SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS

စစ်အာဏာသိမ်းတဲ့ ၂၀၂၁ ခု ဖေဖော်ဝါရီ ၁ ရက်နေ့ကနေ အနှစ် ၂၀၂၂ ခု ဧပြီ ၃၀ ရက်နေ့အထိ ကရင်နီပြည်နယ်ထဲမှာ တိုက်ပွဲအကြိမ်ရေ  ၂၇၄  ကြိမ် စစ်ကောင်စီတပ်သား ၁၀၆၅ သေဆုံးပြီး ကရင်နီပူးပေါင်းတပ်ဘက်က ၁၁၆ ဦး ကျဆုံးခဲ့ကြောင်း ကရင်နီပြည်သူ့အင်အားစု (PKPF) က သတင်းထုတ်ပြန်ပါတယ်။

ဖြစ်ပွားခဲ့တဲ့ တိုက်ပွဲတွေအတွင်း စစ်ကောင်စီရဲ့ ယာဉ် ၃၁ စီး ပျက်စီးခဲ့ပြီး ဒီတိုက်ပွဲအတွင်း စစ်ကောင်စီဘက်က လေကြောင်းဖြင့် တိုက်ခိုက်မှု ၁၁၈ ကြိမ်ဖြစ်ပွားခဲ့တယ်လို့ ဖော်ပြပါတယ်။

တိုက်ပွဲနဲ့လေကြောင်း တိုက်ခိုက်မှုနောက်ဆက်တွဲကြောင့် အရပ်သား လူနေအိမ် ၁၀၁၀ ပျက်စီးသွားပြီး ဘာသာရေးအဆောက်အဦ ၁၇ လည်းပျက်စီးခဲ့ကြောင်း ဖော်ပြပါတယ်။

တိုက်ပွဲတွေကြောင့် အရပ်သား ပြည်သူ ၂၆၂ ဦး သေဆုံးခဲ့ရသလို လူပေါင်း ၂၃၁ ဦးလည်း မရားဖမ်းဆီးခံထားရကြောင်းလည်း PKPF စားရင်းမှာ ဖော်ပြထားပါတယ်။

 Data for Myanmar ရဲ့ထုတ်ပြန်ချက်အရ  ၂၀၂၁ ခုနှစ်၊ ဖေဖော်ဝါရီလ (၁) ရက်နေ့ကနေ ၂၀၂၂ ခုနှစ်၊ ဧပြီလ (၃၀) ရက်အတွင်း စစ်ကောင်စီတပ်နဲ့ လက်အောက်ခံအဖွဲ့အစည်းတွေက မီးရှို့လို့ ပျက်စီးသွားတဲ့ လူနေအိမ်ပေါင်း ခန့်မှန်းခြေ ၁၁,၄၁၇ လုံးရှိကြောင်း ဖော်ပြထားပါတယ်။

အဲဒီ ဖွစျစဉျတှဟော နရောပေါငျး (၂၉၆) နရောခနျ့မှာဖွစျပှားခဲ့တာ ဖွစျပွီး စစျကိုငျးတိုငျးဒသေကွီးမှာ နအေိမျ ရ၅၀၃ လုံးနဲ့ အမြားဆုံးမီးရှို့ဖကျစီးခံရကွောငျး ဖောျပွပါတယ်။

မကွေးတိုင်းမှာတော့ ၂၁၃၁ လုံး၊ ချင်းပြည်နယ်မှာ ၁၁၄၇ လုံး၊ ကယားပြည်နယ်မှာ ၄၀၇ လုံး  မီးရှို့ဖျက်ဆီးခံခဲ့ရကြောင်း ဖော်ပြထားပါတယ်။

ကရင်နီပြည်သူ့အင်အားစု (PKPF) က ထုတ်ပြန်တဲ့ စစ်ကောင်စီတပ်ဖွဲ့ဝင်တွေ ကျဆုံးတဲ့စာရင်းကို ဒီဗွီဘီက သီးခြားအတည်မပြုနိုင်သေးပါဘူး။DVB

အမျိုးသားညီညွတ်ရေးအစိုးရ (NUG) နဲ့ ချိတ်ဆက်ကာ ကြားကာလပညာရေးအတွက် ဖွင့်လှစ်နေ တဲ့ အခမဲ့အခြေခံပညာအဖွဲ့အစည်းတခုဖြစ်တဲ့ Free Online Educational Institution Myanmar (FOEIM) က တော်လှန်ရေးကျောင်းတကျောင်းကို လွတ်မြောက်နယ်မြေ ဒေသတခုမှာ စတင်ဖွင့်လှစ်လိုက်ပါတယ်။

FOEIM နဲ့ ဒေသခံပြည်သူတွေ ပူးပေါင်းကာ FOEIM School လို့ခေါ်တဲ့ ဒေသခံပြည်သူတွေ ကိုယ်ပိုင် လွတ်လပ်စွာ အုပ်ချုပ်တဲ့ (ဖက်ဒရယ်လမ်းစဉ်နဲ့အညီ) ပြည်သူ့ကျောင်းကို ဖွင့်လှစ်လိုက်တာဖြစ်ပြီး ကျောင်းသားဦးရေ ၁၀၀ နီးပါးကို စတင်ကာ အခမဲ့ စဉ်ဆက်မပြတ်ပညာရေးပေးနေပြီး သင်ကြားရေးမှာ လိုအပ်တဲ့ စာအုပ်တွေ၊ ဖတ်စာအုပ်တွေ၊ စာရေးကိရိယာတွေကိုလည်း အခမဲ့ ပေးခဲ့တယ်လို့ ထုတ်ပြန်ချက်မှာ ဖော်ပြပါတယ်။

FOEIM  ဟာ နွေဦးတော်လှန်ရေးကာလမှာ အခြေခံပညာ ကျောင်းသား၊ ကျောင်းသူတွေကို အွန်လိုင်းနဲ့ မြေပြင်မှတဆင့် စဉ်ဆက်မပြတ် ပ ညာရေးပေးကာ ကြားကာလ ပြည်သူ့ပညာရေး ယန္တရားကို ဖော်ဆောင်နေတဲ့ လူထုအဖွဲ့ အစည်းတခု၊ ဒါမှမဟုတ် တော်လှန်ရေးကျောင်းတခုဖြစ်တယ်လို့ ဆိုပါတယ်။

လတ်တလောမှာတော့ FOEIM ကနေ အခုနှစ် ၂၀၂၂-၂၀၂၃ ပညာသင်နှစ်အတွင်း ကျောင်းသားသစ်တွေ ခေါ်ယူသွားမှာဖြစ်ကာ ကျောင်းအပ်လက်ခံသွားမယ့် ရက်တွေနဲ့ စတင်တက်ရောက်ရမယ့် ရက်တွေကို ထုတ်ပြန်ထားပါတယ်။

ပြီးခဲ့တဲ့ ၂၀၂၁-၂၀၂၂ ပညာသင်နှစ်မှာ FOEIM ဟာ ကျောင်းသား၊ ကျောင်းသူတွေကို အွန်လိုင်းကတဆင့် ကြားကာလ အခြေခံပညာရေးကို စဉ်ဆက်မပြတ် ရရှိအောင် အခမဲ့ ပညာရေးရရှိစေဖို့ အစွမ်းကုန်ကြိုးစားခဲ့သလို၊ အခုလာမယ့် ပညာသင်နှစ်မှာလည်း အွန်လိုင်းကသာမက မြေ ပြင် မှာပါ စဉ်ဆက်မပြတ်ပညာရေးပေးစွမ်းနိုင်ဖို့ ကြိုးစားအကောင်အထည်ဖော်နေတယ်လို့ ဆိုပါတယ်။

ဒါကြောင့်မို့ FOEIM အနေနဲ့ ကြားကာလ အွန်လိုင်းပညာရေးနဲ့ ကြားကာလ မြေပြင်ပညာရေးဆိုပြီးတော့ ၂ မျိုးခွဲကာ သင်ရိုးသတ်မှတ်ပုံ၊ သင် ကြားရေးနဲ့ တတ်မြောက်မှုစစ်ဆေးခြင်းသတ်မှတ်ပုံတို့ကို ရေးဆွဲကာ ပိုမိုကောင်းမွန်တဲ့ ပညာ ရေးစနစ်ဖြစ်ပေါ်စေဖို့လည်း ကြိုးစားနေတယ်လို့ ဆိုပါတယ်။DVB

စစ်ကိုင်းတိုင်း၊ ချောင်းဦးမြို့နယ် ကင်းမွန်တော်ကျေးရွာတွင် ပျူစောထီးဟု ဆိုသူ ၁၂ ဦး မေလ ၁ ရက် မနက်ပိုင်းက အသတ်ခံခဲ့ရကြောင်း သိရသည်။

အဆိုပါ ပျူစောထီးဟု ဆိုသူများသည် ကင်မွန်းတော်ကျေးရွာမှ အမျိုးသမီး ငါးဦးနှင့် အမျိုးသား ခုနစ်ဦးတို့ ဖြစ်ကြောင်း သတ်ခဲ့သည့် တွေ့ရာသင်္ချိုင်း ဓါးမဆိုင်း ပြောက်ကျားတပ်ဖွဲ့က ထုတ်ပြန်သည်။

“ကင်မွန်းတော်ရွာက ပျူစောထီး ၁၂ ဦးကို သုတ်သင်ခဲ့တာ မှန်ပါတယ်” ဟု ၎င်းပြောက်ကျားတပ်ဖွဲ့ တာဝန်ရှိသူက အတည်ပြု ပြောဆိုသည်။

အသတ်ခံရသူ များမှာ ဒေါ်ယဉ်မာဌေး၊ ဒေါ်သွယ်ဇင်ဝင်း၊ ဒေါ်တင်တင်မော်၊ ဒေါ်စန်းညွန့်စိန်၊ ဒေါ်သက်နှင်းဝေ၊ ဦးကျော်ဆွေ၊ ဦးစိုးသန်း၊ ဦးသန့်ဇင်မင်း၊ ဦးဗျားကြီး၊ ဦးလှိုင်မျိုးထွန်း၊ ဦးဖိုးဇော်၊ ဦးငမင်း တို့ဖြစ်သည်ဟု သိရသည်။

အဆိုပါ သတ်ဖြတ်မှုအား တွေ့ရာသင်္ချိုင်းဓါးမဆိုင်း ပြောက်ကျားတပ်ဖွဲ့နှင့် ချောင်းဦး မဟာမိတ်အဖွဲ့တို့ ပူးပေါင်း ဆောင်ရွက်ခဲ့ကြောင်း ဆိုသည်။

အသတ်ခံရသူများသည် စစ်ကောင်စီတပ် လက်ဝေခံ ပျူစောထီးအဖွဲ့ဝင်များ ဖြစ်ကြောင်း မဇ္ဈိမ အနေဖြင့် သီးခြား အတည်ပြုနိုင်ခြင်း မရှိသေးပေ။

စစ်ကောင်စီတပ်ဖွဲ့ဝင်များ ပျူစောထီးများနှင့် ဒလန် သတင်းပေးများကို တစ်ရှိန်ထိုး ရှင်းလင်းသွားမည် ဖြစ်ကြောင်း ပြောက်ကျားတပ်၏ ကြေညာချက်တွင် ဖော်ပြထားသည်။mizzima

စေပိုင်ကုမ္ပဏီဥက္ကဋ္ဌ စီးပွားရေးလုပ်ငန်းရှင် ဦးမောင်ဝိတ်က ဒေါ်ခင်ကြည်ဖောင်ဒေးရှင်းကို လှူဒါန်းခဲ့တဲ့ ငွေကြေးတွေနဲ့ပတ်သက်ပြီး စစ်ကောင်စီက နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို စွဲဆိုထားတဲ့ အဂတိအမှုကို မေ ၂ ရက်နေ့က နေပြည်တော်၊ ဇမ္ဗူသီရိ အထူးတရားရုံးမှာ စတင်ကြားနာစစ်ဆေးခဲ့တယ်လို့ တရားရုံးနဲ့ နီးစပ်သူတွေက ပြောပါတယ်။ 

ဒီအမှုမှာ တရားလိုဖြစ်တဲ့ စစ်ကောင်စီလက်အောက်ခံ အဂတိလိုက်စားမှုတိုက်ဖျက်ရေးကော်မရှင် အဖွဲ့ဝင် ဦးရဲထက်ကို အထူးတရားရုံးမှာ စတင်စစ်ဆေးခဲ့ပြီး တရားလိုပြသက်သေ ဦးမောင်ဝိတ်ကတော့ နောက်ရုံးချိန်းကျမှ ထွက်ဆိုရမှာ ဖြစ်ပါတယ်။

တရားရုံးနဲ့ နီးစပ်သူတစ်ယောက်က  “ဦးမောင်ဝိတ် လှူတယ်ဆိုတဲ့ကိစ္စတွေကို စစ်တာ။ ဒေါ်ခင်ကြည် ဖောင်ဒေးရှင်းကို မောင်ဝိတ် လှူတဲ့ကိစ္စလေ။ ဦးမောင်ဝိတ်ကို မစစ်ရသေးဘူး။ တရားလို ဦးရဲထက်ကိုပဲ စစ်နေတာ” လို့ ပြောပါတယ်။

၂၀၂၁ ခုနှစ် ဖေဖော်ဝါရီ ၁ ရက်နေ့ စစ်အာဏာသိမ်းပြီးနောက် ထိန်းသိမ်းခံခဲ့ရသူတွေထဲမှာ NLD နဲ့ နီးစပ်သူတဦးဖြစ်တဲ့ လုပ်ငန်းရှင်ဦးမောင်ဝိတ်လည်း ပါဝင်ခဲ့ပြီး အာဏာသိမ်းခံရပြီးနောက် ၁ လအကြာမှာ ဦးမောင်ဝိတ်ရဲ့ ဒေါ်ခင်ကြည်ဖောင်ဒေးရှင်းအလှူငွေနဲ့ပတ်သက်တဲ့ ရုပ်သံဖိုင်တခုကို စစ်ကောင်စီဝါဒဖြန့် ရုပ်မြင်သံကြားကနေ သတင်းထုတ်ပြန်ခဲ့ပါတယ်။ 

အဲဒီရုပ်သံဖိုင်ထဲမှာ ဦးမောင်ဝိတ်က  ဒေါ်ခင်ကြည်ဖောင်ဒေးရှင်းကို အလှူငွေလှူဒါန်းခဲ့တယ်လို့ ပြောဆိုခဲ့ပါတယ်။ ပထမအကြိမ် သူ လှူဒါန်းတုန်းက ဘေးမှာ အသိသက်သေလုပ်ငန်းရှင်အချို့ ရှိခဲ့တယ်လို့ ဦးမောင်ဝိတ်က ထည့်သွင်းပြောဆိုခဲ့ပါတယ်။

ဦးမောင်ဝိတ်ဟာ မန္တလေးတိုင်းဝန်ကြီးချုပ် ဒေါက်တာဇော်မြင့်မောင်၊ နေပြည်တော်မြို့တော်ဝန် ဒေါက်တာမျိုးအောင်တို့ကို စွဲဆိုထားတဲ့ အဂ တိအမှုတွေမှာလည်း စစ်ကောင်စီက တရားလိုပြသက်သေအဖြစ် တင်သွင်းတာကို ခံခဲ့ရပါတယ်။

ဦးမောင်ဝိတ်ကတော့ အမျိုးသားဒီမိုကရေစီအဖွဲ့ချုပ် (NLD) နဲ့ပတ်သက်တဲ့ အမှုတွေအားလုံးမှာ သူ့ဘက်က လှူဒါန်းတာတွေသာ ဖြစ်တယ်လို့ တရားရုံးမှာ ထွက်ဆိုထားပါတယ်။DVB

စစ်ကိုင်းတိုင်း ခင်ဦးမြို့နယ် အင်းပတ်ရွာကို အကြမ်းဖက် စစ်တပ်က ယနေ့ မေလ ၂ရက်နေ့ နံနက် ၁၀နာရီ ၃၀မိနစ်တွင် ဝင်ရောက် စီးနင်းခဲ့ပြီး ရွာလုံးကျွတ် မီးတင်ရှို့နေကြောင်း ခင်ဦးမြို့နယ် သတင်းမှန်ပြန်ကြားရေး အဖွဲ့ထံမှ သိရသည်။

အကြမ်းဖက် စစ်တပ် စစ်ကြောင်းတွင် စစ်သား ၄၀ခန့်ပါဝင်ပြီး ကျေးရွာကို ဝင်ရောက် စီးနင်းပြီးနောက် မွန်းလွဲ ၁၂နာရီ ၃၀မိနစ်တွင် စတင် မီး ရှို့ဖျက်ဆီးနေခြင်း ဖြစ်ကြောင်းသိရသည်။

” ဒီနေ့ ၁၂နာရီ ၃၀ မိနစ်မှာ စစ်ခွေးတွေက အင်းပတ်ရွာကို စတင်မီးရှို့တယ်။ ၁နာရီ ၃၀ မိနစ်မှာ မီးခိုးပိုကြီး လာတာပဲရှိပါတယ်။ ငြိမ်းမဲ့သူမရှိရင် ရွာလုံးကျွတ်ပါပဲ။ အနီးအနားမှာ ရှိတဲ့ အင်တိုင်လေးရွာက စစ်ခွေးအဖွဲ့ခွဲလည်း ထပ်ရောက်နေတယ်။ ဖမ်းဆီးခံရသူတွေလည်း ရှိတယ်လို့သိတယ်” ဟု ခင်ဦးမြို့နယ် သတင်းမှန် ပြန်ကြားရေးအဖွဲ့မှ တာဝန်ရှိသူ တစ်ဦးကပြောဆိုသည်။

အလားတူ စစ်ကိုင်းတိုင်း အရာတော်မြို့နယ် မလဲသာကျေးရွာကို အကြမ်းဖက် စစ်တပ်က ယနေ့ မေလ ၂ ရက်နေ့ နံနက် ၁၁ နာရီခန့်တွင် မီးရှို့ဖျက်ဆီးနေကာ ရွာလုံးကျွတ် ထွက်ပြေး တိမ်းရှောင်ရကြောင်း ဒေသခံ ပြည်သူများက ရန်ကုန်ခေတ်သစ် မီဒီယာသို့ ပြောဆိုသည်။

အကြမ်းဖက် စစ်တပ်သည် ကျေးရွာ တောင်ပိုင်းနှင့် မြောက်ပိုင်းကို မီးရှို့နေကာ လက်နက်ကြီးများဖြင့်လည်း ပစ်ခတ်နေသောကြောင့် ရွာလုံး ကျွတ် ထွက်ပြေးလတိမ်းရှောင် နေရကြောင်း သိရသည်။

” အရာတော်မြို့နယ် မလဲသာ ကျေးရွာကို အကြမ်းဖက် စစ်ကောင်စီ လက်နက်ကိုင်တွေ မီးရှို့နေပြီ နံနက် ၁၁နာရီ လောက်က မီးရှို့နေတာ အခုတော့ ရွာလုံးကျွတ် ထွက်ပြေးနေရတယ်။ အင်အားများတယ် စစ်ခွေးတွေ ရွာတောင်ပိုင်းနဲ့ မြောက်ပိုင်းကို ပတ်ရှို့နေတာ လက်နက်ကြီးနဲ့လည်း ပစ်တယ်လို့ သိရပါတယ်။ ရွာသားတွေက အဝေးကနေ ကိုယ့်ရွာ မီးရှို့နေတာကိုကြည့်နေရတယ်”ဟု ဒေသခံ ပြည်သူများက ပြောဆိုသည်။khit thit

မန္တလေးတိုင်း ကျောက်ဆည်ခရိုင်အတွင်းမှာရှိတဲ့ ကျေးရွာတွေမှာ ရပ်ရွာလုံခြုံရေးသင်တန်းပေးဖို့ ရွာတရွာကို လူဦးရေ ၂၀ ပေးရမယ်ဆိုပြီး ဧပြီ ၂၉ ရက်မှာ စစ်ကောင်စီတပ်က အုပ်ချုပ်ရေးမှူးတွေကို ညွှန်ကြားသွားတယ်လို့ ဒေသခံတွေက ပြောပါတယ်။ 

ရပ်ရွာလုံခြုံရေးအတွက် တရွာကို လူဦးရေ ၂၀ နှုန်း သင်တန်း တက်ရောက်ရမှာဖြစ်ပြီး လစာပေးမယ်၊ လက်နက်ပေးမယ်၊ သူတို့ လိုအပ်ရင် ရှေတန်း ခေါ်မယ်ဆိုပြီး ပြောသွားတယ်လို့  ဆိုပါတယ်။

ဒေသခံတဦးက “ရိုးသားတဲ့ပြည်သူတွေကို အသုံးချပြီး နားလည်ပါးရိုက်လုပ်တာလို့ထင်တယ်။ ပထမတော့ စာရင်းပါသွားရင် ရပ်ရွာလုံခြုံရေးအတွက် သင်တန်းပေးမယ်၊ ပြီးရင်လိုအပ်တဲ့ နေရာခေါ်သုံးမယ်ဆိုတော့ ရိုးသားတဲ့ သူတွေရဲ့အသက်တွေနစ်နာတယ်” လို့ ​ပြောပါတယ်။

ကျေးရွာအတွင်းက လူဦးရေကို စာရင်းကောက်ခိုင်းထားပြီး မေ ၅ ရက်မှာ စာရင်းအပြီးတင်ဖို့ အုပ်ချုပ်ရေးမှူးတွေကို ညွှန်ကြားထားတယ်လို့ သိရပါတယ်။

ကျောက်ဆည်နဂါးနီ ပြောက်ကျားတပ်ဖွဲ့က တာဝန်ရှိသူတဦးက “စစ်ကောင်စီဘက်က လူတွေ​ခေါ်တယ်ဆိုတော့ ဒေသခံတွေကတော့ နှစ်ဖက်စလုံး ကြောက်နေေတာပေါ့။ မသိနားမလည်တဲ့ ပြည်သူတွေကို မထိခိုက်စေချင်ဘူး” လို့ ပြောပါတယ်။ 

စစ်ကောင်စီက ပေးအပ်မယ့် သင်တန်းကို တက်ရောက်ဖို့ လှုံ့ဆော်တဲ့ အုပ်ချုပ်ရေးမှူး၊ ရာအိမ်မှူးတွေနဲ့ မိသားစုဝင်တွေရဲ့ အသက်ကို တာဝန်ယူမှာ မဟုတ်ဘူးလို့ ကျောက်ဆည်နဂါးနီ ပြောက်ကျားတပ်ဖွဲ့က မေ ၂ ရက်မှာထုတ်ပြန်ပါတယ်။DVB

စစ်ကိုင်းတိုင်း၊ ချောင်းဦးမြို့နယ် နွယ်ခွေကျေးရွာ အနီးတွင် မူးယစ်ဆေးဝါး ရောင်းချနေသူ အမျိုးသားတစ်ဦးကို ဒေသကာကွယ်ရေး မဟုတ်မခံ တပ်ဖွဲ့က ဧပြီလ ၂၈ ရက် ညနေပိုင်းက ဖမ်းဆီးခဲ့ကြောင်း သိရသည်။

အသက် ၂၉ နှစ်အရွယ် ကိုကျော်ဇင်လင်း (ခ) ဝတုတ်ကို ဆိုင်ကယ်တစ်စီး စိတ်ကြွ မူးယစ်ဆေးဝါး ၁၉၈ ပြားနှင့် အတူ နွယ်ခွေကျေးရွာ အ နောက်ဘက် နွယ်ခွေဆည် အနီးတွင် ဖမ်းမိခဲ့ကြောင်း သိရသည်။

“အပြားက ၂၀၀ ပါတာ ။ နှစ်ပြားက အမှုန့်ဖြစ်နေတော့ ၁၉၈ ပြားပါ။ ကာလတန်ဖိုး လေးသိန်းလောက်ရှိမယ်။ နွယ်ခွေကျေးရွာကို လာရောင်းတာ။ သူက ချောင်းဦးမြို့ ပေါ်ကပဲ။ ဒေသခံ ပြည်သူက တိုင်လို့ ဖမ်းလိုက်တာပါ။ နွယ်ခွေဆည် နားမှာ သူက ကျွန်တော်တို့ အဖွဲ့ကို တွေ့တော့ ကြွပ်ကြွပ်အိတ်ကိုပစ်ပြီး ဆိုင်ကယ်နဲ့ နောက်ပြန် ပြေးတာ ဖမ်းမိတော့မှာ လွှင့်ပစ်လိုက်တာ မေးပြီး သူကို ပြန်ရှာခိုင်းရတာ၊ သူက သုံးလည်းသုံးတယ်။ ရောင်းလည်းရောင်းတယ် “ ဟု ဒေသကာကွယ်ရေး မဟုတ်မခံ အဖွဲ့ ခေါင်းဆောင် ကိုKP က ပြောသည်။

၄င်းကို ဧပြီလ ၂၈ ရက် ညပိုင်းက ချောင်းဦးမြို့နယ် ပကဖ အဖွဲ့ သို့ အပ်နှံလိုက်ကြောင်း သိရသည်။

ချောင်းဦးမြို့နယ်တွင် မူးယစ်ဆေးဝါးသုံးစွဲသူ ၊ ရောင်းဝယ်သူ အများအပြားရှိ​ကြောင်း လောင်းကစား ပြုလုပ်သူ များပြားနေကြာင်း ဒေသခံများက ပြောသည်။

“ပထမဆုံး သတိပေးတာ တို့ လုပ်ဆောင်ပါတယ်။ NUG လက်အောက်ကို အပ်လိုက်တယ်။ နောက်ထပ် မိရင်တော့ အပြစ်ပေးအရေးယူမူတွေ ဆက်လက် လုပ်ဆောင်ပါမယ် “ ဟု ဒေသကာကွယ်ရေးတပ် တာဝန်ရှိသူက သတိပေးထားသည်။mizzima

မတူပီမြို့မှ ပြန်လည်ထွက်ခွာလာသော စစ်ကောင်စီယာဉ်တန်းကို မင်းတပ်-မတူပီလမ်း တနေရာတွင် ယနေ့ မေလ ၂ ရက် နံနက်ပိုင်း၌ CDF မင်းတပ်က တိုက်ခိကိုက်ခဲ့ပြီး စစ်သား ၅ ဦး သေဆုံးကာ အများအပြား ဒဏ်ရာရကြောင်း သတင်းရရိသည်။

စစ်ကား ၇၇ စီးပါ အဆိုပါစစ်ကောင်စီယာဉ်တန်းကို ယနေ့ နံနက် ၇ နာရီနှင့် ၉ နာရီခွဲတွင် တိုက်ခိုက်ခဲ့ခြင်းဖြစ်ကြောင်း CDF မင်းတပ်ထံမှ သိရှိရဿည်။

စစ်သား ၃၀၀ ဦးဝန်းကျင် လိုက်ပါလာသော စစ်ယာဉ်တန်းကို ဧပြီလ ၃၀ ရက်နှင့် မေလ ၁ ရက်နေ့တွင် မင်းတပ်-မတူပီလမ်း မိုင်တိုင် ၇၀ နှင့် မိုင်တိုင် ၆၈ ၌ CDF မင်းတပ်က အကြိမ်ကြိမ်တိုက်ခိုက်ခဲ့ပြီး စစ်သား ၄ ဦးထက်မနည်းသေဆုံးကာ ဒဏ်ရာရရှိသူများလည်း ရှိကြောင်း သိရှိရသည်။

ဧပြီလ ၂၇ ရက်နေ့တွင် မတူပီဗျူဟာမှ ပြန်လည်ထွက်ခွာလာခဲ့သော အဆိုပါ ယာဉ်တန်းကို မတူပီမြို့နယ်အတွင်း၌ CDF မတူပီ က ဧပြီလ ၂၇ ရက်နှင့် ၂၈ ရက်တွင် တိုက်ခိုက်ခဲ့သေးပြီး စစ်သား ၁၅ ဦးသေဆုံးကာ အများအပြား ဒဏ်ရာရခဲ့သည်။khit thit