်အောက်ခံများက ယနေ့ ဒီဇင်ဘာလ ၉ ရက် နေ့လယ်ပိုင်းအချိန်တွင် မော်လမြိုင်ကျွန်းမြို့မစျေးနှင့် အောင်သာယာစျေး အနီးတွင် လှည့်လည်ကြေညာခဲ့ခြင်းဖြစ်ကြောင်း ဆိုင်ပိုင်ရှင်တစ်ဥဦးကလည်း ဆိုသည်။

“ကိုယ်ပိုင်တဲ့ဆိုင်ပဲ ဖွင့်ချင်ဖွင့်မယ် ပိတ်ချင်ပိတ်မယ်။ လိုက်ပြီး ကြေညာတဲ့အထဲမှာ ဥပဒေအရဆိုတာတွေလည်းပါတယ်။ ကိုယ့်ဆိုင်ကိုပိတ်တာ ဥပဒေလိုလို့လား ။ သူတို့ကိုကြောက်မယ်ထင်လို့ လျှောက်လုပ်နေတာပါ။ ကျွန်မကတော့ ဆိုင်မဖွင့်ဘူး”ဟု ဆိုင်ပိုင်ရှင်တစ်ဦးက ဆိုသည်။

Silent Strike ကမ်ပိန်းကို ဒီဇင်ဘာလ ၁၀ ရက်တွင် ပြုလုပ်မည်ဖြစ်ကာ အနက်ရောင် အဝတ်အစားကို ဝတ်ဆင်ပြီး အာဏာရှင်ဆန့်ကျင်ရေးအမှတ်အသား လက်သုံးချောင်းထောင်ကာ ဓာတ်ပုံမှတ်တမ်းတင်ပြီး လူမှုကွန်ရက်စာမျက်နှာများတွင် မျှဝေဖော်ထုတ်ကြရန် နှင့် တစ်နိုင်ငံလုံးအတိုင်းအတာဖြင့် ပူးပေါင်းပါဝင်ကြရန် မန္တလေးသပိတ်ခေါင်းဆောင် ဒေါက်တာတေဇာဆန်းက ယနေ့ နံနက်ပိုင်းတွင် ၎င်း၏ အွန်လိုင်းစာ မျက်နှာမှ တစ််ဆင့် တိုက်တွန်းထားသည်။ mizzima