မတူပီမြို့နယ်တွင် တိုက်ပွဲဖြစ်ပွါးရာစစ်ကောင် စီတပ်သား ၁၆ ဦးသေဟု ကာကွယ်ရေးတပ်ဖွဲ့ဆို
ချင်းပြည်နယ်၊ မတူပီမြို့နယ်၊ မတူပီ – မင်းတပ် လမ်းမပေါ်ရှိ ချန်ပြန်းရွာသစ်နှင့် ချန်ပြန်းရွာဟောင်းအကြား တိုက်ပွဲဖြစ်ပွါးရာ စစ်ကောင်စီတပ်မှ ၁၆ယောက်သေဆုံးကြောင်း ချင်းကာကွယ်ရေးတပ်ဖွဲ့ (မတူပီ) CDF – Matupi မှ ထုတ်ပြန်သည်။
ယနေ့ မတ်လ ၃၁ရက် နံနက် ၇နာရီ ၂၅မိနစ်တွင် တိုက်ပွဲစတင်ဖြစ်ပွားခဲ့ပြီး ၇နာရီ ၄၅မိနစ်တွင် စစ်ကောင်စီတပ်များ ဆုတ်ခွါသွားခဲ့ပြီနောက် ၉နာရီ ၁၀မိနစ်တွင် ဒုတိယအကြိမ် ထိုးစစ်ဆင်လာသဖြင့် တိုက်ပွဲပြင်းထန်ခဲ့ကြောင်းနှင့် ၎င်းတို့ဖက်မှ အထိအခိုက် မရှိကြောင်းဆိုသည်။
ယမန်နေ့ မတ်လ ၃၀ရက်နေ့လယ် ၁နာရီခန့်တွင် ကျောက်ထုမှ မတူပီမြို့သို့ အင်အား ဖြည့်တင်းရန်လာသော ယာဉ်တန်းအားကြိုရန် မတူပီအခြေစိုက် ခ.လ.ရ (၃၀၄) မှ အင်အား ၈၀ဖြင့် ဆင်းလာစဉ် မတူပီ – မင်းတပ်လမ်း လည်မျိုချောင်းဆုံ တစ်နေရာ တွင် CDF -Matupi ထောင်ထားသော မိုင်းနင်းမိ၍ စစ်ကောင်စီတပ်သားများ ထိခိုက် သေဆုံးမှုများရှိနိုင်ကြောင်း ထုတ်ပြန်ချက်တွင် ဖော်ပြထားသည်။
နောက်ဆုံးသတင်းရရှိချက်များအရ မတူပီအခြေစိုက် စစ်ကောင်စီတပ်ဖွဲ့၏ စစ်ဗျူဟာ တပ်ရင်းမှ ပြည်သူပိုင် ကျောက်သည်ကားများဖြင့် အင်အားအလုံးအရင်းဖြည့်တင်းနေကြောင်းဆိုသည်။mizzima
SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS 