တိုင်းရင်းသားများ လေ့ကျင့်ပေးထားသည့် ၇ လသက်တမ်း PDF တပ်များ ၏ တိုက်ခိုက်မှု စွမ်းရည် စစ်ကောင်စီတပ် နေ့စဉ်သေဆုံးမှုစာ ရင်းကြည့်လျှင် သိနိုင်ဟု NUG ဝန်ကြီးချုပ် ပြောဆို

တိုင်းရင်းသားများ လေ့ကျင့်ပေးထားသည့် ၇ လသက်တမ်းသာရှိသော PDF တပ်များ၏တိုက်ခိုက်မှု စွမ်းရည်ကို စစ်ကောင်စီတပ်မှ စစ်သားနေ့စဉ်သေဆုံးမှုစာရင်းကြည့်လျှင် သိနိုင်ကြောင်း အမျိုးသားညီညွတ်ရေးအစိုးရ NUG ပြည် ထောင်စု ဝန်ကြီးချုပ် မန်းဝင်းခိုင်သန်းက ယနေ့ NUG ဝန်ကြီးအစည်းအဝေးတွင် ပြော ဆိုလိုက်သည်။

စစ်ရေးကဏ္ဍများဆိုလျှင် လျှို့ဝှက်စွာလုပ်ဆောင်ရမည့် ကဏ္ဍများဖြစ်ပြီး Chain of command ကလည်း အရေးကြီးပါကြောင်း၊ PDF များ သည် ၇ လခန့်သာ လေ့ကျင့်ချိန်ရှိသော်လည်း တိုင်းရင်းသားလက်နက်ကိုင်များ၏ကူညီပံ့ပိုးမှု၊ ပူးပေါင်း ဆောင်ရွက်မှုများနှင့် နှစ် ၇၀ သက် တမ်းရှိသည့် အကြမ်းဖက်စစ်ကောင်စီနှင့် ယှဉ်ပြိုင်တိုက်ခိုက်နိုင်သည်အထိ စွမ်းရည်တိုးတက်လာသည်ကို နေ့စဉ်အကြမ်းဖက် စစ်ကောင်စီတပ်၏ သေဆုံးစာရင်းကို ကြည့်လျှင်သိနိုင်ပါကြောင်း ၎င်းကဆိုသည်။

သို့ရာတွင် အကြမ်းဖက်စစ်ကောင်စီ အယောက်၂၀ သေဆုံးသည့်တိုင် တိုင်းရင်းသား EAO နှင့် PDF ၁ ဦး ကျဆုံးတာမျိုး အဖြစ်မခံနိုင်ကြောင်း၊ ပြည်သူများ၏ အသက် အင်မတန်တန်ဖိုးရှိကြောင်း၊ထို့ကြောင့် တော်လှန်ရေးကို အတူတကွဆင်နွှဲနေသည့် မဟာမိတ် EAO များ၊ PDF များ အကျအဆုံးနည်းစေရန် ကာကွယ်ရေးဝန်ကြီးဌာနက တိုင်းရင်းသားလက်နက်ကိုင် အဖွဲ့များမှ ခေါင်းဆောင်များနှင့် အတူတကွညှိနှိုင်း၍ စနစ် တကျစီမံပေးရန် တိုက်တွန်းလိုပါကြောင်း ပြည်ထောင်စုဝန်ကြီးချုပ်က မှတ်ချက်ပေး ပြောဆိုထားသည်။ khit thit

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s