ဒီပဲယင်း၊ ဘုတ်ကျေးရွာမှ ဦးညွှန့်လှိုင်ကို စစ် တပ်က အရှင် လတ် လတ် မီးရှို့ သတ်ဖြတ်
စစ်ကိုင်းတိုင်း၊ ဒီပဲယင်းမြို့နယ်၊ အနောက်ခြမ်း၊ ဘုတ်ရွာကျေးရွာ ဘုန်းကြီး ကျောင်းအတွင်းတွင် ၂ ရက်တာ တပ်စွဲခဲ့သော အကြမ်းဖက်စစ်ကောင်စီတပ်များသည် အဆိုပါကျေးရွာမှ သက်ကြီးရွယ်အို တစ်ဦးဖြစ်သူ ဦးညွှန့်လှိုင်ကို အရှင်လတ်လတ် မီးရှို့သတ်ဖြတ်သွားကြောင်း ဒေသခံများထံမှ သိရှိရသည်။
အကြမ်းဖက် စစ်ကောင်စီ တပ်ဖွဲ့များသည် ဒီပဲယင်းအနောက်ပိုင်းရှိ ဘုတ်ရွာကျေးရွာ ဘုန်းကြီးကျောင်းတွင် ဒီဇင်ဘာလ ၁၀ ရက်နေ့ ညပိုင်းက စတင်ကာ ဝင်ရောက်တပ်စွဲခဲ့ပြီး ဘုတ်ရွာကျေးရွာနှင့် ဆပ်ပြာကျင်းကျေးရွာ တို့ကို ဝင်ရောက် လုယက်ကြောင်း၊ ဘုတ်ရွာကျေးရွာသား သက်ကြီးရွယ်အို ဦးကျော်သိန်းဝင်းကို အကြောင်း မဲ့ ရိုက်နှက်ခဲ့ပြီး သက်ကြီးရွယ်အို ဦးညွှန့်လှိုင်ကိုမူ အရှင်လတ်လတ် မီးရှို့သတ်ဖြတ်သွားကြောင်း ဒေသကာကွယ်ရေးတပ်ထံမှ သိရှိရသည်။
“စစ်ခွေးတွေ ထွက်ခွာသွားအပြီး ပျောက်နေတဲ့ ဦးညွှန့်လှိုင်ကို ခါးမှ ဆီးခုံ ကျည်ဖောက်ဒဏ်ရာနဲ့ အသက်မသေခင်လေးအချိန်မှာ လူမဆန်စွာ မီးရှို့ သတ်ဖြတ်ထားခဲ့တာကိုတွေ့ရပါတယ်။ ဒီဇင်ဘာလ ၁၄ ရက်နေ့ မွန်းလွဲ ၁ နာရီ ၃၀ မိနစ်အချိန် ဘုတ်ကျေးရွာ အရှေ့ဘက်လယ်တောစပ်မှာ အလောင်းကို ပြန်တွေ့ရပါတယ်” ဟု ဒေသ ကာကွယ်ရေးတပ်က ပြောဆိုသည်။
အကြမ်းဖက် စစ်ကောင်စီ တပ်ဖွဲ့များသည် အဆိုပါ ကျေးရွာများအတွင်းရှိ နေ အိမ်များက ပြည်သူပိုင် ပစ္စည်းများ ငွေကြေးများ လက်ဝတ်ရတနာများ၊ အစား အသောက်များနှင့် ဖုန်းဆိုင်များ အတွင်းရှိ ဟန်းဖုန်းအသစ်များကို ဖောက်ထွင်း လုယက် ယူဆောင်သွားကြောင်း ဒေသခံများကပြောဆိုသည်။ khit thit
SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS 
Pingback: ဒီပဲယင်း၊ ဘုတ်ကျေးရွာမှ ဦးညွှန့်လှိုင်ကို စစ် တပ်က အရှင် လတ် လတ် မီးရှို့ သတ်ဖြတ် – .