SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS

မကွေးတိုင်း မြိုင်မြို့နယ်တွင် အကြမ်းဖက် စစ်ကောင်စီ တပ်ဖွဲ့များက Myaing PDF တပ်ဖွဲ့ကို ယနေ့ ဇန်နဝါရီလ ၁ဝရက်နေ့ တောနင်းရှာဖွေစဉ် စစ်တပ် ဝိုင်းခံထားရသော Myaing PDF ရဲဘော် ၂ဦးက မိုင်းများ ဖောက်ခွဲကာ ကိုယ့်ကိုကို အဆုံးစီရင်ခဲ့ကြောင်း Myaing PDFတပ်ဖွဲ့ထံမှ သိရသည်။

အကြမ်းဖက် စစ်ကောင်စီ တပ်ဖွဲ့များသည် မြိုင်မြို့နယ် တောင်ဘက် ကိုင်းတောမလမ်းတွင် အင်အား ၅၀ခန့်၊ အနောက်ဘက် ဗဟင်းလမ်းတွင် အင်အား ၁၀၀ ခန့် နှင့် မြောက်ဘက် မင်းသားကျလမ်းတွင် အင်အား ၈၀ ခန့်တို့ပါဝင်သော စစ်ကြောင်းများက Myaing PDF တပ်ဖွဲ့ကို တော နင်းရှာဖွေခဲ့ခြင်းဖြစ်ကြောင်း သိရသည်။

ထိုသို့ တောနင်းရှာဖွေစဉ် ဗဟင်းလမ်းရှိ သက္ကယ်ကန်ရွာအနီးတွင် Myaing PDF မှ ရဲဘော်၂ယောက်သည် စစ်ကောင်စီ တပ်ဖွဲ့များ၏ ဝိုင်းဝန်းမှုကို ခံရသဖြင့် မိုင်းများဖြင့် ကိုယ့်ကိုယ်ကိုယ် အဆုံးစီရင်ခဲ့ခြင်းဖြစ်ကာ Myaing PDF မှ အဆိုပါ ကျဆုံးရဲဘော်၂ ဦးအား သူရဲကောင်းများအ ဖြစ် မှတ်တမ်းတင်ထားကြောင်း Myaing PDFတပ်ဖွဲ့က ထုတ်ပြန်ထားသည်။ khit thit

မကွေးတိုင်းဒေသကြီး၊ ရေစကြိုမြို့နယ် ရေလယ်ကျွန်းကျေးရွာတွေကို  စစ်ကောင်စီတပ်က ပတ်လည်ဝိုင်းပြီး လက်နက်ကြီးတွေနဲ့ ပစ်ခတ်တာကြောင့် ကျေးရွာဒေသခံပြည်သူတွေ ထွက်ပြေးတိမ်းရှောင်နေရတယ်လို့ ဒေသခံတွေကပြောပါတယ်။

စစ်ကောင်စီတပ်ဟာ ရေလယ်ကျွန်းကျေးရွာတွေဘက်ကို ဇန်နဝါရီ ၁၀ ရက် မနက်ပိုင်းက စတင်ပြီး ညနေပိုင်းအထိ လက်နက်ကြီးတွေနဲ့ ပစ် ခတ်ခဲ့တာလို့ ဒေသခံတွေကပြောပါတယ်။

“မနက်ပိုင်း အစောကြီးပဲ ညောင်ပင်ရွာကို ပတ်ပတ်လည်ဝိုင်းပြီးတော့ လက်နက်ကြီးငယ်တွေနဲ့ ပစ်ခတ်သောင်းကျန်းကြတယ်၊ ရွာကလူတွေ အကုန်ထွက်ပြေးကြရတာပေါ့။ မနက်ပိုင်း ၆ နာရီလောက်ကစပြီးတော့ ရေလယ်ကျွန်းဘက်ကို ပခန်းငယ် ချစ်သူရွာက စစ်တပ်ကြီး ဒီဘက်ကို ကူးလာပြီး ပစ်ကြတယ်။ ဘာလို့ပစ်တယ်တော့ မသိဘူး အဲ့လို ပစ်လို့ ငါတို့ထွက်ပြေးကြရတာ ပဲသိတယ်။ နယ်မြေရှင်းလင်းရေးလုပ်တာလို့လည်း ပြောကြတယ်။ ညောင်ပင်ကနေ မိုးဖြူမိုးကွဲဘက်ကို သွားတယ်။ အခု တောထဲမှာ ညဘက်အထိဆိုရင် အေးလာတော့မှာ၊ ကလေးတွေနဲ့ လူကြီးပိုင်းတွေလည်းပါသေးတယ် “လို့ ဒေသခံတစ်ဦးက ပြောပါတယ်။

စစ်ကောင်စီတပ်ဟာ မနက် ၇ နာရီကျော်လောက်မှာတော့ ညောင်ပင်ရွာကနေ မိုးဖြူမိုးကွဲကျေးရွာဘက်ကို ထွက်ခွာပြီး ပစ်ခတ်ခဲ့တယ်လို့ ဆိုပါတယ်။

မိုးဖြူမိုးကွဲကနေဆင့် မြေတော်ကျေးရွာ ရဲစခန်းအတွင်းက စစ်ကောင်စီတပ်ဖွဲ့ဝင်တွေနဲ့ ပူးပေါင်းပြီး အင်အား ၅၀ ကျော်လောက် တပ်စွဲနေ ထိုင်နေတယ်လို့ ဒေသခံတစ်ဦးက ပြောပါတယ်။

“စခတွေ ဘယ်မှမဝင်ပဲ တောလမ်းကနေ မြေတော်ကို ဖြတ်တက်ရာက မြေတော်ရွာအနောက်ကနေ ထွက်စောင့်နေတဲ့ အဖွဲ့နဲ့ပေါင်းပြီး စုစု ပေါင်း အင်အား ၅၀ ကျော်လောက် မြေတော်စခန်းထဲ ဝင်သွားကြတယ်။ အခုညနေပိုင်းအထိ မပြန်သေးဘူး ရှိနေဆဲပါပဲ။” 

ညောင်ပင်ရွာ၊ မိုးဖြူ၊ မိုးကွဲ၊ မြေတော် ကျေးရွာက ဒေသခံတွေ ထွက်ပြေးတိမ်းရှောင်နေရပြီး ကူညီလှူဒါန်းလိုသူတွေအနေနဲ့ စစ်ဘေးသင့် ကူညီရေး ကွန်ရက်မှာ ဆက်သွယ်လှူဒါန်းနိုင်တယ်လို့ သိရပါတယ်။ DVB

စစ်ကိုင်းတိုင်း ရေဦးမြို့နယ်အတွင်း   အင်အား ၅၀ လောက်ရှိတဲ စစ်ကောင်စီတပ်ကို Area-21 Network အဖွဲ့က ဇန်နဝါရီ ၁၀ ရက် မနက် ၈ နာရီလောက် တိုက်ခိုက်ခဲ့တယ်လို့ သိရပါတယ်။

ရေဦးမြို့နယ် နံသာကြိုင်ရွာအနီးမှာ တိုက်ခိုက်ခဲ့တာလို့ ရေဦး ပြည်သူ့ကာကွယ်ရေးတပ်ဖွဲ့ တာဝန်ရှိသူက အတည်ပြုပါတယ်။

“ရွာစဉ်ထိုးငတ်ကြီးကျနေတဲ့ (-) သားတွေကို အလစ်ဝင်ပြီး ပြောက်ကြားနည်းနဲ့တိုက်ခိုက်ခဲ့တာ။ ဒီကောင်တွေ ၁၀ ဦးထက်မနည်း ကျလိမ့်မယ်ဗျ။ ကျနော်တို့ဘက်ကတော့ နယ်မြေကျွမ်းကျင်မှုကို အသုံးချနိုင်လို့ အကျဆုံးမရှိခဲ့ဘူး။” 

ထိခိုက်ကျဆုံးမှုနဲ့ပတ်သက်ပြီး စစ်ကောင်စီပြန်ကြာရေးဘက်က သတင်းထုတ်ပြန်ထားတာ မရှိသေးပါဘူး။

အဆိုပါတိုက်ခိုက်ခဲ့တာဟာ Area-21 အဖွဲ့နဲ့ ဒီပဲယင်း MDF၊ ဒီပဲယင်း ပ.က.ဖအဖွဲ့ ၃ ဖွဲ့ပေါင်းပြီး ပူးပေါင်းတိုက်ခိုက်ခဲ့တာလို့ သိရပါတယ်။ DVB

စစ်ကိုင်းတိုင်း၊ ကနီမြို့တောင်ဘက် အလယ်ကျွန်းရွာတွင် တပ်စွဲထားသည့် စစ်ကောင်စီတပ်နှင့် ပျူစေထီးများ ရွာအပြင်ထွက်ရာက မိုင်းမိ၍ သုံးဦးခန့် ထိခိုက်ခဲ့ကြောင်းသိရသည်။ ယနေ့ ဇန်နဝါရီလ ၁၀ ရက် နေ့လယ် ၁၂ နာရီအချိန်ခန့်တွင် ကနီမြို့နှင့် ၅ ဖာလုံခန့်အကွာ အလယ်ကျွန်း ရွာပြင် တစ်နေရာတွင် စစ်ကောင်စီတပ်သားနှင့် ပျူစောထီး အင်အား ၂၀ ခန့်မိုင်းမိခဲ့ခြင်း ဖြစ်သည်။

“ကျွန်တော်တို့ ကနီနယ်မှာ အလယ်ကျွန်းရွာကတော့ ပျူတွေ အများစုရှိတယ်၊ စစ်ကောင်စီ တပ်တွေကလည်း အဲ့ဒီရွာမှာ တပ်စွဲလေ့ရှိတယ်၊ ပြီးရင် အနီးအနားက ရွာတွေမှာ လိုက်သောင်းကျန်းတယ်၊ ကောက်ပဲသီးနှံတွေ သိမ်းတယ်၊ နေအိမ်တွေ မီးရှို့တယ်၊ ဒါကြောင့် ကျွန်တော်တို့က မိုင်းခွဲတိုက်ခိုက်လိုက်တာပါ” ဟု Kani People’s Defence Force – KLG ပြန်ကြားရေး တာဝန်ခံက ပြောသည်။

KLG မှ ထုတ်ပြန်ထားသော မိုင်းထိသည့် ပုံတွင် ရဲဟုရေးထားသည့် ဘက်ထရီ အသေးတစ်ခု၊ ဘောင်းဘီရှည် တစ်ထည်နှင့် သွေးကွက်များ တွေ့ရသည်။ စစ်ကောင်စီတပ်များနှင့် ပျူစောထီးအဖွဲ့များသည် အလယ်ကျွန်းကျေးရွာ အနီးရှိ ငါးဖျက်တောတိုက်ရှိ ပြည်သူတစ်ဦး၏ နေအိမ် နွားတင်းကုတ်နှင့် မီးဖိုချောင်အား ဒီကနေ့ မနက်ပိုင်းက မီးရှို့ဖျက်ဆီးခဲ့ကြောင်း သိရသည်။ မီးရှို့ခံရသည့် နေအိမ်နှင့် အခြား အဆောက်အဦသည် လုံးဝြ ပာကျသွားသည်ကို တွေ့ရသည်။ဒေသတွင်း စစ်ကောင်စီတပ်များနှင့် ပျူစောထီးများ စခန်းချရာ အနီးရှိ ကျေးရွာများတွင် ဒေသခံ ပြည်သူများ မနေရဲကြဘဲ ဘေးလွတ်ရာ တိမ်းရှောင် နေကြရသည်။ mizzima

အကြမ်းဖက် စစ်ကောင်စီ တပ်ဖွဲ့ဝင်များနှင့် KNLA အမှတ် (၅) တပ်မဟာ လက်အောက်ရှိ စစ်သည်များ ဇန်နဝါရီလ ၈ ရက်နှင့် ၉ ရက်နေ့တို့တွင် တိုက်ပွဲစုစုပေါင်း ၅ ကြိမ် ဖြစ်ပွားခဲ့ပြီး အကြမ်းဖက် စစ်ကောင်စီဝင် ၁၀ ဦး သေဆုံးကာ ၃ ဦးဒဏ်ရာရရှိခဲ့ကြောင်း ကေအဲန်ယူ-မူတြော် သတင်းစဉ်တွင် ဖော်ပြထားသည်။

ထို့ပြင် အကြမ်းဖက် စစ်ကောင်စီ၏ စစ်ကား ၃ စီးကိုလည်း ဖျက်ဆီးနိုင်ခဲ့သည်ဟု ထုတ်ပြန်ချက်တွင် ပါရှိသည်။ တိုက်ပွဲများမှာ ဇန်နဝါရီလ ၈ ရက်‌နေ့ မနက် ၄ နာရီခွဲအချိန်တွင် KNLA အမှတ် (၅) တပ်မဟာ၊ တပ်ရင်းလက်အောက်ခံတပ်ခွဲမှ ဖာပွန်အနောက်ဘက်ကမ်းတွင် ကင်းဝပ်အ ခြေချလာသည့် အကြမ်းဖက် စစ်ကောင်စီကို ဝင်ရောက်တိုက်ခိုက်ရာ အကြမ်းဖက် စစ်ကောင်စီတပ်ဖွဲ့ဝင် ၂ ဦးသေဆုံးခဲ့ခြင်းဖြစ်သည်။

ထို့ပြင် ဇန်နဝါရီလ ၉ ရက်နေ့တွင် တိုက်ပွဲ လေးကြိမ် ဖြစ်ပွားခဲ့ပြီး KNLU မှ ဖာပွန်အနောက်ဘက်ကမ်းတွင် တစ်ကြိမ်၊ ကတိုင်တိကျေးရွာ တိုလယ်တွင် တစ်ကြိမ်၊ ရေပူတွင် တစ်ကြိမ်၊ ခေါပုပ်ဒေသတွင် တစ်ကြိမ်၊ ခွေသေတွင် တစ်ကြိမ် အကြမ်းဖက် စစ်ကောင်စီဝင်များကို ဝင်ရောက်တိုက် ခိုက်ခဲ့ရာ စုစုပေါင်း ၈ ဦးသေဆုံးကာ ၃ ဦးဒဏ်ရာရရှိခဲ့သည်ဟု ထုတ်ပြန်ချက်တွက် ပါရှိသည်။

တိုက်ပွဲကာလအတွင်း KNLA အမှတ်(၅) စစ်သည်များဘက်မှာ တစ်စုံတစ်ဦးမှ အထိအခိုက်ကျဆုံးမှု မရှိပေ။ထို့ပြင် ဖာပွန်ဒေသတစ်ဝိုက်ရှိ မောင်ချစ် ဦးဆောင်သည့် BGF(၁၀၁၄) ၏ စောမောင်နီးနှင့် အပေါင်းများက မယ်ပရီကျေးရွာအုပ်စုအတွင်းရှိ ထီးဘောကော်၊ ထီးထော်ခီးနှင့် မယ်ပရိဖိုးခီးကျေးရွာရှိ ရွာသူများကို ကော်သူးလေ၊ KNU ကို အဆက်အသွယ်မလုပ်ရန် ခြိမ်းခြောက်ပြီး ဆက်သွယ်ပါက ရွာလုံးကျွတ်မီးတင်ရှို့မည် ပြောဆိုကြောင်း၊ KNLA အမှတ်(၅) တပ်မဟာမှ ၎င်းတို့၏ အခြေချရာ တပ်စခန်းကို ဝင်ရောက် မပစ်ခတ်ရန်လည်း ပြောဆိုသွားကြောင်း အဆိုပါ ထုတ်ပြန်ချက်တွင် ဖော်ပြထားသည်။ khit thit

စစ်ကောင်စီလက်အောက်ခံ စီးပွားကူးသန်းဝန်ကြီးဌာနက ထုတ်ပြန်တဲ့ ၂၀၂၂ အတွက် ကားတင်သွင်းခွင့်မူဝါဒကြောင့် ကားအရောင်းစင်တာတွေ ပိတ်ရမယ့် အခြေအနေမျိုးနဲ့ ကြုံတွေ့နေရတယ်လို့ ကားအရောင်းစင်တာဖွင့်လှစ် ကားရောင်းချသူတွေက ပြောပါတယ်။

စစ်ကောင်စီက ပြည်တွင်းမှာ အမေရိကန်ဒေါ်လာ လိုအပ်ချက် ရှိနေတာကြောင့် ကားပါမစ် (ပြည်ပမှ ကားအသစ်တင်သွင်းခွင့်) တွေကို ၂၀၂၁ ခုနှစ်၊ စက်တင်ဘာလကတည်းက ရပ်ဆိုင်းခဲ့တာဖြစ်ပြီး ၂၀၂၂ ခုနှစ်အတွက် ကားတင်သွင့်ခွင့်မူဝါဒ ထွက်ရှိလာတဲ့အခါမှာလည်း ကားသစ်တင်သွင်းခွင့်ကို ကားအရောင်းစင်တာတွေကို ချန်လှပ်ထားပါတယ်။

ဒီမူဝါဒကြောင့် ကားအရောင်းစင်တာအများစုက ရပ်တည်ဖို့တောင် ခက်ခဲနေတဲ့အကြောင်း ကားအရောင်းစင်တာ လုပ်ငန်းရှင်တဦးက “သူက ၂ မျိုး ရှိတယ်ဗျ။ brand new car showroom (ကားအရောင်းပြခန်း) နဲ့ အရောင်းစင်တာ ကမတူဘူး။ လုပ်ငန်းလိုင်စင်အမျိုးအစားလည်း မတူးဘူးနော်။ showroom တွေက အသစ်ကိုပေးတဲ့ dealer လိုင်စင်ယူထားတဲ့ သူတွေ။ သူတို့က အရေအတွက် နည်းတယ်။ Toyota တို့ ဘာတို့ပေါ့ဗျာ။ သူတို့ကိုတော့ အသစ်တင်သွင်းခွင့် ပြန်ပေးထားပါတယ်။ ပေးတယ်ဆိုတာကလည်း အရေအတွက်တော့ ကန့်သတ်ထားတယ်။ အရင်တုန်းက  အစီး ၂၀၀ ပေးရင် အခုက တခါပေးရင် အစီး ၂၀ နဲ့ နောက်ထက်ရဖို့အတွက် ထပ်စောင့်ဖို့ကလည်း ဘယ်လောက်အထိ စောင့်ရမလဲ မသိဘူး။ ဆိုတော့ ကားအရောင်းပြခန်းသမားတွေက နည်းနည်းတော်သေးတယ်။ ကားအရောင်းစင်တာတွေကတော့ ပိတ်ရမလို ဖြစ်နေပြီ။ ဘာလို့လဲဆို အရောင်းစင်တာတွေကိုတော့ လုံးဝမပေးဘူး။ ဇီးရိုးပဲ။ လုံးဝမပေးတဲ့အတွက် သူတို့တွေက ရပ်တည်ဖို့ ခက်လာပြီး အများစုက ပိတ်ရမလို ဖြစ်နေရပြီ” လို့ ပြောပါတယ်။ 

ဒီအကျိုးဆက်ကြောင့် ရန်ကုန်ကားဝယ်ရောင်းစျေးကွက်မှာ ကားသစ်တွေရဲ့စျေးနှုန်းက တက်သွားခဲ့ပြီး အရောင်း အဝယ်ကတော့ အေးသွားပါတယ်။

