တရုတ်၌ ထောင်ကျနေသည့် မြန်မာ အယောက် ၁၇၀ ကို နယ်စပ်ဂိတ်မှ လွှဲပြောင်းပို့
တရုတ်နိုင်ငံ၌ အကြောင်း အမျိုးမျိုးဖြင့် ထောင်ဒဏ်ကျနေသည့် မြန်မာနိုင်ငံသား အယောက် ၁၇၀ ကို ယမန်နေ့တွင် နယ်စပ်ဂိတ်မှ တစ်ဆင့် မြန်မာဘက်သို့ လွှဲပြောင်း ပေးခဲ့သည်။
ရှမ်းပြည်မြောက်ပိုင်း မူဆယ်မြို့ မူဆယ်-ကျယ်ဂေါင်ဂိတ် နန်းတော်ပေါက်မှ တစ်ဆင့် အမျိုးသား ၁၁၆ ဦး ၊ အမျိုးသမီး ၅၄ ဦးကို လွှဲပြောင်း ပေးခဲ့ခြင်း ဖြစ်သည်။
လွှဲပြောင်း ပေးလာသည့် မြန်မာနိုင်ငံသားများသည် တရုတ်နိုင်ငံ ကွမ်တုံးပြည်နယ် ကွေ့ကျိုးမြို့ ဟွေ့ရန် အကျဉ်းထောင်မှ ဖြစ်ကြောင်း မြန်မာ နိုင်ငံသားများကို ကူညီ ပေးနေ သူများ ထံက သိရသည်။
ကိုဗစ် ကပ်ရောဂါ ပထမလှိုင်းမှ တတိယလှိုင်းအထိ တရုတ်ရောက် မြန်မာလုပ်သားများကို လွှဲပြောင်း ပေးနေခဲ့ပြီး ကပ်ရောဂါ ပြင်းထန်လာမှုကြောင့် ဆိုင်းငံ့ ထားရကာ ယခုနှစ်အတွင်း နယ်စပ်ဂိတ်မှ တစ်ဆင့် ပထမဆုံးအကြိမ် ပြန်လည် လွှဲပြောင်း ပို့ဆောင်ပေးခြင်း ဖြစ်သည်။mizzima
SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS 