ကန်ပက်လက်တွင် တိုက်ပွဲပြင်းထန်၊ စစ်ကောင်စီတပ်သား ၆ ဦးခန့်သေဆုံး

ချင်းပြည်နယ်၊ ကန်ပက်လက်မြို့နယ်မှာ ဇွန် ၁၁ ရက်က CDF-ကန်ပက်လက် ညီနောင်မဟာမိတ်ပူးပေါင်းတပ်ဖွဲ့တွေနဲ့ စစ်ကောင်စီတပ်တွေ တနေကုန်နီးပါး တိုက်ပွဲပြင်းထန် ဖြစ်ပွားခဲ့ပြီး စစ်ကောင်စီဘက်က အနည်းဆုံး ၆ ယောက်လောက်သေဆုံးခဲ့တယ်လို့ CDF-ကန်ပက်လက်ကနေ သိရပါတယ်။

မနေ့ မနက် ၇ နာရီလောက်မှာ CDF-ကန်ပက်လက် တပ်ရင်း(၂)Vakok တပ်ရင်းမှာ ဝင်ရောက်နေရာယူထားတဲ့ စစ်ကောင်စီတပ်တွေဆီကို ချည်းကပ်ပြီး အပြင်ထွက်လာတဲ့  စစ်သား ၃ ယောက်ကို ပစ်သတ်နိုင်ခဲ့တယ်လို့ CDF-ကန်ပက်လက်ရဲ့ တပ်မဟာမှူး ကိုရှိန်းထန်းက ပြောပါတယ်။

အဲဒီနောက်ပိုင်း စစ်ကောင်စီတပ်သားတွေဟာ စခန်းအပြင်ကို ထွက်မလာရဲတော့ဘဲ ကတုတ်ကျင်းတွေမှာ အကုန်ဝင်ပုန်းနေလို့ ညီနောင်မ ဟာမိတ်တပ်ဖွဲ့တွေနဲ့ ပူးပေါင်းပြီး ဒရုန်းနဲ့ ဗုံးကြဲတာတွေ၊ လက်လုပ်လက်နက်ကြီးတွေနဲ့ ပစ်ခတ်တိုက်ခိုက်ပြီး  စစ်ကောင်စီတပ်တွေ အပြင်ထွက်မလာနိုင်အောင်ပိတ်ဆို့နိုင်ခဲ့တယ်လို့ ဆိုပါတယ်။

တပ်ရင်း(၂)မှာပိတ်မိနေတဲ့ စစ်ကောင်စီတပ်တွေကို မြို့ထဲမှာတပ်စွဲထားတဲ့ စစ်ကောင်စီတပ်အင်အား ၁၀၀ လောက်က စစ်ကူပေးဖို့ထွက်လာတဲ့အကြောင်းနဲ့ CDF- တပ်တွေက မြို့ထဲကိုပြန်ဝင်ပြီး မနက်  ၁၁ နာရီခွဲလောက်မှာ ထိတွေ့တိုက်ပွဲ ဖြစ်ပွားခဲ့တယ်လို့ သိရပါတယ်။

ဒါအပြင် ကတင်းချောင်းနားမှာ ညနေ ၃ နာရီခွဲ လောက်ကနေ ၄ နာရီလောက်ထိ တိုက်ပွဲ တစ်ကြိမ်ထပ်ဖြစ်ခဲ့ပြီး တပ်ကူလိုက်လာတဲ့ စစ်ကောင်စီတပ်တွေ ညနေ ၅နာရီလောက်မှာ နောက်ကြောင်းပြန်လှည့်ပြီး မြို့ထဲကို ပြန်ဝင်သွားကြတယ် လို့ဆိုပါတယ်။

နှစ်ဘက်တိုက်ပွဲတွေအတွင်းမှာ စစ်ကောင်စီတပ်ဘက်က အနည်းဆုံး၆ ယောက်လောက် သေဆုံးကာ ဒဏ်ရာရသူတွေလည်းရှိပြီး မဟာမိတ်တပ်ဖွဲ့က ရဲဘော်တွေ အထိခိုက်အကျဆုံး မရှိခဲ့ ဘူးလို့ တပ်မဟာမှူး ကိုရှိန်းထန်းက ပြောပါတယ်။

“ကျနော်တို့ CDF-ကန်ပက်လက်က မြန်မာ့ဦးတော်လှန်ရေးသမိုင်းမှာ မင်းတပ်ပြီးရင် ဒုတိယမြောက် လက်နက်ကိုင်တိုက်ပွဲဝင်တဲ့တပ်ဖွဲ့ ဖြစ်ပြီး တိုက်ပွဲအကြိမ်ရေဟာလည်း အနည်းဆုံး ၇၀ ကျော်ခဲ့ ပြီ။ ဒါပေမဲ့ NUG/MOD က ကျနော်တို့ကို လက်နက်တပ်ဆင်ပေးတာတို့ ကျည်ဆန် ပံ့ပိုးပေးတာတို့မရှိသေးဘူးဗျ။ အဓိက အခက်ခဲကတော့ ကျည်ဆန်ကုန်တဲ့ အခက်အခဲပဲ။စ ခန်းတွေမကြာခဏ လက်လွှက်လိုက်ရတာလည်း လက် နက်အင်အားမပြည့်စုံလို့ ကျည်ဆန်မလုံလောက်လို့ စွန့်လွှတ်ခဲ့ရတာ။”

NUG ကာကွယ်ရေးဌာနကို လက်နက်ခဲယမ်းဖြည့်ဆည်းပေးဖို့ အကူအညီတောင်းထားပေမဲ့ ယနေ့အချိန်ထိ ဖြည့်ဆည်းပေးတာမရှိသေးကြောင်း နဲ့ ပြည်တွင်းပြည်ပအလှူရှင်တွေအနေနဲ့ လက်နက်ခဲယမ်းဖြည့်တင်းနိုင်ဖို့ ကူညီပံ့ပိုးပေးကြဖို့ကိုလည်း  CDF-ကန်ပက်လက်က အကူညီ တောင်းခံထားပါတယ်။

ကန်ပက်လက်မြို့နယ်မှာ ဇွန် ၁၀ ရက် မနက်ပိုင်းနဲ့ ညနေပိုင်းတွေမှာလည်း စစ်ကောင်စီတပ်တွေနဲ့ ဒေသကာကွယ်ရေးမဟာမိတ်တပ်တွေ တိုက် ပွဲအပြင်းအထန်ဖြစ်ပွားကာ စစ်ကောင်စီဘက်က ၁၅ ယောက်ထက်မနည်းသေဆုံးပြီး ၃၀ လောက်ဒဏ်ရာရရှိခဲ့ပါတယ်။

အဲဒီတိုက်ပွဲကိုCDF-ကန်ပက်လက် ၊ PDF-ဆော တပ်ရင်း(၂)YRPA၊ The Youth Force နဲ့ ညောင်းရမ်း-PDFတို့ ညီနောင်မဟာမိတ် တပ်ဖွဲ့ ၄ ဖွဲ့ ပူးပေါင်းပြီး တိုက်ခိုက်ခဲ့ကြတာလို့ သိရပါတယ်။

တိုက်ပွဲအတွင်းမှာ စစ်ကောင်စီတပ်သားသေဆုံးတဲ့ အခြေအနေကို သီးခြား အတည်မပြုနိုင်သေးသလို စစ်ကောင်စီဘက်ကလည်း သတင်းထုတ်ပြန်ထားတာ မတွေ့ရ သေးပါဘူး။ DVB

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s