ပုသိမ်တွင် စစ်ကောင်စီတပ်နှင့်ရဲများလုံခြုံရေးယူ၍ စစ်တပ်ထောက်ခံပွဲပြုလုပ်
ဧရာဝတီတိုင်း ပုသိမ်မြို့ ကန်သုံးဆင့်ကွင်းတွင် ယနေ့ မေလ ၂၉ ရက်နေ့ နံနက်ပိုင်းက စစ်ကောင်စီတပ် များနှင့်ရဲများက လက်နက်အပြည့်အစုံဖြင့်လုံခြုံရေးယူ၍ စစ်တပ်ထောက်ခံပွဲပြုလုပ်ခဲ့ကြောင်း ဒေသခံ များထံမှ သိရသည်။
အဆိုပါထောက်ခံပွဲတွင် ပုသိမ်မြို့နယ်အတွင်းမှ ကြံခိုင်ရေးပါတီဝင်များ၊ ပျူစောထီးအဖွဲ့ဝင်များနှင့် စစ်မှု ထမ်းဟောင်းများပါဝင်ခဲ့ကြပြီး အ မျိုးသားညီညွတ်ရေးအစိုးရ(NUG)နှင့် ပြည်သူ့ကာကွယ်ရေးတပ်ဖွဲ့ (PDF)များအပေါ် သွေးခွဲစကားများပြောကြား၍ အချိန်တစ်နာရီကျော်ကြာပြုလုပ်ခဲ့ကြသည်ဟု ဒေသခံ တစ်ဦးကဆိုသည်။
“စစ်တပ်ကောင်းကြောင်းတွေကို မဟုတ်မမှန်တွေပြောပြီး မင်းအောင်လှိုင်ကို အလေးပြုကြတယ်။ ပြီး တော့ NUG နဲ့ PDF တွေကို သွေးကွဲစေတဲ့စကားတွေပြောပြီး တပ်ထောက်ခံပွဲလုပ်ခဲ့ကြတာပါ။ ပုသိမ် မြို့ပေါ်က စစ်တပ်ထောက်ခံတဲ့လူတွေကိုတောင် ကွင်းထဲကိုအဝင်မခံဘူး။ သူတို့ခေါ်ထားတဲ့လူတွေနဲ့ပဲ ထောက်ခံပွဲလုပ်သွားကြတယ်” ဟု အဆိုပါဒေသခံက ပြောသည်။
တပ်ထောက်ခံပွဲပြုလုပ်နေစဉ် အချိန်တွင် စစ်ကောင်စီတပ်များနှင့် ရဲများက ကန်သုံးဆင့်ကွင်းအတွင်း လက်နက်အင်အားများဖြင့် လုံခြုံရေးယူပေးထားကြောင်း ဒေသခံများထံက သိရသည်။
မတရားအာဏာသိမ်းယူပြီးနောက်ပိုင်း စစ်အာဏာရှင်အလိုမရှိကြောင်းပြသခဲ့သည့် ဆန္ဒပြပွဲများကို မြန်မာတစ်နိုင်ငံလုံးအတိုင်းအတာနှင့်ပြု လုပ် ခဲ့စဉ်က စစ်ကောင်စီတပ်နှင့်ရဲများသည် ဆန္ဒပြပြည်သူများ ကို အကြမ်းဖက်ပစ်ခတ်ဖမ်းဆီးမှုများပြုလုပ်ခဲ့သည်။
ပုသိမ်မြို့တွင် ယနေ့ ပြုလုပ်သည့် စစ်တပ်ထောက်ခံပွဲကိုမူ စစ်ကောင်စီတပ်နှင့်ရဲများက လုံခြုံရေးယူ၍ ပြုလုပ်ခဲ့သည်။ mizzima
SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS 