ကချင်အမျိုးသားကွန်ဂရက်ပါတီ ဥက္ကဋ္ဌကို မြစ်ကြီးနားအကျဉ်းထောင်သို့ လွှဲပြောင်း
ကချင်အမျိုးသားကွန်ဂရက်ပါတီ(KNC)ဥက္ကဋ္ဌ ဒေါက်တာအမ်ကောန်လကို နေပြည်တော်အကျဉ်းထောင် မှ မြစ်ကြီးနားအကျဉ်းထောင်သို့ မေ လ ၉ ရက်နေ့တွင် လွှဲပြောင်းကြောင်း KNC ပါတီထံက သိရသည်။
မြောက်ပိုင်းတိုင်း စစ်ဌာနချုပ် ဒုဗိုလ်မှုးကြီး သန်းထိုက်က တရာလိုပြုလုပ်၍ မြစ်ကြီးနားမြို့ အမှတ် (၁) မြို့မရဲစခန်းတွင်စွဲဆိုထားသည့်အမှုကိုရင်ဆိုင်ရန် အာဏာသိမ်းစစ်ကောင်စီ၏ အစီအစဥ်ဖြင့် မြစ်ကြီးနား မြို့သို့ ယမန်နေ့က ရောက်ရှိလာခြင်း ဖြစ်သည်။
ကချင်အမျိူးသားကွန်ဂရက်ပါတီ (KNဥက္ကဋ္ဌဒေါက်တာ အမ်ကောန်လသည် ပြီးခဲ့သည့် ၂၀၂၁ ခုနှစ် သြဂုတ်လ ၂၅ ရက်နေ့တွင် နေပြည်တော်၌ ဖမ်းဆီးထိန်းသိမ်းခံခဲ့ရခြင်းဖြစ်ပြီး ယခုနှစ် မတ်လ ၂၃ နေ့ရက်တွင် နေပြည်တော် ဇမ္ဗူသီရိ မြို့နယ် တရားရုံးက ပုဒ်မ ၅၀၅(က) ဖြင့် ထောင်ဒဏ် နှစ်နှစ် ပြစ်ဒဏ် ချမှတ်ခဲ့သည်။
ထို့အပြင် ဒေါက်တာအမ်ကောန်လသည် မြစ်ကြီးနားမြို့ အမှတ် (၁) မြို့မရဲစခန်းတွင်လည်း ပုဒ်မ ၅၀၅ (က) ဖြင့် ယမန်နှစ် သြဂုတ်လ ၂၆ ရက်နေ့က ထပ်မံ၍ အမှုဖွင့် စွဲဆို ခံထားရသည်။
ဒေါက်တာအမ်ကောန်လကို မြစ်ကြီးနား မြို့နယ်တရားရုံးတွင်လွဲပြောင်းမှု ပြီးဆုံးပြီးနောက် မြစ်ကြီးနား အကျဉ်းထောင်တွင်း၌သာ ဆက်လက်ထိန်းသိမ်းထားမည်ဖြစ်ပြီး မြစ်ကြီးနား အကျဉ်ထောင်တွင်းမှ နေ၍ စွဲဆိုထားသည့်အမှုကို ဆက်လက်ပြီးရင်ဆိုင်ရမည်ဖြစ်ကြောင်း ကချင်အ မျိုးသားကွန်ဂရက်ပါတီက သတင်းထုတ်ပြန် ထားသည်။ mizzima
SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS 