SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS

ယမန်နေ့ (ဇန်နဝါရီ ၅) ညပိုင်းတွင် စစ်ကိုင်းမြို့မြောက်ဘက် နုံးတွင်းကျေးရွာအနီး မော်တော်ယာဉ်တစ်စီးကို စစ်သားများ၏ ပစ်ခတ်မှုကြောင့် ကားပေါ်တွင် ရှိနေကြသော အရပ်သားတစ်ဦး သေဆုံးပြီး ရဲတစ်ဦး ဒဏ်ရာရသွားသည်ဟု ဒေသခံများထံမှ သိရသည်။ 

သေဆုံးသူမှာ ရဲသတင်းပေးဟု ဒေသခံတို့ ယူဆနေကြသော အသက် ၄၀ ကျော်အရွယ် ဦးမင်းမင်းဇော်ဖြစ်ကြောင်း၊ ညောင်ပင်ဝန်းရွာရဲစခန်းမှူး ရဲအုပ်၊ ရဲတပ်သားတစ်ဦးတို့နှင့်အတူ ကားစီးလာစဉ် ည ၁၀ နာရီခွဲခန့် နုံးတွင်းကျေးရွာအနီး ပစ်ခတ်ခံရခြင်းဖြစ်ကြောင်း ညောင်ပင်ဝန်းရွာမှ အမျိုးသားတစ်ဦးက ပြောသည်။

“စစ်ကိုင်းက ပြန်လာပုံပေါ်တယ်။ မတ်ခ်တူးအဖြူလေးနဲ့၊ နုံးတွင်းရွာနားမှာက အမြောက်တပ်တစ်ခုရှိတယ်။ အဲ့ဒီက ကင်းလှည့်တာနဲ့ တိုးပြီး လိုက်ပစ်တာ” ဟု ရဲစခန်းသတင်းရင်းမြစ်ကို ကိုးကားပြီး အထက်ပါဒေသခံက ဆိုသည်။ 

“ကားရပ်သွားတဲ့အချိန် သွားကြည့်တော့ (ညောင်ပင်ဝန်း) စခန်းမှူးကား ဖြစ်နေရော။ စခန်းမှူးကတော့ ငိုယိုပြီး သူမှားသွားတာပါ၊ သူမှားလို့ အခုလိုဖြစ်ရတာပါ ပြောနေတာ“

စခန်းမှူး ဒဏ်ရာမရရှိကြောင်း၊ ပေါင်တွင် ကျည်ထိထားသော ရဲတပ်သားကို စစ်ကိုင်းဆေးရုံသို့ ပို့ဆောင်ထားရကြောင်း ညောင်ပင်ဝန်းရွာဒေ သခံများ၏ အဆိုအရ သိရသည်။ 

“(ဦးမင်းမင်းဇော်က) သူ့သမီးကို ဆေးရုံ လိုက်ပို့တာ၊ စခန်းမှူးနဲ့ ရဲတပ်သားတစ်ယောက်နဲ့ အတူတူသွားပြီးတော့ ပြန်လာတာ။ နုံးတွင်းရွာအ ကျော်မှာ ကင်းပုန်းဝပ်နေတဲ့ စကစ (စစ်ကောင်စီ) က တားတဲ့အချိန် ရပ်မပေးတော့ လိုက်ပစ်တာ”ဟု  ညောင်ပင်၀န်းရွာမှ အမည်မဖော်လိုသူ အမျိုးသားနောက်တစ်ဦးက ပြောသည်။

စစ်ကောင်စီတပ်သားတို့က လမ်းသွားလမ်းလာများကို တားဆီးစစ်ဆေးနေပြီး စစ်ဆေးသည့်နေရာမှ ရှောင်ကွင်းသွားသူများကို လိုက်လံပစ် ခတ်လေ့ရှိသည်ဟု ဒေသခံတို့ထံမှ သိရသည်။

ရဲများ လိုက်ပါလာသည့် မော်တော်ယာဉ်ပစ်ခတ်ခံရမှုနှင့် ပတ်သက်ပြီး ညောင်ပင်ဝန်းရဲစခန်းကို မေးမြန်းရန် ကြိုးစားသော်လည်း ဖုန်းအဆက် အသွယ် မရပေ။ myanmar now

