ချောင်းမီးတိုကျေးရွာ မီးရှို့ခံရမှု ဒေသခံ ၂ ဦး မီးလောင်ဒဏ်ရာရပြီး စစ်တပ်၏ ပစ်ခတ်မှုကြောင့် ဒေသခံ ၂ ဦးဒဏ်ရာရ

စစ်ကိုင်းတိုင်း၊ဝက်လက်မြို့နယ်၊ချောင်းမီးတိုကျေးရွာကို စစ်တပ်က မီးရှို့ဖျက်ဆီးခဲ့ပြီး မီးရှို့ခံရစဥ် ထွက်ပြေးသည့် ဒေသခံများကိုလည်း သေနတ်ဖြင့် ပစ်ခတ်ခဲ့ကြောင်း ဒေသခံများထံက သိရသည်။

ယမန်နေ့ ဇွန်လ ၈ရက်နေ့ ညနေပိုင်းက စစ်တပ်ကအရပ်ဝတ်၊ အိမ်စီးကားများနှင့် အယောင်ဆောင်ကာ ဝင်ရောက်လာပြီး ပစ်ခတ်ကာ ကျေး ရွာကို မီးရှို့ဖျက်ဆီးခဲ့ခြင်း ဖြစ်သည်။ မီးလောင်မှုကြောင့် သက်ကြီးရွယ်အို အမျိုးသမီးနှစ်ဦး ထိခိုက်ဒဏ်ရာရရှိခဲ့ကြောင်း သိရသည်။
ထို့နောက် ည ၈နာရီခွဲခန့်တွင် ဒေသခံကာကွယ်ရေးတပ်ဖွဲ့နှင့် တိုက်ပွဲဖြစ်ပွားခဲ့ပြီး ကာကွယ်ရေးတပ်ဖွဲ့ဖက်မှ နှစ်ဦးကျဆုံးကာ ဒဏ်ရာရသူများရှိခဲ့ကြောင်း ကာကွယ်ရေးတပ်ဖွဲ့ဝင် တချို့ထံက သိရသည်။

“ကင်းပုန်းချပြီးပစ်တာ၊ ရွာထဲကထွက်ပြေးလာတဲ့ ဒေသခံနှစ်ယောက်လည်း ဒဏ်ရာရတယ်၊ ရွာကတော့ ရွာလုံးကျွတ်နီးပါး ပျက်စီးသွားတယ် “ဟု ကာကွယ်ရေးတပ်ဖွဲ့ဝင်တစ်ဦးက ဆိုသည်။

မီးရှို့ဖျက်ဆီးခံရမှုကြောင့် ဒေသခံများ အရေးပေါ်စားသောက်စရာများလိုအပ်နေပြီး ရွာသားအများစုမှာ ကျေးရွာအတွင်း ပြန်မဝင်ရဲဘဲ တော စပ်များတွင် ဖြစ်သလိုနေထိုင်နေရကြောင်း သိရသည်။mizzima

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s