မုံရွာ-အရာတော်ကားလမ်းတွင် စစ်ကောင်စီကား ၂ စီး မိုင်းဆွဲတိုက်ခိုက်ခံရ

စစ်ကိုင်းတိုင်း၊ မုံရွာ-အရာတော်ကားလမ်းပေါ်မှာ ဇန်နဝါရီ ၄ ရက် မနက်က စစ်ကောင်စီကား ၂ စီးဟာ နေရာ ၂ နေရာမှာ မိုင်းဆွဲတိုက်ခိုက်ခံရတာကြောင့် စစ်ကားတွေ ပျက်စီးပြီး သေဆုံးဒဏ်ရာရရှိသူတွေ များတယ်လို့ ပြည်သူ့ကာကွယ်ရေးတပ်တွေဆီက သိရပါတယ်။

Ayardaw Bone Naing (A.B.N.PDF) တာဝန်ခံတဦးက “မုံရွာ-အရာတော် ကားလမ်းအတိုင်းဆင်းလာတဲ့ စကစ ထောက်ပို့တပ်ကား ၂ စီးကို မနက် ၆ လောက်မှာ ပထမအကြိမ် မိုင်းဆွဲလိုက်လို့ ဒုတိယမြောက်ယာဉ်ရဲ့ ဘေးတခြမ်း ပျက်စီးသွားပြီး စစ်ကောင်စီ တပ်သားတွေ သေဆုံးဒဏ်ရာရတဲ့သူတွေရှိနိုင်တယ်” လို့ အတည်ပြုပြောဆိုပါတယ်။

ကျန်တဲ့ ၁ စီးကို မနက် ၇ နာရီမှာ မန်ကျည်းသုံးပင်ကွေ့မှာ ဒုတိယအကြိမ် ထပ်မံမိုင်းခွဲတိုက်ခိုက်လိုက်လို့ ယာဉ်မောင်းနဲ့ ယာဉ်နောက်လိုက် ၂ ဦးတို့ သေဆုံးသွားတယ်လို့ ဆိုပါတယ်။

စစ်ကောင်စီတပ်သားတွေ ကြားဖြတ်တိုက်ခိုက်ခံရပြီး သေဆုံးဒဏ်ရာရရှိကြတာနဲ့ပတ်သက်ပြီး စစ်ကောင်စီဘက်ကနေ သတင်းထုတ်ပြန်ထားတာမရှိသလို အသေးစိတ်သိရှိနိုင်ဖို့ ဒီဗွီဘီက ဆက်လက်စုံစမ်းနေပါတယ်။

မိုင်းဆွဲတိုက်ခိုက်မှုတွေကို ABN PDF အပါအဝင် မဟာမိတ်ညီနောင် ၈ ဖွဲ့တို့ ပူးပေါင်းဆောင်ရွက်ခဲ့တာဖြစ်ပြီး ညီနောင်မဟာမိတ် ၈ ဖွဲ့က PDF ရဲဘော်တွေကတော့ အထိအခိုက် အကျအဆုံးမရှိဘူးလို့ ဆိုပါတယ်။

ပြီးခဲ့တဲ့ ဒီဇင်ဘာ ၂၁ ရက်နေ့၊ ညနေပိုင်းကလည်း မုံရွာ-အရာတော်လမ်း ဆူးလေကုန်းချောင်းအတက်နားမှာ စစ်ကောင်စီရဲ့ ထောက်ပို့ကားကို ABN PDF နဲ့ မဟာမိတ်ညီနောင် ၈ ဖွဲ့က မိုင်းဆွဲတိုက်ခိုက်လို့ ထောက်ပို့ကား တပတ်လည်သွားပြီး စစ်ကောင်စီ တပ်သားတွေ သေဆုံးဒဏ်ရာရရှိသူတွေ များပြားခဲ့တယ်လို့ သိရပါတယ်။ DVB

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s