ရန်ကုန်တိုင်းဒေသကြီး အင်းစိန်မြို့နယ် အင်းစိန် ပန်းခြံလမ်းဆုံထောင့်ရှိ မြို့နယ်လျှပ်စစ်ရုံးသည် ဇန်နဝါရီ ၆ရက် နေ့လည် ၂နာရီ ၅၁မိနစ်တွင် ဗုံးပေါက်ကွဲမှု ဖြစ်ပွားခဲ့ပြီး စစ်ကောင်စီဘက်မှ ရဲတစ်ဦး အရေးပေါ် ဆေးရုံ ပို့ဆောင်ခဲ့ရသည်ဟု အဆိုပါ ဗုံးပေါက်ခွဲမှုကို လုပ်ဆောင်ခဲ့သည့် D.R.F တာဝန်ရှိသူတစ်ဉီးထံမှ သိရသည်။

အာဏာရှင်တော်လှန်ရေးဦးဆောင်ကော်မတီ D.R.F မှ တာဝန်ရှိသူက ” EPC ရုံး ပတ်သက်ရာပတ်သက်ကြောင်းဆီကနေ သတင်းရတာက ရဲတစ်ယောက် အရေးပေါ် ရောက်သွားတယ်။ ကျန်တဲ့ ထိခိုက်တဲ့သူတွေရှိတယ်လို့လဲ ကြားတယ်”ဟု အတည်ပြု ပြောကြားသည်။ထို့အပြင် ၄ နာရီ ၂၆မိနစ်တွင်လည်း ဗဟိုလမ်းမပေါ်ရှိ ကညနရုံးမျက်စောင်းထိုးတွင် ၎င်းတို့ရပ်ထားခဲ့သည့် ဆိုင်ကယ်တစ်စီးကို အဝေးထိန်းဗုံးဖြင့် ဖောက်​ ခွဲခဲ့ကြောင်းလည်း သိရသည်။

ဆက်လက်၍ D.R.F တာဝန်ရှိသူက”ပြည်သူတွေရဲ့ ဆိုင်ကယ်တွေကို မတရားဖမ်းဆီးနေတာ များနေပြီဖြစ်လို့ နောက်တစ်ကြိမ် ဖမ်းဆီးတာတွေရှိလာရင် အခုလိုပဲ ဆိုင်ကယ်ထဲမှာ ဗုံးတွေပါလာ နိုင်တယ်ဆိုတာကို သိစေချင်တယ်။ ပြည်သူတွေရဲ့ဆိုင်ကယ်တွေကို ဖမ်းလိုက် ရောင်းလိုက် လုပ်နေတဲ့ ကောင်တွေကို ဒီလိုဗုံးတွေထည့်ပြီး ခွဲမယ် ။ အခုက နမူနာပြတဲ့သဘောပဲ ‘ဟု သတိပေး ပြောဆိုထားသည်။

ဗုံးပေါက်ကွဲမှုများဖြစ်ပွားပြီးနောက် စစ်ကောင်စီတပ်များနှင့် ရဲအင်အား အများအပြား အဆိုပါနေရာသို့ ရောက်ရှိလာကြပြီး ဗဟိုလမ်းထိပ်နဲ့ ရပ်ကွက်လမ်းကြားများပါမကျန် လမ်းများပိတ်ပြီး စစ်ဆေးမှုများပြုလုပ်နေသည်ဟု ဒေသခံများက ပြောသည်။”ဗဟိုလမ်းတောက်လျှောက် လိုင်စင်ရုံးအထိ လမ်းကြားတွေကိုပါ ပိတ်ထားတယ်။ ဗုံးပေါက်ပြီး လမ်းတွေပိတ်ထားလို့ ရပ်ကွက်ထဲကလူတွေတောင် နေ့လည်ကနေ အခုချိန်အထိ အပြင်မထွက်ရဘူး။ စစ်သားတွေကော ရဲတွေကော အများကြီး ရောက်နေတာ”ဟု ဒေသခံတစ်ဦးက ပြောသည်။ mizzima