ပြည်တွင်းမှာ SKD စနစ်နဲ့ထုတ်လုပ်ပြီး ကားသစ်ရောင်းချနေတဲ့ car showroom ပိုင်ရှင်တဦးက “သူတို့ရဲ့မူဝါဒကတော့ ပြည်တွင်းထုတ်လုပ်မှုကို အားပေးတာပေါ့နော်။ ဒါကြောင့် MIC ခွင့်ပြုချက်နဲ့ SKD ထုတ်ကားတွေကို မပိတ်ထားဘူး။ ပြီးတော့ brand new ကားစျေးကွက်မှာတော့ SKD က ၈၀ ရာခိုင်နှုန်းလောက် ရှိတာကြောင့် စျေးကွက် အပေါ်မှာ အများကြီးတော့ ရိုက်ခတ်မှု မရှိနိုင်ပေမယ့် ကားအရောင်းစင်တာတို့၊ အရောင်းပြခန်းထောင်ထားတဲ့ သူတွေကတော့ လုပ်ရကိုင်ရတာ ခက်ခဲကျပ်တည်းသွားတာပေါ့” လို့ ပြောပါတယ်။

လက်ရှိပြည်တွင်းမှာ ဒေါ်လာဈေးတက်နာနဲ့အတူ ကားဈေးကွက်မှာ  SKD ကားတွေ စျေးတက်နေတယ်လို့ သိရပါတယ်။

ဒါ့အပြင် သင်္ဘောတင်ခတွေလည်း  ၄ ဆ၊ ၅ဆ တက်သွားတဲ့အတွက်ကြောင့် ပြည်ပကသွင်းတဲ့ ကားတွေလည်း စျေးတွေကတက်သွားကာ အရောင်းအဝယ်တွေ အေးနေတယ်လို့ သိရပါတယ်။ DVB

ကယား(ကရင်နီ)ပြည်နယ်၊ နန်းမယ်ခုံမြို့မှာ ဇန်နဝါရီ ၉ ရက် ည ၉ နာရီ ဝန်းကျင်လောက်ကစပြီး လူနေအိမ်ရပ်ကွက်တွေထဲ စစ်ကောင်စီတပ်က လက်နက်ကြီးတွေနဲ့ ပစ်ခတ်ခဲ့တာကြောင့် အရပ်သား ပြည်သူ  ၂ ယောက်  နှလုံးရပ်သေဆုံးသွားပါတယ်။ 

၁၂၀ မမ လက်နက်ကြီးတွေနဲ့ ပစ်ခတ်တဲ့ဒဏ်ကြောင့် အသက် ၅၀ အရွယ် ပြည်သူ နှစ်ဦးနှလုံးရပ် သေဆုံးခဲ့ရတာဖြစ်ပြီး အသက် ၅၀ ကျော်အရွယ် အမျိုးသမီးရဲ့ ဈာပနကိုတော့ ဒီကနေ့ ဇန်နဝါရီလ ၁၀ ရက်နေ့မှာ ပြုလုပ်ခဲ့ပါတယ်။

ဒီမောဆိုးမြို့နယ်အနီးတဝိုက်နားမှာ စစ်ကောင်စီတပ်တွေနဲ့ ဒေသခံ PDF တပ်တွေ တိုက်ပွဲဖြစ်ပွားနေပေမဲ့ အခု လက်နက်ကြီးကျည်ကျတဲ့နေရာမှာတော့ ဘာတိုက်ပွဲမှမရှိဘဲ အရပ်သားတွေကို ဦးတည် ပစ်ခတ်တာလို့ ဒေသခံတွေက ပြောပါတယ်။ 

လက်နက်ကြီးတွေနဲ့ ပစ်ခတ်ခံရတဲ့ နန်းမယ်ခုံမြို့က ကျေးရွာဒေသခံတချို့ကတော့ ကြောက်ရွံ့စိုးရိမ်ပြီး ဒီမနက်အစောပိုင်းက ဘေးလွတ်ရာကို ရှောင်တိမ်းနေကြပါတယ်။ DVB

စစ်ကိုင်းတိုင်း၊ ကနီမြို့နယ်တွင် ကနီပြည်သူ့ကာကွယ်ရေးအဖွဲ့ (KLG) ၏ အပတ်စဉ် (၄) စစ်သင်တန်း ဆင်းပွဲ ပြုလုပ်ကြောင်း သိရသည်။ သင် တန်းဆင်းပွဲအား KLG နယ်မြေစိုးမိုးရာ ကနီနယ်ဒေသ တစ်နေရာတွင် ယမန်နေ့ ဇန်နဝါရီလ ၉ ရက်နေ့က ပြုလုပ်ခြင်း ဖြစ်သည်။ “ဒီတစ်ခေါက်တော့ နေရာနဲ့ ရိက္ခာ အကန့်အသတ်ကြောင့် တပ်ခွဲတစ်ခုစာ သင်တန်းပေးဖြစ်တာပါ၊ သင်တန်းတွေကတော့ ပိုပြီး စနစ်ကျလာပါတယ်၊ ဘာကြောင့်လည်းဆိုတော့ CDM စစ်သားတွေက ဦးဆောင်ပြီး သေချာ လေ့ကျင့်သင်ကြား ပေးထားလို့ ဖြစ်ပါတယ်” ဟု KLG ပြန်ကြားရေး တာဝန်ခံက ပြောသည်။

သင်တန်း တက်ရောက်ရန် အသက် (၁၈) နှစ်ပြည့်ပြီးရန် လိုအပ်ပြီး သင်တန်းတွင် စစ်နည်းဗျူဟာများအား အချိန်ဇယားနှင့် စနစ်တကျ သင် ကြားပေးကြောင်း ၎င်းကပြောသည်။ KLG မှ ထုတ်ပြန်ထားသော ရုပ်သံဖိုင်များတွင် သင်တန်းဆင်းပွဲ အခန်းအနား စစ်ချီတေးနှင့် ချီတက် စစ်ရေးပြ နေသည်ကို တွေ့ရပြီး နွေဦးတော်လှန်ရေးတွင် ကျဆုံးခဲ့သူများအား အလေးပြု သစ္စာဆိုသည်ကိုလည်း တွေ့ရသည်။အခန်းအနားတွင် ‘တော်လှန်ရေးသည် ငါတို့ကျောင်း ငါတို့တက္ကသိုလ်’ ဆိုသည့် PDF အလံတော်အောက်မှ ဆိုင်းပုဒ်နှင့်အတူ တော်လှန်ကြယ်နီ စာကြည့် တိုက် ဆောက်လုပ်ထားသည်ကိုလည်း တွေ့ရသည်။

စစ်ကိုင်းတိုင်း အတွင်းရှိ ကနီနယ်သည် နွေဦးတော်လှန်ရေး မြေပြန့်စစ်မျက်နှာ စဖွင့်ရာ ဒေသဟု ဆိုနိုင်ပြီး ယခုအချိန်တွင် စစ်သင်တန်းများအား ဒေသခံ PDF များ နယ်မြေစိုးမိုးရာ ဒေသများတွင် ပေါ်ပေါ်ထင်ထင်ပင် ပြုလုပ်လျက်ရှိသည်။ ဒေသခံ တောင်သူလယ်သမား အချို့သည် ၎င်းတို့ သားသမီးများအား စစ်သင်တန်းသို့ ကိုယ်တိုင်ကိုယ်ကျ လာရောက် အပ်နှံကြသကဲ့သို့ ၎င်းတို့တွင်ရှိသည့် ရိက္ခာများကိုလည်း PDF အဖွဲ့များထံ လာရောက် ပေးလှူကြသည်ဟု ကနီနယ်မှ PDF ခေါင်းဆောင်တစ်ဦးက ပြောသည်။ mizzima