KNU တပ်မဟာ ၂ နယ်မြေ ကစယ်ဒိုတောင် ခြေတွင် စစ်ကောင်စီတပ်နှင့် KNLA ကြား တိုက်ပွဲဖြစ်ပြီး စစ်သား ၄ ဦး သေဆုံး

ကရင်အမျိုးသားအစည်းအရုံး KNU တပ်မဟာ ၂ ထိန်းချုပ်နယ်မြေ တောင်ငူခရိုင်၊ ထန်းတပင်မြို့နယ် ကစယ်ဒိုတောင်ခြေတွင် ယမန်နေ့ ဒီဇင်ဘာလ ၂၁ ရက် နေ့လယ် ၁ နာရီ ၄၅ မိနစ်တွင် နယ်ကျော်လာသော စစ်ကောင်စီတပ်နှင့် KNLA တပ်မဟာ ၂ တပ်ရင်း ၆ ကြား နာရီဝက်ကျော်ကြာ တိုက်ပွဲဖြစ်ပွားပြီး စစ်ကောင်စီတပ်သား ၄ ဦးသေဆုံးကြောင်း သတင်းရရှိသည်။

နယ်ကျော်လာသည့် စစ်ကောင်စီတပ်ကို KNLA က ဆွဲမိုင်းဖြင့်တိုက်ခိုက်ခဲ့ပြီး နာရီဝက်ကျော် အပြန်အလှန်ပစ်ခတ်ခဲ့ကြသည်ဟု KNLA သ တင်းရင်းမြစ်ထံမှ သိရှိရသည်။”ရှားစေးဘိုကျေးရွာက သူတို့ စခန်းထိပဲ သွားဖို့ သဘောတူထားတယ်၊ အခု သူတို့က အင်အား ၁၀၀ နီးပါးနဲ့ တပ်ချိန်းတပ်ပြောင်းလည်း မဟုတ်ဘဲ ကစယ်ဒိုတောင်ခြေအထိ နယ်ကျော်လာလို့ တိုက်ပွဲဖြစ်တာပါ၊ နယ်မကျော်ရင် တိုက်ပွဲဖြစ်စရာ မရှိဘူး” ဟု KNLA တပ်မဟာ ၂ တပ်မှူးတစ်ဦးက ပြောသည်။

ယနေ့ ဒီဇင်ဘာလ ၂၂ ရက်တွင်လည်း ထန်းတပင်မြို့နယ် လေးလုံးပင်ဒေသသို့ နယ်မြေကျူးကျော်လာသော စစ်ကောင်စီတပ် ခမရ ၅၇ နှင့် KNLA တပ်မဟာ ၂ အထူးလုံခြုံရေးတပ်ဖွဲ့၊ LPDF ပူးပေါင်းတပ်ကြား တိုက်ပွဲဖြစ်ပွားခဲ့ပြီး နှစ်ဖက်ကျဆုံးစာရင်းကို ကနဦး အတည်မပြုနိုင်သေးပေ။ khit thit

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s