မကွေးတိုင်း မြိုင်မြို့နယ်ရှိ ကျေးရွာတစ်ရွာက ပြည်သူများက Myaing Villages Revolution Front (PDF) တပ်ဖွဲ့ကို လက်နက် တပ်ဆင်ရန်အတွက် လက်ဝတ်ရတနာများနှင့် ငွေကျပ် သိန်း ၈ဝကျော် လှူဒါန်းခဲ့ကြောင်း Myaing Villages Revolution Front (PDF) တပ်ဖွဲ့က တာဝန်ရှိသူ တစ်ဦးက ရန်ကုန်ခေတ်သစ် မီဒီယာကို ပြောဆိုသည်။

” တော်လှန်ရေး ရဲဘော်တွေ အတွက် နားကပ်နားတောင်း နားကွင်း အကုန်ချွတ်လှူတဲ့ ရွာပါဗျာ။ တာ်လှန်ရေးစိတ်ဓာတ် စစ်ကျွန်ဘဝမှ လွတ် မြောက်လိုစိတ် ဘယ်လောက်အထိ ပြင်းထန်သလဲဆိုတာ ဒါကိုကြည့်ရင် သိနိုင်ပါတယ်။ ကျွန်တော်တို့ လေးစားစွာ မှတ်တမ်းတင်ဂုဏ်ပြု ဦး ညွတ်ပါတယ်။ ကျွန်တော်တို့ အဲ့ဒီရွာက ရွှေငွေလက်ဝတ်ရတနာတွေနဲ့ ငွေသား သိန်း ၈၀ နီးပါးလှူဒါန်းခံရရှိပါတယ်” ဟု Myaing Villages Revolution Front (PDF) တပ်ဖွဲ့က တာဝန်ရှိသူ တစ်ဦးကပြောဆိုသည်။ khit thit

စစ်ကိုင်းတိုင်း ယင်းမာပင်ခရိုင် တရားရုံးမှာ  ဇန်နဝါရီ ၅ ရက်က ဗုံးပေါက်ကွဲပြီး စစ်ကောင်စီတပ်သား ၂ ဦး သေဆုံးသွားတယ်လို့ သိရပါတယ်။ 

“မနေ့ ၂ နာရီ လောက်ယင်းမာပင်ခရိုင်တရားကို ဗုံးပေါက်ကွဲမှု ပြုလုပ်တယ်။ အဲဒီမှာ စောင့်နေတဲ့ စစ်ကောင်စီတပ်သား ၂ ဦး သေတယ်။  ဗုံးဖောက်ပြီး မီးဝင်ရှို့တယ်။ မီးတော်တော်နဲ့မလောင်ဘူး ဒီအချိန်မှာ စစ်ကောင်စီတပ်တွေ ရောက်လာပြီး အပြန်အလှန်ပစ်ခတ်တယ်။ မြောက်ယမား  PDF တပ်ဖွဲ့ဝင်တစ်ဦး ထိခိုက်ဒဏ်ရာရတယ်” လို့ မြောက်ယမား PDF တာဝန်ရှိသူ တစ်ဦးက ပြောပါတယ်။

ယင်းမာပင် ခရိုင်တရားရုံးကို မြောက်ယမားပြည်သူ့ကာကွယ်ရေးတပ်နဲ့ ဆားလင်းကြီး တကိုယ်ဝောာ် သုဘရာဇာပူးပေါင်းပြီး ပြုလုပ်ခဲ့တာလို့ အတည်ပြုပြောပါတယ်။ DVB

ဒေသခံ ပြည်သူ့ကာကွယ်ရေးတပ်ဖွဲ့ (PDF) များ၏ အပြင်းအထန်ခုခံတော်လှန်မှုကို ရင်ဆိုင်နေရသည့် စစ်ကိုင်းတိုင်းအခြေစိုက် အနောက် မြောက်တိုင်းစစ်ဌာနချုပ် (နမခ) တိုင်းမှူး ဗိုလ်ချုပ်ဖြိုးသန့်နေရာကို ယနေ့ (ဇန်နဝါရီ ၆) အပြောင်းအလဲပြုလုပ်လိုက်ကြောင်း စစ်တပ်သတင်းရင်းမြစ်တစ်ခုထံမှ သိရသည်။

မုံရွာမြို့အခြေစိုက် နမခတိုင်းမှူး ဗိုလ်ချုပ်ဖြိုးသန့်ကို နယ်စပ်ရေးရာဝန်ကြီးဌာန ဒုတိယဝန်ကြီးအဖြစ် ပြောင်းရွှေ့ခန့်အပ်လိုက်ပြီး၊ တိုင်းမှူးသစ်အဖြစ် ကလေးမြို့အခြေစိုက် အမှတ် (၁၀) စစ်ဆင်ရေးကွပ်ကဲမှုဌာနချုပ် (စကခ ၁၀) တပ်မမှူးဖြစ်သူ ဗိုလ်ချုပ်သန်းထိုက်ကို ခန့်အပ်လိုက်ကြောင်း အဆိုပါသတင်းရင်းမြစ်က ပြောသည်။

“ဒီနေ့ပဲ အမိန့်ထွက်လာတာ။ ခုလေးတင်… ဗိုလ်ချုပ်သန်းထိုက်က DSA 38 က (စစ်တက္ကသိုလ်အပတ်စဉ် ၃၈)” ဟု အနောက်မြောက်တိုင်းစစ်ဌာနချုပ်တိုင်းမှူး အပြောင်းအလဲနှင့် ပတ်သက်၍ ထိုသတင်းရင်းမြစ်က ဆိုသည်။ 

နမခတိုင်းမှူး ဗိုလ်ချုပ်ဖြိုးသန့် ပြောင်းရွှေ့ခံရခြင်းမှာ စွမ်းဆောင်ရည်ညံ့ဖျင်း (Poor Performance) သောကြောင့် ဖြစ်သည်ဟုလည်း ၎င်းသတင်းရင်းမြစ်က ဖြည့်စွက်ပြောကြားသည်။

စစ်ကိုင်းတိုင်းနှင့် ချင်းပြည်နယ်တွင် ဒေသခံ PDF အဖွဲ့များနှင့် ဖြစ်ပွားသည့် တိုက်ပွဲများအတွင်း စစ်တပ်ဘက်မှ ထိခိုက်သေဆုံးမှုများပြားခဲ့သောကြောင့် စီမံခန့်ခွဲမှုညံ့ဖျင်းသည်ဆိုသော အကြောင်းပြချက်ဖြင့် နမခတိုင်းမှူး ဗိုလ်ချုပ်ဖြိုးသန့် ဖမ်းဆီးထိန်းသိမ်းခံရသည်ဟုပင် အောက် တိုဘာလအတွင်းက သတင်းများထွက်ပေါ်ခဲ့သည်။ 

အလုပ်သင်ဗိုလ်လောင်းသင်တန်း အမှတ်စဉ် ၂၃ (တေဇ ၂၃) တက်ရောက်ခဲ့သူ ဗိုလ်ချုပ်ဖြိုးသန့်မှာ ရန်ကုန်တိုင်းစစ်ဌာနချုပ်လက်အောက်ခံ အမှတ် (၄) စစ်ဆင်ရေးကွပ်ကွဲမှုဌာနချုပ် (စကခ ၄) တွင် တပ်မမှူးအဖြစ် တာဝန်ထမ်းဆောင်နေစဉ် အာဏာသိမ်းပြီးနောက်ပိုင်း နမခတိုင်းမှူးအဖြစ် ရာထူးတိုးမြှင့်ပေးခြင်းခံခဲ့ရသည်။

အလုပ်သင်ဗိုလ်လောင်းသင်တန်း အမှတ်စဉ် ၂၃ မှာ စစ်တက္ကသိုလ်အပတ်စဉ် ၃၈ နှင့် အတူတူဖြစ်သောကြောင့် နမခတိုင်းမှူးသစ်ဖြစ်လာသည့် ဗိုလ်ချုပ်သန်းထိုက်နှင့် ဗိုလ်ချုပ်ဖြိုးသန့်မှာ အရွယ်တူများပင်ဖြစ်ကြောင်း သိရသည်။ 

စစ်ကိုင်းတိုင်းနှင့် ချင်းပြည်နယ်တွင် ဒေသခံ PDF များ အဆမတန်ကြီးထွားလာပြီးနောက် စစ်ကောင်စီက အဆိုပါဒေသနှစ်ခုကို ‘အနော်ရထာ’ စစ်ဆင်ရေးအမည်ဖြင့် ကိုင်တွယ်ရန် စစ်ဆင်ရေးအထူးအဖွဲ့မှူးများဖြစ်ကြသည့် ဒုတိယဗိုလ်ချုပ်ကြီးသန်းလှိုင်နှင့် ဒုတိယဗိုလ်ချုပ်ကြီးတေဇကျော်တို့ကိုပင် အောက်တိုဘာလအတွင်း တာဝန်ပေးခဲ့သည်။ 

လက်ရှိတွင် စစ်ကိုင်းတိုင်းအတွင်း ဒေသခံ PDF များ၊ ပြောက်ကျားတပ်ဖွဲ့များနှင့် နေ့စဉ်ဖြစ်ပွားနေသည့် တိုက်ပွဲများအတွင်း စစ်ကောင်စီဘက်မှ အထိနာလျက်ရှိကာ မိုင်းဆွဲတိုက်ခိုက်ခံရခြင်းများကြောင့် စစ်ကောင်စီဘက်မှ နေ့စဉ်သေဆုံးသူ ဆယ်ဂဏန်းထက်မနည်းရှိနေကြောင်း အ မျိုးသားညီညွတ်ရေးအစိုးရ (NUG) ၏ ထုတ်ပြန်ချက်များက ဆိုသည်။

စစ်ကောင်စီကမူ စစ်ကိုင်းတိုင်းအပါအဝင် တစ်နိုင်ငံလုံးတွင် ဖြစ်ပွားနေသော တိုက်ပွဲများအတွင်း ၎င်းတို့ဘက်မှ ထိခိုက်သေဆုံးသူအရေအ တွက်ကို ထုတ်ပြန်လေ့ မရှိပေ။  myanmar now

ကရင်နီပြည်နယ်၊ လွိုင်ကော်မြို့၌ စစ်ကောင်စီတပ်က တိုက်ပွဲဖြစ်ပြီး အပြန်တွင် လွိုင်ကော်-ဒီးမော့ဆို ကားလမ်း တစ်လျှောက်ရှိ နေအိမ်များကို ယ‌နေ့ ဇန်နဝါရီလ ၆ ရက် ညနေ ၅ နာရီ ၀န်းကျင်တွင် မီးရှို့ဖျက်ဆီးခဲ့ကြောင်း လွိုင်ကော်မြို့ဒေသခံများထံမှ သိရသည်။

“တိုက်ပွဲဖြစ်ပြီး အ ပြန်လမ်းတစ်လျှောက် နေအိမ်တွေကိုမီးရှို့တာ၊ အိမ်တွေ အများစုကို ရှို့လို့ ဘယ်နှစ်လုံးလဲဆိုတာတော့ အတိအကျမသိရသေးဘူး။ နေ့လယ်ကလည်း လက်နက်ကြီးဒဏ်ကြောင့် ပြည်သူနှစ်ယောက်ထိတာ အသက်ရှင်သေးလားဆိုတာ မသိသေးဘူး ဒဏ်ရာတော့ရတယ်”ဟု လွိုင်ကော်မြို့ဒေသခံတစ်ဦးက မဇ္ဈိမကို ပြောသည်။

အဆိုပါ စစ်ကောင်စီတပ်သားများနှင့် ဒေသတွင်းကာကွယ်ရေး တပ်ဖွဲ့၀င်များ သည် လွိုင်ကော်မြို့ မိုင်းလုံး ရပ်ကွက်အနီးတွင် ယနေ့ နံနက်မှစ၍ ပစ်ခတ်မှုများဖြစ်ပွားခဲ့သည်။ စစ်ကောင်စီတပ်မှ လက်နက်ကြီးများဖြင့် ပစ်ခတ်မှု‌ကြောင့် ဒေသခံများ​၏ နေအိမ်ပေါ်သို့ လက်နက်ကြီးကျည်များ ကျကာ ပြည်သူနှစ်ဦး ဒဏ်ရာပြင်းထန်စွာရရှိခဲ့ကြောင်း သိရသည်။အဆိုပါမြို့တွင်းတိုက်ပွဲတွင် KDF၊ KNDF၊ GZ-21(loikaw)တို့ ပူးပေါင်း၍ စစ်ကောင်စီကိုတိုက်ခိုက်ခဲ့ခြင်း ဖြစ်သည်။ တိုက်ပွဲအတွင်း စစ်ကောင်စီမှ ထိခိုက်ဒဏ်ရာများစွာရရှိခဲ့ပြီး သေဆုံးစာရင်းကို အ တည်ပြု၍မရသေးကြောင်း Karenni Democratic Front(KDF)သတင်းနှင့် ပြန်ကြားရေးမှ သတင်းထုတ်ပြန်ထားသည်။ mizzima

နိုင်ငံရေးပြဿနာများကို နိုင်ငံရေးဆွေးနွေးခြင်းဖြင့် အဖြေရှာရန် တိုင်းရင်းသား လက်နက်ကိုင် ၁၀ ဖွဲ့​ပေါင်းစု ဖွဲ့စည်းထား​သော PPST အဖွဲ့က ယနေ့ ဇန်န ဝါရီလ ၆ ရက်နေ့တွင် ကြေညာချက် ထုတ်ပြန်သည်။ ၂၀၂၁ ခုနှစ် ဒီဇင်ဘာလအတွင်း ဖြစ်ပွားသည့် ကယားပြည်နယ် ဖရူဆိုမိုဆိုကိ စ္စ၊ လေးကေကော် ငြိမ်းချမ်းရေးမြို့သစ်ကိစ္စနှင့် ဒေသအသီးသီးရှိ အမျိုးသမီးများ၊ ကလေးများနှင့် သက်ကြီးရွယ်အိုများအပါအဝင် အရပ်သားများအပေါ် အကြမ်းဖက် စစ်ကောင်စီ၏ လူမဆန်ကျူးလွန်မှုများကို ပြင်းထန်စွာ ကန့် ကွက်ရှုတ်ချသည်ပါရှိသည် ။

ငြိမ်းချမ်းရေးလုပ်ငန်းစဉ်ဦးဆောင်အဖွဲ့(PPST)အစည်းအဝေး (၂၃/၂၀၂၂) ဖော်ပြချက်တွင် ၂၀၂၁ တွင် နိုင်ငံရေးပြဿနာများကို နိုင်ငံရေးနည်းနှင့် မဖြေရှင်းဘဲ အင်အားသုံးဖြေရှင်းသည့်အတွက် ပြည်သူများ သေဆုံးခြင်း၊ ဒုက္ခမျိုးစုံရောက်ခြင်း၊ လူမှုစီးပွားနိမ့်ဆင်းခြင်း၊ လူငယ်များ အနာ ဂတ် ပျောက်ခြင်းကို ဝမ်းနည်းသည်ဟု ဖော်ပြထားပြီး ၂၀၂၂ တွင် လွတ်လပ်ငြိမ်းချမ်းသည့် ဒီမိုကရေစီ အရသာ ပြန်ခံစားနိုင်ရန်နှင့် ဖက်ဒရယ်ဒီမိုကရေစီ ပြည်ထောင်စုတည် ဆောက်ရေး ဝိုင်းဝန်းပါဝင်ရန်လည်း ထုတ်ပြန်ချက်တွင် ဖော်ပြထားသည်။

နိုင်ငံတကာအဖွဲ့အစည်းများ၊ ကုလသမဂ္ဂအထူးကိုယ်စားလှယ်၊ အာဆီယံနိုင်ငံအပါအဝင် နိုင်ငံတကာ ကြားဝင်စေ့စပ်မှုကို လက်တွေ့ကျကျဆောင်ရွက်နိုင်ရေး ကြိုးပမ်းသွားမည် PPST ထုတ်ပြန်ချက်တွင်ပါရှိသည်။ khit thit

ကရင်ပြည်နယ်၊ မြဝတီမြို့နယ်၊ ကေအန်ယူတပ်မဟာ ၆ နယ်မြေ လေးကေ့ကော်ဒေသမှာ စစ်ကောင်စီရဲ့တပ်တွေ အင်အားဖြည့်တင်းထပ်မံဝင်ရောက်လာပြီး စစ်ရေးလှုပ်ရှားလာတဲ့အတွက်  တိုက်ပွဲတွေ  ထပ်ဖြစ်လာမှာကို စိုးရိမ်တယ်လို့  ဒေသခံတွေက ပြောပါတယ်။ 

စစ်ကောင်စီရဲ့တပ်တွေဟာ ဇန်နဝါရီ ၅ ရက်က တပ်ရင်း ၃ ရင်းပူးပေါင်းကာ စစ်သည်အင်အား  ၄၀၀ နီးပါးနဲ့အတူ လက်နက်ခဲယမ်းဖြည့်တင်းပြီး ဖလူးကြီးကျေးရွာဘက်ကို ဝင်ရောက်လှုပ်ရှားလာတာလို့ ဆိုပါတယ်။

လေးကေ့ကော်မြို့သစ် စခန်းတာဝန်ရှိသူတစ်ဦးက ““ဖလူးကျေးရွာဖက်မှာ တပ်အင်အားတိုးချဲ့လာတာ ရှိတယ်။ လက်ရှိတော့ မနေ့ကကော ဒီနေ့အထိတော့ ဘာမှမဖြစ်သေးဘူး”လို့ ပြောပါတယ်။

ဖလူးကြီးကျေးရွာသားတစ်ဦးက”ရွာကို မနေ့က စကစကလူတွေ အများကြီးနဲ့ဝင်လာတယ်။ အရင်က ထက်ပိုများတယ်။ သူတို့ဝင်လာရင် စစ်လားဆေးလားနဲ့ ထပ်ပြီးတိုက်ပွဲဖြစ်မှာကို စိုးရိမ်တယ်။ စစ်ရှောင်နေရတဲ့ သူတွေ စစ်ရှောင်နေရတုန်း”လို့ ဆိုပါတယ်။

လေးကေ့ကော်မြို့သစ်ကို ဇန်နဝါရီ ၆ ရက် ဒီကနေ့မနက် စစ်ကောင်စီတပ်က သိမ်းယူလိုက်ပြီလို့ သတင်းတွေ ထွက်ပေါ်နေပါမယ့် ကေအန်ယူတာဝန်ရှိသူတဦးတော့ မဟုတ်မှန်ကြောင်းနဲ့ နှစ်ဖက်တပ်တွေ နေရာယူတဲ့အနေအထားရှိနေတာလို့ ပြောပါတယ်။ 

ကေအန်ယူ ဒူးပလာယာခရိုင်ရုံးက တာဝန်ရှိသူတဦးက “သိမ်းလိုက်တယ်ဆိုတာကိုတော့ မဟုတ်ဘူးလို့ထင်တယ်။ ဘာဖြစ်လို့လဲဆိုတော့ လေးကေ့ကော် အမြောက်ကုန်းမှာ ဗမာစစ်တပ်တွေ ရှိတယ်။ လေ့ကေ့ကော်က အရှေ့ပိုင်းမှာစစ်တပ်တွေရှိတယ်။ အနောက်ဘက်ပိုင်းမှာတော့ ကျနော့် ကေအန်ယူရှိတယ်။ ပြီးတော့ အဲဒီသိမ်းဆည်းတယ်ဆို မဟုတ်နိုင်ဘူး။ ဘာလို့လဲဆိုတော့ ပတ်ပတ်လည်မှာ ကျနော်တို့လူတွေ ရှိတယ်။ တခုပဲ ရှိတာက သူတို့က လေးကေ့ကော်အုပ်ချုပ်ရေးရုံးကို ဝင်နေတယ်။ ပြီးတော့ လေ့ကေ့ကော် အ.ထ.ကကျောင်း၊ ဒူပလာရာ အထက်တန်းကျောင်းဝင်းထဲ ဝင်ပြီးနေတယ်။ ပြီးတော့ လမ်းမကြီးဘေးတွေ သူတို့နေတယ်။ ဒါပေမဲ့ အင်အားအများကြီး နဲ့မဟုတ်ဘူး။ ”လို့ ပြောပါတယ်။

လက်ရှိလေးကေ့ကော်မှာ လက်ရှိ နှစ်ဘက်စစ်တပ်က လွဲပြီး  ဒေသခံတွေ မရှိကြတော့ဘူးလို့လည်း ဒူးပလာယာခရိုင်တာဝန်ရှိသူက ပြောပါတယ်။ 

“အခုလေးကေ့ကော်ထဲမှာတော့ ဒေသခံ ပြည်သူတွေမရှိကြတော့ဘူး။  ဗမာစစ်တပ်နဲ့ ကေအန်ယူတပ်ပဲ ရှိတော့တယ်။ မဲ့ထော်သလေးမှာလည်း ဒေသခံတယောက်စ နှစ်ယောက်စပဲ ပြန်ပြီး ပြန်ထွက်သွားကြတာပဲ ရှိတော့တယ်။ ”

လေးကေ့ကော်နဲ့ မဲ့ထော်သလေးအပါအဝင် ကျေးရွာတွေမှာ   စစ်ပွဲကြောင့် ထွက်ပြေးတဲ့ ဒေသခံတွေရဲ့ နေအိမ်ခြံဝင်းတွေအတွင်းရှိ မော်တော်ကား၊ ဆိုင်ကယ်နဲ့ တခြား အဖိုးတန်ပစ္စည်းတွေကို စစ်ကောင်စီတပ်တွေက  ခိုးယူတာ၊ စားသုံးတာနဲ့ ဖျက်ဆီးတာတွေ လုပ်နေတယ်လို့  ကေအန်ယူဘက်ကရော၊   စစ်ရှောင်သူတွေကပါ  အတည်ပြုပြောပါတယ်။

တိုက်ပွဲတွေ ဆက်လက်ဖြစ်ပွားနေမယ်ဆိုရင် စစ်ဘေးရှောင်နေရတဲ့ ဒေသခံတွေဟာ ရေရှည်မှာ နေထိုင်စားသောက်ရေးအပြင် လက်ရှိဖြစ်ပွားနေတဲ့ ကိုဗစ်ရောဂါနဲ့ တခြားကျန်းမာရေးဆိုင်ရာ ပြဿနာတွေ ရှိလာနိုင်တယ်လို့ ဒေသခံတွေက ဆိုပါတယ်။

ဇန်နဝါရီ ၃ ရက်ကလည်း ထိုင်းနိုင်ငံ စစ်ဘေးရှောင်စခန်းကနေ နေရပ်ပြန်လာခဲ့တဲ့ အသက် ၄၀ အရွယ်အမျိုးသမီးတယောက်  နေအိမ်မှာနေ ထိုင်နေစဉ် စစ်ကောင်စီရဲ့တပ်က ပစ်ခတ်လိုက်တဲ့ လက်နက်ကြီးကျည်ဆန်စ ထိမှန်ပြီး သေဆုံးခဲ့ပါတယ်။

ဒီဇင်ဘာ ၁၅ ရက်ကစတင်ပြီး လေးကေ့ကော်ဒေသကို ကျူးကျော်ဝင်ရောက်လာတဲ့ စစ်ကောင်စီတပ်တွေနဲ့  KNLAပူးပေါင်းတပ်ဖွဲ့တို့ နေ့စဉ်တိုက်ပွဲတွေဖြစ်ပွားခဲ့ရာမှာ စစ်ကောင်စီတပ်ဘက်က လက်နက်ကြီတွေနဲ့ရော လေကြောင်းကပါ ဗုံးကြဲတိုက်ခိုက်ခဲ့လို့ ဒေသခံပြည်သူတွေ သောင်ရင်းမြစ်ကမ်း ဘေးလွတ်ရာမှာ ရှောင်ပုန်းနေရသလို အယောက်   ၅၀၀၀ လောက်ဟာ  ထိုင်းနိုင်ငံဘက်မှာ စစ်ရှောင်ခိုလှုံနေရပါတယ်။ DVB